和氣食堂 (黃大仙中心南館)

Open Now

Now Closed

🥢朋友生日飯，約好左黎呢間食。點解係呢度呢？皆因呢個壽星公鍾意食日本野，又大食，梗係去性價比高嘅和食餐飯啦，而且呢度係大家屋企嘅中間點，仲唔係不二之選？壽星公🎂order左勁多野食，好彩呢度價錢唔貴，唔係嘅話我咪乾塘？🔆香芒🥭燻鴨胸沙律（黑醋）$65 - 鴨胸軟腍咸咸地，肉質出奇地細嫩，用上熟透芒果肉，配搭黑醋同新鮮蔬菜 totally match!🔆4點刺身盛B $178 - 鮮𩶘魚、海膽、珍寶赤蝦、三文魚，唔係厚切就係大大件，呢個價錢就食到貴價刺身，而且份量完全滿足2人食有餘，抵啦！🔆鰂魚湯泡飯 $108 - 媽呀！個魚湯真係香到不得了，而且無味精真材實料。店員將半壺湯加入鍋飯當中，視覺嗅覺大刺激，仲有三種飯素自行加入，真係超級美味。店員仲貼心提醒，餘下嘅餘湯加入自己碗中而唔加入鍋，就可以避免魚湯蒸發而浪費啦！🔆手打稻庭烏冬 $62 - 烏冬好煙韌彈牙，伴上蔥花紫菜同鵪鶉蛋，加入烏冬沾上湯，蛋香味濃郁，好好味～🔆千回火鳥🐥3隻 $38 - 日文火鳥即係雞翼，呢款燒雞翼，用上多種調味，香口之餘味道豐富刺激，食到我地舐舐脷。🔆宇治金時🍹 $38 & 糯米糍紅豆宇治抹茶牛奶雪糕 🍨$42

餐廳位於黃大仙中心，地理位置相當方便，同朋友六點左右過嚟食晚餐，一開始都唔算多人，大約七點左右已經滿座，如果唔想等位就要早少少到。前菜叫左溫泉玉子牛油果凱撒沙律（$58），單食生菜會陣草青味，但配上溫泉玉子同沙津醬，可以中和味道，加上牛油果口感棉滑，將以上撈勻，配搭相當唔錯，另上有脆卜卜麵包粒，都好好食！推薦！主食就有兩個，珍寶赤蝦海鮮丼（$98）同三文魚五味（$75）。珍寶赤蝦海鮮丼，有兩隻大大隻赤蝦、兩塊大大片厚切三文魚、兩大粒帶子、玉子同蟹子，配料相當豐富，而且非常新鮮，完全冇腥味，賣相吸引之餘亦相當好食！三文魚五味，顧名思義都係三文魚壽司，但有五個種類：普通三文魚、牛油果三文魚、灸燒芝士三文魚、海膽三文魚、灸燒三文魚壽司。又叫左兩個小食，揚物盛（$98）同鰻魚牛油果班戟（$55@2）。日本叫炸物為揚物，揚物盛有三種炸物：芝士薯條、唐揚日本池魚仔、唐揚尤魚軟骨。薯條炸到脆身，包裹着芝士粉，唔需要點醬汁都已經好夠味道，非常好食。唐揚日本池魚仔，感覺就似食酥脆版嘅魚乾仔咁，好特別。唐揚尤魚軟骨，食落脆卜卜，軟骨上的炸衣已經調味，鹹淡適中。鰻魚牛油果班戟，用班戟皮將鰻魚、牛油果、玉子包

和氣食堂 (黃大仙).日本野其中一個好選擇就係和氣食堂！真係覺得性價比高！ ！ .⚜️四點刺身盛⚜️.食得多左寧願用一樣嘅價換優質魚生都唔想再食任食但味道一般嘅刺身！我地叫左三文魚🍣海膽，章紅魚溥切同大蝦🍤，大蝦同三文魚都新鮮肥美，海膽更配上一塊薄青瓜！.⚜️香芒黑醋燻鴨胸沙律🥗⚜️.香芒好甜(˶‾᷄ ⁻̫ ‾᷅˵) 配上黑醋微酸配上沙律菜，好開胃！ ！ 煙鴨胸作點綴，不錯！.⚜️鰻魚牛油果🥑班戟⚜️.(˶‾᷄ ⁻̫ ‾᷅˵)！ ！ 係我喜歡食嘅牛油果！ ！ ！鰻魚配上班戟皮同新鮮牛油果🥑好新穎嘅配搭但又出乎預料地好吃！.⚜️手打稻庭冷烏冬⚜️.凍食嘅稻庭烏冬配埋生嘅鵪鶉蛋，葱同蒜撈埋一齊食，夏天熱辣辣食佢就啱晒啦！.⚜️大阪豬扒丼⚜️.呢個大阪豬扒丼非常之適合打卡影相，連隔離枱牙醫見到都話呢度有好多好有特色嘅嘢食！椰菜絲對到成座山咁高，配上大阪燒嘅醬汁，入邊仲有大大嚿豬扒同飯！ 勁大份！.⚜️糯米糍紅豆宇治抹茶牛奶雪糕🍦⚜️.呢度嘅甜品都非常之好食，牛奶抹茶雪糕再配埋紅豆同糯米糍，係典型嘅日式甜品！.⚜️紫薯牛奶🥛⚜️.食嘢就會想要一杯野飲，紫薯同牛奶打埋都好夾！—————————————————————-環境：⭐️⭐️⭐️⭐️⭐️

由於近排去多左黃大仙，先發覺黃大仙中心作了一個大裝修的舉動，裝演光鮮又光猛，開左唔少新既餐廳。與同行既朋友心累了，淨係想今晚想食日本野，安慰下自己近期既負面心情，見到除左集團式既壽司店，宜家仲多左間較多選擇既日式餐廳，南館地下G12A號鋪【和氣食堂】門口好似好多人等緊，我地見咁多人有興趣應該唔錯就拎飛等下。剛入座的時候入面既客人已經好多，餐廳都好大咩方位都座無虛席。看來這食店也頗受周圍居民的歡迎。日本餐廳都係鍾意用木製嘅野多，座椅、牆身、牌仔等等，喜歡凳有軟墊，坐得舒服，環境都非常簡潔，係有少少同隔黎有點近，有D話題性既都唔太方面講。店員好快遞上餐牌，呢個餐牌份量十足呀，全部食物都係圖文並茂，立即食慾大增。不過真係好厚，厚到睇到有點累。入面每樣食物的價錢非常親民，唔怪得咁多人黎食。呢度有多款壽司、手卷、軍艦、刺身飯、鍋物等等...款式多多。 今晚同朋友order左前菜、刺身、烏冬、飯類同埋甜品, 當中既刺身同埋豬扒丼突為出眾~令我地一試愛上!.💕最先出場的係四點刺身盛A $168「有：三文魚刺身、甜蝦刺身、薄切鱆紅魚刺身，廣島蠔」師傅精湛手藝品，每樣賣相都好得！力求呈現原汁原味的傳統美

今日同朋友黎試下哩間和氣 晚上七點已經大排長龍 睇黎好受街坊歡迎 餐廳空間感很足 睇落環境唔錯 第一樣 三文魚牛油果沙津 醬汁酸酸甜甜很開胃 三文魚份量很夠搭配牛油果味道十分驚喜十分不錯開胃菜青蘋果奇異果梳打 賣相很靚非常適合打卡 而且青蘋果加奇異果配搭出嚟嘅味道很夾蟹膏帆立貝軍艦帆立貝很新鮮加上蟹膏味道不過不失芝士厚燒玉子 非常好食 甜甜地嘅玉子燒加上鹹香嘅芝士味道非常之夾火炙黑松露三點分別係帆立貝，鰻魚，左口魚 面頭淋上燒汁同黑松露 味道十分之濃郁非常討喜最後宇治抹茶芭菲 雪糕非常有抹茶味再配上小丸子同脆脆蛋捲

一直想食呢間和氣食堂，但每次都好多人食，要攞飛排隊，今日特登早d黎，終於可以食到喇！朋友介紹得無錯，呢度好抵食，望住厚厚既menus，好多選擇，我地都花左一段時間去揀食咩。。火焰左口魚邊牛油果沙律:好香，因為原來呢個沙津加左黑松露醬，加上燒香左既左口魚邊，未食已經流口水。白咖哩烏冬：炸雞外脆內軟，最特別係個烏冬，外面係白色既打成cream, 但原來内裏係黃咖哩既烏冬。滑嘟嘟好好食。大阪豬扒丼:椰菜比menus上既相還要高，椰菜又爽又甜，炸豬扒係厚切，外脆又juicy。帆立貝黃金燒：燒過既帆立貝，加上芝士沙律醬特別好食，驚喜既係原本一隻殼上竟然有3大隻帶子。鹽味燒牛舌：牛舌食落爽脆，滴埋檸檬汁，沒有油膩既感覺。鰻魚牛油果班戟原來壽司可以咁樣改變。同樣既材料，原來壽司飯換左班戟，少少甜，面且咬落唔會好似飯咁散開。讚呀👍🏻糯米糍紅豆宇治抹茶牛奶雪糕:食左勁多野之後先醒起仲有個甜品，不過無問題既，有甜品肚，而且呢隻抹茶雪糕，係特鍾意個種有茶味既雪糕，食多兩個都仲得😋

同老公來黃大仙還神, 順道去和氣食晚餐, 之前食過, 覺得好味又抵食, 所以而家又 encore。ㄧ坐低就即刻點了個 4 點刺身盛 A, 哈哈, 個名非常特別。三文魚夠肥美, 廣島蠔唔醒, 蝦亦很鮮甜。 個刺身份量細細的, 最啱兩口子食。 砌個心形, 係咪好 sweet 呢!大阪豬扒丼, 成座雪山咁, 幾有型。原來上面係切了很幼細的椰菜絲, 加上沙律醬而成的。 椰菜絲下另有乾坤, 就係豬扒飯, 份量也不少, 豬扒好林。千回火鳥------雞翼是也。 雞翼燒得略為燶了少少, 但勝在皮脆肉香, 很 juicy, 有少少辣, 非常醒胃。田樂麵豉燒日本米茄子, 茄子好林甜, 有麵豉味, 配搭夠新穎, 真係第ㄧ次食。宇治抹茶芭菲, 抹茶味非常濃厚, 大大杯的雪糕配料夠多, 有朱古力蛋卷, 粟米片, 紅豆, 粉圑, 睇見已經透心涼。和和氣氣又ㄧ餐。

好日都唔入下黃大仙，見到黃大仙中心而家同好多年前都唔同咗， 而家多咗好多唔同嘅餐廳 ，而一向支持細鋪頭嘅我就決定試下入下一啲非大牌子嘅餐廳。離遠見到有一間叫和氣食堂，個名幾特別不如就試下啦。入到去有殷勤嘅招呼而且裝橫間隔 比起出面連鎖式嘅餐廳， 有過之而無不及。無論係壽司刺身還是係炭燒豬頸肉飯，佢哋所做嘅味道都比預期中好，可媲美上一些價錢較貴嘅日本餐廳。佢哋炭燒豬頸肉飯 真係做得好香考入口又唔會太硬 太乾， 另外黑豚肉定四更加畀人感覺喜出望外除咗賣相吸引之外咬落去嘅肉質同埋 正式入面嘅配菜都一啲都唔馬虎👍真係冇諗過喺黃大仙呢種屬於舊區的商場入面有一間無論門面服務食物質素都做得咁好嘅餐廳值得推介畀大家。

黃大仙中心呢入邊好大有有南館，又有北館，不過佢哋因為佢地方大，多嘢食，經過見到呢間餐廳門口好多人等緊，入邊亦都滿座，似乎好受歡迎，所以就決定等埋一份，好彩唔駛等好耐好快就有得入啦。一拎上手發覺本Menu好厚，果然係好多嘢食可以揀，而且啲嘢食都同岀邊唔同，所以每一樣我哋都想試吓喎。最後我地叫左芒果蟹籽三文魚沙律，電擊雞翼配炸薯條，4點刺身盛，宇治抹茶芭菲。個芒果蟹籽三文魚沙律好大份，成兜沙律差唔多有一個人頭咁大，而且啲芒果又好甜，加埋啲沙律醬同埋面頭卜卜趣嘅蟹籽同埋新鮮嘅三文魚令我胃口大增😋😋另外呢個電擊雞翼配炸薯條，首先要講下佢個炸薯條好得意，落咗芝士粉係面頭，所以啲薯條好甜呀，食落口又脆又甜，完全同出邊一般嘅鹹薯條唔同，熱辣辣梗係食返啲甜嘢可以胃口好啲啦。至於個電擊雞翼，面頭燒到燶燶地，可能就係咁樣用嚟模仿呢個電完就燶嘅效果，正。呢個刺身，有好多新鮮嘅刺身，蝦同蠔，十分之新鮮。至於個宇治抹茶芭菲，芭菲嘅宇治抹茶味好濃，就同普通飲茶冇分別咁濟！我最鍾意就係佢仲加咗好多唔同款式嘅麻薯同埋團子，等我可以點雪糕食，又甜又煙韌，真係一個超級好嘅配搭！

週末要搵埋一班朋友聚餐又唔想去到山卡啦，不如一齊約去黃大仙「和氣食堂」！先唔講食物質素，淨係講decorations、闊落舒服嘅座位都已經值回票價😆🥘食物🥘餐廳提供一系列嘅日式料理，刺身、壽司、沙律、烏冬、炒飯等等當然唔少得，我今次就各種揀一啲品味😜以下係一啲精選5點刺身盛：呢個刺身拼盤唔話得，除咗有平時常見嘅三文魚、帶子之外，竟然有2隻蠔！😳而且好有海水味，多肉肥美👍🏻👍🏻三文魚5味：見到佢個名咁盞鬼，緊係要試下！碟上有5種三文魚味道：原味、牛油果、海膽、芝士、灸燒，每一個配搭都好正👍🏻❗️最好食係牛油果，味道意想不到海膽炒飯唔好睇圖就以為份量細，五個人一齊分已經夠撐飽個肚！葉面就係海膽，撈落個飯底頓覺和味🍴稻庭烏冬呢個烏冬望落好dry，其實係要撈埋個蛋食先至食得出個爽滑口感👍🏻蒜蓉芝士燒廣島蠔唔洗多講，廣島蠔一向係極好食，而和氣食堂整嘅蒜蓉蠔味道更係特別，唔會鹹仲留有蠔「爽」👻總括而言，和氣食堂係喺黃大仙一個值得一試再食嘅餐廳！其他食物🍡

心思思想食吓日式,所以搵咗依間試吓。中午時候全場爆滿要等位,都係一般日式食肆嘅例牌動作。大約十分鐘後連續跳咗4個輪候號碼就有位。餐牌嘅定價尚算平宜四個人點咗A24 三文魚壽司刺身定食$106]老實講,可能係大眾化商場開業。走嘅路線都係價錢便宜行先,食材尚可接受唔太特別新鮮(有光澤果隻)有少少失望係壽司啲飯居然係凍冰冰嘅7]依個烏冬一般貨色唔多講喇。另外有A23 雜錦刺身定食$98]同樣都係一般水準,味道一般唔會話好鮮甜,食到海水味果隻9]反而依果揚物做得唔錯上檯保持熱烘烘,唔油膩,份量足。A20 壽司定食A$70]A21 壽司定食B$71]全部定食送凍熱飲2]熱柚子蜜好味最後嘅溫馨提示: 自己一家大細去幫襯係可以嘅,因為實在好抵食但係如果同朋友晚飯聚會就略嫌大眾化咗啲。

暑假就快放完, 同表妹周圍去行街食野, 今次去咗黃大仙食日式食品, 揀了和氣食堂, 因為朋友推介的。店舖都算大, 裝修簡約, 坐得舒適。 時間尚早, 7 點左右已經好多人。我地 order 了手打稻庭冷烏冬, d 烏冬放落湯之前好黏, 好難分開, ㄧ放入湯内, 即刻鬆散開來, 口感非常煙靭, 沒有酸味, 配料有ㄧ隻生的鵪鶉蛋, 非常特別, 湯底唔醎。第二樣食品就係香芒燻鴨胸沙律鴨胸肉配上特式醬汁, 好惹味, 加上香甜的芒果肉, 配搭得宜, 沙津菜夠新鮮。火炙鵝肝 3 點, 聽個名完全估唔到係乜東西, 原來係 3 款不同的壽司, 分別係三文魚腩, 帆立貝及鰻🐟。我揀了最愛的鰻魚壽司。最後係甜品時間 :要了ㄧ客特濃牛奶芭菲。大大杯的雪糕有很香濃的牛奶味, 另外用糯米粉造了各色的小丸子, 煙煙靭靭的, 仲有粟米片及紅豆, 非常特別。嘆埋杯玄米茶, 簡直係大滿足。

尋日突然好想食日本嘢，所以去咗和氣食堂。呢間日本嘢有好多唔同種類嘅食物。menu好多元化，有刺身、壽司、串燒、沙律、炸物、湯飯，等等。 我相信佢滿足到唔同人嘅唔同口味。今次我地一行三人， 有人好鍾意食刺身、有人唔鍾意食生嘢,所以我哋叫咗唔同種類嘅食物。我地叫咗刺身、沙律、湯飯再加雪糕。我叫咗三種刺身。其中我覺得最好食嘅係三文魚刺身,佢好厚身同好肥美。沙律方面，我地叫左左口魚牛油果沙律。 佢嘅酸甜汁加埋牛油果好refresh，生菜再加埋左口魚碎呢個組合好特別。呢個沙律幾好味，好開胃。湯飯方面我哋叫咗鯛魚湯飯。 佢嘅魚湯同香口配料加落放左白飯又熱辣辣嘅石頭鍋度。 食完好有滿足感好warm😊令我哋好驚喜嘅係佢個雪糕!佢個雪糕加咗好多配料:有cornflakes, 糯米糍,小丸子紅豆同雪糕😋😋😋 全部野都好夾呀!😍😍😍😍 佢而家有個套餐68蚊已經有雪糕加雞翼，好抵呀，推介大家試下!😊佢仲有好多其他丼飯、串燒、壽司, 我見佢價錢都幾抵 ,份量好大 !現場整體上幾乾淨, 服務員服務質素好好, 不停幫手添茶。我相信我會再嚟食, 我會下次試下個燒蠔同埋電擊雞翼😋😋😋今次食咗以上嘅食物連埋加一都係六百蚊

今日同屋企人去咗食和氣食堂， 叫咗好多嘢食:1. 左口魚牛油果沙律, 我覺得幾好食。佢面頭有啲黑色嘅汁，撈埋落去我估應該係一啲魚子醬同牛油果。啲菜好新鮮，加埋d黑色汁好好食。2. 黑松露香芒甜蝦卷， 一碟有六件。件件都幾大舊，生蝦加芒果好甜食落好好食!3. 櫻花蝦鯛魚湯泡飯， 上碟嗰下一定要記住用電話錄video， 佢用個石頭窩裝住啲白飯， 擺喺你面前，之後即刻落啲湯落去。個鍋會即刻bilibalak.. 個飯熱辣辣好好食! 成個感覺勁高級! 個湯好味，食完唔覺頸渴😃4. 宇治抹茶芭菲， 我唔食抹茶所以轉咗要牛奶味。個雪糕好實淨、好凍，有啲似kfc嗰隻雪糕。牛奶味好重，佢側邊有好多煙煙韌韌嘅配料 ，好似以前食yogurt嘅toppings咁樣。 個底仲有cereals同埋紅豆。成個甜品好出色三個人食都ok!5. 揚物盛， 有炸池魚 炸薯條 同炸雞軟骨， 炸池魚最好食 好似食緊炸多春魚咁 三個小食都勁多份量。薯條好特別，帶一啲甜味嘅。 呢款小食我覺得好適合睇比賽時候食🤣🤣🤣

為咗幫朋友慶祝生日，揾咗間係佢屋企附近嘅日本菜！提早少少到餐廳，收埋個蛋糕先，呢度嘅staff好識做，無踼爆我哋！最後靜靜雞上蛋糕，朋友都好surprised我地嗌咗幾樣嘢食！1. 黑松露甜蝦芒果卷呢個配搭幾新穎，芒果嘅清新加甜蝦嘅鮮味配搭起黑松露嘅濃味，估唔到又幾好食！一次過有三種唔同嘅感受！2. 炸豬扒飯呢個炸豬扒嘅賣相非常之靚，上面嘅椰菜對到好似火山咁高，配起炸豬扒上嚟感覺上冇咁熱氣！炸豬扒仲係脆卜卜嘅！3. 電擊雞翼配薯條電擊雞翼聽個名已經覺得好過癮,估唔到食落去更加特別,好似係咕嚕肉架冰糖葫蘆嘅味道,呢個雞翼係凍食嘅，從來無試過！薯條又唔係一般嘅加鹽就係呢個薯條係甜甜地嘅，又脆又熱，好正呀！4. 刺身拼盤呢個刺身拼盤有四種，最好食嘅當然係三文魚啦，油脂分佈好靚，好有鮮味！