和歌山 (樂富廣場)

Open Now

Now Closed

呢度環境雅緻明亮，衛生舒適，服務又熱情溫馨，菜式選擇多，性價比高，真係幾吸引。就連漬物等配菜都好味，如果不是主菜味道失色，絕對值得日日幫襯做飯堂。主要問題係主菜同「現制」小食有啲失望。例如，煎比目魚水份太多，魚肉散得唔成樣，質感完全走樣，令人唔知食咩。而玉子燒就更慘，味道同質感完全失控，雞蛋的香滑感一絲一毫都冇，似乎係過度高溫固化咗嘅蛋清。真係忍唔住想去隔離壽司店買件玉子燒畀廚師試下，讓佢知道咩叫真正嘅玉子燒。總括來講，雖然環境同服務都唔錯，但如果主菜唔改善，可能下次就唔會再嚟。希望可以提升質素，否則會令人失望。

一家人🧑‍🧑‍🧒‍🧒落山食晏，揀咗和歌山，得一枱有人坐，被安排坐卡位，有小朋友👧🏻餐具，叫咗三個餐，QR code 🧑‍💻 落單，陳皮二妹食豚雞二重奏拉麵🍜（$78），配手搖鮮水果🥭茶（凍），拉面🍜一般，水果🥭茶少少🤏酸，媽媽👩🏻叫咗忌廉芝士🧀菠菜三文魚🍣焗飯（$95），芝士🧀皓食，配凍法式焦糖鮮奶咖啡☕️（+$15），有爆谷🍿有cream，大滿足😌，我叫咗吉列海老拼牡蠣🦪定食（$98），吉列海老正，但係俾陳皮二妹食哂，吉列牡蠣🦪比較細隻，有新鮮芝麻磨，配熱法式焦糖鮮奶咖啡☕️（+$15），有爆谷🍿，但咖啡☕️比較苦，凍啡皓過熱啡。加咗自家製豚肉餃子🥟3隻（$25），不過不失，陳皮妹餵陳皮二妹食cream

食物可以，服務態度非常一般！食物味道賣相都可以，但個女waitress 服務態度一般，上菜問我放邊，講完食物問我放邊，係咪應該問請問邊位！價錢同裝修都比附近幾間都高，下午茶餐D野吾吸到，我都冇叫！之後望個waitress名牌原來經理黎！講野重要有口音！吾知以為入咗譚仔食日本野！有口音吾係問題，但經理服務咁樣真係要改善下！同埋如果佢爆曬場心急情有可原，下午茶得個幾個客，食物方面真係唔錯，比comment係覺得間餐廳可救！

圖一：二重奏好難食啊啊啊啊，豬排、配菜、醬汁全部都係酸嘅，太乾，唔落飯圖二：柚子魚過於清淡，冇乜味，似柚子水蒸出來的，不值得圖二：豬舌分量過於少，性價比唔高四人同行一人免單，但不免服務費，but，掃碼點單居然要收服務費？午市wor，離大譜。

七點多到達餐廳 人客不多被安排坐了卡位 但坐位邊位很污糟全晚入座率大約兩成 點了兩份主食 分別是蕃茄芝士比目魚焗飯及三重吉列定食跟餐加了兩杯飲品及一份餃子蕃茄芝士比目魚飯 芝士很多👍 味道正常 但賣HKD108 略嫌貴了點三重吉列定食 - 分別是吉列豬, 兩隻吉列蝦及一隻吉列蝦最好吃是蠔, 蝦就偏小, 吉列豬的吉列皮很硬 像翻炸了一樣當月生日在OpenRice訂位 有生日優惠 送雜錦天婦羅一客 都是正正常常 不過不失全餐最好吃反而是餃子整體來說試一次就夠

今日突然之間好想食蕎麥麵，就搵下附近有冇地方有得食，然後就見到樂富廣場有呢一間日式餐廳有，「Wakayama 和歌山」裝修都幾簡潔舒服，座位都寬敞舒適，睇咗餐牌叫咗野菜拼海鮮天婦羅抹茶蕎麥麵定食+粉紅葡萄柚玫瑰茶；朋友就叫咗鮮果焦糖雪糕多士+鮮萃白桃烏龍。天婦羅都有六款：蝦、魚柳、紫蘇葉、茄子、秋葵、南瓜，欣賞佢嘅天婦羅好脆，食完唔會覺得好油，粉紅葡萄柚玫瑰茶甜甜地，玫瑰味都好香。朋友就覺得七十幾蚊一個下午茶有少少貴，不過佢就滿意叫咗微甜鮮萃白桃烏龍，真係淡淡嘅甜味，唔會叫咗少甜都仲係覺得好甜。總括而言，我會再約朋友去食。

坐得舒服，服務幾好係出餐略嫌慢，星期日2:30左右到，火鍋先到，有茶飲，等左40分鐘先有得食，下次會盡量平日去美人豆乳湯 4/5以為會似某飯團鋪既豆乳湯，鐘意重口味個人覺得淡左d，好香豆乳味，有菇，蒟蒻絲，豆腐，紅蘿蔔，南瓜，兩隻菜，雞有4件，有d鞋口，其他都ok，連大蔥都好食，加湯有得加清湯，加完咸少少就變到好好飲白汁芝士軟殼蟹焗飯 4.5/5炸得好脆多芝士，個汁好食，炒飯本身都好食，有菇，食到一半個兜仲係熱

今日係同老公既拍拖週年，平時收工成日都經過樂富和歌山，但次次都趕住返屋企煮飯，所以一直都冇機會食。點知老公俾我既驚喜，就係book左呢間餐廳啦！😆鋪頭好有日式風格，而且每張枱都隔到有一定既距離，又唔洗搭枱，可以同老公兩個人sweet sweet咁傾計，坐到勁舒服！我哋叫左安格斯牛小排鍋配搭清甜壽喜湯，天氣咁凍，打邊爐簡直一流，而且賣相好靚，六官格仔既擺盤，有肉有菜，好豐富。另外我哋都嗌左個三重吉列定食，配料有炸蠔、炸蝦同炸豬扒。每一件炸物都勁juice，再配埋檸檬汁，簡單一流；而且個椰菜絲有埋柚子香，我第一次食晒啲配菜！😎老公話想試下個自家製牡蠣餃子，食落真係有勁濃既蠔香味，皮薄餡勁多，食完都覺得好滿足。😁👍我哋叫左一杯凍既和歌山水果茶王同埋西柚玫瑰花果茶，水果茶入面有埋士多啤梨同其他既果肉，而且百香果既味勁濃，飲落勁fresh! 而杯西柚玫瑰花果茶係勁濃既玫瑰味，我不嬲都好鐘意飲玫瑰花茶，加埋西柚感覺好健康，簡直係完美嘅組合！今次真係食得好開心，職員服務態度亦都好好，會主動加湯，而且好貼心。我哋有咩需要，他們都會即時協助。最緊要係價錢非常親民，性價比超高！😍👍🙌

樂富廣場平台的和歌山，6:45左右到達的時候還沒有太多人，我們兩個人，職員給我們坐了一張在大玻璃窗旁邊的四人枱，比較寬敞，又可以看街，很舒服。7:30左右店舖外面已經要排隊了。餐廳佈置屬走簡約日本風，淺木色設計，乾乾淨淨。看完餐牌自己用QR code落單。安格斯壽喜牛肉鍋材料很豐富，看圖畫的時候都怕牛肉不夠多，好像只有三件，原來牛肉是一卷卷的，每一卷已經有三片，所以很足夠，我都沒有再額外加牛肉，食物質素唔錯，所有食物都很新鮮，如果可以自選湯底更加好，因為想吃牛肉就一定要吃壽喜燒，但是壽喜燒湯是甜的，就不是我的首選。三重吉列定食有吉列豬扒，吉列蝦和蠔。也會配有珍珠米的白飯，而且有即磨芝麻，炸物不會有油膩感。試了他的UCC凍咖啡和水果茶，都是可以跟餐價錢配的。水果茶朋友說不錯，不會太甜。我自己的UCC炭燒咖啡是飲齋啡，覺得很好，咖啡味香濃，值得推薦。小食點了自家製牡蠣餃和海老天婦羅，我自己就比較喜歡牡蠣餃子，特別啲，而且好香蠔味。

餐廳係淺木色和風裝修，環境好新淨，坐位分佈合理，十分舒適自家製牡蠣餃子：一共有5隻，皮薄肉多，外脆內軟。第一次食牡蠣內餡，味道都幾特別，比較鮮香冬天最適合打邊爐，安格斯牛小排鍋配搭清甜壽喜湯，擺盤好靚，好啱打卡配菜分好一格格，有娃娃菜、波菜，大蔥，鮮菇，南瓜，豆腐，拉麵，仲有日本蛋。一人份非常足夠。牛小排肥瘦適中，入口軟滑，湯底比較清新，唔會過鹹。野菜天婦羅抹茶蕎麥麵定食天婦羅款式多，每款一件有炸蝦🍤魚塊，南瓜，茄子，紫蘇葉，全部炸得好酥脆。蕎麥面軟硬適中，有口感，配上清爽檸香醬汁，食落無負擔要讚職員好細心，會主動詢問加湯，加湯時會用手擋住，以防湯底彈到我地。而且食完所有食物先收盤，唔會路食一邊打擾。

平時lunch time 都會嚟和歌山同同事食lunch relax 吓，喜歡佢呢度坐得舒服，食物質素高又穩定。今晚收工近近地響到食個晚餐😋🔸涼拌紋甲墨魚🦑前菜非常令人喜出望外，墨魚爽口彈牙配埋青瓜絲同紫洋蔥絲好夾。酸酸甜甜帶微微黑松露香氣，非常開胃🤤🔸黑豚肉白味噌鍋凍凍地叫咗個黑豚肉鍋配拉麵，白味噌湯好香濃，基本上唔需要再添加任何調味。黑豚肉好軟滑唔鞋，肥瘦適中😋🔸黑豚肉白味噌鍋除咗黑豚肉之外，仲有好多配料，包括什菇、豆腐、娃娃菜、南瓜、仲有同打邊爐最夾嘅魔芋絲😍🔸海膽醬蟹肉意粉呢個menu推介嘅海膽醬蟹肉意粉，海膽味好香濃之餘意粉入面有洋蔥，仲有蟹肉絲。啖啖意粉都充滿住海膽同蟹肉嘅味道😋🔸海膽醬蟹肉意粉上面燒原條蟹肉，賣相非常吸引，真係又睇得又食得😙🔸自家製牡蠣餃子🦪日式豚肉餃子經常都食，蠔肉做嘅餃子就唔係太常見，估唔到又幾夾。餃子新鮮煎起外層金黃香脆。咬開有蠔肉嘅鮮味，相比起平時嘅餃子確實幾特別，值得一試。🔸和歌山水果茶王食到咁上下想飲野refresh吓，叫咗個凍嘅水果茶，茉莉花茶入面有西柚、士多啤梨、熱情果，酸甜去膩。餐廳裝修以柔和木色設計，另有幾個梳化廂坐好闊絡。店員服務亦親

和歌山今次嚟到樂富廣場搵「奶龍」，同「奶龍」打完卡就去搵野食，去到樂富廣場A區見到有間餐廳叫和歌山，估唔到香港都有和歌山，見未食lunch就入咗去食！1.農場雞肉美人鍋（日本豆乳湯）配拉麵$138+炒飯$38+日本UCC咖啡（凍）$15+日本牡蠣（2隻）$38（9.5/10）呢個日本豆乳雞肉美人鍋份量真係好多，鍋物配料入面有4舊好嫩滑嘅雞肉、2舊好滑嘅日本豆腐、2舊魔芋結同野菜盛合（菠菜、娃娃菜、2舊南瓜、什菌、甘筍、2條大蔥），仲可以配拉麵，我仲加咗$38要炒飯同$38兩粒好飽滿嘅日本牡蠣，最後加咗$15要一杯日本UCC咖啡！2.白汁芝士軟殼蟹焗飯$108（10/10）一上枱已經被兩大舊軟殼蟹吸引住，個飯係炒飯底，仲有好邪惡嘅白汁芝士！3.自家製牡蠣餃子$78（9/10）呢個餃子入面個餡係用咗日本牡蠣，蠔味勁重勁鮮，皮薄外脆，好味！4.意大利泡沫咖啡$58（10/10）呢杯cappuccino咖啡好香濃，面上仲有棉花糖！2人總共價錢$520，有加一服務費！個人口味總評分：9.625/10地址：樂富聯合道198號樂富廣場A區1樓1106-1107號舖Please follow me🙆‍

好耐無去樂富廣場啦🤣，探探小奶龍之餘，去埋bookmarked咗勁耐嘅《和歌山》☺️❗️地點非常方便唔難搵，我地諗住揀閒日無咩人🤡，原來都幾fullll booking，證明一定無揀錯🥰。內裡裝修唔錯，好有日系風，環境乾淨企理💯。嘢食係自助落單～ 仲有套餐加配飲品🍱😍‼️🍂天氣涼涼地🍃～ 梗係要打邊爐🍲。另外點都一定要試下和風御膳🍱同牡蠣餃子🥟🦪❕1️⃣ 安格斯牛小排鍋（配日本蛋）$187涼浸浸嘅天氣 首選打邊爐🥰， 安格斯牛小排鍋配搭壽喜湯，配菜都非常多，分好一格格😛，影相好靚📸。配菜有娃娃菜、波菜，大蔥，鮮菇，南瓜，豆腐，拉麵，仲有超大嘅日本蛋🥚，足夠飽肚～ 而且自己DIY落料🥰，想食咩就落咩唔洗驚煮到「淋」晒😚。想講安格斯牛小排真係好好食🤤，份量都多，自己買少少嚟煮都好貴💸，呢個Set 有晒配菜，仲有高質牛小排，非常超值🥰。2️⃣ 燒三文魚和風御膳 $128燒三文魚和風御膳亦都係好高質素🤤，有前菜、漬物、湯同溫泉蛋🥰。三文魚燒得好香，三文魚嘅油香一上枱就已經聞到😍。另外配菜都一樣出色😊😋，每樣餸都唔令人失望‼️3️⃣ 自家制牡蠣餃子 $78話晒係牡蠣嘅粉絲🙂，至要有牡蠣，我都一定必點，所以一定要試下

悶悶地唔想食飯叫咗個 海鮮天婦羅抹茶蕎麥麵， 有冇抹茶味呢又唔係好覺， 但天婦羅好香脆，有兩隻大蝦好彈牙和魷魚好厚，不是薄薄一片， 百零蚊午餐都唔差 不過不失， 屋邨裏都有質素唔差餐廳幾好！

Lunch hour同同事一行4人嚟食呢間和歌山，我哋3個人揀拉麵，1個揀定食～ 呢間上菜好慢，等足25分鐘先上咗兩個拉麵同一個定食，我揀嘅呢個叉燒玉子豚雞湯拉麵嚟咗先，味道唔錯嘅，幾鍾意隻蛋！但覺得碗麵都唔夠熱，唔知係咪人手不足 裝起擺埋一邊…..而我同事嗰碗叉燒玉子豚骨湯拉麵更加等足8個字先上菜，嗰陣我都食完我嗰碗了…. 不過佢嗰碗又好夠熱喎，出晒煙！總結係味道幾好味，但上菜極慢，肚餓同趕時間都唔會想再幫襯😌