圍威喂 (荃灣廣場) (Closed)

餐廳環境寬敞舒適，我們被安排坐卡位，可以慢慢吹下水。🐔圍威喂海南雞 $138見好多人推介同埋都幾多人嗌嚟食，咁我哋都叫嚟試吓。海南雞有半隻，去晒骨，皮脆，肉質實中帶嫩，食落啖啖肉，有三款醬汁，有辣醬，酸甜醬同稠身嘅甜豉油，各有風味。我自己就較鐘意醋個款，夠晒醒胃。☺️🥢金邊粉 $98都幾大碟，個汁酸酸甜甜好惹味，金邊粉煙韌，索晒個汁，口感煙韌都唔錯。可以按喜好加啲花生粒花生碎，五味粉，酸醋汁去調味，加埋青檸更清新，仲有兩隻大蝦，爽口彈牙。🥗馬拉盞炒雜菜$78有秋葵，豆角，椰菜花，雞髀菇，即叫即炒鑊氣夠，再配埋馬拉盞鹹鹹地嘅調味，不過不失。

( ͡° ͜ʖ ͡°) 圍威喂 - 東南亞菜❝ 圍威喂黎食個晏玩味馬來西亞泰國菜 ❞餐廳充滿玩味嘅設計同裝修配埋粉紅色紙皮石嘅枱 好靚重好有少女味道💕就連餐紙巾都有設計過喎～/ 𝙻𝚞𝚗𝚌𝚑 𝚂𝚎𝚝 /✿ 蝦頭油豬頸肉炒飯 $68蝦頭油幾香 炒飯乾身粒粒分明豬頸肉爽脆厚肉 配埋蔥粒炒飯撈埋泰式醬汁惹味又夠晒飽肚～✿ 娘惹喇沙湯麵 $68喇沙配料有魚蛋 蝦 雞蛋 豆卜豆卜吸晒啲湯嘅精華～蝦肉新鮮 配埋大大碗爽口油麵個人覺得湯底椰香味可以更濃可能食開重口味 不過不失 ✿ 迷你肉骨茶 +$18 迷你版可以過吓口癮豆卜吸晒中藥濃湯重有一大舊排骨 都幾惹味～✿ 冬陰功單骨雞翼 +$32冬陰功味嘅雞翼都幾特別 醃得夠入味酸酸辣辣 即炸好香脆 單骨雞翼可以一啖食晒好方便～✿ 是諗旦泰式珍珠奶茶 +$14跟餐特飲半價 個名好正夠玩味🤪第一次飲有珍珠嘅泰式奶茶又幾fusion 幾好飲喎～✿ 港式凍奶茶 +$3正常發揮嘅凍奶茶╰☆* 推介指數：🌟🌟🌟/  ‘𖤘◦″ 𖤣 圍威喂 (荃灣廣場) (荃灣)荃灣大壩街4-30號荃灣廣場4樓432號舖✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿ ≗≗≗≗≗≗≗

個人真係好鍾意食泰國菜 尤其係佢哋嘅咖喱包！成日都好唔鍾意個包超大個 食完就會超飽😂呢度嘅黃咖喱海鮮多士盒 份量唔算好大 啱啱好 包身外脆內軟入面仲裝住超級多黃咖喱同海鮮 真係幾抵食！

返工返得太辛苦要食餐好嘅慰勞下自己，決定是日食泰菜都要食齊魚🐟蝦🦐蟹🦀，仲有去東南亞必食嘅榴槤！🌖秘汁脆皮燒白鱔 $136 ($68/1串）白鱔表皮香脆，肉嫩肥美，唔會燒得太十十。新鮮即燒，上枱熱辣辣🔥！店員提醒唔好掂到鐵簽，好貼心呀❤️。🌗圍威喂！泰式脹卜卜蟹肉奄列 $128蟹肉企理，完全無蟹殻夾雜其中，奄列入邊除咗有蟹肉之外，仲有四季豆粒增加口感。相比泰國🇹🇭奪得米芝蓮一⭐️Jay Fai 癦姐嘅蟹肉奄列，圍威喂嘅蟹肉份量一定唔夠澎湃（因為價錢都相差好遠），但勝在較為清爽無咁油膩，一個人食都唔會好大負擔（我仲記得自己一個係泰國食唔曬，要打包一半返酒店🤨，凍左嘅海鮮真係無咁好食）。🌗雙色胡椒鹽炸虎蝦（4隻）$168表面嘅胡椒鹽香氣十足，但放入口實在太過搶喉，唔鍾意整污糟對手，用口剝殻嘅朋友要有心理準備；太辣🥵嘅關係我頂唔順用手剝殻，但胡椒味道會大大減低，實在好難決定究竟要用邊個方去剝殻🙈🙈。蝦肉爽口彈牙，容易剝殻，證明夠新鮮！洋蔥🧅青蔥芫荽等配料都唔可以放過，佢地與胡椒有最親密嘅接觸，蔬菜嘅甜味中又帶點胡椒嘅辣度，全部俾我清曬😅。餐牌話有四隻虎蝦🦐，但上到枱變咗六隻海蝦，雖然份量相若，但

今日去左荃灣陪朋友睇家品, 睇完就係商場搵好西, 夏天熱辣辣就想食泰國菜開胃d呀嘛～見到E間餐廳個名幾搞笑帶點玩味感, 於是就入去試下🌟黑糖薑母茶由於車車身子唔舒服, 所以點左杯黑糖薑母茶, 飲落薑味濃郁🌟菠蘿椰奶沙冰菠蘿味好香甜, 椰奶份量剛好唔會蓋過左菠蘿味, 非常解渴🌟彈彈牙魚餅魚餅口感彈牙, 十分惹味🌟脆卜卜春卷春卷香脆可口, 入面材料好足, 口感豐富🌟燒菠蘿燒菠蘿爆落去爆哂汁, 酸酸甜甜好好味🌟泰式菠蘿雞肉炒飯炒飯味道夠, 而且幾多料, 份量幾多, 兩個人share一碟都可以

喺商場揾嘢食期間... 見到「圍威喂」個名好特別... 感覺幾有親切感!上緊四樓扶手電梯已經俾佢耀目嘅裝修吸引住... 一幅鮮黃色店舖外牆... 印咗餐廳logo... 我覺得呢個logo設計得幾好... 好似號召緊大家一齊入去圍住食吓嘢、吹吓水咁!🤭環顧店面... 裝修明亮帶朝氣... 簡潔中見細節... 而海藍色嘅瓷磚同檸檬黃色嘅梳化非常搭配... 好sharp好醒神! 食物方面... 選擇頗多! 有2人餐、4人餐... 甚至素菜餐單... 照顧唔同人士嘅需要! 我同朋友今晚order咗呢d👇🥗 泰式軟殼蟹青芒果沙律 $98軟殼蟹炸到金黃香脆... 由青芒果絲、甘筍絲、沙律菜、車厘茄組成嘅沙律非常清新爽口... 平衡咗炸物嘅油膩感... 係前菜嘅好選擇!🦐 扎扎跳手打蝦餅 $68有3嚿炸蝦餅... 大小適中... 由於係手打嘅關係... 食落特別彈牙... 係食泰菜必叫嘅小食!🐷 燒豬頸肉 $98 豬頸肉燒出嚟好香口... 配埋酸辣汁非常惹味!🐔 冬蔭公單骨雞翼 $68個人覺得呢款小食好抵食... 份量足之餘... 仲要係好好食! 冬蔭公味嘅雞翼好特別... 冬蔭公味道唔會太搶

🌴有heart嘅泰菜🇨🇷餐廳🌴由餐廳裝修、菜式嘅種類、食物質素... 我覺得「圍威喂」係一間幾有heart嘅泰菜餐廳!餐廳格局新潮有型，座位寬敞舒適，場內光線明亮，感覺特別乾淨企理!呢度有2人餐、4人餐，亦有素菜餐單，啱哂唔同人士嘅需求!是晚我地菜單如下:🦀紅咖喱軟殼蟹 炸軟殼蟹香脆，配埋雜菜紅咖喱，香而不辣，好惹味!🌶冬蔭公單骨雞翼 鍾意雞中翼嘅朋友唔好錯過!🤪第一啖食落去已經有冬蔭公味，不過唔會太濃，食落幾特別!🥭泰式軟殼蟹青芒果沙律 因為太鍾意食軟殼蟹喇，所以沙律都照order軟殼蟹，好彩冇失望，呢度嘅軟殼蟹真係掂，食落香脆但唔會成口油! 青芒果絲同沙律汁清新爽口，醒神!🦐扎扎跳手打蝦餅話明扎扎跳，梗係特別彈牙，大愛呀!😍🐽燒豬頸肉 豬頸肉配惹味酸辣汁，零感油膩!🦀招牌泰皇蟹肉炒飯 炒飯最緊要鑊氣，呢個炒飯叫得「招牌」梗有原因嘅! 炒飯炒出嚟夠乾身、粒粒分明!🍹榴槤忘返在馬拉蔗汁加榴槤嘅配搭幾特別!依家外賣仲有折扣，超抵食!👍

荃灣站📍圍威喂-流連荃灣既我終於試到呢間圍威喂😋呢間餐廳晚飯時間好多人排隊，全場爆滿，見到咁eye catching 既招牌，心郁郁都排埋一份🤪泰式燒安格斯牛柳沙律（$88）呢個沙律作為前菜好開胃！牛柳燒香唔靭，配埋沙律菜、青瓜、車里茄等，仲有酸辣開胃既醬汁，好fresh好惹味😋👌牛柳切條，大大話話都有9-10條👍🏻燒豬頸肉（$98）呢個燒豬頸肉係我食過最滑同爽口既豬頸肉！平時豬頸肉有時會太瘦，有時柴口，呢個肥瘦適中，有10片左右，配埋青檸汁同秘製醬汁，酸辣滋味，當然密密食！招牌泰皇蟹肉炒飯（$98）呢個炒飯炒得乾身，面頭有蟹肉，不過份量唔算太多，味道不過不失。泰奶茶雪糕配油酥餅（$58）呢個十分推薦！滿分好評😍😍😍先講雪糕，完美還原泰式奶茶味道（重點有2球😽），仲有煙靭珍珠🤤🤤另外配埋煎好既酥餅，雖然鹹鹹地，但mix埋完全冇違和感😋😋😋好鬼好食！呢個份量兩個人share岩岩好！（女朋友每食兩啖講一次好食😹）環境方面，裝修好有特色，連上菜碟都好有東南亞特色（本身上菜個陣以為係藤籃質地，原來係瓷器😯）！餐廳仲有一幅打卡牆(植物牆配霓虹燈），可惜太多人我影唔到🫠食完野行埋一田，做緊大減價，

🐝 圍威喂 (荃灣廣場) (荃灣)🐝…✨圍威喂!無骨海南雞 $138佢有幾塊青瓜伴碟，😍😂海南雞有好多舊，覺覺嘅雞肉都好滑，😚😚雞皮都好嫩，唔會好肥同油‼️仲有三種醬汁：薑蓉、甜酸醬、醬油。😋…✨招牌泰皇蟹肉炒飯 $98首先，個炒飯好有鑊氣！佢仲有個微辣泰式醬汁，加落炒飯同啲蟹肉一齊食好正！啲蟹肉勁大嚿，一啲都唔孤寒😍‼️…✨芒果椰奶沙冰 $38芒果味同椰奶味都好出，夠晒甜‼️沙冰都好綿密😍…✨木瓜奶奶果昔 $36木瓜味好出，啲奶都好滑‼️推介~😋…整體評分食物：🤍🤍🤍🤍🤍服務：🤍🤍🤍🤍環境：🤍🤍🤍🤍🤍價錢：🤍🤍🤍🤍…📍荃灣大壩街4-30號荃灣廣場4樓432號舖

小編今晚來到荃灣西探朋友，順道到附近醫下肚見到呢間餐廳既佈置幾得意，就入左去，叫左一個$288晚市二人set , 另外追加飛天通菜（$78）+ 青檸梳打（$28）☺️1. 脆卜卜春卷 + 彈牙牙魚餅外表睇落去同一般春卷無異，咬落去好脆口，魚餅當然唔係超彈，咬落去有少少辣味，但又係好易入口個隻2. 青咖喱雞飯套餐有呢個青咖喱，都係我哋選餐的原因，因為相信咖喱其實係泰菜一個好決定質素既要點。將個汁淋落個飯，每啖食落去有椰香，飯變得軟綿綿黏身，雞當然係雪藏雞，但因為有個汁，咬落去嗰個啖啖肉嘅感覺令到你覺得好開心，而且辣道適中！3. 泰式炒金邊粉呢個炒金邊粉，分量剛剛好唔算太多，炒落鑊氣係幾好，啲粉唔會碎晒。配料都係蝦同埋肉片之類，但食落去係比一般嘅質素好。🤩4. （追加）飛天通菜$78成個dinner set 有炸嘢有肉類有飯有麵，但自問為健康寶寶總想食個菜。最後揀左飛天通菜，師父很利害，炒得很惹味但又唔會食到喉嚨好確，岩我心水4. 追加青檸梳打（$28）青檸可能我哋篤得唔夠，所以無咩味。但梳打配泰國菜真係解渴消暑之選😋味道：4/5 環境：4/5服務：4/5性價比：4/5

喂喂喂! 做咩喺度圍威喂? 👋圍威喂喺一間東南亞特色料理餐廳🍍店內牆上掛有香港特色嘅畫作🇭🇰由畫家Aaron Chan 餐廳環境舒適空曠，店內仲有花花牆🌸依家仲有素食提供添! 見到有椰菜花飯, 二話不說即揀啊! 🍚蝦頭油豬頸肉炒無米飯 $78 Shrimp Oil & Pork Neck Fried Cauliflower Rice🦐蝦頭油超級香啊! 成碟都有陣陣蝦香味🍗配上粒粒彈牙豬頸肉! 仲有最正嘅椰菜花飯😋 泰國餐廳都有白飯以外嘅選擇☺️太好味嘅關係我竟然食得哂成碟😅 🍜海南雞拼娘惹喇沙湯麵 $88 WaiWaiWai Hainan Chicken with Nyonya Laksa麵方面預設油麵. 下單時可同店員轉河粉/金邊粉/幼麵等, 今次揀咗金邊粉~ 湯底椰味好突出! 配上豆腐卜浸滿喇沙湯再放入口, 喇沙味道大爆發! 🍗 無骨海南雞! 肉質好嫩~ 一啲都唔韌, 塊皮仲好滑添🤣沾沾辣椒醬仲好開胃! 辣味超輕喺開胃個隻!

今日同肥仔因為唔想同人迫，趕係母親節前出荃灣搵野食，雖然未到母親節，但係難得放寬夜晚有堂食，都好多人排隊😂😂香辣豬肉生菜包$88食落微辣，豬肉炒得唔會太乾，用生菜包住嚟食，口感幾好。作為開胃菜唔錯😋金邊粉$98本身想食經典檳城炒粿條，但店員表示粿條售罄所以我地轉左炒金邊粉，不過金邊粉都唔錯兩隻大蝦🍤令賣相幾吸引，炒得幾有鑊氣，味道唔會太濃黃咖哩海鮮多士盒$168大大磚多士掘空左中間，倒入海鮮咖哩，其中有青口、蝦、魷魚等等，黃咖哩味道惹味，可以配晒成個多士嚟食泰式鐵板蠔餅$108初初以為會連埋塊鐵板一齊上枱🤣不過唔緊要啦味道先係最重要🤓食落少少脆口，質感唔錯，配埋辣醬味道更出求戀期珍珠綠奶茶$28肥妹仔見杯野個名幾得意就叫嚟試吓，唔會太甜，拎嚟打卡都唔錯🙈餐廳佈置裝飾唔錯，用港產電影做題材，幾有本土特式，食物上菜速度又快，質素又唔錯，適合一家大細嚟食👨‍👩‍👧‍👦或嚟拍拖食飯👫🏻都好架

話說我在OpenRice book 位 食生日飯 之後有位服務員好好嘅打比我提我同confirm 我當日食飯.我預訂了7點9 我7點半到因為我買咗生日蛋糕所以我拎去櫃檯請職員幫手雪好 之後我7點45分入坐 之後睇緊menu 之制我哋請職員斟幾杯水飲下 個職員竟然話「有杯咪斟比你囉」我黑人問號？咩叫有杯就斟…. 其實飲水唔係基本野咩？都算。叫完嘢食啲嘢好快到。但係啲嘢食得一個字「咸 」所有野食都好咸。都算咸唔咸都係個人喜好。咁因為我哋有蛋糕我哋9點叫佢哋幫手收一收檯切蛋糕啦！問佢有冇水飲嘅職員竟然話佢哋要收工冇得切 仲話我哋太遲… 一佢冇提我哋幾時收工我鬼知佢幾時收工 二佢冇得切蛋糕唔係解釋而係話個客 如果你餐廳有睇 請問今時今日係咩服務態度？都未夠 我拎蛋糕嗰時發現蛋糕完全冇雪…. 我想話小朋友都知蛋糕要雪入雪櫃….. 我完全無奈同憤怒…. 我未試過咁垃圾咁難食態度咁差嘅泰國菜，請我都一定唔會去食，睇到依度你仲想試就good luck….

圍威喂 (荃灣廣場) (荃灣)母親節正日，細妹揸車去荃灣廣場食東南亞晚餐🥰🥰 因為提前book 左位被安排坐沙發卡位🌹扎扎跳手打蝦餅（3件）$68新鮮即叫即炸，而且真材實料脆脆嘅外皮內係啖啖蝦肉🦐🌹沙嗲雞肉串2串 $38雞肉去左皮，燒得焦香😋，再蘸少許沙嗲醬，好惹味～🌹大蝦冬蔭功湯 $98好香唔會salty 😆 入面加左車厘茄、菇類，仲有2隻大蝦🍤 份量岩岩好3人平均分配～🌹黄咖哩蟹肉拼蒜蓉包 $188呢個咖喱唔辣好鮮味，係蟹肉令鮮甜味突出，再配上4件烤到脆卜卜既蒜茸包，真係食到停唔到要再加蒜茸包/薄餅配呢個蟹肉咖喱😆🌹新鮮椰青 $38椰青水清甜，好解渴～🌹圍威喂！無骨海南雞 $138雞肉嫩滑啖啖肉👍🏻😋，有甜醬油、泰式辣醬，又係好岩佐飯😝🌹燒菠蘿 $40呢個必點！係2大串菠蘿🍍！唔係一片片，而且係無渣好鮮甜，好juicy! 可以解膩！*需加一服務費地址：荃灣大壩街4-30號荃灣廣場4樓432號舖

#meloin @waiwaiwai_hk適逢母親節的大日子，我和姊姊@foodiewendyhk 揀了一間泰式餐廳慶祝❤️❤️今日座無虛席，十分熱鬧，每一道餸菜都非常出色✌🏽😎扎扎跳手打蝦餅（3件）🦞$68蝦餅新鮮即炸，香脆可口沙嗲雞肉串$38雞串燒得香口入味💕💕配上花生醬，一流大蝦冬蔭功湯🦐$98冬陰功湯有兩隻大蝦，還加入了菇類、香茅、車厘茄等配料，最重要的是不會過咸，味道非常好🦀黄咖哩蟹肉拼蒜蓉包🥐$188咖喱配上蟹肉比較少見，這個出乎意料地驚喜，咖喱入面啖啖蟹肉，用了新鮮十足，配上香脆蒜蓉包，好夾薄餅$35見到有咁多咖喱汁，唔想浪費，一於叫多兩塊薄餅配上咖喱一起吃。薄餅新鮮熱辣，油酥香口。圍威喂！無骨海南雞🐥$138海南雞製作精緻，可以做到雞皮和雞肉中間有一層透明的啫喱，難度甚高，雞肉非常滑身，配上不同的醬汁非常惹味燒菠蘿$40兩大串新鮮香燒菠蘿🍍，香甜多汁，燒到熱辣辣😃😃非常可口，可以當作甜品呢！新鮮椰青$38食泰菜當然要叫椰青來飲😎味道正常，清甜解渴餐廳環境舒適，裝飾精緻，坐得非常舒適，服務良好。