和氣食堂

Open Now

Now Closed

北海道豆乳石狩鍋 (豬骨湯) $92有豬骨湯 / 味噌湯底選擇，石狩鍋足料～大大嚿煎香三文魚頭～有魚香之餘，魚鮫位魚肉好嫩滑！仲有日本火鍋常用的的葛絲 (類似闊身少少的粉絲)～火炙黑松露3點 (鵝肝, 帆立貝, 左口魚邊) $78黑松露醬，味道幾濃～鵝肝唔會太油，所以食完唔覺得膩濟！ 帆立貝唔腥～ 左口魚邊經過火灸，魚油香味爆發！咖喱鹽燒三文魚腩 $35經火灸的三文魚腩本身已經充滿魚油香，再加埋咖喱少同幼鹽粒調味，幾惹味芒果三文魚蟹籽沙律 $78好食！大碗！約2-3人份量，芒果甜！仲有海量的蟹籽沙律醬，食極都仲有好多蟹籽粒粒～ 三文魚剌身粒亦唔少！沙律醬唔過酸、配埋青瓜絲調味適中又開胃！南瓜番薯天婦羅 $55天婦羅炸衣薄，唔膩！口感鬆脆！ 南瓜同番薯甜！ 特別是南瓜天婦羅，唔洗蘸天婦羅汁都已經好夠味！係天然新鮮蔬菜甜味！千迴火鳥 $423隻外皮燒得香口的燒雞翅，燒烤時間掌握得好，熟得嚟唔乾身，一邊食仲一邊咬落有雞汁！JUICY！芝士厚燒玉子 $48少少甜的厚燒玉子面層再配埋火灸芝士，甜甜地又有D芝士鹹香～___________________和氣食堂 (屯門)屯門良德街11號寶怡花園

屯門💜和氣食堂倒數2021，迎接2022年。 食餐豐富日本料理。點左和氣極強特盛定食，芝士牛油果炸蝦定食，炸雞，日式蒸蛋，巨峰同荔枝梳打。和氣極強特盛定食：軟殼蟹沙律，日式蒸蛋，6件壽司，豚肉片飯。軟殼蟹沙律：軟殼蟹食落好脆口，沙律有蟹籽，菜，蕃茄仔，粟米粒，芝麻醬，好健康好fresh既味道。日式蒸蛋：好嫩滑，入面有菇，鳴門卷，元貝。6件壽司：左口魚，蝦，油甘魚，帶子，三文魚子，海膽。 味道口感都好岩我食，有80分。豚肉片飯有驚喜，豚肉片烤得好香，邊邊烤得幾脆，下層洋蔥仲保持脆口又甜甜地，飯粒粒分明，加上醬汁好好味。芝士牛油果炸蝦定食：芝士炸蝦壽司&牛油果炸蝦壽司，木魚湯烏冬。兩款壽司既炸蝦好香，脆卜卜。炸雞，外脆內軟，配沙律醬，讚！巨峰同荔枝梳打：巨峰有果肉好好飲，荔枝都吾錯，加左梳打，甜度剛剛好。後話，第一次食，已經成為口袋名單！📌 和氣食堂☎️ 2294 4266📍 屯門良德街11號寶怡花園商場地下9-11號舖

放工同朋友經過建生，發現原來最近開咗一間新嘅日本嘢，叫和氣食堂。不嬲都鍾意食日本嘢於是就去食個晚餐～一向我都係比較鍾意食刺身同埋三文魚咁所以嗌左一個章紅魚吞拿魚刺身拼盤，再加三文魚五味壽司。不得不說佢嘅三文魚搭配唔同嘅材料，例如係牛油果、芝士食落都幾新鮮亦都幾唔錯。而章紅魚刺身之前係一直都無食過，感覺濃魚味，可以試一試。吞拿魚刺身就冇咩驚喜，亦都唔係好重魚油香。而主食就係鯛魚湯泡飯湯泡飯本身有鯛魚生魚片係飯上面，然後侍應就會係我地面前倒入一啲滾嘅魚湯落去，過程都覺得幾新鮮。當佢嗰啲湯滾完之後，嗰啲飯粒就會吸收晒啲湯汁，所以食落去既飯粒飽滿之餘充滿魚嘅鮮味。另外，貪得意嗌咗一個閃電雞翼，原來佢係一個凍嘅蜜糖單骨雞翼，感覺凍凍地同甜甜地，香口得尼又唔熱氣～仲有芝士厚燒玉子同鐵板煎牛舌就正正常常！特飲推介藍柑白桃梳打，飲落fresh之餘又大大杯，CP值都幾高

今日team lunch去咗和氣食堂，之前食過一次都正正常常，冇乜特別，勝在夠大份。其實佢啲位都幾好坐，上菜速度都快嘅，味道都正常。今次再去食嘅時候，叫左個壽司配烏冬，大大份，味道不錯。但竟然係食壽司嘅時候，壽司飯入面竟然食到有鋼絲，好彩食到lur返出黎，真係唔敢想像如果吞咗落肚嘅話，再屙返出嚟會係點。話左比職員知，雖然職員補返枝波子汽水同比左九折就想了事，但都真係唔敢再食，一啲基本衛生都無既時候，野食幾好食，服務態度幾好都無用，期待改善的空間。

近排好中意入屯門搵食，今日就黎到呢間都幾旺場既和氣食堂我地好早到，但都已經坐左幾枱客人係到。menu全部都有圖，好有心機，完全唔怕中伏。食日本野第一時間食壽司基本啦，蟹糕帆立貝軍艦勁鮮味，啲蟹糕好出色呢個三色花之戀我係menu見到就知道今日一定食硬佢大大件，入面唔會好重沙律醬，反而靠上面啲甜芒果、海膽帶出個味，同平時食開個啲重沙律醬花之戀唔同，勁好味燒物，燒得好軟身唔會乾，味道亦夠咸，調味得足蒜燒茄子，上面勁重蒜好香，平時去BBQ都中意燒茄子食既朋友一定要試下！炸蝦天婦羅，有別於平時點開個啲天婦羅汁，呢到落左明太子醬，甜甜地，又真係幾好食泡菜黑豚肉石頭飯，好大碗，上面黑豚肉份量都唔少，熟得好淋，而且混入左啲泡菜味，好食下面啲飯都索晒啲泡菜醬汁，食到後面有少少辣，好過癮！

星期三 難得準時放工 約左朋友去食佢公司附近ge一間日本餐廳 搭輕鐵係建生站落地方唔算大 但坐得幾舒服ge 食物我地點左以下10款 都十分出色三色花戀＄95三文魚好肥美 配埋大蝦 海膽 三文魚子 蟹子 拖羅蓉真係絕配 好好味鯛魚壽司＄38新鮮好味蟹膏松葉蟹棒壽司＄29蟹膏好鮮甜 同蟹棒好夾白咖哩烏冬配炸雞3件＄89賣相好靚 白雪雪 原來撈完係平時ge咖哩色咁 配合埋烏冬 口感好豐富 咖哩好香滑 3件炸雞好juicy溫泉玉子牛油果凱撒沙律＄65大大盆 蔬菜新鮮爽甜 牛油果好好味 大大粒ge7味河豚乾＄59燒得好香 配埋沙律醬好惹味燒日本廣島蠔2隻（蒜蓉）＄48每次食日本野必點－蠔 燒得好好靚 好鮮生肥美 佢即叫即燒 正電擊雞翼6件＄36好有驚喜 原來係凍食 甜甜地 好開胃柚子檸檬梳打＄29巨蜂提子梳打＄29呢餐好滿足 食物多選擇 店員好客有禮 一定再幫襯

本來想食既餐廳冇位，於是就隨意揀左依間餐廳🙊估唔到係咁抵食架😋-雞泡魚乾 $58 份量多又燒得幾香-石鍋鰻魚炒飯 $122一上枱，真係哇左聲，係超大碗，因為石鍋關係，全程都熱辣辣咁食-芒果三文魚加州卷 $62-火灸黑松露3點 $78（鵝肝，帆立貝，左口魚）全部都好有油香味，都好大份，同人share黎食都綽綽有餘-藍鰭吞拿魚 $29總括黎講，所有食物都好大份，又夠味店員態度好，不時行過黎加水到埋單俾錢，都會鞠躬🙊值得再幫襯😋

屋企人放假，過左去屯門同佢哋食飯，佢湊住兩個小朋友帶左我去食日本野。我地隨意點左8款食物，有岩小朋友享用，都有屋企人至愛既魚生刺身。 火焰左口魚邊牛油果沙律：第一次食燒炙過既左口魚魚片，放了些黑松露搭配，感覺更矜貴，食落唔腥兼口感滑溜溜，下面既沙律有牛油果、蕃茄、粟米、沙律菜，顏色鮮豔吸引，幾個大人食份量夠哂。 黃金燒珍寶皇帝蟹棒火炙黃金芝士吉列蝦：兩位小朋友見到勁興奮，即刻動手搶黎食，皇帝蟹棒珍寶大size級,見到都食指大動。吉列大蝦炸到金黃香脆，正。5點刺身盛A：餐廳每款食物都厚身份量多，連刺身都唔例外，厚身，色澤閃亮，無腥味，肉質細嫩鮮美。 玉子、蟹柳小卷：細細件，岩哂小朋友一啖一啖放入口食用。芝士厚燒玉子：超厚身，大大件，小朋友見到再次興奮，面層放了塊車打芝士燒製過，但被玉子既甜度蓋過了，突出唔到味道，小朋友食完話飽飽了。日本燒蕃薯：叫多左串迷你版日本小蕃比小朋友當甜品享用，小朋友乖乖一粒一粒地拎黎食。牛油果軟殼蟹卷：最喜歡食軟殼蟹，可以連殼食加上蟹籽、飯、牛油果及沙律醬，口感層次更豐富。哩度好適合一家大細黎食野，食物選擇多，每款都足料重秤大份兼抵食，飽足感100分。

食咗兩個Don飯，都叫新鮮，想做會員，要download app都冇所謂，一蚊1分真係抵，可惜完全冇人介紹，食完先知入會有分儲，問反個男員工同我講冇得反轉頭，今次食咗幾多錢都冇用。當下立即覺得呢間野唔使再幫襯

好耐無嚟屯門建生邨，發覺改變咗好多，多咗好多食市，朋友話想食日本嘢，噤見到和氣食堂，就入去試試啦！入到去餐堂，好開心見到有一櫃嘅日本公仔擺設，超正。坐落座位寬敞，點菜用手機素描二維碼極之方便，而餐牌同埋手機應用上都有大量食品的照片，非常吸引。我們樣樣都想試，最後點了燒物嘅：鹽燒安格斯牛肉串，鹽燒地雞串，麵豉燒日本米茄子；壽司嘅：牛油果三文魚腐皮，蝦三味，黃金燒珍寶皇帝蟹棒，熱食嘅：白咖哩烏冬(配炸雞3件)和開胃嘅：溫泉玉子牛油果凱散沙律，再加兩杯飲品: 巨峰梳打和藍柑白桃梳打。不到15分鐘，飲品和食品都陸陸續續放於枱面上，十分豐富。藍柑白桃梳打外型吸引，簡直係打卡必選。巨峰梳打就有香濃嘅黑提子味，好似一杯無酒精嘅紅酒！用嚟配襯鹽燒安格斯牛肉串和雞串就最適合不過了。兩款串燒都燒得香口淋滑值得推介。而蝦三味壽司，那手掌一般長的大蝦又係一個驚喜，三款蝦都鮮甜可口。而牛油果配三文魚的腐皮壽司，味道又出奇地夾喎！珍寶皇帝蟹棒有手指公一般粗，食落就好似新鮮嘅皇帝蟹腳一樣！天氣轉涼就當然要加返啲熱食啦，那白咖哩烏冬，真係一個驚喜，我和朋友到現在都未能斷定那白色的是蛋白還是忌廉，因為一搞即溶。再加上烏

放工去公司附近食晚飯。之前lunch time試過喺呢間舖頭食日式刺身丼，當時覺得份量大，同埋刺身質素都唔錯，所以決定試試佢個晚市。我地叫左六道菜同兩杯嘢飲。五點刺身盛A （三文魚、油甘魚、章紅魚、帆立貝、甜蝦）$228三文魚同油甘魚非常厚切，真係啖啖肉，唔會有雪味，估唔到係呢啲地區小店會食到咁嘅質素😍 帆立貝亦非常鮮甜，高質抵讚。三文魚五味 （海膽、三文魚、牛油果、咖喱鹽、芝士） $78叫呢一碟壽司就可以一次過滿足五個願望。 我第一次食咖喱鹽味三文魚壽司，感覺好新奇，估唔到咖喱同三文魚壽司有幾夾。海膽唔會有腥味，份量都算比得多，唔會好似其他餐廳咁得手指尾咁少。千迴火鳥 $42係燒雞翼， 外皮燒得好脆，醬汁甜甜地好惹味，亦都保留到肉汁。鹽燒鮮冬菇 $18唔會好鹹，食到冬菇嘅鮮甜味，亦都好juicy野菜天婦羅稻庭冷烏冬$98包括有炸冬菇、南瓜、番薯、茄子同芋頭。 外皮炸得鬆脆，又唔會話太多粉或者出現太油淋淋嘅情況， 配埋酒一流。 我自己最鍾意番薯，番薯夠甜配埋鹹鹹地嘅外層幾上癮。烏冬冷麵唔係就咁俾個普通冷麵汁咁Hea，佢係有埋一粒鵪鶉蛋俾你，適合打卡。 泡菜黑豚腩鍋本身冇諗過啲嘢食咁大份

一個人去屯門探完朋友，路經見到屯門都有和氣食堂，緊係要幫襯下，Meau內既食物每一頁依然引人垂涎欲滴。叫左碗拉麵加兩串黑豚串燒，即叫即煮，野食黎得好快。鹽燒黑豚肋肉：是豬隻肋骨延伸至背脊之間的肌肉組織，此部位油脂含量適中，雖然燒過，但咬落依然多肉汁，帶點油脂，食落有口感。 汁燒黑豚護心肉：哩串比較黑，估計應該係燒汁影響，護心肉係指是阻隔豬肚子的橫隔膜和肝之間的一組組織。在豬伸縮的時候可以起到呼吸的作用，每頭豬只有200g左右，是比較珍貴及特殊的部位，食落無咩油脂，柔軟且多筋道，口感爽兼彈彈地。 海鮮海老湯拉麵：介紹下個湯底先，係成個拉麵既靈魂，橙啡色超結身同濃郁蝦既味道，當中有隻蝦加兩粒大碼size帶子，隻蝦開左邊，蝦肉面加左調味粉，唔係隨便烚熟放落湯比你，而蝦肉用筷子輕輕一拉便好易起出享用，食日本拉麵慣常會有一大塊紫菜、票米、木耳絲及蔥花係旁邊，哩度都唔例外，跟足材料，仲有埋鳴門卷，拉麵軟滑彈牙，份量都好多,仲要配埋隻溫泉流心蛋分開上，食完個拉麵之後慢慢再享用，超滿足。

朋友話屯門都開左和氣食堂🤩咁一定要去試下啦！因為係黃大仙都幾出名，終於開到入屯門。打開餐牌真係有好多款日式野食，由前菜、刺身、壽司到熱食等等都勁多，點都搵到啱嘅野，同埋全部都好吸引🤩♥️溫泉玉子牛油果凱撒沙律🥗$65份量好大兜，抵食！玉子煮得剛剛好，一篤落去就有流心。牛油果同沙律菜都好新鮮，開胃健康♥️牛油果三文魚腐皮🥑$34腐皮壽司成隻船仔咁，好足料，估唔到三文魚同牛油果變做壽司係咁夾♥️蝦三味（甜蝦、生虎蝦、珍寶赤蝦）🦐$59三款蝦都好大件，平均$20蚊一件正常價錢，不過不失，食得出有鮮味♥️白身魚薄切2點（油甘魚、章紅魚各8切）🐟 $128兩款魚都好嫩滑新鮮，油甘魚食落甘甜，魚香味重。章紅魚口感清爽，有咬口👍🏻♥️野菜天婦羅稻庭烏冬🍜 $98天婦羅有芋頭、 茄子、南瓜同冬菇，炸得好脆口唔油膩。烏冬配左鵪鶉蛋汁，有埋蔥、薑、天婦羅碎，倒落杯仔搞勻佢，沾汁食都幾消暑😋♥️大阪豬扒丼🍱 $88豬扒丼一黎到真係好驚艷，椰菜絲刨到好碎，疊到成座山咁高，即刻要打番個卡📸 豬扒鋪滿晒成個碗，份量驚人😆差啲食唔晒。味道就有啲似章魚燒咁，燒汁加埋鰹魚碎，好有大阪風味♥️藍柑白桃梳打🍑 $45白桃梳打水上面加左支

聽講屯門新開左間日本居酒屋😍 急不及待去試🥰🥰 平日晚上7點黎到～ 已經有人排緊隊😱 睇黎新開既餐廳吸引力好強😂😂 等左十五分鐘就入得😊 入面爆場😂😂 事不宜遲 ～ 即刻叫野食😚 叫左杯巨峰提子梳打 同 檸檬藍柑梳打 🤪 兩杯都好refreshing 同唔會太死甜😋😋 後者酸酸甜甜 好味🥰 食親日本野 必點 清酒煮蜆～ 呢個係我食過最好食既清酒煮蜆！ 個湯好香清酒尾之餘 係好香甜 ！ 1d都唔似味精湯👍🏻👍🏻👍🏻 仲要隻隻蜆都大大隻 一粒沙都無🥰 我第一次食煮蜆食到飲哂碗湯😂😂 真係隻隻都咁大粒！ 啖啖肉☺️ 豬愛好者 忍唔住要試下呢個黑豚護心肉！ 喂呀 唔係講笑～ 呢個必點！ 好重豬味 仲要油脂分泌得好好 ～ 每一啖都有肉同油脂 好滿足呀痴線😩😩😩😩 汁燒仲要好juicy 🥺🥺串燒太好食既關係 再追加多串鹽燒地雞串 就算鹽燒都好juicy 🥰🥰 串燒師傅有d料道叫左款小食😛蟹肉忌廉薯餅 🙌🏻岩岩新鮮炸好 脆卜卜 每啖都食到濃稠既蟹肉鮮味！ 唔錯唔錯 😘 食開天婦羅既我 見到呢款炸蝦天婦羅配明太子醬 忍唔住要試試佢！ ！ ！ 明太子愛好者必點！ 好香明太子 重點係咁樣配埋食好突出蝦

對上一次去和氣食堂係喺沙田區今日去咗屯門寶怡花園果度探朋友，先知道原來呢邊係有分店上次食過沙田嗰間都覺得好好味今日就試埋屯門區新開呢間，果然冇令我失望環境舒適，枱同枱之間嘅距離都非常充足，所以坐得好舒服食材又新鮮係一間日式餐廳見到餐牌上面真係有好多唔同種類嘅選擇尤其是係蝦嘅種類有好多叫咗個雜錦刺身定食刺身非常新鮮每一件都夠晒凍又夠鮮甜帶子非常厚而且蝦又好爽口仲要非常大隻真係冇諗過一間小店能夠做到咁出色日式蒸蛋👏剛剛蒸起非常熱辣雞蛋蒸到非常滑而且水蛋嘅湯底仲夠晒味道，入面有冬菇作配菜🤤青蘋果梳打,加$9就有得飲好香嘅青蘋果味又夠凍飲落非常舒服又唔會太甜檸檬藍金梳打$45， 完全冇諗過喺餐廳都可以飲到呢個飲品真係喜出望外，檸檬有好清香嘅味道，甜甜酸酸我好鍾意飲明太子醬蝦天婦羅🍤天婦羅炸都非常乾身外脆內軟蝦嘅size雖然唔係太大隻但係非常爽口鮮甜外皮炸到剛剛好，炸皮又唔會太厚，上面仲有明太子醬，令到天婦羅嘅味道更加突出黑豚肩燒丼附泡菜，攬位完全唔油膩入口又非常香口仲要用一百度高溫去燒，我第一次食咁好食嘅黑豚腩燒，係必食嘅木魚湯烏冬湯底非常清甜上面有少許粟米同木耳絲仲有一片魚蛋少許蔥花好健康嘅