圍威喂 (荃灣廣場) (Closed)

同事想食泰國嘢，話呢間好食，我又未食過都想試下，話好多人一定要早d去搵位。早少少去，lunch 唔算好多人。😆😆😆🐔無骨海南雞飯🍛 $68雞肉不算太嫩滑，中規中矩。👌🏻👌🏻飯係白飯，不是油飯，但加了炸蒜，味道都算香口。👍🏻反而碟油菜出色，加了一點醬汁，味道甜甜的。份量係大碟的，所以食晒都好飽😆😆套餐包一杯熱飲，本應想飲泰式奶茶，但呢度只提出港式奶茶，所以無飲。📍圍威喂 (荃灣)

平時係荃灣廣場食黎食去都係嗰幾間，今次終於等到有新餐廳！佢係一間食越式及泰式既餐廳，餐廳座位舒適，而且環境乾淨，仲會播流行歌曲，整體感覺好舒服。 (扎扎跳手打蝦餅及冬蔭功單骨雞翼)- 64$呢個係2個套餐額外加錢配既小食，冬蔭功單骨雞翼食落酸酸甜甜，十分開胃，炸粉都唔會太厚，食落去啖啖肉。至於蝦餅，食落去非常彈牙爽口，但本身佢無咩味道，需要配上旁邊既醬汁。(海南雞配油飯)- 78$海南雞同油飯絕對係絕配，雞肉十分滑嫩，而且雞油香味濃郁，用黎再食多碗飯都唔係問題。雖然雞既份量睇圖好似唔多，但絕對夠食飽一個人。(泰式蟹肉炒飯)- 88$係我最期待既一樣野，蟹肉口感食落一絲絲，唔會係霉霉爛爛，充滿住冬蔭公既味道。而且撥開飯中間，會發現除左蟹肉仲有蟹子，每一啖飯都會有幾粒蟹子，食落去好有口感，為炒飯增添層次感，下次絕對會再叫多次。

泰國菜食唔少，呢間啲嘢食對得住佢個靚一靚嘅餐廳環境！#金邊粉菜式設計得好有心思，網紋蛋包住金邊粉，材料比例合理，啲粉都好彈牙，唔會油冧冧👍🏻好入口，而且啲雞啱晒鐘意食雞冇雞味嘅朋友😂佢個盆擺齊三種配料，泰式辣醬、花生碎、仲有辣椒粉，想落幾多就幾多。#菠蘿炒飯造型特別，最鍾意見到原隻菠蘿兜住啲炒飯，分量又唔會太少，肉鬆、腰果、仲有提子乾…雖然唔係店內推介，但幾值得試😋#黃咖喱多士落足海鮮www兩隻帶殼大蝦🍤兩個肥美青口🤤多士中間掘得好深，唔辣咖喱、海鮮洋蔥蛋漿紅椒絲勾芡，夠味得來又唔重口味，切開有爆漿嘅感覺，多士係脆嘅，點醬汁啱啱好食晒一碟。#泰式奶茶雪糕配油酥餅雪糕同油酥餅都好好食，但感覺好抽離，似係食緊兩樣獨立嘅食物。泰式奶茶雪糕有茶葉粒粒，可以話原汁原味，奶味濃，不過份量太細，得兩小球。#順帶一提，食物質素好，要加一服務費，但員工反應慢咗少少😅甜品畀咗羹但收走咗碟。

成日經過呢間餐廳，覺得裝修好靚但門口成日好多人等位，今日同朋友經過再望下，原來係食泰國菜可能係星期一所以無咩人等位，等左5分鐘左右就入到去價錢同普通泰國菜差唔多，唔算貴同朋友兩個人叫左四樣野食，全部都好大份，最後打包左返屋企黃咖喱海鮮多士盒 $168 (4/5)黃咖哩份量好多，個多士點唔晒D咖哩，多士盒個面好脆，唔會好硬辣度好低，味道係偏甜，有加椰漿同蛋溝係裡面，唔食得辣既人就岩晒了！泰式鐵板蠔餅  $98 (４/5)上菜時鐵板仲係熱辣辣，淋埋辣椒醬同埋泰式酸辣醬上去好夾，好開胃好大份，蠔仔都算大粒同多香辣豬肉生菜包＄８８（3.5/5)味道不過不失，味道較淡覺得香料唔夠重同唔夠辣炒金邊粉 ＄８８(3.5/5) 擺盤好靚味道都係不過不失，無特別驚喜可以再酸D就更加好

【荃灣廣場•圍威喂】————————————————————————今次嚟到荃灣食飯 其實荃灣又好行又多野食商場間間都要等位 求其揀咗一間同朋友一齊”圍威喂”去食”圍威喂”餐廳有張枱搖到好似地震咁 店員都問我哋介唔介意先之後有食客一走 佢都馬上安排我哋轉枱👍🏻🦀🍲 黃咖喱蟹肉拼蒜蓉包 HKD188𝒴𝑒𝓁𝓁𝑜𝓌 𝒞𝓇𝒶𝒷𝓂𝑒𝒶𝓉 𝒞𝓊𝓇𝓇𝓎 𝓌𝒾𝓉𝒽 𝒢𝒶𝓇𝓁𝒾𝒸 ℬ𝓇𝑒𝒶𝒹呢個一定要推介大家食 佢係非常足料又好食個咖喱質地唔稀 有少少杰身 好似食賽螃蟹咁再配上軟熟嘅蒜蓉包 冇錯！一啲都唔硬係軟熟 其實呢個份量都唔少 幾個人share就啱私心地推介❤️ 朋友們都忍唔住叫個白飯撈飯食點解唔覺有人推介呢個菜式嘅 就等我做第一個👍🏻🫓手工薄餅(2件)HKD33ℛ𝑜𝓉𝒾 𝒫𝒶𝓇𝒶𝓉𝒽𝒶 (2 𝓅𝒾𝑒𝒸𝑒𝓈)叫得薄餅就梗係配咖喱食 好啱食我個黃咖喱蟹肉個薄餅酥脆 夾埋咖喱蟹肉真係好好食😋🤪繼續推介咖喱蟹肉❤️❤️❤️ 🥘泰好味椰子雞湯 HKD88𝒴𝓊𝓂𝓂𝓎 𝒞𝑜𝒸𝑜𝓃𝓊𝓉 𝒞𝒽𝒾𝒸𝓀𝑒𝓃 𝒮𝑜𝓊𝓅 (🎬影片在後) 呢款係朋友特推 飲落超勁椰子味 入面都有雞同菇個啲配料 如果配料多啲就好喇2個人就份量啱啱好

我覺得做朋友真是很講緣份，兩脅插刀的、過橋片板的、取著數的、自私病的通通遇過！可幸我還肯相信友情的存在，所以現在身邊的全是知心好友，近年更有緣地重遇中學同學這夜就跟她們來一個聚舊之夜。同學希望選在荃灣進行晚餐，我便選了數間給他們挑選最後決定到圍威喂，跟好友珊率先到達那點上飲品等好友寶來，她選了色澤迷人的星空梳打＄32、而我則選了酸香的甘桔檸檬梳打＄28。人到齊後大家各自點上喜歡的美食，然後當然是七嘴八舌的想當年，回味著那青葱無憂的歲月多快樂。首來是超豐富的圍威喂拼盤＄138，內裏包括有香脆春卷、煙韌炸魚餅、彈牙炸蝦餅及單骨雞翼，全部也是熱氣的東西卻又是引人的美食。炸物全部都熱騰騰地上檯，而我就最喜歡單骨雞翼吃起上來超方便，味道醃得恰到好處之餘雞肉仍十分嫩滑。沙嗲牛柳串＄48/兩串是兩好友點選的，吃不了牛的我當然沒辦法品嚐，那便留給她們好好欣賞吧！而我則可以品嚐這個袐汁脆皮燒白鱔！68/串，燒至皮脆肉嫩的白鱔很香口，秘製醬汁帶出了白鱔的鮮甜味，這個白鱔質素跟味道也相當不錯。蔬菜我們點了這個馬拉盞炒通菜＄78，馬拉盞炒菜從來也是香口惹味，廚師將通菜炒得嫩綠好吃不很脆口。最後主食我們點上泰式

今次嚟到荃灣決定試吓裝修、餐牌同舖頭名都好有特色嘅泰國菜🇹🇭圍威喂！可能太有期望，整體食物味道的確一般，但係飲品就十分有驚喜🌟❐ 馬莎文咖喱紐西蘭羊架 $148⟰好少咖喱可以配羊架❗️羊架煮到好入味✨外皮有先煎過十分香口，肉質鮮嫩彈牙多汁💦而且大大嚿啖啖肉，正🌟⟰咖喱十分濃郁🥘略帶花生堅果風味少偏甜而且辛辣不太夠，食落有少少甜膩⛔️💁🏻‍♀️咖喱其實幾出色不過下次會試吓其他款，可以加錢配薄餅🫓或者白飯🍚❐ 泰式鐵板蠔餅$108⟰ 即係切碎左嘅蠔餅加埋芽菜放喺鐵板上面，可惜整體並沒有鐵板火氣，口感更不及全塊上豐富🚫⟰芽菜份量偏多偏少少生🦪蠔的份量就較少，更略嫌有少少腥味🖐🏻⟰整體味道偏淡只有芽菜味，點埋酸甜汁食都一般般⛔️❐ 大蝦冬陰功湯 $98⟰黎到只有半碗，味道層次單一不夠濃郁🍲而且少少偏鹹⛔️⟰兩隻蝦算新鮮彈牙🦐配料較少略嫌不夠豐富只有少量菌類🍄❐ 菠蘿椰奶沙冰 $38⟰菠蘿椰子味香濃好夾 🍍🥥而且十分幼滑🍹🌟⟰加上少少乳酪開胃解渴💦又吾會太甜✨

已經第二次嚟食嘅餐廳！佢係一間新式嘅越南餐廳；餐廳裝修妹潮又型格，座位舒適👍🏻食物整體來講都好好食😋 🌟必食推介🌟圍威喂！無骨海南雞 $138呢個我已經食過兩次，兩次都保持水準；份量非常之好，而且雞肉好滑，雞皮好嫩👍🏻 醬汁有三種：薑蓉、甜酸醬、醬油；伴碟就有幾塊青瓜咁😊😊馬拉盞通菜 $78屋企人大贊呢個馬拉盞通菜炒得非常之好，通菜唔會有好多根，有時食到有啲難咬到吞唔到，但呢個就唔會，馬拉盞只有少少辣味（可能有啲人感覺唔到辣添😂😂），但我覺得幾好😎青咖喱豬頸肉 $92份量適中，裏面仲有啲蔬菜，例如豆角等；但係呢個青咖喱就稍為有啲辣，如果你冇食開辣嘅，咁你會覺得呢個會好勁咁😅 但我覺得整體上好香，送飯一流👍🏻👍🏻沙嗲牛柳串 （4 串） $88好大塊牛（見圖）好抵食喎咁😂😂 沙嗲味都唔錯。手工薄餅 （2 件） $35油飯 $15值得一提，油飯係好好食，一餐飯次次都叫兩碗以上😂熱帶百香果蘇打 $24金桔話梅蘇打 $28鮮橙蘇打 $26

素青咖喱全部都係用蔬菜,有菇、西蘭花、豆角、茄子，仲有啲配菜🥳少少辣但偏甜☺️✨撈飯一定很不錯，但我哋叫咗蒜蓉包點知啲咖喱，一樣好入味！蒜蓉包比較細塊，我哋兩個人一人食咗兩塊。蝦炒金邊粉炒金邊粉好特別上面會有層蛋，美觀左🤩好夠味唔會太油，仲有辣粉自己加，照顧到不同口味的人秋葵豆腐生菜包呢個配搭好健康，好吸引， 但有點失望！因為好鹹🥲～調味好重，同埋豆腐比較un，口感似切左粒既魚片。百香果soda叫左走甜，都有好微甜，係剛剛好唔會變左酸☺️好飲🙌🏻

食左兩次圍威喂所以都想寫下食評。第一次食嗰時 就叫左個喇沙 當時覺得真係好好味 好岩我口味 因為佢辣啦同味道都適中 但食第二次既時候 我就覺得佢咸左啲 當刻有啲失望😞希望我第三次去食既時候佢會無咁咸🥺而今次就試埋肉骨茶 其實我人生入面係未食過肉骨茶🙈🙈因為我本身麻麻地中藥味既野 但成日聽人講好食 所以就想試下 我開頭食就覺得唔錯 中藥味無話好勁 但我只食到差唔多一半 食晒一碗我會頂唔順 而野飲黎講我覺得都相當唔錯！

短期內山長水遠走到荃灣食同一間餐廳，一定是有其吸引之處，想不到第二次光顧，竟然食唔到第一次的味道！最終失望而回，相信短期內不會想再光顧。小弟所說的是喇沙！第一次食有濃濃的椰香味，令我回想起曾經在新加坡的一個地道美食市場食過的味道，雖然及不上當地的質素，但椰味濃的喇沙湯底比較少食到。第二次竟然完全食唔到椰香味，取而代之是一股腦兒的䶢味。喂喂喂！差太遠了吧！肉骨茶本人覺得麻麻，不期望在普通餐廳食到好味的肉骨茶，沒有期望沒有失望。反而兩次幫襯水準保持得最好是飲品，椰汁特色珍多冰及芒果昔昔都唔錯，總之是甜甜的飲品，正常發揮，不會難飲。味道：環境：服務：特色：泊車：（荃灣廣場是我最討厭的新鴻基商場，泊車優惠少，其他商場有的smartone、銀聯、新地會優惠通通沒有）評語：啲食物都係圍威喂咁啦

荃廣有間泰菜好滋味，Lunch成日都同同事去食~ 想男朋友都試下，同埋都想知Dinner同Lunch有咩唔同，所以收工帶咗男朋友去食~「圍威喂」個裝修同佢嘢食嘅風格好唔同，嘢食好地道惹味，裝修好少女粉紅，成間打卡Cafe咁！聽同事介紹先知原來餐廳前身真係間Cafe嚟，「圍威喂」頂手之後沿用返以前粉紅Cafe個裝修，所以就有咗個咁特別嘅配搭！🧡泰式安格斯牛肉船河（$98）觀塘之前有間好好食嘅船麵，一直都搵唔到比佢更好食嘅，但「圍威喂」個船河超越咗！比船麵更好食，湯底更濃郁！魚皮夠脆夠大塊，無論直接食定係浸落湯度食都係好好食！ Lunch都有食過呢個船河，比Dinner平$30蚊，不過一分價錢一分貨，Dinner個份量就多好多，都值得返個價！🧡招牌泰皇蟹肉炒飯（$98）蟹肉足料，撕得夠碎，完全同飯融合，啖啖都食到有蟹肉，超滋味！🧡芭提雅的天空（$28）出於好奇嗌咗呢杯嘢飲，結果真係上咗個芭提雅的天空上嚟，個天好藍好靚！原來呢杯係豆奶飲品，甜甜地少少奶味，味道都唔錯！🧡經典檳城炒粿條（$68）呢個炒粿條係之前Lunch食，同事一致都認為好食，炒得好夠鑊氣好惹味，份量都唔少，同埋出乎意料地臘腸

見到間餐廳個名叫圍威喂好似幾得意咁，晏就又有lunch menu，幾抵食咁，就去試下。餐廳係食馬來西亞菜，lunch menu 都有好多款野食揀，好好既係佢仲有素食既menu，食素既人都啱食🌱野食係唔錯既但係餐廳環境真係嘈到爆完全傾唔到計😩一坐低已經覺得自己好似去左酒樓咁，勁嘈勁多講野聲碗碟聲。如果想快食個lunch既話絕對冇問題，但係如果想食飯同朋友傾下計咁唔推薦黎la。1️⃣經典檳城炒粿條（$68） 炒得夠鑊氣，而且唔算油。配料有啲芽菜、韭菜、蝦、蛋。粿條幾彈牙，上色唔錯，唔會太鹹，撈埋啲酸辣醬食味道再豐富啲😋  2️⃣娘惹喇沙湯麵（$68）喇沙湯麵麵底係油麵，入面有蝦、蛋、豆卜、魚蛋、通菜。湯底鹹左啲，而且冇乜椰香味😕不過勝在配料夠多，特別係魚蛋幾彈牙👍  3️⃣扎扎跳手打蝦餅（跟餐+$30）有兩大件，啱啱炸出黎熱辣辣，都幾厚肉🤤呢個好食。  

星期日兩點幾冇下午茶都爆曬埸咁濟係勁嘅，不過都唔使等，啱啱有位可以即刻入，環境都幾新潮乾淨。泰式金邊粉賣相OK，igable，味道都OK嘅，不過炒得唔夠乾身，有啲濕啦，同埋味精重咗啲，食完條脷有少少麻痹⋯⋯芒果糯米飯賣相一般，味道都一般，芒果太生未夠熟唔甜有啲酸，糯米煮得太耐䭃到一pat pat。服務還可以啦，只係咁大間鋪waiters 太少滿場飛，佢哋做嘢都快手。荃灣都有幾間泰菜，除咗igable，我唸唔到有咩原因回頭⋯

入到去會見到牆上掛住幾張電影劇照，係畫嘅，有好多經典之作！圍威喂拼盤（春卷、魚餅、蝦餅、單骨雞翼）$138未食都聞到香味，炸到金黃，賣相唔錯！食落都冇油溢味，非常香口，中意食炸嘢係唔錯選擇。燒豬頸肉$98同出面有啲唔同，唔會燒到好熟，熟得濟啲肉會咬落死實實，呢個厚薄適中，口感唔錯！無骨海南雞$138啲雞好滑搭配埋醬汁，酸酸辣辣，好味道，個人認為佢醬汁係海南雞嘅精髓飛天炒通菜$78不過不失，都係蒜茸炒，非常入味！