和氣食堂 (黃大仙中心南館)

Open Now

Now Closed

溫泉玉子牛油果凱撒沙律 $65好多醬好正！個溫泉蛋係流心，可以用嚟一齊撈沙律菜食!!係健康之選😉份量都幾多㗎!2個人食到每人3大碟添呀！牛油果芒果三文魚班戟(2件)配電擊雞翼薯條$104個班戟超好食!!好新鮮嘅配搭~第一次食!!本身牛油果同三文魚已經好match，原來加埋芒果會再多咗份甜味👍🏼👍🏼上面有勁多三文魚子，入面個芒果又勁甜，三文魚厚切一條😍真係不得了！！必試!!電擊雞翼個樣好似好辣🤣🤣點知原來係甜嘅！好多蜜糖去燒!!單骨哂好方便！薯條係勁多芝士粉係上面，不過我哋放得耐咗，所以凍咗無咁脆🥺下次一到就要食！！白咖喱烏冬 $92有啲泡沫係面，勁igable!!!下面有咖哩汁加超彈牙烏冬😍超正！食完一啖之後停唔到🤣啲咖哩汁入面有肉碎，係甜嘅日本咖里😚巧開心~~~仲有3件雞件配，熱辣辣脆卜卜！！黑豚肩燒丼 $85照燒汁好香好食！不過超大碗飯🤣勁飽！2個人食啱啱好！面頭個豬肩有小小肥，juicy! 最後唔可以唔介紹嘅！宇治抹茶芭菲 $82勁大杯!!!係高質嘅抹茶味，勁濃，真係有澀味㗎!!!!雪糕質素真係好得👍🏼👍🏼入面仲有啲配料紅豆，白玉，麥片，缺餅，都好豐富!!

呢日來到黃大仙，要搵嘢食，朋友話食日本嘢，咁我好自然會諗起“和氣食堂"啦，我同其他朋友都食過呢間都覺得好好，因此別無他選。Encore咗以前叫開嘅"鐵板煎牛舌"，依然咁好味 ，都幾厚切，口感正；"金蒜燒日本米茄子"，呢排都食過幾次燒茄子，而日本米茄子就更勝一籌，唔信你來試下，茄肉應腍則腍，茄子皮少少脆；"燒日本廣島蠔"絕對係海鮮迷我嘅至愛，一份四隻其中兩隻係金蒜燒另外兩隻係芝士燒都相當相當好味呀；"石鍋鰻魚炒飯"好大一鍋，鰻魚切細粒炒，由於質地好，都食得到鰻魚嘅質感，亦可以飽肚，喺呢個初冬來講確實係一個好選擇；朋友就喜歡食辣嘢又鍾意泡菜，咁呢個"泡菜黑豚腩窩"就啱曬佢。"青蘋果奇異果梳打"和"宇治金時"絕對係打卡嘅飲品，唔單止啱打卡，亦都好好味。尤其“宇治金時”有我鍾意嘅抹茶紅豆，Perfect 😊

好耐未食過和氣食堂啦，之前都喺其他分店度食，黃大仙依間一直都冇機會試，咁啱今日喺附近度做嘢，有機會嚟試一試呢間嘅水平。餐廳位於黃大仙南館，地理位置好方便，地鐵站落車，d出口出閘，行兩三分鐘就到。一日到餐廳覺得好舒服，餐廳嘅座位都好多，而且幾多卡位，唔會太迫。👍👍晚飯時間都幾多人，好彩朋友一早拎定位，唔係我諗都要等一陣心。餐廳食物都好多嘢揀，唔單只係日式，韓式都有少少，啱曬唔同人嘅選擇。我哋叫咗壽司，鍋物，雞翼薯條，沙律，同埋雪糕。食完之後好滿足。首先壽司好新鮮，鰻魚同埋三文魚都算大片。而沙律一上到黎，就覺得好多，我哋叫咗三文魚芒果沙律，個份量夠兩到三個人食🍋🍋另外，我覺得呢度雞翼好特別，呢度叫雷霆雞翼，其實係冰糖包住啲雞翼，而且隻雞翼係凍嘅，不過都幾好食，有一種夏天小菜嘅感覺🤤🤤另外呢度嘅鍋物同埋飯都算正常，我哋叫咗泡菜豬肉鍋物，雖然係韓式嘢，但係呢度整得都唔差，泡菜都唔會無味👍👍所以我覺得黃大仙呢間分店都幾好食

前排朋友介紹咗間喺黃大仙嘅日本野食，今次咁啱嚟黃大仙中心買野就順便試下呢間和氣食堂先，一去到門口都已經有人拎緊飛同入面坐得好多人，以為有排等，不過好彩都好快有位入去。一打開個餐單已經俾刺身吸引到了，即刻點返個三點刺身盤試下，3款野都好新鮮食到想再叫，不過叫咗其他野所以忍下先。😂溫泉玉子牛油果凱撒沙律🥗呢個份量真係好多，菜同牛油果🥑都好入味。牛油果芒果三文魚班戟我同太太食嗰陣都係成個擺落口，嗰種感覺真係好正，成個口都有唔同味道👅電擊雞翼炸薯條呢個小食本身都諗緊叫唔叫，不過見佢個名同樣又幾吸引，隔離枱又有人食，就試下，一嚟到都幾驚喜，似蜜糖雞翼但再好食啲🤏大阪豬扒丼食呢個豬扒一擺落口覺得真係同平時唔同，佢軟得嚟又唔會好鞋，啲菜又爽口!檸檬藍柑梳打，巨峰梳打呢两杯野飲都諗咗一陣先叫，因為真係好多款選擇，不過都無令我哋失望，夠晒解渴。宇治抹茶芭菲最後緊係唔少得甜品了，見呢度比較出名好似係抹茶🍵，就試下呢個，抹茶味好濃但唔會苦，連我太太平時唔食抹茶都一齊食😂

入到餐廳除左裝修非常和風之外 仲有好多款式日本菜選擇😍由刺身到串燒到甜品，一次完全試唔曬咁多！泡菜黑豚腩窩 $95 5/5⭐️天氣開始轉涼想叫翻個鍋食豚肉好林唔會太肥，再加上酸酸地既泡菜十分開胃仲有粉絲係底，一次過滿足晒三個願望，性價比幾高！溫泉玉子牛油果凱撒沙律 $65 4/5⭐️大大碗沙律🥗芝士碎同溫泉玉子令到成個沙律升左lv. ! 如果牛油果可以再多小小就滿分！鹽味燒牛舌 $49 5/5⭐️三文魚椎茸燒 $38 4.5/5⭐️鹽燒開邊雞亦 $29 5/5⭐️牛油燒栗米 $23 3/5⭐️串燒實左太吸引所以叫左4款🤣牛舌同雞翼都好好食，值得encore三文魚椎茸燒都好特別，係其他串燒舖比較少見，都推薦一試👍🏽👍🏽一口牛鐵板飯 $102 3/5⭐️熱辣辣上枱既鐵板飯適合秋冬天😍一口牛都幾林，仲有薯角同栗米糯米慈紅豆宇治抹茶牛奶雪糕 $48 4/5⭐️抹茶味夠濃郁再加上糯米糍煙韌口感為呢餐畫上完美句號👍🏽👍🏽

今日同朋友飯聚，朋友提議去黃大仙中心南館地下「和氣食堂」佢之前去過話好好食，今次同我再去食，餐廳日式格調座位舒服，餐牌有各式各樣刺身、丼飯、小食，壽司⋯真係好多種類選擇。溫泉玉子牛油果凱撒沙律$65 沙律分量超多，有新鮮沙律菜、青瓜、creamy嘅牛油果、脆口麵包粒，再加上溫泉玉蛋汁和沙律醬，非常好食有層次感。日本清酒石鍋煮蜆$92 湯飲落清甜，清酒經過烹調後味道清新，淡淡酒香配以幼嫩又冇沙嘅蜆肉，非常美味黃金海膽炒飯$138 飯上面有新鮮海膽，份量一啲都唔少，炒飯炒得乾身粒粒分明再配以海膽、🦐粒，葱粒，香氣滿瀉美國安格斯牛肉鍋$108 上枱時配一隻生🥚，牛肉好嫩滑，有牛肉香味，材料還有金菇、秀珍菇、粉絲、菜等糯米糍紅豆宇治抹茶牛奶雪糕$48 糯米糍煙煙韌韌，紅豆林甜，再配滑溜甜美嘅抹茶牛奶雪糕，食完好想再食

白咖喱烏冬就係普通咖喱味，但係綜合咗cream就唔鹹唔淡，本身好大期待。玉子燒係我食過最難食，誇張到連炸雞都好柴！員工好好態度，但係嘢食真係不了！成張單食咗$300完全唔值呢個價錢

和氣食堂（黃大仙）📍黃大仙正德街103號南館地下G12A號舖黃大仙中心🍾用餐體驗好少去黃大仙食野，所以嚟到前都做足功課，日本野嚟講呢間好多好評，所以就決定揀佢嚟試試😋🤍芒果三文魚蟹籽沙律 $79一嚟到勁大碗令我同朋友都非常驚訝同開心🤭😆而且三文魚份量都好足，係好好嘅開胃前菜！🤍自家制芝士厚燒玉子 $52 另外由於自己係寒底，所以都慣左食刺身前會食左啲熱食先，心理上好似好啲，哈哈！呢個玉子燒裡面仲係好軟熟架，加埋芝士真係一流呀😍🤍3 點刺身盛 $138三文魚剌身3片、章紅魚薄切6片、甜蝦刺身3隻三文魚剌身真係好厚，非常新鮮🤗章紅魚同甜蝦都好鮮甜，好滿足呀❤️🤍鰻魚牛油果班戟2件 $58之前都未試過咁樣樣嘅班戟，貪得意試下😍點知一試就愛上了，呢三款材料出奇地夾😙好正好正！🤍大阪豬扒丼 $88呢款丼打卡真係一流！好高好高嘅丼飯😝好鍾意佢啲小丸子醬汁，好開胃好好味，但份量真係超多，可以3-4個人食都得🤣🤣性價比極高👏🏻🤍宇治抹茶芭菲配電擊雞翼5隻、炸薯條 $82見佢出咗呢個combo幾得意，甜品絕對係第二個胃🤭🤭宇治抹茶雪糕有好濃郁嘅抹茶味，好幸福🥰加埋啲小食，其實真心好抵食。/味道 🌟🌟🌟🌟環

同事介紹左呢間餐廳, 佢話質素唔錯價錢親民, 所以放工就過嚟試下珍寶赤蝦海鮮丼一碗有兩隻特大牡丹蝦, 三文魚, 帶子各兩片, 仲有勁多蟹子, 鋪滿整個飯面, 而且價錢只係$108, 超抵食軍艦5點五款不同味道嘅軍艦壽司, 全部都好新鮮, 特別係海膽鮮甜味濃, 三文魚子粒粒通透, 一啖咬在口中卜卜爆開😋鐵板煎牛舌厚切牛舌食落好有口感, 煮得入味夠淋滑亦夠juicy, 加埋用鐵板上更香氣十足燒日本廣島蠔叫了蒜蓉同芝士味兩款, 芝士同𧐢味好夾, 亦都唔會搶走咗蠔嘅鮮味, 但我個人喜歡蒜蓉味更香口泡菜黑豚腩鍋食材好豐富,有粉絲,豆腐, 日本旺菜, 豚肉及泡菜, 帶點微辣, 如果食得落配個白飯仲正🤣青蘋果奇異果梳打紫薯鮮奶個人最愛這款紫薯奶,紫薯味濃郁加埋鮮奶夠滑又唔會太甜, 呢餐真系超豐富

黃大仙中心有間和氣食堂，由佢開個日我就想試，終於有機會試。前菜叫左個鱈魚棒，食落咸咸地脆脆地，係開胃既好小菜。除此之外，仲叫左個蠔既飯卷，本來對個飯卷就無咩期待，但係食落發現都唔錯，佢上得好快，適合你係好肚餓既時候墊墊肚，等主食！然後仲叫左個火迴三鳥，姐係雞翼哈哈，甜甜地，肉質嫩口，三隻都前d唔夠食。主食叫左泡菜豬肉鍋，泡菜既出意係我始料未及，但係佢酸酸地同豬肉都幾夾唔錯唔錯。最驚喜係櫻花蝦泡飯，一開始食落覺得無乜野，正正常常，但係就越食越上頭，食下又一啖食下又一啖，淡淡地，但又有香味，唔錯唔錯。除此之外仲叫左個蠔，佢上泥有買隻，一半係芝士一半係蒜蓉，我最鐘意係蒜蓉版本，實在太香太夾了！食完想再食多一舊！

星期六去開黃大仙，記得之前食過呢間唔錯，就諗住去食個lunch啦，點知去到居然好多人喺度等緊位，點半仲要等8張，不過唔趕時間冇所謂啦。結果等咗半個鐘到去先入到去。有咁多人真係有佢嘅原因嘅，啲嘢係比較平，我叫一個壽司套餐先至80幾蚊仲唔使加一，計分真係爭鮮咁嘅價錢。至於質素，我覺得最少比爭鮮好好多，介乎呀佢同元氣之間。

今日難得有空閒時間可以出去食餐飯傾下計🤣雖然咁啱撞正今日掛八號風球🙈但好彩最後都俾我喺附近搵到間唔錯嘅平民日本餐廳🍱一入到去就俾佢嘅裝飾小酒櫃吸引咗，雖然係掛緊8號風球，但店內仍然有好多嘅街坊顧客🥰首先，有樣值得讚賞嘅嘢就係佢嘅上菜速度都幾快🤣基本上我落單後5分鐘內已經上咗兩樣🤔叫咗一個溫泉玉子牛油果凱撒沙律🥗同埋三點刺身盛，沙律嘅份量好大😂而且牛油果都係足夠熟，夠軟身，同蛋黃醬係一個好嘅配搭❣️另外，佢嘅刺身係相當新鮮嘅🤤上菜嘅時候有冰鎮住，以保持佢嘅鮮味，呢樣嘢唔係間間餐廳都做到🤫所以都推薦各位去嘗試佢哋嘅刺身盛🙌🏻其次，又試咗佢嘅招牌菜—電擊雞翼🍗佢嘅口味都幾特別，有種食緊冰糖嘅感覺😂啱啱放落口到會覺得涼涼地，然後又食到甜甜地嘅感覺，同平時食嘅雞翼幾唔一樣🤣而且佢嘅炸薯條上面有落芝士粉🧀所以都幾香口～～跟住下一道菜係蒜燒日本廣島蠔🦪同埋芝士厚燒玉子，蠔嘅味道都唔會太腥🙈都算係正常水準🤔一定要趁熱食佢嘅玉子燒🤣芝士味都唔會太濃，食上去都容易入口，而且佢嘅玉子都較為厚實，咬落去幾有口感💘接下來嘅主食係白咖喱烏冬🥢上菜嘅時候店員有貼心提醒要撈勻烏冬進食同埋小心熱，因為下面仲有咖喱😆烏冬比

大病初癒，唔係好食得生冷嘢，但偏偏又好想食日本嘢，咁啱經過商場，就行咗入呢間日本嘢度😌見到佢啲嘢食其實都幾吸引，除咗我叫嘅大阪豬扒飯、忌廉咖喱烏冬之外，仲有啲好吸引嘅燒肉飯，不過驚食唔晒冇叫到，下次真係應該試吓😀😀咖喱忌廉烏冬上邊有一層白色嘅cream，食落有少少薯仔味，口感好溫和，我估口味偏淡嘅人應該會鍾意食，配上即叫即炸嘅炸雞，簡簡單單就已經好好食。🐓🐓大阪豬扒飯感覺似係飯嘅章魚燒版本，上面灑滿左大阪燒嘅醬汁同埋柴魚片，好重大阪風味。👍🏼另外我哋仲叫咗啲小食，有清酒煮蜆、燒雞翼從燒茄子，三個人食差啲食唔晒😂😂餐廳位置幾近地鐵站，約埋朋友食都好方便，而且座位位置闊落，啱晒一班朋友喺度傾偈食飯。

白咖喱烏冬配炸雞塊：白咖喱味道濃郁，甜而不辣，烏冬口感彈牙，炸雞塊即叫即炸，所以夠曬香脆櫻花蝦鯛魚湯泡飯：首先想讚下店員好細心，留意到我地吸曬啲湯會主動過黎加湯話會好食啲，咁忙既情況下都睇到要大讚！鯛魚湯味道清甜，一上枱已經聞到好香海鮮味，櫻花蝦增加湯飯口感，大蝦亦都夠爽身，中意食清清地既朋友啱曬牛油果芒果三文魚斑戟：第一次三文魚斑戟又出奇地好好食，牛油果同芒果既配搭令味道好清新，平時唔食牛油果既我都接受到，三文魚鮮甜加埋芒果當造微酸甜，完美呀！宇治抹茶芭菲：香濃抹茶味雪糕 ，打咗一陣卡都冇溶食落唔會有冰碎夠滑，配上脆片及蜜紅豆甜而不膩，加上有嚼勁的白玉和蕨餅，煙韌控一定會鍾意呢個飯後甜品另外我哋仲叫左燒日本廣島蠔兩味、電擊雞翼配炸芝士薯條、溫泉玉子牛油果凱撒沙律，全部都好高質，同朋友食咗咁多嘢，埋單都係$500左右咋！

難得去開黃大仙, 入到去黃大仙中心周圍行吓搵食，6點尚早間間食店都無人，係得呢間有啲人， 門口餐牌好厚揭極都未完，野食種類多到爆，而且圖文並茂好吸引，見價錢仲唔貴， 老公話唔使諗直入。日式和風裝修，座位舒服，店員有禮，一坐低就送上綠茶。柯打食物亦好快送到，效率超讚，不過可能因為六點人唔多，但轉頭未到七點已經差唔多坐滿人，好彩我哋早入座，見七點頭已經要排隊泡菜黑豚腩鍋$95好多新鮮菜加上唔會太肥膩嘅黑豚肉幾片， 而且一啲都唔粗嚡有肉汁，配埋泡菜簡直絕配。鐵板煎牛舌$75厚度啱啱好，火候到位非常鬆軟，煎得夠香又唔會乾，配上洋葱入口Juicy 極為惹味。食完一舊轉頭望竟然冇晒，差啲同老公反面雞扒鐵板飯燒汁$88雞扒煎得夠香，仲足&有太陽蛋及好幾嚿大薯角， 飯分量多，餓底抵食之選。香芒燻鴨胸沙律$75睇圖已經好吸引，上到枱靚到嘭嘭聲，芒果鴨胸一齊食好開胃好fresh，又靚又好食。田樂麵豉燒日本米茄子$53茄子大大兩大塊, 鋪滿惹味香口麵豉及蔥花 ，超好味有驚喜。蒜蓉燒日本廣島蠔$52圓圓潤潤生蠔，佈滿蒜蓉熱辣辣香噴噴……正飲品: 宇治金時$42熱紫薯鮮奶$35 兩杯飲品都好出色，味道濃郁但甜度