華立茶餐廳

Open Now

Now Closed

最近常下大雨，難得今日週六放晴，就去大埔香港鐵路博物館和附近走走。四圍行又尋找美食，去了北盛街想買腸粉，但排隊的人眾多個肚有咕咕聲，便去另外去方找找。見到對面街有個好大、好搶眼黃底黑字的招牌，華立茶餐廳，就去試吓啦。我叫了一個茶餐，火腿奄列+牛油多士，沙嗲牛肉意粉，以上食物都可以啦。但茶餐廳對意粉的熟度沒有什麼要求，都是過腍的，這兒也不例外，或者這是茶記的特式😂。我叫了一杯凍奶茶，雖然是凍飲也嚐到茶的香濃，冇叫少甜但也不會過甜，非常好👍🏻。見到別的顧客吃蛋撻 心癢癢，叫了二個，其實他們有牛油皮及酥皮蛋撻，但我鍾情後者，他們做得非常好，酥皮夠層次，蛋又好香滑，只是甜了少少。

這一個平日的早上，為了處理自己的事同班叔父去了大埔一轉。辦好事後的第二站，當然是去吃。我沒有提意見了，由堂兄帶路來到大埔墟，他們喜歡的，食到熟晒的，是位於寶鄉街的老字號茶記《華立茶餐廳》。《華立茶餐廳》有兩個門面，一邊是《華立茶餐廳》，另一邊是《華立粥麵》。我從小就知道，這茶餐廳的出品，由麵包，意粉到粥粉麵飯都有，原先只有一舖，後來再添了旁邊的所謂《華立粥麵》，出品一樣，廚房相連，只是樓面不貫通而已。 早餐，好多時都是簡單的通粉肉丁，這就是所謂的香港式罐頭餐。雖然，這些東西好似自己煮都有相同的質素，但我們在選料上，配搭上，未必可以好似茶餐廳做得咁完美。一份煎蛋火腿絲，一個豬仔小麵包，雞湯底通粉加雜菜粒，最美妙就是平時不會在家存貨的五香肉丁，而且肉丁粒粒方正，又香又有口感，微辣而香口，不錯。 本人的早餐，是豬扒煎蛋麵。出色的豬扒，充滿了香港精神的豉油味，充滿了香港精神的極腍豬扒肉，是一個快捷又夠飽肚的不健康早餐，流心黃的煎蛋，混合了麵湯，更是美味。 堂兄要了一碗牛腩麵，濃濃香香的一碗，充滿牛根，腩肉，腩汁。完全地炆到腍，充滿了腩汁的湯底，是這碗牛腩麵美味的關鍵。 說蛋撻，整個大埔墟的麵包

當侍應送上椒鹽排骨飯上枱時, 看著那碟飯第一個感覺是呆了, 因為買相與一向食開的椒鹽骨飯真的相差太遠了, 還即時有個錯覺以為侍應送上一碟午餐肉飯, 坦白說味道不算太差, 但色香味也絕對不能稱之為椒鹽骨飯, 應該是煎豬扒飯配上豉油汁底再加紅椒洋蔥伴碟。喜歡食椒鹽骨飯的人一定會極度失望。

某天早上走進來，在人聲鼎沸的華立餐廳之中，我便感受到濃濃既街坊情懷。這邊廂幾個主婦在街市買完菜後來喝杯茶歇息一番，另一邊廂幾個不認識的藍領人士帶著馬經討論今場貼士。素未謀面的人縱然大家不曾認識，在這裡，就像老朋友般談起上來。這就是舊式茶記的獨有風景。叫來了一份精美早餐，吃的不只是食物，還有人文情懷和老舊裝修。沙嗲牛肉麵嘅麵條較幼，使更多既湯汁沾上麵條，而沙嗲牛肉是甜甜的，口味特別也使人回味。而餐飽和奄列都是尋常味道，不用額外說明了。最後的奶茶，茶味較濃但不失奶味，屬中上品。吃罷回過神來，餐廳已換了另一批食客，但仍有著街頭巷尾的鄰里溫度。

突然想食粥+腸粉⋯本來唸住去連鎖店食就算，點知連鎖店粥款少到呢，而且腸粉都無，非常差！結果行經這間，望一望，原來有粥食喎，又唔洗等位就入左去啦！入到去，侍應叔叔話無飯食，因為廚房無電，可能因為前一星期的意外吧⋯唔緊要，我地目的係食粥，點了肉片粥+齋腸，太耐無食過齋腸啦，好懷念呀個粥底唔錯，而且又唔會過鹹，肉片又夠林，好至於個齋腸，略嫌皮厚了一點，但配腸粉豉油係好食的另外，叫了碟灼菜心，碟菜心簡直失敗，十幾蚊一碟，得5條，同埋真係好油，下次一定要走油

近三個月都冇去過華立食嘢，因為佢地除左過早餐係食得下人之外其他嘅都完全唔係人食嘅，今日八點左右入到去見到都有八成坐滿，心裏都覺得好似冇咩可能會出現係而家餐廳裡！我地四個人坐底就見到啲嘢食好似同以前唔一樣，問個火記先知完來換左個炒嘢帥父，而家啲食物都唔錯，叫我地試下啲小菜，我地就叫左個四個小菜，居然可以好味到冇人信，就好似去左酒樓食飯一樣！好好味，大家真係要去試下

咁大個雞批你又食過未？有客人拎左蛋撻雞批蘋果批黎公司探班，一打開個盒就比眼前既雞批蘋果批震懾左😂全場同事都未見過20cm長直徑既雞批，好霸氣！食落既餡係似忌廉雞湯，酥皮焗得好香脆，外形仲好靚，送禮真係一流呀。

雖然大埔都好多人美食，但開24小時既述餐廳10隻手指數得哂!而位於大埔大埔墟既華立茶餐廳係其中一間!當日大約夜晚11點去到華立食宵夜，論衛生環境的確有點差，但勝在選擇都多價錢又合理,所以都好多人夜媽媽幫襯。我叫左一個男人的浪漫-豆腐火腩飯，但豆腐太淋,燒肉又似隔夜，個汁幾濃都救佢唔到女友則點一個豬手面套餐 ,一個粉面配一個時菜/飲品,只售$42,個人認為幾抵!豬手燘得非常稔,又入味,湯加左腩汁令到面更加入味!份量唔算多但總算食得飽菜有通菜，菜心,芥蘭可以揀，我地就揀左腐乳通菜。通菜新鮮，腐乳仲好足料,唔錯!

假日與友人出遊大埔，下午時份，熱得頭暈眼花，汗水一滴滴的滴下來，找家茶記吃個下午茶，順便抖一抖。因為是下午茶，我們只叫了數樣食物補充一下體力。已經很久很久很久未有試過這樣的火腿通了，湯通粉裏有少許雜豆，上放一些白烚的火腿絲，好像回到從前的感覺，再加兩隻煎太陽蛋，實在是妙不可言！酥皮蛋撻是超級好味，酥皮勁脆，吃時難免會跌一些下來，蛋漿偏甜，不過小人就愛這種懷舊的味道，友人更連吃兩件。在這裡，可以尋到昔日的風味。

呢間係大埔嘅茶餐廳望落好舊但蘊藏住一陣街坊味道所謂食回憶淨係食過呢到嘅早餐每次都叫相同嘅combination沙嗲牛+菠蘿包+奄列雖然食沙嗲牛好guilty但呢到嘅沙嗲牛好好食汁夠濃之餘又唔會over左牛唔會太"un"公仔麵嘅淋度都岩岩好菠蘿包係熱辣辣咁上菠蘿面夠脆包都唔會太實太飽Ps 傳說話壓扁個包 食嘅時間塊皮就唔會同個包分離😂奄列就正正常常無話咩特別出式火腿都算多稍嫌偏油不過茶餐廳嘅奄列炒蛋通常都好油成個set配嘅奶茶就perfect 啦😋

今日去探完老人家，之後就去左華立茶餐廳食。我同爸爸就叫左一人一個菠蘿油同埋一杯熱奶茶。我成20幾歲人第一次食菠蘿油，身為香港人都幾慚愧，呢個係香港名物，但竟然成20幾歲都未食過。唔怪得知係名物啦，原來真係幾好食，熱熱嘅菠蘿包配上半溶嘅牛油，原來真係絕配！真心，菠蘿油配上一杯濃滑嘅絲襪奶茶，仲有個酥皮蛋撻都真係好好食！如果你哋入嚟大埔，都可以試吓華立茶餐廳！因為佢真係一間幾舊式嘅茶餐廳，可以懷念一下舊時茶餐廳嘅風味。

多年來在大埔的心水No.1茶記! 最鍾意食佢既焗豬扒飯，兩大塊豬扒，炒飯底，多年來質素無退步過！加埋果杯即叫即沖既咖啡，並唔係由朝整定擺到夜晚，而係會見到一粒粒未溶得晒既咖啡粉，多年來都KEEP得住!再加埋自家整既麵包、蛋撻，次次黎到都唔知食得邊樣好(9成都會揀焗豬扒飯)! 

要數大埔奶茶咖啡最出名三甲，華立一定第一位，茶香啡濃，完全配搭，由細細個第一口就飲佢，到上哂引，飲唔到其他嘅熱鴛鴦，因為佢。唔少得即時出爐菠蘿油，出面好多茶記唔會幫你叮熱個包攪到成日凍鮮油好唔掂，哩到熱上，食食下會有牛油溶入口，一個字，正

大埔老街坊必定熟悉。今天放假心血來潮又去食個下午茶，新鮮出爐蛋撻當然是首選，依舊熱辣辣上枱，撻皮鬆化，撻芯又甜又滑，打孖上才夠喉。另外再點多一份坊間小有的鮮牛肉蛋治，有蛋香，牛肉夠淋，好食牛者除西式漢堡外，又一選擇。要求地方高雅整潔，職員貼心有禮，sorry，這裏不是你追求的餐廳，但如想一試，外賣蛋撻回家品嚐亦可考慮！蛋撻打孖上鮮牛肉蛋治

今日約左去大埔見客，又係早到太多，路過這間傳統茶餐廰，走入去食過常餐，好似好多上年紀食客，心想應該不會差掛-，但感覺好舊好污糟，伙記都好似好污糟咁。沙爹牛肉麵~我覺得唔掂，有陣味。火腿奄列~正常。涷奶茶~見到伙記哥插埋隻手指入去，已唔敢飲。但收費好似38，好貴，除左污糟和唔值，乜都無為意-