Video
Telephone
24676318
Introduction
Featuring the unique concept of 'Morning Coffee, Evening Wine,' this restaurant offers an all-day menu of global cuisine, coffee, and alcoholic beverages. Some dishes are presented with camping-style tableware, adding a playful touch. With its natural and cozy décor, it’s an ideal spot for gatherings or a relaxing time.
continue reading
Opening Hours
Today
08:00 - 21:30
Mon - Sun
08:00 - 21:30
Above information is for reference only. Please check details with the restaurant.
About Reward Scheme
Offers
科學園基本上已經係我同屋企人去食飯嘅基本盤，今日過嚟試下呢一間分開一陣子嘅cafe。裏面嘅環境都非常已超非常之輕鬆，適合我同我老婆兩個今日星期六過嚟 chill chill其實點解揀科學園做食飯基本盤，原因係泊車容易，唔會太多人太密，同時餐廳內餐桌空間相對寬敞，最緊要仲要係落地玻璃有風景睇！ 佢哋嘅早餐非常之多選擇，唔夠飽而且又可以add on加多少少小食係早餐上，其實都幾flexible！簡單啲嘅我就叫咗個all day breakfast，咩都齊曬，有牛角包、薯餅、香腸、煙肉、黑松露、炒蛋、煙三文魚、同埋沙律，基本一定足夠你食飽飽！沙律都好新鮮，中和返其他食物嘅味道！老婆相對簡單啲叫咗個和牛漢堡扒配炒蛋同牛角包腸仔粟米粒，呢個餐其實都好豐富而且我哋再加多個add on 火腿雞湯通心粉，食飽飽個肚lunch就唔使食啦！你輕鬆一番梗係唔可以少得咖啡，佢哋嘅咖啡係可以跟餐，加多十蚊就可以有佢特色咖啡，絕對可以一試！食物同環境對我哋嚟講都好重要，weekend 來科學園試一時包你覺得輕鬆開心又愉快！
continue reading
喺科學園嘅一間露營主題西餐廳，空間感十足。今次嚟食晚飯，黃昏時分，對住人工湖，餐廳裏面播住古典音樂，感覺好放鬆🤗。❤️ 鹽煎比目魚伴大蝦香草忌廉汁配薯菜（$178)比目魚煎到卜卜脆，超正😋。大蝦厚肉，煎得好香。薯條🍟多到食唔晒。仲有我最鍾意嘅西蘭花🥦，健康又好味！個忌廉汁真係好有懷舊港式西餐廳嘅味道🇭🇰，諗起細個食大餐嘅喜悅，真係好滿足～❤️鮮茄椰菜濃湯紐西蘭青口鍋（＄148）啲青口份量好多，有廿幾隻,好鮮甜。個番茄湯底濃到痴咀，可以用餐包點嚟食🤤！ 除咗青口之外仲有大量嘅蔬菜喺入面，好似意大利青瓜🥒同洋蔥🧅咁，加埋濃濃嘅蒜香🧄，真係好夾😋！❤️秘製香草即烤（半隻） 無激素春雞半鮮茄意粉（$128)燒雞嘅香味真係好突出🍗，半隻雞嘅份量對我嚟講啱啱好。雞腿肉好嫩滑🤤，雞皮又燒得香脆。仲有鮮茄意粉🍝，軟硬度適中，醬汁濃郁，好開胃！配菜嘅西蘭花🥦同翠玉瓜都好新鮮～
continue reading
餐廳：Wake Up (沙田)地址：沙田白石角香港科學園2期科技大道西10號10W地下S041B號舖相信好少人會專登走入去沙田科學園，不過其實有時想遠離吓人群，呢度都喺一個幾值得去嘅地方，因為除咗創新科技公司同企業之外，科學園仲有好多科技展覽同空間可以參觀，而室外空間就近白石角海濱長廊同吐露港，唔少人都會喺度跑步、踩單車🚴，就算就咁望吓海都一樣咁寫意🥰，而重點當然喺呢度有好幾十間餐廳啦🍽️科學園最近有間新開嘅露營風格餐廳——Wake Up ，呢間喺佢哋第三分店，主打朝啡夕酒嘅概念，以多個菜美食、咖啡同酒精飲品為主🍷，加上多款平靚正嘅早、午、晚餐同下午茶，同埋不定時推出嘅優惠，確實吸引唔少人去幫襯，我今次同朋友兩點幾去，餐廳都仲坐滿緊八九成客人😂✝️香濃芝士鮮茄焗豬扒飯 $92呢個午餐包餐湯、麵包同飲品，原煲上嘅焗飯，見到厚厚嘅芝士同秘製鮮茄醬汁覆蓋住豬扒飯，甜酸滋味嘅平衡加上芝香🧀，連同肉質鮮嫩嘅豬扒同炒飯，喺lunch time必食嘅快靚正選擇😆✝️Chill療癒卡邦尼伴蛋黃 $98一上枱望到就覺得超治癒好吸引嘅Carbonara，用咗Parmesan cheese、煙肉、蘑菇去煮香🍄🟫，撈埋橙黃色蛋黃漿一齊食，材料香味嘅配搭食落一啲都唔膩，下次可以再encore😜✝️秘製香草即烤原隻無激素燒春雞伴薯菜 $158原隻上足900g嘅燒春雞，即叫即烤做到皮脆肉嫩🔥，雖然所有食物差唔多同一時間上，食完其他主食再食雞嗰陣有少少凍咗，但無損雞隻嘅鮮香🐔，未算話好多汁，但食落雞肉一啲都唔嚡，仲有三色薯條同伴菜，份量都真喺幾誇張😂小食叫咗個一客5隻嘅Chill微辣水牛雞翼($58)同炸甜薯條($68)，前者惹味得嚟有少少辣🌶️，雞翼上面鋪滿濃郁水牛醬汁；後者炸薯條分別用咗甜薯、紫薯同芋頭去整，即叫即整放入口仲喺脆卜卜熱辣辣😋飲埋杯Wake Up Coffee，用咗本地深焙咖啡豆沖泡☕️，店員仲送上沙漏⏳，希望客人可以喺5分鐘內享用咖啡嘅最佳風味
continue reading
今日同老公踩單車去科學園，然後順便食埋個晚飯。科學園好大，原來都有好多餐廳，幾多嘢食，我哋揀左食西餐。餐廳空間感好大，以camping作主題裝修同擺設，環境幽靜，坐得舒服，越夜越多人，感覺好好。餐牌有多款set dinner選擇，都幾啱口味，價錢亦合理，而單點選擇都多。我哋就叫左兩個套餐，套餐包餐湯、餐包及飲品。餐湯及餐包：餐包廷身有口感，是日餐湯係忌廉粟米湯，飲到打到半碎粟米蓉，湯夠熱，甜甜地，好creamy。秘制香草即烤(半隻)無激素春雞伴蕃茄意粉：春雞烤得好入味，外皮輕脆，肉嫩，連雞胸肉都ok喎。蕃茄意粉同樣夠味，整體唔錯。燒澳洲和牛肉眼扒配燒汁伴薯菜：肉眼扒剛好5成熟，口感軟軟，唔韌，點埋燒汁仲好食D。薯菜有薯條、雜菇同西蘭花等，薯條剛炸起，夠熱夠脆又夠味，我就幾鐘意。焦糖香蕉朱古力窩夫伴雪糕 (+$48)：香蕉面層有脆脆焦糖，夠甜，底層窩夫仲係熱熱地，配埋雲呢拿雪糕一齊食，冷熱交溶，呢款甜品都幾好。果盤 (+$18)：有西瓜、哈密瓜、密瓜、菠蘿、藍莓同士多啤梨，價錢抵食，唔駛自己切就最方便。飲品：我就叫左杯凍果茶，係荔枝味，果汁味濃，甜度剛好。老公叫左杯iced mocha (+20)，餐廳用左自家咖啡豆調製，咖啡味好分明，香醇，奶味濃，幾好飲。
continue reading
【沙田區】【Wake Up】同我上司春哥去咗科學園做嘢，原來而家科學園嗰邊咁多餐廳，熱鬧咗好多。見到呢間西餐廳走露營風格，好似都幾受歡迎，就入去試吓佢。我哋 share 食，先試午餐 $92 嘅「香濃芝士鮮茄焗豬扒飯」，套餐跟是日餐湯同手工麵包，兩者都係有質素嘅出品。而個飯都唔錯，真係有好香濃嘅芝士同蕃茄味。之後試 $98 嘅「Chill 療癒卡邦尼伴蛋黃」，個卡邦尼都有水準嘅，個忌廉汁都打得好好。跟住試 $158 嘅「秘製香草即烤原隻無激素燒春雞伴薯菜」，呢個超好食，900g 勁足料，皮脆肉滑，連啲配菜都好正。我哋食指大動，試埋 $65 五隻「Chill 微辣水牛雞翼」，好濃嘅醬汁，掂。跟住仲試咗 $68 嘅「炸甜薯條」，係幾種植物嘅脆條，好特別。飲品方面我哋都係試 $32 嘅「Wake Up Coffee」，餐廳同名之作唔會差啦，好飲。連加一埋單先 $603，唔貴喎。。。（地址：沙田白石角香港科學園2期科技大道西10號10W地下S041B號舖）@wakeup.hk.sk#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田區 #沙田 #科學園 #白石角 #馬料水 #wakeup #香濃芝士鮮茄焗豬扒飯 #秘製香草即烤原隻無激素燒春雞伴薯菜 #Chill療癒卡邦尼伴蛋黃 #Chill微辣水牛雞翼 #炸甜薯條 #WakeUpCoffee #1am1628 #1ambackup
continue reading