牛摩 (荃灣千色匯I) (Under Renovation)

呢排真係好凍要打邊爐暖下身，荃灣不嬲都好多嘢食，揀咗喺千色嘅牛摩。我哋晏晝嚟食，揀咗個午市90分鐘嘅極品美國牛小排放題，係最貴嗰隻，都係$299乍。坐低咗之後就可以自己用電話落單，非常方便，除咗有牛肉豬肉之外，仲有羊肉，比較少見羊肉都可以飲食。我哋揀咗幾款牛肉試下，我覺得最好食嘅係美國牛小排，肉質嫩滑，每塊都好切得好薄，淥一淥就食得，好易熟，唔使驚淥到熟得滯會好鞋。脂肪分布適中，唔會太肥。羊卷肉都好好味，完全冇臊味，而且食落都幾爽口，冬天最啱食返啲羊肉補下身😂湯底方面揀咗博多美人膠原啫喱雞湯同埋麻辣鴨血。膠原啫喱雞湯好得意呀，係一個牛摩造型嘅啫喱，得意又好味。唔食辣嘅朋友可以揀呢款，feel到滿滿嘅骨膠原呀😍麻辣鴨血湯底，入面本身都有啲鴨血，好滑好正！飲品方面都好多選擇，呢排咁凍，熱飲方面可以揀熱朱古力咖啡，好飲！不會太甜！最後食番個雪糕，正！

先講環境，哩間牛摩有唔少卡位可以比一家大小，或者三五知己坐埋一齊打邊爐。行入啲仲有個大圓頂玻璃天窗，夠哂光猛！湯底方面有9個可選擇，今次揀左關東風壽喜燒，同埋店員推介嘅博多美人骨膠原啫喱雞白湯。嗰啫喱雞白湯仲係成個牛摩公仔樣，啱晒女仔食嘢前先打個卡😆一坐低就即刻叫左碟極品美國牛小排、美國極上黑豚肉同海鮮拼盤，海鮮拼盤有廣島蠔、半殼扇貝、海蝦、半殼青口、同埋加拿大翡翠螺，之後仲可以追加魷魚仔同蟹籽墨魚滑😋牛小排啲油花分佈均勻，豚肉淥耐啲都唔會硬，緊係要即刻再加單啦😋出面自助區仲有唔少蔬菜，丸類同各種嘅麵食可以自由選擇，店員仲會不斷refill添，真係唔怕冇野食😆飲品都有各種罐裝烏龍茶或紅茶選擇，仲可以自由斟沙冰同咖啡。甜品方式就有布甸、蛋糕、啫喱，緊係唔少得自助嘅唧雪糕機同各式各類嘅toppings 揀啦，唧唔唧到六圈半就睇大家既功力啦😂😂

同大部份嘅火鍋放題一樣，依度可以揀唔同價位嘅set， 今次揀咗美國極品牛小排放題～～湯底係長野蘋果湯同埋博多美人骨膠原啫喱雞白湯，見到個湯底整成得意嘅吉祥物造型，很有趣！牛小排肥瘦均勻，富有牛味又一啲都唔嚡，encore嘅牛肉水準都好穩定，另外有款牛骨濃汁牛丸都好好食，真係超多汁🥩海鮮選擇頗多，有海蝦、扇貝、廣島蠔、翡翠螺等等，一開始會上個海鮮拼盤有齊各款海鮮，之後就可以每次按人數逐樣點，幾鍾意海蝦，因為蝦肉夠爽夠彈🦐蔬菜、丸類依啲火鍋配料主要係出去攞，放喺雪櫃入面保持溫度，而飲品、甜品都亦係喺自助區攞，不時見到侍應清潔同refill，整體感覺都乾淨衛生👌另外淺嚐咗幾款小食，估唔到炸雞翼相當唔錯，大大隻之餘仲好juicy，炸粉脆又唔會過厚，除咗打邊爐亦可以試埋啲小食🥢

牛摩+ (荃灣)📍地址：荃灣眾安街68號千色匯I期2樓2031號舖💰人均消費：$250-$350=================天氣轉冷，又係打邊爐ge 好季節！ 今日同朋友黎荃灣千色匯間牛摩食火鍋放題！佢有幾款唔同ge 放題可以選擇，我地一係就唔食，一食就梗食要揀個貴嘅黎食啦🤣所以揀左美國極品牛小排放題！果然無揀錯，啲牛小排脂肪比例非常均勻，入面唔單止無筋，牛味仲好重！另外，平時羊肉卷比較少可以喺放題度任食！我呢個餐包埋羊肉卷，羊羶味岩岩好，唔會太重😍😍 我地仲食埋黑豚肉，同樣出色！！餐廳仲提供多款海鮮，有海蝦、廣島蠔、扇貝、青口等等😍樣樣野都好想食！我地仲同手機落單，叫左d 小食，全部熱辣辣送上！😆除左QR 落單之外，出面仲有自助區可以拎蔬菜、丸類、冷盤、熟食、甜品、飲品等等。最估唔到係有雪糕同沙冰，真係種類多到不得了！！90 分鐘岩岩好，同朋友都食到好飽🤣🤣🤣下次一定再黎！

冬天到囉✨，吃火鍋的日子到囉😍，愛吃火鍋的你馬上舉手🙋🏻‍♀️!!! 最近荃灣的🇯🇵牛摩 重新開幕囉～並推出3重大優惠，大家記得把握時機，馬上約朋友去吃啦～首次到訪牛摩，環境舒適又整潔🤗，自取食物區擺放整齊，有醬料區、前菜、壽司、蔬菜、甜品、飲品等等。 當日我們選擇 極品美國牛小排仼食餐🍖，除了有送的日本黑毛和牛、極品美國牛小排、SPF美國和牛、美國極上黑豚肉、美國IBP牛板腱、特選牛肩胛、廣島蠔🦪、加拿大翡翠螺🇨🇦、扇貝、海蝦🦐等等😆，款式超多的～ 湯底方面，我試了壽喜燒、沙爹和招牌的博多美人骨膠原啫喱白湯鍋🫶🏻，滿滿的骨膠原，特別推介給女生們哦～ 1. 即日至12月31日，凡晚市惠顧，即送和牛一份🤭!! 這份油花漂亮到不行的日本佐賀霜降黑毛和牛🥩，肉質軟腍，肉香鮮美，超級好吃的～ 2. 即日至12月15日，凡平日2時半至5時惠顧，1位成人可免費帶1位小朋友享用👧🏻🧒🏻，超級抵食呀～ 3. 即日至12月15日，逢星期一至四晚上8時後入座，英文名有W和M字即享8折及無限時仼食😨，抵到不得了呀～ 

自己唔係特別大食，所以平時會少啲揀任食。手上有張滿＄450減100嘅券想用左佢，就挑戰下任食。 又 比 想 像 中 好 喎 ！ 唔記得店員推介嗰個級別牛肉係叫咩名，任食自助點餐有雞，幾款牛，同2款豬揀，仲有海鮮，牛摩飯（真係有人會係任食叫飯？），仲有好小食喎！樣樣食啲都幾抵食。甘最主要一定係留肚食肉😆出面自助區唔算大，第1時間衝出去拎左兩兜雜果，加汽水自製雜果檳志（敬佩自己食得甘刁鑽😆😆）話曬任食，策略同單點一定唔同，全部嗌晒牛完全無點過雞，回本第一。都唔明點解甘多人挑剔啲肉唔靚，叫高個grade啲肉咪靚啲囉🤣而且任食喎，仲想點？

係時候又要Update一下這間牛摩的價錢吧!這是荃灣《牛摩》有什麼地方吸引我，要我就算不是時候去惠顧，也不介意多走兩步，去關心一下?就是這是於平日一至五，由她開店12:00至17:00，凡惠顧午市90分鐘放題，也可以一直吃下去至17:00吃足，即時話，若您有耐性，可以吃足足5小時。所以，各位平日若沒什麼可做，想找個地方Hea吓，食吓嘢，食吓嘢，食吓雪糕，這裡也是不錯的選擇。下列是平日5小時放題餐牌(即午市90分鐘放題，若自己遲去，都是吃到17:00止呢！)：如果各位不用坐那麼久，又不用吃那麼多肉，那可以選擇單碟60分鐘套餐。下列是平日午市單碟60分鐘套餐餐牌：若午市未能到店，不妨可試試晚市90分鐘放題呢！下列是平日晚市90分鐘放題餐牌：＊請惠顧前，先向店員查詢最新安排，謝謝！

一家人出去食飯 梗係食最愛嘅打邊爐 荃灣呢間打邊爐唔係第一次去食最鍾意佢有好多款式唔同嘅食物揀 美國和牛好靚油花! 仲有新鮮海鮮! 入口即溶嘅豚肉 !真係好正!~ 尤其要讚下眼鏡經理哥哥 熱情有禮貌嘅招呼 細心有耐性嘅介紹 誠懇嘅服務態度 價錢亦都相當抵! 我哋一家人食得好開心 會介紹朋友同下次一定會再嚟食

約左朋友打邊爐，搵左呢間位於荃灣千色既《牛摩》我地簡左極品美國牛小排放題，有海鮮同美國牛小排食，性價比都幾高！🌟 極品美國牛小排放題 $349一位呢個level主要都係食牛小排，牛小排脂肪比例好均勻😽望落已經覺得好好食😋食落果然肉質軟腍，唔會鞋口，牛味重，要不停encore🤪羊肉卷都係比較少有放題可以任食，質素好高，肥瘦適中，羊羶味唔會太重👍🏻👍🏻海鮮方面有海蝦、廣島蠔、扇貝、青口、魷魚、帆立貝，多款海鮮任君選擇，最怕就係食到D蝦入口會霉😌😌，但呢到既海鮮又唔會喎✌🏻食落都幾新鮮，肉質係爽口彈牙，鮮味十足！💞湯底方面都有10款，我地叫左鴛鴦鍋，蟲草花雞白湯&蕃茄薯仔湯，雞湯湯底清清地淥下牛同海鮮就夠晒原汁原味！蕃茄湯底夠濃味，最啱淥下菜、淥下丸☺️除左海鮮肉類，自助區仲有各款蔬菜、丸類、冷盤、熟食、甜品、飲品自取。好驚喜有三文魚壽司😍食到最後點少得甜品，雪糕好幼滑，係香濃嘅雲尼拿口味😋

環境舒適乾淨，店員服務不錯叫咗牛小排呢個餐，真心覺得非常抵食牛小排同美國和牛肉，肉質鮮甜，真係牛舌會係第一選擇湯底又有好多選擇，真係要嚟多好幾十次，先至試得哂整體所有嘅牛肉同海鮮，水準都唔錯！自助區食物豐富，乾淨企理，俾我預期中有驚喜份量十足值得一讚不過有個小失望，就係啲烏冬出咗事係用普通嘅烏冬。。。希望你哋會入返啲日本嘅稻庭烏冬啦。。。咁就本人住港島區，希望會喺港島區開多幾間，咁我就可以多多幫襯啦

yeahhh試咗兩個好得意既湯底😳 係日本長野縣嘅蘋果湯底同勁多骨膠原嘅蟲草花雞白湯底🍎🐥晚市極品美國牛小排 - $339/👧🏻首先覺得最值得提起嘅加分位係: 可以食三個鐘😱😱 好多時食放題都會食得好趕怕唔多時間吹水，但牛摩就令你打邊爐打到好似去左cafe咁，可以慢慢食「十下十下」🤤而家仲多左勁多炸物可以揀🍤 炸帶子、雞軟骨、章魚燒、炸芝士、雞塊，全部都好好食！雞軟骨同帶子都encore左兩三次🥰 同埋三百幾蚊已經有埋海鮮同美國和牛🥩 性價比真係唔錯💯覺得蘋果湯用嚟煮菜真係好正，勁清甜🥺 冇諗過原來蘋果湯打邊爐咁適合，下次係屋企都想試下🤣地址: 荃灣眾安街68號 千色匯1期2樓2031號舖

話說這天我和男友到了荃灣買餸，及買下小家電啦，好快咁行完都成7點鐘，經過商場就睇下有咩食，就見到有一間牛摩專食牛的放題，睇了菜單見$349這套餐有幾款不同牛的部位供應及有海鮮如人蝦、蠔，感覺不錯！便詢問職員有無位及任食是哪款食才有供應！之後職員說1人以上任食放題都要選擇同款架，咁我地無問題下職員問我地要咩湯底後便安排了座位及上了火鍋湯底，坐了約20分鐘，見職員上了一人套餐的其中三款牛，又等了20分鐘我朋友一個菜都未黎上，向職員查詢只回覆幫我地checkcheck，及職員有問我地想食邊款先拿給我地，然後就上了廣島蠔及蝦，我地見啲廣島蠔完全沒解凍仲係一舊冰，放落湯底烚就連冰水都落左湯底裡，响螺肉烚完後食一後有些霉臭味，而其他套餐等待中的菜品又係繼續等，我地又向職員再問，回覆都係幫我check 下， 預期check不如自己再追加食材，反正任食，追加了好幾次，上黎既餐單一黎慢，份量又少，追加四次才送黎一次，餐廳係咪咁忙呢，但又見3個職員清潔一張枱喎。咁出去攞飲品時選擇有汽水3款，檸檬茶及2款沙冰，攞左一杯後想再添時，就見到沙冰機寫上稍後片刻，等左好耐都係稍後片刻，而檸檬茶又好糖水feel，結果

朋友生日想食火鍋放題，市面上太多形形色色既「牛乜乜」，無乜特別偏好，就隨便揀左方便大家既荃灣千色。門口有張貼湯底選擇，朋友都揀左壽喜燒，有生雞蛋附上，自己就揀左沙嗲湯底，有花生香氣，可惜實際上稍為淡味。主食材揀左嚴選三筋肉，對比起普通果種牛肉，肉同油脂比較平均，唔錯。海鮮盤都係包埋，帆立貝中等size，食落都意外地好鮮甜，海蝦又係幾有質素，無唔新鮮既感覺。落單apps同埋出面自選材料都有相當多材料任選，較有印象係牛舌，灼一陣唔會太韌，又夠油香，響鈴、豆卜、蔬菜等都refill得密。最後食到飽飽滯滯都要黎杯軟雪糕，六圈半就差咁d功力，但都十分滿足。

午市定量牛肉，連埋加一服務費先大概$100，餐廳位置都算闊落，令人覺得舒服，出邊攞嘅嘢食種類都幾多，嘢飲都有汽水同埋沙冰，最吸引係雪糕係乳酪雪糕，覺得值回票價。

呢間就平價路線嘅火鍋店近日有個三筋肉海之幸放題，三筋肉係牛肩胛後部分嘅肉，一隻牛得好少，二百幾蚊可以任食嘅話又真係好抵！唔講其他，淨係計任食三筋肉、牛舌，同埋其他海鮮都值回票價。湯底叫咗鴛鴦鍋，比較特別係個美人骨膠原啫喱雞白湯， 上枱同Poster一樣，有個QQ嘅卡通樣，女仔實鍾意。為左三筋肉而黎，quality比預期中好，油脂雪花分佈細密，肉味濃郁，入口有肉汁之被帶嫩滑。其次牛舌、黑豚肉質素都非常唔錯，肥瘦均勻而且肉味夠濃，牛舌纖維緊密好似，黑豚肉夠薄夠滑，係另有一番滋味。今日嘅海鮮都幾靚，望落好新鮮，食落夠爽脆彈牙，款式好多，有花膠、 鴨血、墨魚滑、帆立貝、海蝦、墨魚仔等等，可以滿足食多種海鮮嘅慾望。呢間分店嘅職員都幾有禮貌，放題除咗有呢啲嘢食之外，飲品區、各式丸類、麵食、壽司、蔬菜、甜品佢都有。拉麵同出前一丁最好食兼回本，蔬菜都OK新鮮，你又估唔到佢啲甜品都幾好食， Brownie同日式甜品都好食。