華香園

Open Now

Now Closed

🔺食物 🔸秘製豬扒雞翼飯 $57豬扒外脆內嫩 🤪 唔算太厚實 亦唔會太"鞋"雞翼似有用南乳醬醃製 味道唔錯 幾惹味但一啲汁都冇 未免dry左啲🤯🤯.🔸西多士 $28望落幾靚仔 如果入面加埋餡醬 eg花生醬感覺會更吸引🤩.🔸 鹹牛肉蛋治 $25即叫即製 熱辣辣😍 啲餡料爆哂出黎 勁正❤️.➖➖ ➖➖ ➖➖ ➖➖ ➖➖ ➖➖ ➖➖ ➖自私評分：🌕🌕🌕🌗🌑自私評論：啲人成日問 熟食市場食野唔驚污糟咩🌚 其實除左環境 有時都要著重翻食物質素、餐廳氣氛、裝潢，而呢到食既就係香港既人情味❤️ 廚師用心既位🥰 ➖➖ ➖➖ ➖➖ ➖➖ ➖➖ ➖➖ ➖➖ ➖

成日聽人哋講話華香園秘製豬扒好正，今日路過尖沙咀，有幸終於試到！由於店舖位於街市大排檔入邊，一早知環境麻麻，但估唔到都好多人食，座位排得密密麻麻！搵到位後，叫咗一份豬扒雞翼飯配凍奶茶，豬扒斬件上，有三件，明顯唔係完整一塊加兩隻雞翼，白飯係另上，職員提醒枱面有醬汁可以加落白飯！炸豬扒丶雞翼比較乾身，而且碟上好多油，賣相麻麻，味道亦都好普通，不明有什麼秘製醬汁🥲奶茶也是普普通通，有點失望，試過一次就算！

📍華香園尖沙咀海防道390號熟食檔9號舖豬扒公仔麵 $41豬扒雞翼米粉 $45香滑瓦煲奶茶 (熱) $18今日去開尖沙咀👄，想食啲地道啲既野食😋，女朋友就介紹左海防道臨時熟食中心啦😆大家聽到熟食中心可能第一時間會覺得好污糟🐀🤢但其實熟食中心近年翻新過🌟，裝修都幾好，店面環境都幾乾淨企理😁Weekend既Lunch時間黎到都幾旺👥，我地就揀左華香園坐低😋我地可以用一個字去概括成個食飯既過程，就係「快 」😆可能為左就番打工仔食個快飯既需要👷‍♂️，我見大部分餐廳既節奏都好快🏃‍♂️💨落單唔夠5分鐘就上哂全部野食👏，我地都唔敢坐咁耐，半個鐘內食完就埋單走啦🤣野食方面就唔算特別，佢地出名既秘製豬扒🥩同雞翼🍗都係一般😅但要提一提佢地既🌟香滑瓦煲奶茶🌟🥛🫖奶茶除左夠香、夠濃、夠滑，仲多左用瓦煲既特別香味🤤十分推薦💯雖然野食味道一般，但淨係為左杯奶茶都抵😍P.S. 由於野飲冇得跟餐，所以我建議鐘意飲奶茶既朋友經過淨係買杯奶茶外賣都得～😆

睇廣告，好似呢間幾正今日去試吓，叫咗豬扒雞翼飯一杯瓦煲奶茶啲雞翼乾個荷包豬扒得幾舊都幾柴$60 大洋一句講晒，冇下次奶茶仲要用不知名淡奶沖🥲🥲😉大家唔好中伏呀🥲🥲🥲🥲

本來諗住係2022年最後一個工作天去食餐好既, 聽朋友介紹黎左呢間野入到去覺得幾污糟架喇, 諗住咁咪夠地道囉, 點知就中左伏叫左個豬扒面加杯熱奶茶, 收左59 蚊, 完全唔值 1. 豬扒質素 用千年油黎炸既, 好干身, 又鞋, 無肉汁, 仲好多油2. 落單全人手落單, 叫左幾次先齊晒野食3. 舒適度台細, 坐得好唔舒服, 仲要食食下食到一半, 有人等位就叫佢地企係你隔離, 大大聲聲叫等2,3 分鐘啦, 好快有位俾你, 係咁暗示叫你食快啲咁

堂食叫咗豬扒麵，鮮油厚多士，凍奶茶，凍華田，老闆娘親自落單，等咗廿分鐘，問咗兩次，話好多外賣喎，最後先俾杯凍奶茶，一塊豬扒(唔見個麵)，鮮油薄多士(明明係厚多士)，一路食一路等，食完塊豬扒，麵同凍華田都未嚟，唔等走人！仲夠膽死以為出晒啲野俾我，收我全數，又屈個顆計俾錯野我，好彩有另一枱近收錢位既客出聲話佢根本都無出過杯野飲！

經過海防道醒起之前電視介紹過街市入邊大排檔美食，路過入去試一試….入到去好多人食. 都唔知啲枱係屬於邊檔！好彩見到呢間枱面有寫大大個舖頭名. 見佢寫住秘製豬扒，當然要試一試. 等咗一陣有位，坐咗一陣原來要自己出去叫. 出去叫嘅時候仲搞笑，我話要豬扒雞翼飯，跟住廚房有一碟剛出，佢叫我攞咗先😓. 但之後又有個夥計攞走咗！我覺得情況十分混亂！等咗一陣等於有嘢食. 但極度失望又十分激氣…豬扒係又柴又乾！味道又一般！啲飯完全唔夠熱，仲有好大舊飯焦！杯凍奶茶完全冇奶味我都唔知飲緊咩！仲要有少少檸檬味😰 所以話香港地食嘢千祈唔好睇廣告唔好睇介紹…..九成賴嘢！

海防道個街市好似無乜檔口，但行入啲有個熟食市場，以前頗為殘舊，衛生情況相當麻麻，而且座位迫狹，宜家大裝修之後真係好好多！以前去親呢個熟食市場我都係食彈牙德發牛及，後來都有食下其他野，其中有兩檔都標榜秘製豬扒，今次先試下其中一間。① 豬扒麵 $41豬扒是切條另上，望落砌唔翻完整一塊，而且有點油膩，似係搽左蜜糖同炸過，食落肉質唔鞋，但唔算好特別。至於個麵係普通公仔麵，普通滾水加即食麵湯粉，麵餅都末浸軟，不逼爽麵都好過腍晒。.② 凍檸茶 $19呢度同茶餐聽最大分別就係無凍飲加兩蚊呢回事，所有飲品都需要散叫，味道份量無乜特別。.就咁計個豬扒麵加杯凍飲收$60都唔平，性價比唔算高，埋單果陣佢仲收左我$120，但我朋友明明係飲熱飲($17)，即係收多我兩蚊。

10月6日咁啱就要喺尖沙咀返工喇,自己一個食lunch所以就冇咩所謂去食熟食市場,去咗食華香園嘅豬扒公仔麵,豬扒比較普通,可能到下午茶㗎關係啩,不過個公仔麵就煮得幾好食,唔係用水浸淋嗰隻款！

1. 食物 - 豬扒似柴皮我唔明 點解成間野最皇牌既豬扒 竟然可以整到好似柴皮咁🙂🙂🙂一食入口已經😑咁既樣(個奶茶好飲同出前一丁煮得好味既) 但主角唔掂就真係神都救佢唔到2. 服務及環境 以為好有風味既茶餐廳大熱天時無冷氣 熱到大疊細汗 唔緊要但一張咁細既圓枱 分一半坐 我地2個 + 對面3個大男人 勁迫 又嘈 去熟食街市有冷氣又坐得鬆動唔好？最好笑係佢俾左個淨麵我之後 個豬扒等到個麵食完咁滯都未嚟😥 明明我叫先 個老闆娘仲話對面3個大男人啲白飯凍哂喇 俾左佢地先 我都知道人哋放飯有時間限制 同埋啲飯會凍 但我嚟先 我叫先 點解要俾左遲嚟既先點解佢要扮快出左個白飯俾人先我都唔係麻煩客 但未見過會出左個飯/麵先 個餸要隔咁耐都未嚟 咁不如啲餸ready先出啲餸 係咪我𡃁妹好恰啲就要讓俾啲裝修師傅先（雖然我真係無所謂 但佢既安排唔合情理）無下次了 bye希望唔好為做生意而做 首先要保持良好既食物質素先會有客人keep住幫襯

位於尖沙咀呢個咁繁忙既地區熟食檔早年關閉左一段時間再開返好彩d老店都可以返返黎做~.華香園秘製豬扒包 $38即叫即做 新鮮熱辣辣 秘製醬汁係偏甜甜地豬扒都煮得夠林但唔會散 也唔會好硬 而且十分入味個包係較為軟身 有輕輕煎一煎香呢個價錢係包括買一種本地口味同埋人情味🤭.📍華香園📌尖沙咀海防道390號熟食檔9號舖

成日網上有人介紹哩個海防道熟食市場嘅瓦煲奶茶☕️咁啱經過就去試下普通奶茶有咩分別啦😏連朋友唔飲奶茶都話要試試佢😆我哋今次揀咗華香園試試佢哋出名係瓦煲奶茶，秘製豬扒😍入到去穿過街市就到熟食中心行到熟食中心最篤篤就係華香園啦而家呢個天氣，坐喺度食嘢都唔算好熱🥰我地叫左::瓦煲奶茶$17飲落覺得比普通奶茶濃啲同澀啲。味道特別，未試過嘅朋友仔可以試一下😂咖央西多士$22除咗糖漿或者煉奶，原來咖央醬同西多都架夾👍🏾👍🏾秘制豬扒包$37豬扒比較薄，但好入味麵包到時脆脆的，都唔錯的整體來講，如果經過都不妨一試👍🏾👍🏾

每次到尖沙嘴，如果時間許可，都會去呢度食。咁多年味道都冇變，老闆同老闆娘都好nice，成日同客吹水。呢度出名豬扒嘅，但係我個人最鍾意雞翼肚餓時雞翼飯，冇咁餓時就叫雞翼米粉。屋企人次次嚟食都揀豬扒飯，其實都好好味，但係因為我個人鍾意食雞翼多過豬扒，所以次次嚟到都係食呢個。今日嚟到有得食都叫好彩，成日唔記得佢逢星期幾休息，今日見到原來係星期二，好彩今日係星期三有開。呢度環境比起以前真係好咗好多喇，依家個入口是正咗好多

個日係尖沙咀個頭做嘢前食返個快餐，所以去咗海防道熟食檔搵食，因為唔多嚟，所以都唔知邊間好食，就係咁比《華香園》個超積極拉客嘅老闆招魂咁招咗入嚟，坐低睇咗一陣個餐牌都未諗到食乜，個老細就話呢度係出名食秘製豬扒麵同瓦煲奶茶的，既然咁講咪話ok試吓law! 講真無論睇落同食落都平平無奇，完全冇乜特別，杯奶茶唔夠滑又淡茂茂，真心好多茶餐廳都好食過佢，仲要收成$59蚊，真係試過就算，冇下次的！不過值得表揚係廚房得一個師傅，都搞得掂所有單！犀利！

/ 舊同事話街市入面有間幾出名又幾好食，之後就一齊入左去食，入到去先知原來係「華香園」⋯好耐之前聽過，但未食過，今次終於有得試試佢！環境同衞生就真係一般般，因為始終喺街市入面，但就好地道，d野食都唔差，都幾好食！💬最後叫左三餸麵，揀左香腸、煎蛋、午餐肉，要出前一丁，另外舊同事話食炸雞翼，所以叫左4隻，都唔錯！📍咖央多士我地覺得個多士最出色、最好食😋⋯不過兩個人食個茶記，都食左接近$200，價錢都偏貴，唔係話太抵食！