華香園

Open Now

Now Closed

去尖沙咀想食地道野，一定係去海防道熟食市場，今次就試咗好多人介紹嘅華香園。華香園平時都排哂大隊，今日一試，果然名不虛傳。佢最出名嘅係秘製豬扒，我我叫咗個豬扒包，豬扒好入味😽

🇭🇰 #華香園ღ 秘製豬扒包 $36 🌟🌟🌟第一次去呢個熟食中心就係幫襯華香園食豬扒包，一直都念念不忘，真係好香好好食！豬肉嫩腍，再加埋秘製醬汁，甜甜地，好惹味～麵包就比較普通軟熟嘅，但豬扒點配都好食！！╰┈➤ 𝘁𝗮𝘀𝘁𝗲: 𝟴.𝟱/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟴/𝟭𝟬ღ 豬扒雞翼公仔麵 $45豬扒同樣用秘製醬汁一樣咁好食！雞翼到香脆，但偏細隻。不過公仔麵真係無味無道，可能真係叫出前一丁有包味精粉會好啲😹╰┈➤ 𝘁𝗮𝘀𝘁𝗲: 𝟳.𝟮/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳/𝟭𝟬

✨秘製豬扒公仔麵豬扒 唔算厚肉質偏乾柴 口感尚算鬆軟入味 味道帶甜 有好淡香料味公仔麵 彈牙 冇乜調味 味道偏淡✨香脆雞中翼雞中翼 外脆 肉質尚算嫩 唔夠入味味道略淡 只屬普通其實同屋企煎雞翼冇乜分別25蚊兩隻定價進取食物普通 正正常常 冇驚喜豬扒同雞翼都唔算出色 環境可以 熟食中心正常環境服務唔錯 店主都幾熱情價錢可以 唯獨單點雞翼偏貴

🎈#cathlife_yum尖沙咀 華香園 ⛳️🚨馳名豬扒包🚨🌸懷舊煲奶茶════════════════════💨😋想吃懷舊特色風味的茶檔，去海防道熟食中心就一定尋到寶！꧁••••••••••••••••••••••••••••••꧂🔸豬扒雞翼出前一丁(̆̈$50)🌟秘製豬扒汁☻豬扒醃得入味，再煎香，看似簡單，但令豬扒提升層次的重點是豬扒汁，味道似甜豉油🍂豬扒薄☹︎欠口感，不夠厚肉肥美.🔸秘製豬扒多士(̆̈$36)🌟烘底同價🌟秘製豬扒汁☻︎豬扒同樣煮法，味道跟上面說的一樣🌟原塊切好豬扒☻︎有留意到相片的話，多士夾住兩塊切好的豬扒，還會有一塊沒有夾多士的放在旁邊，貼心的可以讓客人嚐到原汁原味的豬扒🍂多士沒有太大特別☹︎豬扒包相對多人食，今次試了豬扒多士，但沒有太大特別，多士烘底沒有搽牛油，所以較乾.🔸凍奶茶(̆̈$19)🌟茶香奶滑☻每啖茶味都好濃，茶味不會苦澀🍂略甜☹︎正常甜度略甜，建議大家叫少甜💬選包/多士同價🎈鋪位靠近—————————————————————❌加一服務費❌訂枱服務 👉🏻滑到最左看餐牌和價錢牌📋.💞回頭指數：3/5💸人均消費：～HKD50-60•∎ 華香園🈶📍尖沙咀海防道390號熟食檔9號

熟食中心要裝修，之前同老闆傾偈話都要裝修好耐，後來因為疫情關係都少咗出街，到最近先知熟食中心開返。即刻要嚟呢度食，勁掛住佢哋嘅味道。個個都話呢度豬扒出名，但我由以前開始都係最鍾意食佢哋嘅雞翼，所以今次返嚟食我都係照叫咗雞翼飯。味道同以前一樣，好好食，老闆仲認得我話次次嚟親都食雞翼我估因為以前去食嘅時候，通常都係下午茶時間，人流比較少，所以老闆有印象。唔飲得奶茶關係，冇叫到奶茶。呢度人情味依舊，老闆得閒就過嚟吹兩句，喺呢啲地方食嘢，除咗好味之外就係呢份人情味！依家知道開返，我得閒就會過嚟再食㗎啦！

🇭🇰華香園·我上次post合香園既時候有朋友仔推介話呢間都出名 所以個日剪頭髮之前就決定自己黎食個快既😎·豬扒出前一丁$44佢個豬扒真係好大塊 一上檯既時候真係嚇親我🤣🤣不過佢塊豬扒就無我想像中咁好味 佢邊邊有少少肥膏個啲位食落都唔錯既 不過中間就有啲柴🤭反而佢個一丁就整得相當唔錯 個麵質岩岩好😎·#rbyeat#rby港式#rby尖沙咀 #rby屯門·📍尖沙咀海防道390號熟食檔9號舖📍屯門青河坊2號麗寶商場地下41號舖

今日同朋友去新裝修完嘅海防道熟食中心食早餐，見到呢間華香園，就試下佢最出名嘅秘製豬扒。我地兩個人坐一張檯，唔洗搭檯 very good。招呼我地嘅叔叔同嬸嬸都好有笑容，好親切。我地叫左豬扒雞翼公仔麵，沙爹牛肉蛋通粉，咖吔多士，熱奶茶，熱咖啡，全部都好好味。最好味就係豬扒 好林好入味，奶茶都好香好滑。大家不防去試下

海防道新裝修之後整個門面比以前乾淨得多，光線也光猛了。當然最重要都係食物本身啦，聽人講呢度的豬扒麵幾好食，所以lunch 就過來呢度食，都見到幾多人等緊，等咗一陣位就到啦，我與友人兩個人坐一檯。服務態度OK，舉手就見到我地，落單快，上餐都好快。豬扒麵個豬扒係重點，幾香脆又入味，的確同出面食到的豬扒不一樣，而且店主剪成小塊方便進食，呢個幾好，唔會食得好狼狽。個煎蛋都煎得啱啱好，唔會話全熟。個多士都烘得好香脆。整體都幾好。尖沙咀區呢個價錢呢個質素，值得encore！

它是B類食店(兩人一枱)，但可能想做多点,生意竟然容許3個坐一枱，店員叫我兩人坐在一抬已有一個食客的枱，每張也清楚寫了兩人一枱！我不想違規沒坐下去，店員就請幾他願意違規的人坐，最後我沒吃就離開了，因我不想違規亦不想在違規食店用餐！

香港馳名豬扒包1️⃣豬扒包真係好大塊豬扒，味道十分特別，好好食。但汁不夠多，豬扒肉質比較老，再淋d會更好。如果加少少洋蔥就更好。包方面就真係十分差，唔熱，又唔脆。冇烘過咁，得塊豬好食。💰HKD$35 2️⃣豬扒雞翼公仔麵豬扒份量少，雞翼超難食，雞翼其實好難唔好食。佢係好乾，肉硬，冇味🤬🤬🤬🤬千其唔好叫呀！公仔麵就正常發揮💰HKD$403️⃣咖央西多完全唔明佢出名係邊度 咖央味勁淡，西多士仲要冇普通茶記咁好食🤷🏼‍♀️🤷🏼‍♀️我食到r哂頭，咖央都係去返東南亞餐廳啦💰HKD$204️⃣奶茶味道冇咩特別,佢就標明必試，口渴就叫杯啦💰HKD$18豬扒係值得食嘅，可以淨叫😂😂其他可以不理不用排隊，但環境差，好熱，夏天去真係要自己帶把風扇

星期日下午茶時間坐無虛席，不過都唔難搵位。自助搭台搵位，坐低後自己出去排隊落單，連食完埋單都係自己行去留意返d位唔係亂咁坐，要對應返台上餐廳名呀！豬排調味的確唔錯，果然名不虛傳！帶少少沙嗲香，微甜。雖然成個碟底都係油，食落又唔覺不過個麵就無咩味。而且見其他米粉，通粉都一樣係分開上，可見餐廳都係主打豬扒。另外叫左咖央厚多士。多士烘完，外脆鬆軟飲品方面，瓦煲奶茶平時茶餐廳好少見。茶底與眾不同，尚算香滑，個人就唔太習慣呢隻茶味。

見個食評話個豬扒好正,咪走去試下囉,。。。肉好柴,醃味過甜,飯同豬扒分開上攤到碟飯凍,件豬扒至到,瓦煲奶茶又係名過放實(重要加$7),未見突出,真係無下次。。。

終於食到尼間之前重開後好多人爭住去食！今日閒日放假！可以輕鬆地慢慢食可能唔多人！啲職員都好Nice好主動問你有咩需要！早餐-猪扒公仔麵+熱檸茶（$43）猪扒好入味如果淨食猪扒會略嫌佢太重口味！檸茶太細杯！唔夠飲！

而家大排檔已經唔同以前嘅感覺了！😢以前去大排檔，好熱鬧，可以喺不同檔口叫嘢買去其他檔一齊食，好可惜華不是每個老闆都接受嘅🥺話說今朝喺華香園食緊早餐嗰陣，咁啱見到同事咪諗住一齊食，佢話食開隔離檔，咪打算叫過嚟坐埋一齊食，當時華香園老闆就問同事點解要叫過嚟食，同事便不好意思…過返隔離檔食，不過留意到老闆目光👀👀。其實都冇佔你的枱，為何仍要…….！ 呢度嘅豬扒係咁多檔最好嘅一檔，可以添加一點人情味😢希望各大排檔主能和諧共處，搵多啲錢，食客又開心🥳

尖沙咀海防道熟食中心都重開咗一段時間，熱潮過後去，人流不多，一試其中兩間茶記，一接近華香園，老闆拎住碟豬扒叫我哋一定要試佢真係幾風趣，本身我哋就係衝住華香園而嚟既另外叫咗德發牛丸粉麵既牛丸河試下。◎ (華香園)招牌秘製豬扒配米粉 米粉係配角，主角係招牌秘製豬扒，充滿豉油香味，煎得唔會乾柴，啱啱好，亦唔會太鹹，個人覺得唔錯，經過呢頭可以一試。