牛摩 (荃灣千色匯I) (Under Renovation)

約埋三五知己去荃灣牛摩食個晚飯，員工態度十分好，而且出餐都好快，食物種類都十分多，食過咁多間唔同嘅火鍋，好少店舖嘅職員會盡心盡責去做好每一件事，值得向大家推薦去食

近排牛摩推出期間限定台灣祭，可以食到多款台灣小食、火鍋配料及飲品，另外會員購買星聚電子禮券$1000，即送多$1000，食足$2000，包括$1000電子現金禮券及$1000免費產品券，十分吸引極品美國牛小排$349壽喜燒麻辣鴨血湯+$10壽喜燒湯底味道甜甜，將牛肉沾蛋漿後，味道更香滑，麻辣鴨血湯底味道麻麻辣辣，食得過癮極品美國牛小排脂肪比例平均，入口軟滑香甜，牛肉味道濃郁海鮮有廣島蠔、翡翠螺、青口、半殼扇貝、海蝦、魷魚仔等海鮮，廣島蠔食落唔會好腥，入口多汁鮮甜，海蝦肉質結實爽甜炸物有日本章魚燒、七味炸雞翼、炸雞軟骨粒、珍寶炸帶子，七味炸雞翼炸得香脆，雞肉嫩滑惹味台灣祭有墨汁香腸、冰烤番薯、麻香貢丸、豆腐干絲麵、珍珠奶茶等，每款食物各有特色，豆腐干絲麵食落爽脆清新

呢晚約咗朋友喺荃灣食飯佢話想去打邊爐 帶咗我去千色店嘅牛摩開咗一段時間都未去過今晚終於有機會嚟試下裝修光猛乾淨空間感十足 唔會覺得油煙或者焗抽風做得唔錯揀咗極品美國牛小排盛放題湯底要咗沙爹同蟲草花雞白湯兩款都各有特色 沙爹夠香、雞白湯滋潤養生牛小排雪花分布平均牛味香濃 加埋湯底嘅味道 唔洗醬料都好夠味牛舌、牛板腱、牛肩胛都唔錯 肉質嫩滑海鮮選擇都好多 有海蝦、扇貝、青口、帆立貝、廣島蠔、翡翠螺款款都好新鮮因為而家做緊台灣祭所以除咗火鍋配料仲有壽司🍣、台式小食同珍珠奶茶🧋選擇比想像中多好多當中鹽酥雞、炸雞軟骨粒、一口芝士都好正新鮮炸起 炸粉唔會太多 好食！😋而且仲有好多台灣丸類同蛋餃貢丸、菇丸全部都會爆汁😆飲品自助形式去攞茶飲、汽水、咖啡、果汁都有食到最後仲有甜品、雪糕超飽超滿足嘅一餐👍🏻

“牛摩”由最平的精選豚肉放題至最貴嘅日本佐賀霜降黑毛和牛放題total 有6樣選擇，豐儉由人，而我們揀咗次貴嘅極品美國牛小排放题，盛惠$349/人。湯底亦可每人揀一樣，就咁，我哋有咗以下的“豬骨濃湯”和“番茄薯仔湯”的鴛鴦鍋，很誘人喎，而當然少不了的主角係“極上美國牛小排 ”，還揀咗 "美国極上黑豚肉”，牛舌等食品，食肉獸的朋友食到Lam lam脷😋😋好海鮮的我多次encore嘅係廣島蠔，帆立貝，半殼青口，半殼扇貝，加拿大翡翠螺，魷魚仔，海蝦，翡翠螺encore次數最多，D肉好肥美又彈牙。有“溫泉蛋”嘅選擇令人驚喜，質数好高。台灣祭的食品亦好多，有麻辣鴨血，鹽酥雞，甜不辣片，墨汁香腸.......連滷肉飯，珍珠奶茶都有埋，正👍

早前因為皮膚問題，戒食了牛肉一段時間，但牛魔王近日口痕痕，看見《牛摩》推出台灣祭 - 牛摩牛小排套餐，忍不住相約朋友去嘗嘗。其實，《牛摩》在荃灣已開業一段時間，只是碰巧一直未有機會前來，尤其早前皮膚出現不知源由問題，因而很多東西也不敢亂吃。原來位於荃灣的《牛摩》分店內，不但有很多可愛的小牛摩，而且地方雖然不算很大，但座位舒適，加上半露天的設計，以及日式設計，令空間感大增，感覺蠻不錯。甫坐下來，第一時間吸引我眼球的，竟是這散發迷煙的凍櫃，不過，這裡的蔬菜真的非常新鮮，不知是否迷煙的功效呢！？午市放題，湯底也有不少選擇，約有6-8款，而我們點選了蟲草花雞白湯及博多豚骨濃湯，兩款湯色雖然相近，但口感大不同，蝦子餅偏好日式香濃的博多豚骨濃湯；而我則喜歡帶有中式風味的蟲草花雞白湯。台灣祭 - 牛摩牛小排套餐，主角當然是牛小排，油花分佈均勻，富大理石紋脂肪、鮮美，色澤艷紅鮮嫩，肥嫩柔軟，十分誘人！除了牛小排，還美國和牛、羊卷肉、豚肉等，配合食肉獸不同需要，吃過夠，保證令你飽足！我們亦從凍櫃中取了多款蔬菜，不但款式多，而且非常新鮮，勺熟後相當味美。凍櫃內除了蔬菜，還有多款丸丸選擇，我當然特別喜歡包裹

同朋友洗塵，一於去食下火鍋，牛摩之前都食過，水準一直都吾錯，所以就叫朋友去依間！入到去見到環境都係寬敞，然後入面有一個好似鳥居咁樣嘅方式牛肉方面就嗌咗個，美國牛小排套餐。同朋友分別就一人一鍋，感覺好似衛生啲，點餐方面可以用電話落單之外亦都可以出去嘅自助吧去攞蔬菜豆腐同埋飲品等等。全部都好豐富同好齊，飲品方面除咗沙冰之外仲有咖啡同埋唔同地方嘅果汁，可樂，竹蔗茅根呢啲當然都不在話下啦。湯底方面，朋友就叫咗昆布鰹魚清湯底，比較清甜，高湯清澈，味道偏淡，更加襯托火鍋煮料嘅味道。我就叫咗個蕃茄薯仔鍋，入面嘅蕃茄味都好濃郁，而且薯仔經過煮咗一排之後都非常之腍，可以索曬其他配料嘅味道！肉類基本上可以叫曬所有款，咁就叫唔同款試下呢，美國牛小排係牛胸腔附近嘅肉。餐廳上枱嘅牛小排肉質鮮嫩、油花分布平均，脂肪呈現出大里石紋。口感非常柔軟。食落去相對上雖然肉味唔算太重，但係肉質嫩滑到會係咁想再食落去。美國和牛口感比起牛小排油脂更加豐富，脂肪雪花更多，因此油脂更多，令牛肉更加有肉香，肉味更重。牛舌片得非常薄，所以唔會好難咬。相反肉質爽滑、彈牙又爽口，而且牛味重之餘，並唔會有腥味。羊卷肉肥瘦比例適中，肉質鮮嫩多汁

今日出咗糧，決定食豪D，去打個邊爐，仲要係3百幾蚊既的牛小排set! 😂入咗90分鐘，一入到去，職員已經自動波幫手order咗2份牛小排！首先，關於外觀，牛小排的顏色艷麗鮮豔，十分誘人。肉質也緊密，不會太過肥膩，口感清爽。牛小排的大小恰到好處，每次都叫兩碟，包冇蝕底！至於牛小排的味道，口感十分柔軟。煮熟之後，帶有微微的骨香味。海鮮方面又係任食，海鮮都好新鮮，而雞肉則是肉質緊實，非常有嚼勁。在煮的過程中，肉類也沒有流失太多的水分，口感十分香濃。除了打邊爐！自助雪糕機亦都令我好興奮！他們的雪糕口感十分滑順，不過只有一款嘅牛奶口味選擇。想要更加豐富的口感，你還可以在雪糕上添加不同的配料，例如果醬、巧克力醬和糖果等。體驗。總體而言，這家任食打邊爐是一個非常值得推薦，因為平靚正，自助雪糕機亦都係最吸引人的地方，啱晒一家大細食！

收到消費券，交乜費乜費後剩返落黎只夠出去食餐好🙈去牛摩升級到牛小排套餐，真係好好食🥹想講唔係間間都一分錢一分貨牛摩係我心目中排行度滿意度好高而家同一價錢自動升級120分鐘！抵！有啲枱係一人一窩，有啲係一個大窩一個大窩嗰啲照樣可以叫一人一款湯底我哋叫左到basic呢壽喜同豬骨壽喜幾正，唔會太過甜👍豬骨一開始真係好濃郁到我覺得少鹹食食下就開始啱我好味喇🤣講下啲肉質素，真心係靚肉😋由頭食到落尾都keep到，唔係職工頭圍用膳啲fd至正一定係牛小排㗎喇，不枉貨金升級其實佢平啲嘅餐嘅牛都真心係唔差入口一樣係冇渣，滑一滑我地叫壽喜燒本身有隻蛋可以沾蛋汁食但用qr code落單印象中都可以叫蛋㗎😋黑豚肉都好正，豬肉都可以咁滑👍有幾款海鮮一樣任食我自己就唔好，老公話好新鮮出面有個蔬菜，飲品&甜品自助區Qr code落單區亦都有大量配料而家做緊台灣祭，有多種台灣食物如鴨血，台灣腸之類連珍珠奶茶都係任飲唔洗加錢😍（但當然甜度等等冇得調教啦）我真係好鍾意牛摩，因為佢地質素穩守服務又好，上菜快，執枱都好勤快自助區keep住衛生同refill👍食放題最緊要係個節奏呢間我大力推薦，十個like🔥🔥

琴晚 見有優惠去食咗$189個餐 其實本來比卡位已經幾高興 樂坐得好舒服 點知食食下 (我手袋上面 有一隻曱甴 跟住我驚曱甴嘅我😖 揸住我自己手袋拍打幾下隻曱甴走咗喺個張凳嘅挨plan位置 跟住我叫侍應 個女侍應唔敢去處理 之後叫咗個男侍應 個男侍應 徒手捉左隻嘢 之後搵消毒水抹一抹 甘就了事 之後。。 就已經冇胃口以後唔會再去呢間 地方食嘢😟😖

29/1 晚上8點左右光顧 選左$279套餐有三款牛肉可以食 入到去先發覺 好多野都賣晒 套餐包既野入面有成十幾樣冇 已經感覺不是太好 海鮮-蝦 霉霉地 青口腥（即刻吐番出黎） 牛肉-淥完是黑色既 又＇鞋' 又冇肉味👈🏻三款都係差唔多 係最後一款淥完冇黑色 係正常肉色都唔夠膽再食 唯有淨係食豬 間野叫做新開 但部雪糕機壞 摩打勁大聲 就爆炸甘款 所以都唔敢食 其實都預左唔會再黎食 所以唔特別諗住寫評論 但重點係 番到去肚屙左幾次🤮🤮🤮

(自費食評) 牛摩 = 超抵食又無限吃的放題火鍋今天我到牛摩荃灣分店吃放題火鍋，選擇了港式特濃沙爹鍋沙爹鍋的湯底很濃味，雖然不夠辣但是接受到牛摩d 牛肉真係幾新鮮仲可以無限食肥牛又唔太肥幾紅一碟五塊牛可以無限叫和食雞肉也好新鮮，又多塊雞肉好滑最好笑就係，佢地比牛肉越比越多塊。超滿足你地可以睇下牛摩牛肉真係新鮮仲有，佢地仲有好多野食選擇，有三色餃子也是幾好食的大家網友們下次可以試食一下仲有，芝士腸，烏冬，丸類，雲耳仲有甜品

Let's Go 為你搜羅吃喝玩樂情報〰️超萌牛摩造型雞白湯 ｜ 任食和牛-荃灣千色匯日本火鍋放題專門店「牛摩」🐮 於 12月起換上新裝強勢回歸，食肉獸有福啦！！＃牛摩 坐擁兩層高樓底，環境開揚，打邊爐後身上不怕沾滿油煙味，餐廳內隨處都見到牛摩的身影。特別向大家推介爆萌造型的「牛摩造型博多美人骨膠原啫喱雞白湯」，以大量鮮嫩雞件熬煮而成， 蘊含豐富骨膠原，滋潤美顏😋 荃灣店更獨家研發適用於四人一鍋的超迷你版牛摩頭像啫喱凍。牛摩更特意調製秘製醬汁、美國免治牛肉及紫菜，製作牛摩飯及溫泉蛋牛摩飯，另有多達10多款炸物選擇，大推珍寶炸帶子、唐揚池魚仔、一口炸芝士等小食 👍🏻「極品美國牛小排」套餐性價比高，任食都可食到密佈 MARBLE 紋和牛，還有牛小排、牛板腱、牛肩胛及黑豚肉等，絕對超值！另外，惠顧牛摩荃灣店每枱可獲贈和牛1份，包括 SRF美國和牛或佐賀霜降黑毛和牛！-小編嚐試過牛摩的 A4 和牛，肉質鮮嫩超濃牛味，大理石油花分佈均勻，海鮮類有蝦，青口，廣島蠔、帆立貝及扇貝等等，鮮味十足，扇貝肉質厚實屬不錯，另外牛摩飯配上溫泉蛋有驚喜，十多款小食花多眼亂，喜歡食脆口嘢的朋友不要錯過！🏡環境舒適：

今日同朋友去荃灣千色匯ge牛摩+ 😳天氣咁凍，打邊爐就岩晒！呢度有幾個任食ge 套餐，岩岩出左糧就梗係揀個貴ge美國極品牛小排放題啦🙊！我揀ge沙嗲湯底夠晒濃郁，落完嘢食已經可以唔洗再點䜴油。牛小排肥瘦比例岩岩好非，而且切到薄薄地，吸晒d 湯汁😍羊肉肉質有彈性，冇咩羶味！！真心推介！除左肉類，手機仲可以點d 小食！佢ge章魚小丸子入面有章魚，仲外脆內軟，味道同出面買到嘅差唔多。另外，餐廳有自助區，勁多選擇！雪糕係雲呢拿味，牛奶味都好重，口感順滑。有好多款配料可以加落去。另外仲可以自己拎蔬菜、各款丸類、壽司、熟食等等😍我個餐仲有多款海鮮可以食😳有海蝦、廣島蠔、扇貝等等！餐廳ge 店員都執枱好快，服務幾好！

❄️成個星期天氣都好凍，最好就係食🍲打邊爐暖暖個身!⛄️今日去到位於荃灣千色匯的牛摩，見佢啱啱重新裝修就試下佢啦。見人地外賣嘅牛好似好靚，所以我哋揀咗美國極品牛小排放題。我地坐嘅卡位十分寬敞，好多位放食品。餐廳中間有個鳥居，側邊除咗4個大雪櫃放飲品之外仲有果汁機、沙冰機、咖啡機同雪糕機，飲品甜品十分多選擇!講返正題，放題當然主角係牛啦。🥓🥓🥓我地食嘅極品牛小排睇見就流曬口水，肉色好靚，肉味濃厚。兩盆好快已經食完。湯底我地揀咗"博多美人骨膠原啫喱雞白湯"同蕃茄湯，佢用上枱時候係兩舊牛摩樣大啫喱，加熱後就慢慢溶化成雞白湯。雞白湯骨膠原十足。另外仲有一盆🦐🦑海鮮同丸奉上，海鮮鮮甜味美。牛丸就十分驚喜，原粒牛丸有重重牛味，咬開肉汁充滿口腔，非常推薦。仲有🧀🍡芝士牛丸都好特別，入面啖啖芝士可以拉絲。餐廳仲有好多蔬菜同打邊爐食品可以食，可惜無機會試下招牌牛摩飯，下次一定要再嚟!

天寒地凍裝修後再食自午餐火煱，揀牛肩胛肉餐，可揀牛羊豬雞肉，牛無乜肥肉，但比較鞋，羊肉無乜味，反而豬肉幾滑口。飲品有樂天幾款果汁，但沒有了乳酪雪糕，普通雪糕代替，甜品整全，至於菜和丸的雪櫃凍氣灕漫看唔清楚，有羽衣甘藍。餐牌牛摩飯沒有供應，懷疑只給晩市。人手唔夠，要叫到先執碟。