圍威喂 (荃灣廣場) (Closed)

荃灣廣場開了新餐廳，名字幾搞鬼，其實係食馬來西亞菜，來到不用等位就入座。 圍威喂拼盤(春卷，魚餅，蝦餅，單骨雞翼) $128小食味道正常，仲配有兩款醬汁，唯一係蝦餅有啲怪味，拼盤份量多。 黃咖喱海鮮多士盒 $168賣相吸引，切開麵包咖哩汁滿瀉，內有大蝦、青口等海鮮，黃咖哩味道不會過辣，沾落麵包食一流。 馬拉盞通菜 $78味道正正常常，陣陣鹹香，唔食辣既就岩晒。 經典檳城炒粿條 $98泰式炒金邊粉食得多，試下新野炒粿條，原來係類似河粉既朋友，炒得好乾身，有芽菜增加口感，連埋附送既秘製既醬汁，酸酸辣辣好過癮。 星空蘇打$32以檸檬香橙梳打配上蝶豆花，酸酸甜甜，十分開胃，加上顏色鮮豔，打卡一 流。

現在夜晚又無得出街食飯🥲但生日真心唔想煮🙈當日行完荃灣當然買埋大餐返屋企慶祝啦😆我地叫了個2人套餐～扎扎手打跳蝦餅蝦肉好紮實👍🏻炸得剛剛好～蝦味好重又彈牙🦐一啲都唔油膩～點埋醬食甜甜酸酸好開胃💕冬蔭功單骨雞翼單骨雞翼真係好方便～唔會食唔哂啲肉～但冬蔭功可以再落多啲～雞肉都幾嫩口～圍威喂！無骨海南雞（半隻）雞肉都好嫩口～最重要無骨食到啖啖肉👍🏻又多肉汁～同埋佢唔太肥～點埋醬汁食更正😋辣辣地塔香炒青口真係有少少辣～唔多食辣既我都可以食到～醬汁炒得好香～青口都算可以～馬拉盞炒通菜通菜炒得唔錯～上邊啲蒜蓉粒仲好香口～醬汁係食海南雞同雞翼用～油飯油香都做到～但可以再落重啲😊乾蔥同蒜蓉都香～凍青檸梳打唔好以為得兩塊會無味～青檸味好出～勁好飲😋熱蜜糖香茅茶香茅加埋蜜糖飲都幾舒服～食完啲炸野飲了可以幫助消脂消化😆P.S.現在外賣黎講仲keep到熱辣辣都唔錯～仲要個蝦餅真心炸得好～油飯同海南雞都唔錯～都仲好嫩口多肉汁👍🏻

喜歡這裏的設計很獨特💛餐廳的特色草牆用了幻虹燈寫了”If there was no tmr,how hard would you play.”很喜歡呢句說話，因為發生什麼事我們都估計唔到🙊好好咁珍惜每一刻吧呢家我就enjoy我既𝕝𝕦𝕟𝕔𝕙 先🍴Opps~🐷唔客氣啦!🔸泰式街頭滷水豬手飯 $59滷汁味濃令我地諗翻起上次去泰國旅行食過嘅滷水豬手飯，豬手帶點肥膏，煮得軟軟，有半隻蛋和酸菜令人好開胃。🔸金不換牛肉炒河 $68呢個炒河不多油，食晒都唔會成口油粒粒。炒得好有鑊氣，每啖都食多啲金不換嘅味道🔸扎扎跳手打蝦餅 $30炸到熱辣辣😆咬一啖好彈牙，成粒都充滿肉汁肉，有啲蝦肉粒係入面！🔸蒜香炒通菜$38每餐都要食d蔬菜🥬，咁就健康啲😆 通菜既份量岩岩好，看它的顏好新鮮！🔸雞肉沙嗲 $28食東南亞菜習慣左都會叫串燒黎食😬$28有2串，食左雞肉串燒之後再食旁邊既青瓜中和下口腔嘅味蕾🔸絕代雙苺 $40藍苺同士多啤梨🍓一直都係好夾而且好配，將兩者打勻，甜甜的一啲都唔酸🔸求戀期珍珠奶綠 +$14求戀期珍珠奶綠是綠茶🍵+奶+珍珠，2層綠色💚飲之前攪勻先，綠茶味🍵好濃又好香，啲珍珠好軟。

店名吸引了我, 圍威喂英文就是WAI WAI WAI, 有趣。而圍威喂這個字, 大家都略懂它的意思, 但要解說出來, 又有點困難。餐廳裝修色彩分明, 感覺很繽紛多采。檸檬甘蔗汁$32 榴槤忘返在馬拉$38欣賞這裡的特色飲品選擇好多, 我和朋友不約而同選了甘蔗汁系列, 他選檸檬甘蔗汁, 酸酸甜甜不敗之選, 蔗汁清甜不膩, 而榴槤忘返是蔗汁加入貓山王果肉, 從來沒想過的配搭, 想不到也夾得到, 而我也很享受那一匙的貓山王肉, 很香濃。燒豬頸肉$98喜歡吃豬頸肉, 雖然知道它很邪惡, 燒豬頸肉爽口, 咬下去有油脂香, 蘸些醬汁更加有東南亞風味, 啖啖肉十分滋味。泰式菠蘿海鮮炒飯$98菠蘿炒飯香甜容易入口, 配上了肉鬆有鹹鹹甜甜的口味, 還有幾隻大蝦及少許海鮮料, 也有多汁的菠蘿, 有造形又好吃。傳統泰北燒黃油春雞$148一整隻雞打開來燒, 燒到剛剛好, 香氣四溢, 雞有醬料醃過, 鹹鹹香香, 肉質非常嫩滑, 旁邊有香脆蝦片, 也伴有小碟柚子沙律, 很豐富滿足。餐廳出品製作用品, 能吃到不一樣的菜式, 蠻有特色的。

噤啱今日去咗荃灣區工作，經過呢間''圍威喂"先比個名吸咗我入去食Tea添，型格新穎嘅設計環境感覺非常舒服，服務員也較年青有活力。見到餐牌有好多款式同選擇，我突然有點選擇困難症，於是問了服務員有d咩推介食物，他回答得好專業及有耐性，我點了他推介嘅下午茶餐"馬來西亞怡保海南雞湯金邊粉"(有河粉、麵及金邊粉揀)餐飲配咗我至愛嘅熱奶茶，仲可以加配小食，我加咗$18迷你肉骨茶補番下。茶餐份量都唔少，海南雞味道很好雞肉仲好滑，湯味道很濃唔太油膩，而奶茶有點似錫蘭味道幾特別。個迷你肉骨茶係我最欣賞…熱辣辣香噴噴，配有一大塊生菜、豆卜及豬肉(肉入面仲有軟骨添)好入味呀!

荃灣廣場開了一間新的東南亞餐廳，名字很有趣，這天就和朋友來嚐一嚐。我們點了炒金邊粉、大蝦冬陰功、蒜蓉牛油雞鎚。金邊粉的賣相非常美麗，雞蛋煎成的金黃色的鳥巢，包着香噴噴的金邊粉，甜甜酸酸的，非常醒胃。還有大蝦冬陰功也不錯，除了材料豐富之外，我們很喜歡它的辣度。比起一般泰式餐廳的冬陰功，我感覺它的椰香味特別濃郁，喜歡椰汁的朋友要試一試。最後不得不推介的是這道越式蒜蓉牛油雞鎚，除了賣相美觀之外，味道真的很好。店員上碟的時候，已聞到那種牛油的香氣，烤得剛好，外脆內嫩，值得一讚！飲品的選擇連台灣飲品也有，可謂驚喜萬分。我點了一杯碳燒黑糖珍珠鮮奶，質素很高，絕對不會輸給專門的台式飲品店。總括而言，圍威喂食物選擇多，質素也不錯，而最重要是貼心的服務態度，絕對值得再來支持！

今日帶住仔仔去荃灣廣場嘅一田買嘢。事成後佢話想出面食。事實上我都想，因為疫情成日都係屋企食，都有啲厭啦！頭先行嘅時候，已經被waiwaiwai嘅裝潢吸引咗。雖然店名係用幾有意思嘅廣東話，但佢係食東南亞菜嘅。今晚兩個人都試咗唔少菜式，介紹吓先。第一樣係我最推薦嘅招牌泰王蟹肉炒飯！除咗炒飯好惹味之外，仲有蟹肉蟹籽配襯。本身佢有種唔算好濃烈嘅香料味，會令你愈食愈上癮，真心要推薦比大家！第二樣係串燒豬肉、串燒菠蘿。本身我個仔已經鍾意食菠蘿，但佢個樣就話俾我聽呢個燒菠蘿係與別不同嘅。我自己都試吓，果然係又香又甜又開胃。但我個人更欣賞串燒豬肉，真心燒得好香，醬汁非常好味，配埋炒飯簡直係一流！最後係我點比自己嘅生菜包 （因為我想食少少辣野🤣）其實只要啲豬肉有少少汁唔太乾，咁包埋啲生菜式其實已經好好味！（其實仲有個蝦餅都ok嘅）後來上網查到，原來呢間係第二間分店！荃灣友有多一間好味餐廳可以選擇啦！最後要讚下職員好細心、好有禮貌！飲食業難做，更加要支持下好野！

來到荃灣，屋頂平台的聖誕樹吸引了我走入荃灣廣場，跟住亦走入呢间裝修新淨，亮麗的餐廳，牆上好多綠色令到對眼好舒服。我哋見好多人點咗『時拉差醬燒豬肋骨伴黑松露薯條』呢個餸，亦跟風點了呢道餸，果然唔錯，時拉差醬酸酸甜甜，配鬆化的豬肋骨好夾呀。黑松露醮喺軟腍的自家製薯條上，食時可食到松露的香味，完美的一味餸。『蒜香炒通菜』青青脆脆同時亦青青爽爽。而『泰式金菠蘿海鮮炒飯』係我食過最最好味的一次，内有腰果，蝦肉，蜆肉，八爪魚仔……仲有勁多新鮮菠蘿粒粒，更加好嘅係食埋飯之後我仲可以刈出啲新鮮菠蘿肉，真係從未試過，證明咗個菠蘿勁新鮮。『泰好味椰子雞湯』真真好味，最重要係啲椰汁超級濃郁，令我味蕾得到極大满足。

荃灣廣場最近新開咗間東南亞菜，首先餐廳名叫圍威喂已經覺得好正😂，環境裝修好搶眼好有活力餐牌其實就主打泰國菜多，叫咗幾樣野食都覺得好唔錯，絕對值得一試是拉差醬燒豬肋骨伴黑松露薯條($168)豬肋骨肉質軟腍，骨同肉都好易分離，入口有好香燒烤醬味，加埋個甜酸醬直頭昇華咗泰式香菜肉碎炒飯($83)材料雖然簡單，但炒飯炒得夠香夠鑊氣同粒粉分明都唔易㗎，份量仲好多，兩個人食到勁飽青咖喱雞($83)椰香比較重，唔食辣都食得到，個人覺得青咖喱同雞肉特別夾，雞柳肉質嫩滑，送飯一流飛天炒通菜($78)每次食泰國菜都一定會叫個炒菜，炒通菜顏色翠綠冇變黑，入口爽脆，鑊氣十足好惹味牛油果昔($42)本身唔鐘意食牛油果，但打做果昔又覺得幾易入口，淡淡嘅甜，口感豐厚順滑碳燒黑糖珍珠鮮奶($36)我覺得同出面啲台式飲品店差唔多，黑糖同奶味都算幾濃郁，珍珠有咬口

因為疫情關係已經好一段時間冇食泰國菜，最近發現同先生一直想食嘅圍威喂原來喺荃灣開咗分店，當然唔能夠放過。食物選擇多元化，除咗熱門嘅東南亞菜色之外，仲有唔少特別嘅配搭，例如喺沙律入面加入臘腸同咖喱配羊架，玩味頗濃。雞肉串大大串而且夠哂厚身，本身已經醃製過再燒到香噴噴，雞肉非常嫩滑，沾上沙嗲醬更加無懈可擊。青木瓜沙律份量非常多，酸甜開胃，加入味道清淡嘅四季豆感覺更清新，原隻軟殼蟹炸得夠哂酥脆，有畫龍點睛嘅效果。草菇、秀珍菇同秋葵加入金不換去炒，令本來平平無奇嘅炒雜蔬變得鮮味無比，好有驚喜。馬沙文咖喱唔會有強烈嘅香料味道，亦唔會有嗆喉嘅辣度，但入口依然非常香濃，係比較溫和嘅咖喱，令人不由自主食完一啖又一啖，好可惜已經點咗炒飯，唔係嘅話配上薄餅絶對會係完美組合！牛舌大大片而且係厚切，口感彈牙之餘仲保留到香濃嘅牛味，唔會俾同樣濃味嘅咖喱蓋過。菠蘿炒飯份量好大，配料亦非常多，兩三個人分享都冇問題。東南亞菜雖然吸引，但平時最怕餐廳唔衛生，呢度環境寬敞而且俾人嘅感覺非常整潔，食物味道亦係一流，相信會成為常客。

今晚同男朋友去食東南亞菜，我地叫左好多野，食完好飽。沙嗲雞肉串2串我好鍾意食沙嗲雞肉串架，叫左2串淺嚐。早知叫多啲啦，因為雞肉唔會鞋口，沙嗲又好食。招牌泰皇蟹肉炒飯炒得夠乾身，每啖都食到飯加蟹肉，仲有蟹籽添，十分足料又惹味，超級推薦！大蝦冬蔭功湯酸酸辣辣，入面好多菇，蝦大大隻，鍾意飲冬蔭功既男朋友表示好飲。黃咖哩海鮮多士盒好澎湃，一切啲黄咖哩搶住湧出黎，好療愈。海鮮有大蝦、青口、八爪魚，每樣各二。星空蘇打好靚之餘又好飲。檸檬甘蔗汁幾清甜。

吃飯時間去見逛逛，去到荃灣廣場的美食樓層，看到一家名字挻特別的餐廳，主打是吃東南亞菜。店舖環境給人一種舒適的感覺，環境挻特別但不會嘈吵😆，看到餐牌上的選擇挻多🤤。💥泰好味椰子雞湯 HKD$88，這個湯椰子味道很濃郁，而且材料有很多份量十足😍，看到滿滿的雞肉和雜菌。味道甜甜的很鮮味😋，雞肉肉質嫰滑，肥瘦適中挻好。💥蒜香炒通菜 HKD$69，吃東西當然要吃點蔬菜，這個煮到剛剛好，顏色還要是翠綠色😆。簡單地用蒜蓉炒味道已經挻好，而且味道不會太咸。💥燒豬頸肉 HKD$98，這個外表煎到脆脆的肉質腍身，還有點肥肉但不太油膩😋。挻喜歡這個既香口又惹味的小食，配合醬汁吃味道更棒😆。💥冬陰公單骨雞翼 HKD$68，冬陰公就飲得多了，用來做雞翼的味道就第一次吃。這個味道挻香口，雞翼帶微微的辣味，肉質煙韌惹味🤤。💥泰式香菜肉碎炒飯 HKD$83，簡單賣相的炒飯，味道適中飯質煙韌😆。加入了香料令到咸香味十足，但不會太咸，與朋友分享來吃最好不過🤭。💥碳燒黑糖珍珠鮮奶 HKD$36，這個飲品可選擇凍/熱飲，這次就選擇了熱飲，味道很香濃😍。黑糖珍珠味道甜甜的口感煙韌🤤，面頭還有層奶泡口感幼滑，飲品味道不甜挻喜歡💕

Hidden on the 4th floor of Tsuen Wan plaza lies a fantastic Thai restaurant with stands out amongst the great restaurant choices in Tsuen Wan. Going in we were hungry and wanting a big meal. For our starters we ordered two dishes, one was the morning glory. This dish was very authentic and wasn’t too spicy, but still had a great kick to it. We also ordered single bone chicken wing set, which was hot, fresh, and crunchy when they came to the table. They were conveniently cut into halves which mad

在荃灣廣場行街的時候見到這間玩嘢風味十足的泰國餐廳，造型搞笑，餐廳入邊裝修繽紛，令人有輕鬆暢快的感覺。除了主題夠爆，食物質素也不錯，而且飲品很有驚喜！經典檳城炒粿條 - 很喜歡粿條的質感，比河河更粗實，口感更充實。吵得夠香而且不會油膩，而且材料充足有大蝦、蜆肉、臘腸等等，豐富又滋味。飛天炒時蔬 - 選擇了炒通菜，是Thai Style 咁炒，看似簡簡單單，不過炒得零舍入味與眾不同。鮮蝦青木瓜沙律 - 清晨爽利，酸酸地十分開胃，很正宗的東南亞風味。最上有兩隻大蝦，爽脆新鮮。圍威喂！泰式脹トト蟹肉奄列 - 這個菜式很特別，相信是餐廳自創的，由蛋炸成脹卜卜的奄列，帶有空氣感之餘，又有脆脆地的綿密。加上蟹肉多，感覺似是在吃肉/鋸扒。.除了食物正，飲品也是望得又飲得。Don’t陰公 - 一款自家製的mocktail，首先賣相好得，非常適合打卡，不講以為自己在某間酒吧呢。由香茅、辣椒及青檸調製而成，fruity 之餘底韻是東南亞的風味，而且帶點辣的刺激餘震，口感及味道都非常特別，值得大家一試。新鮮椰青 - fresh 新鮮椰香，清甜解渴碳燒黑糖珍珠鮮奶 - 賣相討好，用透明的杯裝，清澈看到黑糖珍珠

搬咗嚟荃灣一段時間，發現好多唔同嘢食真係好方便，基本上日日都會喺荃灣搵食😋我成日都話食極都食唔完。荃灣西附近既商場都開咗好多新餐廳，前排去完荃灣廣場一田，比我發現呢間「圍威喂」個名咁得意。鮮明顏色既裝修，行到餐廳最入既位置，一整幅牆係花花草草既佈置，忍唔住先同佢影張相🤣古法秘製龍眼冰龍眼冰既龍眼蜜甜而不漏，唔係普通蜜糖咁簡單，好飲！星空梳打勁靚既紫色😍😍😍打卡一流，味道係檸檬橙梳打，顏色勁靚❤️蒜香炒時蔬（通菜）落足料炒香氛撲鼻，好快就清咗碟。圍威喂拼盤（春卷、魚餅、蝦餅、單骨雞翼）拼盤會配備三款醬汁，辣醬、泰式甜酸辣醬、蜜糖，朋友就超鍾意辣醬夠過癮，我就鍾意蜜糖配炸物好夾，碟上仲有青瓜減少食炸物既熱氣。魚餅有少少辣但唔食辣既我都食到。春卷好足料唔會感覺油膩。單骨雞翼外面炸得酥脆，裡面炸得剛好肉嫩。最後係蝦餅，完全唔厚粉又足料，啖啖蝦肉，個人推介⭐️泰式鐵板蠔餅鐡板上枱熱辣辣，配埋泰式辣醬另有一番風味，蠔仔十分足料，味道可口，鍾意有好多芽菜，中和油膩感。經典檳城炒粿條有蛋、蝦、蜆等配料，粿條炒得入味，鍾意辣既加少辣醬勁野味😋