和氣食堂

Open Now

Now Closed

建生一直都有好餐廳，初試和氣食堂更令我哋覺得好surprise(*¯︶¯*)即使平日去都全場滿坐，更加有人等位，我哋等左10分鐘左右就入得去由室內裝修到餐牌設計，都睇得出餐廳非常用心，餐牌配合左搞笑插畫，令人目不暇級刺身必叫因為質素好好，擺碟已經睇得出好用心，食埋落去就更加感受到鮮味同餐廳嘅誠意，真材實料無得厄！又驚喜又好味嘅一定係火焰左口魚邊牛油果沙律🥗鋪面嘅左口魚邊油香好重，入口即溶(⁎⁍̴̛ᴗ⁍̴̛⁎)呢個組合比較少見，但又出奇地好好味，推薦大家叫！當飯基本上可以睇得出餐廳嘅質素，今次嘅溫泉蛋豚肉生薑燒當真係好出色。豚肉同洋蔥入邊竟然食得出淡淡生薑嘅味道，我都係第一次食生薑燒，真係食到薑嘅味道！小食叫左日本照燒魷魚筒，魷魚筒份量好大上台嘅時候真係嚇親，魷魚燒得恰到好處，加埋燒汁一流芝士軟殼蟹卷唔錯，芝士卷物配沙律醬已經無得輸，仲要食得出啖啖真材實料！柚子梳打+青蘋果梳打屯門數一數二價錢親民，質素又高嘅日本餐廳，值得推薦！

而家喺九龍入元朗屯門都好方便,今日就入咗去屯門搵啲老友傾吓計行吓街,行完街再搵個地方食嘢，問吓佢有咩好嘢食,佢就帶咗去屯門寶怡花園一間食日本嘢嘅餐廳，佢話呢間野新開張無奈，而且食物質素都好好。和氣食堂 去到舖頭門口見到入邊裝修得好光猛，而且仲有好多卡位，感覺都幾舒服。野菜天婦羅冷烏冬 98 元 天婦羅炸到好香脆，入口鬆脆，而且保留到菜嘅原汁原味，冷烏冬方面，好爽口而且好清新，未試過食一個冷麵係咁好味，麵嘅份量仲要好多，紫菜令到個冷麵嘅口感更加正火焰左口魚牛油果沙律和風 75 元左口魚燒到啱啱好，肉質鮮甜而且仲好有咬口，配上牛油果沙律一齊食，味道真係好有層次，沙律菜味道好鮮甜，口感好爽脆，加上沙律醬酸酸甜甜，真係好開胃，而左口魚嘅份量都好多，作為前菜真係冇得頂 三文魚五味 三文魚有五個味道同埋做法，一味菜有五個口感同味道，自己就最鍾意食三文魚加海膽，因為海膽嘅鮮味令到三文魚嘅味道更加突出，石狩鍋豬骨湯湯嘅味道好鮮甜，而且魚頭嘅肉都好多，因為魚頭係煎過，所以令到湯嘅味道更加向香甜，而且魚頭仲有好多肉可以食，真係好美味。巨峰梳打 我好鍾意飲 ，又解渴又酸酸甜甜，味道又香，食飯有一杯好味嘅飲品

放左工緊係去覓食， 之前已經想試呢間，不停聽到d frds 講抵食高質日本菜，竟然係屯門開左分店，緊係要試一試。自家制芝士厚燒玉子 $48 必試! 玉子面上有層薄薄芝士~芝士味又唔會蓋過玉子蛋味~玉子蛋味好香，玉子仲要勁厚呀~好好食阿。鯛魚湯泡飯 $108     極力推介🌟鯛魚湯泡飯好特別，鯛魚剌身放係個飯上面，再將乳白色的鯛魚湯倒入石鍋碗裡，令到鯛魚剌身熟埋! 一食落去，鯛魚湯好鮮甜， 佢地係每日熬製架!!! 特別鮮甜，濃郁 ，完全唔腥。鯛魚好鮮嫩，唔會過熟。加埋飯一齊食, 每粒飯都有晒鮮甜鯛魚湯既味。幸福既感覺又黎啦。天婦羅盛合 $78   極力推介 🌟呢到既天婦羅係即叫即炸架。超級脆!!!!鮮炸熱騰騰~ 正! 粉薄，配埋個新鮮蘿蔔蓉嘅醬汁。仲要係呢個價錢，果然係好抵食同好高質。無得頂!三文魚5味 (海膽，牛油果，三文魚，咖哩鹽，芝士) $78 三文魚剌身好新鮮， 未試過咁樣既配搭。 好夾阿。仲要個海膽好鮮甜呀~火焰左口魚邊牛油果沙律  $75  一呢到見到勁大份~入面有新鮮沙律菜，蕃茄粒，牛油果，火焰左口魚邊，仲配有黑松醬。夠晒香。 火焰左口魚邊好滑好肥美，入口即溶咁。 加埋

今日去食和氣食堂 呢間野都幾出名 喺沙田同黃大仙都有分店 佢最近喺屯門開咗間新嘅分店 🙈👍🏻入到去入邊都幾多人 不過好在唔係等咗好耐🥺前菜上咗三文魚牛油果沙律 $75 入面有好多三文魚粒同牛油果肉 真材實料🥺我哋叫咗個安格斯牛肉鍋 $108 其實即係壽喜燒 入面有生牛肉冬菇蘿蔔娃娃菜豆腐等 配一隻日本生雞蛋 熱辣辣最啱冬天食 湯底好濃👍🏻仲叫咗個蝦三味 $59 同 油甘魚腩壽司(兩件) $44 啲蝦刺身好新鮮 魚腩入口即溶🤤仲叫咗芝士厚燒玉子 $48 玉子燒啱啱好 唔會太熟 入面爆多芝士😆燒日本廣島號(兩隻) $48 好大隻 又新鮮😊麵豉燒日本米茄子 $50 呢個應該係佢哋獨創嘅 非常之特別👍🏻有啲頸渴我哋嗌左一杯柚子檸檬梳打 $29巨峰梳打 $29

睇完menu 發現呢兩個餐最吸引，好似好多嘢食咁！和氣壽司定食（$122)，呢個餐有4樣野咁多：1. 日式蒸蛋好滑！香濃嘅蛋味～2. 木魚湯烏冬湯底好清甜3. 炸雞好juicy! 炸得唔錯4. 和氣壽司淨係壽司都有成9款，有三文魚，花之戀，虎蝦，香蔥拖羅碎，帆立貝，油甘魚，仲有長長嘅海鰻，全部都想急不及待即刻食，件件都好正！另一個餐係和氣極強特盛定食($152)，呢set 都係有4樣野，但係就大份好多～1. 一樣有蒸蛋2. 軟殼蟹沙律，沙律汁係酸酸地嘅柚子醋，同軟殼蟹好夾～沙律菜都好fresh!3. 特盛壽司呢個壽司set 有火炙左口魚邊，珍寶赤蝦，仲有海膽，好新鮮，而且真係好抵食！4. 黑豚腩燒丼呢個必食！腩位唔會太油，但入口又好香，好食過啲過江龍嘅日本丼飯！飲品叫咗青蘋果奇異果梳打，jumbo size , 酸甜味幾好味！另一杯係柚子檸檬梳打，都好解渴！兩個餐分別都係百幾蚊，但真係超多野食，抵到爛！

今日約左一個好耐冇見既朋友，去屯門探下佢，我地係屯門市廣場行左陣街，之後就同佢去食和氣食堂之前係黃大仙都食過兩次，覺得唔錯，屯門分店好似係新開，咁就帶朋友去試吓店裏都幾多人朋友鍾意食辣，點左小食芥辣八爪魚, 食完通晒鼻仲點左鹽燒牛舌同燒冬菇，牛舌燒得剛好，好嫰口叫左個海膽魚籽軍艦&三色花戀，三色花戀有三文魚蟹子、海膽蝦三文魚、芒果三文魚蟹子壽司，海膽好新鮮，冇腥味，甜甜的三文魚同魚子都好新鮮，超正，好有驚喜主食有白咖喱烏冬配炸雞，炸雞好脆，白咖喱好香濃泡菜黑豚鍋，有豚肉、粉絲、冬菇、豆腐，泡菜有d 辣，岩晒食辣既朋友野飲方面我點左藍柑白桃梳打，超大杯，上面係lemonade, 好fresh , 朋友點左熱柚子蜜超滿足既一餐，食到超飽食唔晒，雖然唔係好平，但物有所值

今日夜晚係屯門區搵食 見呢間勁多人排隊就排下入邊都好多人 有50人左右 仲有人係出邊等位佢既菜式都多 有麵 飯 小食串燒 等等先叫左個清酒煮蜆 個蜆大大隻 仲要冇沙 唔係hea 你比d殼 加埋都有幾十隻 另個係汁燒黑豚護心肉 係勁有豬味加上燒汁 好食 以串燒黎講算高質 另外鹽燒雞串再出色 佢燒到個雞皮好脆 仲要係熱辣辣 中意食雞既人 必定要食蟹肉忌廉薯餅 炸薯餅黎講 佢皮好薄 仲要好重忌廉 食落口感一流 加上有沙律醬 成件事係好match 可惜一份得兩塊明太子醬天婦羅 佢係每隻天婦羅都加左明太子醬 令到蝦味好出 不過明太醬好濃 唔係個個人都中意 但係配搭新 好食最後叫左個石鍋鰻魚飯 呢個飯先勁 份量可以4個人食 仲要勁香鰻魚味 擺耐左仲係保熱 佢個石鍋耐熱好耐 真心大件夾抵食飲品就叫左巨峰梳打同檸檬藍柑梳打兩杯都唔錯 梳打味重 同埋大大杯 全晚可以慢慢飲

🌟Follow Me on Instagram - @Eatistruelove.hk🌟估唔到和氣食堂開咗嚟屯門，之前聽過朋友話沙田都有一間，食過幾好食，所以今日趁早咗收工就過嚟試吓啦😛🔸花之戀、芒果花之戀🔸火焰黑松露左口魚邊壽司🔸蝦三味叫咗三款壽司都好新鮮，我最鍾意都係左口魚邊，油脂感爆棚，加咗少少黑松露，令味道更加濃郁。花之戀嘅三文魚都好厚身！🔸櫻花蝦鯛魚湯泡飯估唔到呢個湯泡飯係店員上菜嘅時候先倒湯落去石鍋嗰度😳好大陣仗差啲影唔切🤣啲飯會吸收晒啲魚湯，之後可以再叫店員加湯。除咗櫻花蝦之外，仲有兩隻炸過既大蝦同帶子，佢仲俾咗啲飲素同脆米拌飯，幾好食😋🔸燒日本廣島蠔 🦪兩隻蒜蓉，兩隻芝士味，廣島蠔都幾大隻，脹卜卜，我比較鍾意食芝士味，有拉絲嘅效果，而且加咗少少沙律醬，好食！🔸檸檬藍柑梳打、柚子檸檬梳打🍹🍸檸檬藍柑梳打係好大杯，打卡一流，味道係lemonade，食完泡飯再飲真係好爽。附近都好少日本餐廳，呢間都真係幾高質，而且好多選擇，淨係Menu都成50頁🤣遲啲可以encore再encore😍

屯門高質日式居酒屋🏮【#和氣食堂 】火焰海膽帆立貝卷 $72新鮮嘅海膽入口又甜又鮮，唔會有果種平價嘅苦澀味，再加上火焰帆立貝入口感覺簡直太美好，壽司份量又大內涵又足料，真係食多幾多件都唔夠👍🏿鐵板煎鬆軟牛舌 $75重點係鐵板上嘅新鮮熱辣牛舌，香噴噴上菜牛舌肉質鮮嫩，入口溶化肉汁係口腔流動，真係太好味！清酒石鍋煮蜆 $88鮮甜嘅煮蜆，最重要係湯底都好好味，飲落有啖啖嘅酒香味又唔會太濃搶走蜆嘅新鮮味道，份量大大鍋，夠晒兩個人食！再加上素菜菇類嘅配料清淡中又有啖啖嘅酒香煮蜆！大阪豬扒丼 $88上菜真係嚇一驚，好豪華嘅豬扒飯，滿滿嘅菜絲堆砌住沙律醬同豬扒醬汁，加上外脆內軟嘅吉列豬扒，最意想不到係飯面仲配有熱辣辣滑蛋，成個配搭簡直豪華到不得了，性價比一流之餘要滿分推介！青蘋果奇異果梳打 $45大大杯嘅青蘋果奇異果，甜度適中，想賣相都好適合打卡，味道都好鮮明飲落去都好清爽易入口！柚子檸檬梳打 $29呢個真係解熱氣解胃一流，配搭雖然係一般都有，但係佢足料程度簡直夠晒爽！👍🏻超有心思嘅餐牌 超多人排隊嘅餐廳⚠️加一服務費和氣食堂 (屯門)屯門良德街11號寶怡花園商場地下9-11號舖

好耐冇食日本野，係屯門寶怡新開咗呢間和氣食堂，啲嘢食好似幾得咁喎。好，坐低睇吓有咩好食先。火焰左口魚邊牛油果沙律，沙律好新鮮，仲有我最愛嘅牛油果，左口魚好有彈性，入口滑溜溜。牛油果芒果三文魚班戟，望落去似壽司卷，但就唔係用飯包，用咗pancake 皮，上面舊芒果又大又甜，幾特別。電擊雞翼，上面個醬汁焦糖味，加上芝麻香，個味好似食焦糖合桃。照燒日本魷魚筒，好正嘅魷魚，燒得剛剛好，咬落彈牙唔會韌。蒜蓉燒日本廣島蠔，大大粒juicy 廣島蠔，配蒜蓉超香口。黑豚腩燒丼附泡菜，天氣轉涼，食個暖笠笠丼飯，上面鋪滿滿黑豚肉，仲大塊厚肉，加上燒醬汁煎到香香地，正！青蘋果奇異果梳打、藍柑白桃梳打，最後叫埋兩個特別，爽呀！

登登登登！ 小妹至愛既零負評日本餐廳-和氣食堂終於進駐屯門啦新店開張，環境舒服光猛，卡位都有4-5卡和氣由前菜沙律，小食，主食都一應俱全，芝士厚燒玉子 芝士香濃，玉子香甜火焰左口魚邊牛油果沙律🥗用料好新鮮，有牛油果、車厘茄、沙律菜、嫩滑左口魚仲有香噴噴黑松露醬系上面，整個沙律就係由柚子醋調味，開胃清新又有營養手打稻座冷烏冬呢個冷烏冬既奧秘，在於食之前要自家製一個特別冷面汁，做法先將蔥蒜及生鵪鶉蛋放入預設醬油杯內，然後攪拌變成呢個樣加入烏冬冷面就食得啦，麵條口感冰爽黑豚肩燒丼附泡菜首先我好欣賞泡菜係另上既設計，照顧到我呢d唔食辣既朋友主角黑豚肩肉燒汁味好出，塊塊都食到好juicy ,好香肉味，肉汁滲入珍珠米入面，好快就KO左一大碗丼金蒜燒日本米茄子🍆食和氣食堂必叫小食一定係米茄子莫屬，廚師用心燒到茄子金黃色，重點係極重蒜，啖啖都有金蒜粒既香味，簡直係齒頰留香，食到小妹意猶未盡可惜已經好飽啦藍柑白桃梳打+柚子檸檬梳打飲品方面，我就叫左兩杯冰涼解渴既梳打，味道都係比較清新總括黎講，和氣食堂暫時都係小妹食過既日本菜餐廳，表現平均最出色👍🏻價錢又親民，份量多，質素好，新屯門店環境舒適，絕對會成為

一家三口晏晝去食lunch ，我自己嗌咗個魚生飯， 老婆嗌咗個鰻魚飯仔仔嗌咗個叉燒拉麵， 魚生飯夠新鮮， 試過元朗天水圍好多間， 魚生飯 ，一係就冰到未解曬動凍，一係就畀埋啲魚鱗你， 呢間魚生飯比較新鮮，份量適中， 阿仔平時都比較嘴刁，唔好味嘅嘢都唔識食，嗌咗叉燒拉麵全部食曬 ， 老婆就食咗個鰻魚飯，鰻魚嚿肥夠厚，又熱辣辣好正， 至於餐飲就比較普通味道淡咗啲有待改善， 雖然只得三個服務員，但係都非常有禮貌，都好細心教我哋點樣下載個apps同埋點樣落單，值得再次幫襯。

📍屯門寶怡花園收工黎到屯門呢邊大約8點幾，見到呢間和氣食堂，就拎左位，等左一陣就入得去～因為好肚餓，叫左好多野食😋首先叫既係🔸香芒三文魚腐皮壽司 $34一黎到心諗咁大件既😍腐皮包住壽司飯，面頭鋪左芒果粒同埋三文魚粒，一齊食個味又幾夾🔸脆脆燒三文魚皮 $36呢個真心推薦大家都可以試下😆出面都好少見燒三文魚皮脆到不得了，夾埋沙律醬食好開胃🔸火炙黑松露三點 $78三件都有黑松露係上面，特別一提帶子好鮮甜～🔸鹽燒開邊雞翼 $28啱啱燒出嚟嘅雞翼好夠熱😹😹皮脆肉嫩又多汁🔸鹽味燒牛舌 $48小食黎講真心好出色，牛舌好爽有咬口，又好香鹽味加埋檸檬汁呢個配搭點都唔會輸🔸安格斯牛肉鍋 $108份量都幾多，牛肉都有好多塊，食到底都仲有肉，好足料👍🏻👍🏻🔸蒲燒鰻魚丼 $108鰻魚好大條，蛋絲超香😂用黎撈飯好好食😋🔹柚子檸檬梳打 $29🔹巨峰梳打 $29另外想特別提一提職員服務好好，會主動加茶，又有幫手收碟同比碗我地share野食🥺值得一讚～食左咁多野，飽到一個點，以日本野黎講都唔算好貴，會再繼續黎食😙

今日和老婆去屯門搵朋友，探完朋友之後，就在附近搵東西食，午飯時間街上人流很多，老婆想食日本菜，就決定在附近食剛到中午時段這間店舖已坐滿人客，這裏地方寬敞，空間感十足，而且設計舒適，地方乾淨，人流多證明一件事，就係這間店有相當水準細看餐牌有很多選擇，每一樣嘢都很吸引我，我都很想食點了這間店舖的人氣美食，黑豚燒腩丼超大份，黑豚肉好大件，肉質鮮嫩蛀牙，賠返特製嘅醬料，每一啖都係滿足，而且保留了黑豚肉雞肉香，加埋洋蔥嘅體味，真係最佳拍檔，黑豚肉五花籃，脂肪含量較低，肉質柔軟而無豬臊味，五花腩部位層次分明，非常好味這款五味三文魚壽司，食材新鮮，食一口三文魚鮮嫩，有口感整個海膽三文魚，食一口海膽的鮮甜味，在口腔內徘徊，這個明太子天婦羅炸蝦，吃一口天婦羅的表面，炸得卜卜趣，加上明太子醬一齊食鹹香嘅感覺配合天衣無縫，蝦肉新鮮食一口，濃湯海鮮蝦拉麵，湯底是10分濃郁的蝦熬製，濃濃的蝦湯加上拉麵一齊食，真是冇得彈，非常之好味拉麵送到我的面前，就已經聞到很香，拉麵軟硬適中，十分之有口感，加上湯底一齊食，值得入一讃

呢間野個個樓面都好唔掂，派位果個，未執好位就叫我地入去罰企，侍應又攞住d食物行來行去，攞住碗拉麵喺我小朋友頭頂過，到有位，要用手機落單，但係網絡又差，一定用佢個wifi先入到個app，落單時個app彈error message 出嚟，試左幾次都唔得，叫個男侍應嚟幫手睇睇，佢仲問我撳左d咩個app 癈就唔好懶人啦，跟住粒聲唔出攞左我部手機行左去，我完全見唔到佢行左去邊，幾分鐘後返嚟話幫我落左單，我話你做乜唔出聲攞走我部手機， 佢仲喝我話唔攞個電話出去，唔通佢搬部電腦入嚟？個app落唔到單，唔識攞紙筆嚟落單？ 要攞左我部手機去？最後d野食嚟到錯晒囉，我要轉湯底又無轉，d壽司我撳左走wasabi 又無走到，俾小朋友食架！呢碗烏冬八十幾蚊得兩舊豬軟骨 壽司都費事影，下次行過良景食八戶屋好過～