華香園

Open Now

Now Closed

中午放飯，之前熱就一班同事係樓下商場或叫外賣解決。依家天氣涼啲，大家約埋一星期都會走入尖沙咀大排檔食一兩餐，鐘意呢度多選擇，有牛丸、有炸豬扒、有蔥油雞扒、有海南雞、仲有好多炒嘢食，似大食代得嚟又有風味。今日行到入去，女同事話想食吉豬，我話喉嚨有啲痛不如食豬扒算，咁佢話OK。我哋三個比個女人大聲叫咗埋去華香園。一坐低個又肥又矮嘅女人可能係老闆娘不斷大聲講嘢大聲吵。個後生嘅女仔客客氣氣幫我哋落完單，等食期間都聽到個肥女人不斷係我哋身邊行嚟行去吵鬧，周圍又無人理佢。終於等到我哋嘅豬扒米、豬扒麵到咗，食落肚都唔知咩味，快快脆脆食完，本來幾個人食飯愉快的心情被破壞，加上我有小小作感冒，真係煩到嘔，真係想叫個阿嬸收聲！以後去其他檔食，絕對唔食呢間

之前同我高太都唸住食過幾次，次次行過想食都排哂隊今日星期日午餐時間行到落黎無人排隊即刻坐低試一試個馳名豬排先附近仲有好多間茶檔好似間間都有好多人幫襯甘餐牌好似都係以豬排為主我同高太都係嗌左豬排，高太食烏冬，我就食出前一丁本來見到有個薑葱撈麵想試下不過果日無得賣其實個豬排主要係醃得幾夠味不過真係幾多油薄薄地唔太鞋麵同豬排係分開上既出前一丁同烏冬都正正常常唔会有咩驚喜我高太嗌左杯鴛走少甜好似幾好飲甘埋單一百二十幾唔使排隊都可以試下，要排就唔考慮啦

之前聽同事講這個熟食市場有一檔出名的豬扒飯。 帶飯的我未有機會嘗試。前陣子朋友約我食午飯 ，他提議來這裏吃。 我終於有機會嘗試了！ 豬扒飯加煎蛋豬扒醃得夠味， 佢個汁有少少甜味，正合我口味， 而豬扒沒有鬆肉粉的那陣味， 但我略嫌有點乾和硬。 店家會 碎上豬扒給食客們， 方便食用。 凍檸茶少甜少冰茶味一般， 可能天氣較熱的關係， 冰塊很快溶化了！雖然是新裝修過，但沒有冷氣，夏天感覺有點熱。 食物味道可以 ，雖然不算很驚喜， 但是我還是會再來吃的！

🐽 #秘製豬扒 x #瓦煲奶茶🐽推介指數 ❤️❤️❤️❤️🤍繼續 #平民美食 #地道之旅，海防道熟食中心有兩個入口，一個在海防道，另一個在九龍公園徑旁邊，在北京道經波鞋店轉入小徑，這樣就可以不用經過海防道街市，直達熟食中心。1970年代在登打士街擺小販檔售賣奶茶，幾年後獲安置到熟食中心且創出招牌豬扒、瓦煲奶茶。幾十年，店主堅持沿用一貫做法，保持味道如一。㊙️豬扒通粉 HKD39 ✨通粉和豬扒分開奉上，豬扒有兩大塊，而且貼心剪開方便食用。外層味道甜甜，配上辣椒碎份外惹味。🫖 #瓦煲奶茶 HKD17 ✨奶茶香滑濃厚，茶和奶比例剛剛好，有茶味又有奶味且不會太甜，滿足❣️總結：-食物 ❤️❤️❤️❤️🤍環境 ❤️❤️❤️❣️🤍服務 ❤️❤️❤️❤️🤍.··🔖 #華香園 (尖沙咀)🪑尖沙咀海防道390號熟食檔9號舖

Stopped by the food hawker bazaar in tsim sha tsui (尖沙咀海防道熟食中心) for a quite bite the other day. The place was reminiscent of traditional Da Pai Dong (大排檔), but a better-organised and cleaner version.We tried the pork chop bun by Wah Heung Yuen (華香園). The pork chop was beautifully chargrilled and still glistening when served! Smelled absolutely delicious and the meat also happened to be quite lean, which was right up my alley. Most of it was sandwiched between a classic white sesame burger bun. T

為食情侶已經是第二次到訪小店了！不得不說，常常記掛著，好想快點再食呀😚第一次試食了豬排雞翼飯和多士，兩樣也一般水準，沒特別的。誰知，同一樣的豬排夾在漢堡包中，竟是如此滋味！！🤤🤤 秘製豬排應該加了不少蜜糖，配合（自家製？）漢堡包，甜而不漏。豬排的火喉煎得剛好，還有非常貼心的把有骨位另上，可以慢慢欣賞每一啖入味又新鮮的豬排包，太幸福了😋💕💕 上次叫了奶茶不太吸引，所以是但點了凍華田。意外的好飲！很濃味！😋這店的豬排包是我覺得最最好味的！以前在澳門旅遊嘗過好幾次，每每失望而回。這店的確有驚喜，但除了豬排包外，其他食物我的評價不高。環境方面，在熟食市場而言算是整潔。地上沒有污水，但冷氣不太大。為食的我，大概一個月後我又會出現在此了🤣🤣

😪尖沙咀地段租貴，有一個熟食中心可以比平民百姓用低價錢來負擔外出用膳既費用。如今尖沙咀海防道翻新完去潮聖下同下午茶既時間叫輕食一下就算早早已聽過海防道牛丸出名，行左一個圈就發現每一檔既招牌竟然都系出同門，秘制豬扒。眾多招牌豬扒下唯獨呢間入坐席超過其他，就估計佢係熟食中心相對出名既食店。就馬上坐下來。全部單點 見到貴為招牌菜，點了豬扒包，本土茶記名物之一西多士和一杯瓦煲熱奶茶。熱辣辣既西多士上枱，顏色貼近茶餐廳出品，切開見真章，冇花生醬既，可以間間茶餐廳都有不同做法，但就真無我太失望😮‍💨 心情直落谷底。而豬扒包，個包一睇就知係—嘉頓出品，唯一可取而係豬扒唔會乾柴，秘製汁是BBQ蜜糖，唔會令人討厭，但唔值這個價錢😂。等了很久的瓦煲奶茶終於上枱，有淡淡的香味（據說是瓦煲香），茶味比奶味香，是特別的但沒想喜歡。我會定位為遊客餐廳，只會試一次🥲

▧ 招牌秘製豬扒配米粉 睇social media先發現原來尖沙咀係有個熟食中心，之前一直以為呢度係垃圾場。轉左好多個彎先入到個熟食中心，場地唔算大，枱都隔得好開，防疫都算做足功夫。Ｗeekend反而唔係太多鋪開左，唔知係咪做開平日生意所以星期日就休息。不過好好彩，最想食果幾間都有開。華香園就係其中之一。 招牌秘製豬扒似乎好出名，鋪頭大大隻字係咁宣傳自家豬扒，我都叫左份黎食。眼見汁邊枱枱都叫，陣香味咁遠都飄到過黎。豬扒食落唔太咸，好入味，好香鼓油香，色澤好靚，果然係冇介紹錯。不過米粉就普通，粗身左少少，唔夠滑。

海防道熟食中心重開左好一段時間，新裝修之後地方大左、整齊左同比以前乾淨左好多。.熟食中心入面有好多唔同既港式小店，當中少不了大量港式風味餐點吸引大家去發掘。好多店既名物都分別試過，好似炭爐奶茶、咖央多、流心西多、牛丸麵等等，但比較岩口味既係華香園呢檔馳名秘制豬扒。.豬扒公仔麵🍜/米粉 💲38⭐️3.6/5豬扒醃得好入味，油油甜甜係我喜歡既味道。但嚴格黎講，比起之前幾次黎，今次豬扒好似乾、薄左同少少鞋。所以未算得上係大推必食貨色。不過回憶中既味道加上風味分總是好的。.秘制豬扒包 💲35⭐️3.8/5唔多夠飽叫多份豬扒包Share.. 我喜歡高碳水之物或者食慣呢種風味，所以覺得豬扒同麵包夾d。其實上次嚟食奶油多士都好好味，下次再嚟我應該都係會叫返多士。.奶茶 餐跟⭐️4.2/5杯奶茶嘅茶底我幾鍾意，唔會太苦澀但係有茶唔會剩係得奶味。.上網睇到有人話呢度服務麻麻地。但係可能因為咁啱我去嘅時候係平日冇乜人，覺得老闆好好人，見我地影相幫手執檯同埋同我地吹水。.總結：呢到大部份係風味店，味道上唔期待會驚為天人但係間唔中邪惡一下感覺還好。.不專業食評 nei.foodie

華香園🥰出色秘製豬排趁而家遊客少咗，係時候去重温各款香港地道美食啦！今次我哋就嚟到尖沙咀。我哋叫咗一個豬扒公仔麵，咖央多，凍檸茶少冰少甜秘製豬扒幾好食嘅，味道甜甜地肉質唔鞋。個面上菜嘅時候真係成個面形喺度，笑到我傻咗😂😂😂 爽係爽，不過個麵質地本身唔特別好食。咖央多都係唔錯嘅，唔算好甜。好多台都有嗌。凍檸茶就普普通通啦👌🏻 茶底冇乜驚喜最近天時熱，日頭嚟食都熱熱地架，大家帶定風扇仔就好啲啦❤️

尖沙咀熟食市場裝修後重開，乾淨又舒服左😌😌仍然保留大排檔的感覺。店舖門口貼有秘製豬扒的字眼，該區又有好多人食緊豬扒包，於是試下。📍豬扒米粉豬扒入口有焦香味，食落鬆軟又唔會鞋口。煮得剛剛好，肉汁都能夠保留到。食到最後會有點咸同膩。米粉味道較清淡，可以中和下豬扒的濃味，唔錯👍🏻

豬扒好多油，油膩同埋啲粉面好多味精，食完之後至少要飲返起碼一支水先唔會咁鬼口渴。另外，杯凍朱古力完全地都冇味，非常之淡，淡到好似飲緊凍嘅水咁囉！服務員的記性唔係幾好，落錯單同埋送錯食物去隔離枱！

知道海防道街市開番,依間豬扒好出名,等熱潮過咗少少先黎食,喺後面花園一入去就俾人截住叫我坐低,我望下周圍又有人叫我坐第二度,然後有人叫華香園坐依邊,我先如夢初醒咁打算行過去,不過四周圍嘅人都繼續叫我坐佢哋個度,其實我都表明要食邊間,點解仲要咁?只怪生意難做吧?當然最後我都順利坐喺華香園到啦(雖然其他人好似好不滿)好!入番正題,講番食物,黎到緊係食豬扒,叫咗豬扒丁,豬扒咬落甜甜地,鬆化,的確係好特別嘅味出前一丁係岩我嘅口味嘅軟硬度(   麵質我覺得係因人而異),而奶茶亦都係有水準總括黎講非常滿足,下次會試下第二邊入,希望順利d

尖沙咀海防道熟食中心（昔日的平民美食天堂）海防道臨時街市1978年啟用2018年11月重建2020年大翻新後星期六下午再踏足環境衛生比昔日企理燈火通明設有很多風扇枱與枱之間距離尚算寬闊地面不再濕濕笠笠但夏天去仍然會吃到汗流浹背衣服會染有淡淡的油膱味華香園在這裡屹立著數十年今天由新一代傳承落力帶位有幹勁馳名的招牌秘製豬扒配了米粉豬扒厚度適中（碎上）煎得很香口味道濃沃鮮牛肉蛋飯牛肉嫩滑九成熟配上滑蛋整體很Juicy可惜份量較少咖吔多醬較薄不算出色凍奶茶年輕女店主會主動提點可以選擇少冰少甜茶很濃 情更濃埋單$147只收現金以大排檔來說不算平民價錢但值得去打卡感受一下大排檔茶記風味

我去過幾次海防道熟食中心。見到好多人幫襯秘製豬扒。今次自己終於試吓，但就好失望。豬扒同碟飯分量比較大，但豬扒味道偏淡肉質又較乾，無咩特別。飯埋到枱都係凍咗。唔會特別推介😓 真係好可惜，冇我想像中好味。