威記粥店 (Closed)

食過好多次，今次先知原來佢叫威記，平時多數食綠豆沙，然後再加炸兩、蘿蔔榚、炒麵同咸肉粽share食，今次第一次食粥，食了碗白粥，原來碗粥好棉好有米香味，我唔鐘意食粥都覺得好食，蝦米腸雖然唔太滑，不過都幾多蝦米及有香蔥味。而佢d油器就麻麻地，可能唔係新鮮熱辣炸起關係。

有時會係屋企附近買番份豬腸粉做早餐，都係大家食開果o的五蚊幾條果類即食早餐啦！見早排有人係飲食講場問開邊檔腸粉好食，威記成為推薦，當然要試一試啦！同平時食開果o的「現成」貨式，哩度果o的真係幾鬼薄皮，口感唔同，若果大家食慣平時有麻醬果o的，哩度就欠奉喇，只得甜醬同辣醬。同事話哩度o既蘿蔔糕、炸兩好好味，如KC所言啦～士丹利街哩一行，見到其他幾有「風味」大排檔，仲留意到有檔「水記」麵檔係側邊，等我得閒試下先，見佢寫明「淨賣炸魚皮不賣」，相信「來頭」都不弱o卦，眼見老闆六點幾收左舖，仲係到落料「牛」湯底，真係夠哂認真～

今朝涷涷地，最好整碗粥暖肚，所以就來呢度。<br />老實講，呢度位處士丹利街尾，都幾偏僻，但都其門如市，眼見有好多街坊幫襯。<br />叫了白粥和炸兩，白粥偏杰，夠熱同好香米味，加少少盬吊味就夠。炸兩亦值得推介，皆因粉皮新鮮熱辣而油炸鬼亦是剛剛炸起，就構成美味的炸兩。另蘿蔔糕都食得過但因過年已食到怕，所以都係遲D 再食。白粥加炸兩收10 蚊，如果白粥油炸鬼更只是8 蚊，真的是平靚正！唯一稍為遜色的就是呢度的衛生環境，但舊式粥舖係咁架啦。<br />要留意腸粉要晨早來吃才好，皆因流量快又新鮮熱辣。如果下午食完飯才來試就好似吃不是新鮮出爐的麵包咁，變得「無分別」，甚至唔好食。<br />食野要不時不食、食新鮮熱辣的，此乃常識也！