牛摩 (荃灣千色匯I) (Under Renovation)

荃灣係一個好方便嘅地方，荃灣千色店陣間去荃灣嘅中心點，行街睇戲食飯都可以做到，今日同個朋友行完街去咗牛摩打邊爐。店面好大，好闊落，樓底非常高，啱晒一大班朋友黎。區分幾個唔同價錢任食任飲，我哋揀咗prime 套餐。任食部份有好多唔同選擇，所有蔬菜蔬果丸類，錢財甜品，雪糕飲品等等，全部都可以任食麻辣鴨血湯底/ 博多美人骨膠啫喱雞白湯湯底一人一鍋，自己鍾意食咩味都可以，麻辣鴨血湯底唔算太辣，但麻辣味香。骨膠啫喱非常好食，雞湯好香濃，屬於高質素之選。牛肉非常之好食，屬於高質素牛，肉味濃。豚肉都非常之出色，豚肉味好濃，又唔會好鞋，非常好食。除咗食物好味之外，服務質素一流，職員都好有耐性講嘢，而且上菜速度快，好勤力。總體性價比非常之高，好抵食，值得推介。

黎到荃灣嘅市中心想打邊爐但見到大鴻輝中心要排隊條龍 有啲卻步於是就去咗隔離嘅千色匯入邊有間日式嘅任食火鍋毫不猶豫就入咗去啦同其他餐廳一樣都係以牛肉嘅等級黎分價錢有美國嘅牛肉，亦都有日本嘅和牛豐儉由人咁我就揀咗中間嘅等級美國IBP牛板腱 套餐加錢配咗麻辣鴨血湯底 同埋博多美人骨膠原雞湯 麻辣鴨血湯底入邊 係真係有鴨血嘅而鴨血亦都唔腥 非常之彈牙骨膠原雞湯 望住牛魔個公仔慢慢咁溶化之後就係好膠嘅白色湯底 充滿膠質亦都好濃厚嘅雞湯味呢度係有得選擇一人一鍋定還是一個大鍋嘅非常之有彈性一人一鍋嘅好處就係可以試多啲唔同嘅湯底點樣湯底之後 就可以出去自助區度攞嘢食啦呢度有齊晒火鍋配料 飲品甜品 雪糕同埋醬料最特別嘅係 呢度嘅飲品 唔係剩係得支裝罐裝飲品 佢有鮮果汁同埋沙冰 當然如果加錢另叫仲有啤酒選擇 飲品比坊間嘅火鍋店，更加多選擇同出色 火鍋配料放喺個大雪櫃個雪櫃凍到係見到出晒煙嘅 保持新鮮同衛生 呢度最特別嘅配料就係有苦瓜 我都係第一次打邊爐用苦瓜 食落甘苦另外仲有豆皮結 襯晒麻辣湯底 丸類除咗大路嘅牛丸，豬肉丸，墨魚丸，龍蝦丸 仲有我最愛嘅薯來寶 即係魚蛋包住年糕除咗火鍋配料，亦另外亦都有沙

天氣開始轉涼，打邊爐放題就啱晒，今次嚟到荃灣嘅牛摩，揀咗SRF美國和牛套餐，晚市$279/位，可揀選嘅食物好多，唔同部位嘅豬、牛、羊同雞，特別嘅丸類，鴨血、海鮮等，款款都好吸引SRF美國和牛、特選美國牛肩胛同牛舌牛味都好香濃，油脂比例好，口感一流，牛舌就好爽口，其他肉類美國IBP牛板腱、美國極上黑豚肉等等都好正湯底我哋揀咗壽喜燒同麻辣鴨血湯，一次過食晒日本同台灣嘅風味，兩款湯底嘅甜同辣度都啱啱好，惹味得嚟唔膩仲有好多款自助嘅食材，新鮮嘅蔬菜、瓜類、豆製品、丸類、拉麵、烏冬等，選擇好多海鮮亦好新鮮，帆立貝、青口、蝦、魷魚等，洗得又乾淨，爽口彈牙自助區食材擺得又整齊又乾淨仲有沙律、壽司、各式甜品等，樣樣都吸引同想試仲有勁多配料嘅雪糕、沙冰、咖啡同唔同嘅茶類，仲有果汁，照顧晒唔同口味嘅人仲有極多樽裝同罐裝飲品，唔想飲甜嘢都大把嘢揀牛摩提供幾款唔同嘅套餐俾客人揀，追加單點嘅項目亦好多裝修又新又靚，好多好得意嘅畫，座位又闊，坐得好舒服，侍應做嘢亦好爽手，服務都好好，性價比高，值得一試

放工後約了媽咪一起打邊爐，現時晚上的天氣有小許秋涼，打邊爐就岩曬啦！今次嘗試了港式番茄薯仔湯以及關東風壽喜燒湯底，番薯味好出，岩曬番茄發燒友！反而壽喜燒湯底則稍遜，些少偏咸，加了第二次湯後則岩岩好！點了牛肩胛套餐，牛肩胛肥瘦均勻，而且切得非常薄，水滾後大約10秒度便可入口，粉嫩粉嫩地，食落去岩岩好，完全不會過老，更能帶出牛的鮮味～另外，係蔬菜類別方面，種類頗多，有我喜歡的菇類，尤其是金針菇，配合壽喜燒湯底，簡直是絕配。整體餐廳的環境舒適，地方空間寬闊，五點半到完全不用排隊便可以直接入內！

同朋友行街，夜晚第一時間都係諗到打邊爐。我哋揀咗$279一個人嘅套餐，可以任食srf美國和牛。湯底朋友 order咗一個蟲草花雞白湯，我就要壽喜燒，壽喜燒湯底另外配咗可食用嘅生雞蛋。另外都有唔少都係前菜，例如係泡菜，蘿蔔條，壽司，沙律。飲品都有10幾款嘅選擇。肉類，海鮮，特別嘅丸類，例如係牛丸，可以喺Online落單，都冇出現漏單情況。出邊任食區域，都有唔少選擇。有最鍾意食嘅 萵筍，芽菜，豆腐，仲有拉麵。最鍾意呢度可以食埋牛舌，入口嫩滑，唔會咬唔開。srf 美國和牛，重牛味，軟身，最鍾意食呢隻， encore左幾次。海鮮都好新鮮，唔會腥，海蝦爽口，有蝦膏😎。食完主食，一定要食返個雪糕。有原味嘅轉落雪糕，仲有唔少配料，例如係朱古力豆，可可脆片，可以加落去個雪糕度。買單都係$600左右，性價比高，啱晒食肉獸。

放工嚟荃灣食飯，朋友知我鐘意打邊爐，就帶我嚟試試呢間牛摩，可以一人一鍋自選湯底。湯底有好多款，有港式沙爹，日式豚骨等等，款款都好吸引，店員見我哋選擇困難，推介我哋試試博多美人骨膠原啫喱雞白湯。我哋選擇咗一個中價的美國IBR牛板腱餐。湯底是啫喱狀，有個笑臉好有趣！肉類Scan QR code落單，我哋豬牛每款都點小小試下，好驚喜有牛舌同羊肉卷。海鮮點了青口，帆立貝同魷魚仔，新鮮爽口，店員好快手上齊餐點。牛板腱同牛肩肉都肉質靚，牛肉味濃，好好食；牛舌一淥就食得，夠淋唔難咬開，我哋不停encore! 朋友怕騷味唔食羊肉，好彩一人一鍋，我可以獨食～醬料、飲品、冷盤、蔬菜，丸類及甜品都係自助，醬料有韓式辣醬好特別。丸類推介麻辣湯包，外面少見，麻辣味香濃。冷盤有韓國泡菜，蟹柳壽司等。飲品選了道地翡翠檸檬綠茶同荔枝紅茶，好欣賞呢間店張貼告示，走飲管，夠晒環保♻️❤️🌍甜品每款都試試，味道不錯。最想讚讚店員十分有禮，上菜速度快，無漏單，主動加湯收碟。

今晚無乜頭緒唔知食咩好，就去牛摩食個糧尾火鍋-特選牛肩胛套餐 90分鐘$189加一星期六日好多人排隊，幸好今晚有位即入😁出面有蔬菜類、丸類供應、三文魚壽司仲有韓式餃子，飲品選擇都多，有茶、可樂、果汁沙冰，雲尼拿雪糕等等… 叫咗壽喜燒+博多美人骨膠原啫喱雞白湯底+$18 手機落單除咗有基本肉類仲多咗韓國小食，有韓式牛肉位，韓式無骨炸雞，韓式炸粉絲 太肚餓啦樣樣都嚟兩件先 湯底到啦 個啫喱湯底好得意，真係以啫喱狀態上鍋，成件事特別咗🤣味道就一般牛牛都嚟啦，肥瘦適中，味道正常。牛牛浸壽喜燒湯再沾蛋漿好食，不過壽喜燒湯再濃多些少就完美啦～～韓國小食都到啦，都係炸返熱上枱，正常都好味😋太飽啦無食到甜品就走整體：糧尾邊爐之選，牛肉質素都正常👅

偶爾收工得閒就走去打下邊爐，今次就嚟到牛摩食佢個晚市90分鐘放題。我地就揀左個SRF美國和牛放題套餐，套餐嘅食物選擇都幾豐富下，未開始食，淨係望下個餐牌都流哂口水。湯底可以揀做鴛鴦湯底，我地就分別揀左「關東風壽喜燒」同埋「博多美人骨膠原啫哩雞白湯」。呢兩個湯底嘅味道都唔算濃味，而且佢地配起牛肉黎食，係兩種風味！壽喜燒因爲會有生雞蛋，沾起黎食更加惹味！而雞白湯就比較滋補，內含骨膠原，配上肉類入口就更突岀到肉質嘅軟嫩！叫得SRF美國和牛放題套餐，最值得推荐嘅，一定係呢個SRF和牛！特選美國牛肩胛由於牛肩胛嘅筋絡部分較多，佢唔同嘅筋連埋一齊，增加成塊牛嘅口感，更加有咬口，同鮮嫩嘅SRF和牛形成一個強烈嘅對比！牛舌至於佢嘅牛舌都好正，厚度適中，方便入口，而且肉質爽口。美國極上黑豚肉佢嘅黑豚肉肉質鮮嫩爽口，每一塊黑豚肉都好易入口，唔會過份煙韌。正因為佢肉質柔軟，所以提升左黑豚肉嘅口感。海蝦/青口/魷魚仔/帆立貝作為海鮮嚟講，呢度全部都好新鮮，已經值得加好多分。尤其是佢嘅海蝦肉質夠實有咬口，魷魚仔夠堅韌有嚼頭，叫多幾次都值得！壽喜燒湯底好正！好推薦！溫泉蛋都可以免費追加！重有好多款唔同既小食好多款

我最鍾意食任食嘅火鍋因為選擇眾多所以一有新店開張我都會去試吓今日嚟到荃灣呢間牛魔，環境都好舒適，地方夠闊落，燈光有足夠，坐得都好舒服任食火鍋最啱我，我和朋友點了一個牛板腱任食火鍋餐，有很多選擇，有美國IBP牛板腱，特選美國牛肩胛，牛舌，羊肉卷，豚肉，雞肉，鴨血，溫泉蛋，半殼青口，魷魚仔，帆立貝，小食和炸物等。先點火煱湯底再用電話自助落單選食材 另外有自助吧拿飲品,小食,蔬菜,肉丸等 鍋底未熱就先去拿食材同落單 爭取時間拿食，食，食湯底我點了沙嗲湯和豆腐泡菜湯，沙嗲湯底香濃我比較喜歡，加埋出面嘅配料芫荽蔥花蒜頭豉油，味道非常足夠最好食有驚喜係牛板腱切片 平時食牛扒就食得多,切片做火鍋一樣咁正 肉質細緻有彈性,肉味濃而不膩少脂肪，今餐主力食牛，質素也相當高，性價比很高。羊肉都很好味，帶一點羶，也不錯。豚肉肥瘦均勻，入口細嫩，所以我都食多幾片蔬菜款式多 肉丸也多選擇。最後唔少得甜品和雪糕，味道仲有咁多款，總有一款啱我今餐非常滿足，會有下一次。

尋晚好想打邊邊，又肚餓，係荃灣揀咗間放題邊爐食，叫做「牛摩」，見係連鎖店有信心保證😆地點係眾安街千色匯，交通都非常方便叫左牛肩胛放題，$189每人一個湯底，我試左蟲草花雞白湯底，老公試左蕃茄薯仔湯底，兩個湯底都幾入味，用嚟食菜一流🤣🤣套餐雖然只係百幾蚊，但店內都算多野選擇食，有好多菜類，啱晒我鍾意食多款菜又唔食得多嘅人🤭 除左菜類仲有好多丸，我最愛係芝士丸，食左十粒都有😂 連個飲品櫃都多選擇到暈，超過二十款野飲，飲左三款都夠皮，正👍🏼 牛方面，牛肩胛正常水準，想食靚d嘅牛當然有d貴d嘅套餐比你選擇啦，見隔離枱食果款牛都好靚，下次可以試試🤪 最後，食埋個雪糕甜品飽到捧住個肚走🤩🤩可以話性價比高👍🏻

食盡荃灣之日式 — 牛摩 ————————————————早兩日得知星期五會打八號風球第日唔洗番工，收咗工當然要開心咁去#打邊爐 開心一下啦！ 近近哋就揀咗喺荃灣嘅牛摩，佢係#火鍋 #放題， 有唔同嘅套餐可以選擇， 所以今次就揀咗佢嘅牛頸脊海鮮放題啦！牛頸脊海鮮放題算係佢哋最齊全嘅放題， 咁當然主要都係係咁order佢嘅牛頸脊啦， 肉嘅紋理清晰，脂肪比例均勻，上菜嘅速度唔算話好快，但係大概十分鐘內都會收到， 因為佢係手機點餐，所以都好方便，唔使係咁叫侍應佢嘅嘢飲吧種類繁多有過十款嘢飲， 另外當然仲有自助嘅醬料區甜品區雪糕機，同埋多款蔬菜火鍋配料啦💭Overall comment:當日大概七點左右入座，唔需要等位， 店內侍應人數足夠，環境乾淨企理，燈光明亮， 有大枱適合朋友聚會，亦都有卡位適合情侶拍拖或單人放題

之後已經吃過荃灣分店的牛摩，今次帶媽媽來吃任食火鍋。不同時段、不同餐種的價錢都是不一樣的。今次選了「特選美國牛肩胛」放題，17:00-21:00入座成人$189，小童/長者 $149。21:00後入座成人$149，小童/長者 $119。自助區有甜品，有泡芙、涼粉、布甸、茶果等。飲品種類繁多，有茶、汽水、果汁、水等。更有沙冰、朱古力、咖啡、雪糕機。今次湯底點了壽喜燒和港式番茄薯仔湯。壽喜燒湯底清甜，將牛放在壽喜燒湯底煮再沾蛋一起吃，牛的口感會更加滑嫩。番茄湯底不會很酸，酸甜味道剛好。特選美國牛肩胛套餐還有羊卷肉、豚肉和雞肉。蔬菜、丸類和麵都可以在自助區取。韓國祭紫菜粉絲卷，炸得脆卜卜，裡面是粉絲。韓式脆脆無骨炸雞，雞件不大，炸粉不多，雞件油脂豐富。打完邊爐食番個雪糕先，記住到自助區自己整呀。

今日放工又同老公周圍食下野，今次黎到荃灣的牛摩，近我地返工的地點，千色滙入面，係荃灣地鐵站行過去，只要5分鐘左右，好方便！牛摩有幾個級數的放題選擇，今次平平地，食第二級牛 特選美國牛肩胛過下口引！而家做緊韓國主題，有啲韓國特色嘅小食可以選擇，例如韓式餃子，傳統韓國牛肉餅，紫菜粉絲卷，韓國炸無骨雞，呢啲小食喺出邊嘅打邊爐都好少有，值得一試！牛摩一人一鍋打邊爐，就係可以每個人按自己嘅選擇揀湯底，可以食多幾個口味，而且唔使㗎鴛鴦湯底費，真係好！我揀咗壽喜燒湯底，老公就揀咗沙嗲湯底，識識吓可以交換食，唔錯唔錯！壽喜燒湯底甜甜地，而且好正宗有一隻雞蛋送，用壽喜燒湯底，配雞蛋真係絕配！而沙嗲湯底就好香濃！呢一個級數嘅套餐，已經包括牛肩胛，豚肉，羊肉，雞肉，而且外面仲有好多唔同嘅蔬菜，丸類，仲有甜品飲品，好多選擇！牛肉有雪花，好有牛味！而我最鍾意食羊肉，彈牙嘅口感加上有少少嘅蘇味，真係好好食，叫咗幾次！而豚肉，我哋點咗一次啫，因為主要食牛同羊肉都已經好足夠了！我哋仲點咗個牛摩飯試吓，一碗飯加咗紫菜同埋肉碎， 十分美味，不妨一試！飲品方面，除咗雪櫃入邊嘅罐裝或包裝飲品外，仲有果汁同埋沙冰可以揀，不妨一

成日經過千色匯呢間牛摩,今日終於有機會一試第一次食,揀中價位試下先,揀左美國IBP牛板腱二人行,一人揀一個湯底,我地揀左麻辣同沙爹兩個湯底都好濃味, 我地都唔使點點醬料都好夠味卡位好寬敞, 坐得幾舒服醬料區, 基本既醬料都齊備飲品區, 除左紙包,樽裝罐裝,仲有果汁機自己斟🍽️ 我地個set 包左兩款牛肉,羊肉同牛舌, 肉既質素唔錯,好鮮色🍽️除左肉食自己掃code落單之外,其他就出去夾,款式種類都多🍽️仲有甜品同壽司仲有綠茶味軟雪糕, 有好多配料揀, 仲有雞蛋仔, 如果係frozen yogurt 仲正食放題除左食物質素,環境都好重要...要讚既係佢既設計好貼心, 每人一個爐,夠衛生,同個爐set左係檯既側邊, 望住對面既朋友唔使霧裡看花...同埋通常打邊爐餐廳都比較焗,但呢間可能樓底高,差唔多坐8成滿都唔覺得焗👍🏻食得舒服

牛摩真係由細食到大😏以前中學已經成日去聚，今日叫左IBP牛板腱套餐，肉質一如既往有質素，我地叫左牛板腱、豬肉、羊卷肉，同埋帆立貝、青口，都好食😋 而且仲推出好多新品！今次去做緊韓國祭，所以可以叫炸雞🍗、紫菜粉絲卷🍙、泡菜🥒、醃蘿蔔🥕、魚片🐟、手工泡菜餃子🥟，仲有韓國冷面🍜、泡麵、CJ辣椒醬🔥，誠意滿滿！另外，我都嘗試左呢度嘅牛摩飯：紫菜、肉碎和溫泉蛋🍚🍳的組合，真係好正啊！另外都可以單點溫泉蛋🍳，蘸牛肉片食。牛摩不斷推陳出新，為顧客提供更多選擇。最後當然要食甜品雪糕收尾，推薦卷蛋、牛奶雪糕、同粉紅色糯米皮的紅豆甜品，出乎意料的沒有很甜😋紅豆味濃郁。