華特餐廳

Open Now

Now Closed

今年無得入迪士尼樂園慶祝生日，我哋就去迪士尼酒店華特餐廳食Afternoon Tea慶祝，仲可以係酒店半天遊，平日的酒店好小人，而且迪士尼酒店的氣氛和背景音樂令人感到好放鬆，過咗一個開心愉快的生日呢！華特餐廳Walt's Cafe 食Afternoon tea，限聚令關係，要2人一枱，所以好快就爆滿，我book左好多次終於有位，可以安排兩張枱並排中間有隔板的。3點3下午茶時間開始，我哋點了一份二人份量的Afternoon Tea，今次係以15週年做主題、除左有米奇標誌外仲有城堡呢！老公book枱時有叫職員準備生日牌，當日仲有職員同我唱生日歌，so sweet。另外，如果出示番樂園會員卡就可以享用生日優惠，有65折呀，好抵！講番食物方面有4款咸點，3款甜點，另外仲有鬆餅。當中米奇頭入面有朱古力雪糕，好特別又好味，記得要食咗先呀！飲品揀左咖啡和朱古力奶，杯朱古力奶好特別，係有一層薄薄朱古力片係面的，非常好味！

你的士尼酒店staycation都係第一次呀你呢間餐廳真係好夢幻呀有無敵嘅海景啦嘢食都好正呀琴晚少咗個牛柳之後就是這個熱朱古力 晏晝check out之後事嘅呢個大蝦帶子龍蝦湯意粉真係好正加58蚊可以有餐湯同嘢飲呀餐廳服務好好裝修係美國現代風我好鍾意佢打吊燈呀 嘢食好味大自然都真係好飽 又唔算太貴囉三百蚊有找有個無敵海景有service都算係咁裝修真係好靚有冇直嘅海景臺都坐得好多午餐配埋個餐晚同一個牛油 熱朱古力好得意上面有一層有公仔嘅薄膜不過要快啲呀如果唔係好快 就會融化

寫返上月生日揀左係迪士尼住一晚，入住主題樂園酒店感覺似去左旅行，好喜歡香港迪士尼酒店的歐陸色情懷，充滿住童話故事既感覺，十分興奮。每次在樂園玩，晚上必定到翠樂庭餐廳食自助餐，因疫情關係餐廳已經暫停自助餐供應。初次選擇華特餐廳享用我的生日晚餐。餐廳職員好有禮帶我們入座，派了水及紙巾套(用作裝口罩用途)，環境感覺非常好，職員更安排了我們坐近聖誕樹旁的位置，點了兩個套餐： 牛油軟包有好多款，牛油上有海鹽，好特別！頭盤：凱撒沙津配雞胸肉 其實食雞胸好怕肉難嚼，但呢度雞胸好滑，好夠味，完全似食緊火雞肉咁。蔬菜很新鮮，烤芝士一塊塊，好好味脆卜竹的沙律。龍蝦湯😍本身已經超愛龍蝦🦞湯，難以形容既味道，真係正😋上主菜啦～ 美國肉眼牛扒配黑椒汁及忌廉焗薯😋肉質好juicy，口感一流必點👍🏻燒羊排 ($488) 配黑椒汁及馬鈴薯泥能將羊架煮到咁好味，呢度既羊架一定要試，煮羊架熟度要掌握得好，功夫真係唔少得，羊架厚肉仲以為會好tough，點知食落口感好滑，好味到呢。最後老公一早安排呢款米奇頭既Tiramisu cake，幾位職員拎住個cake，一邊唱生日歌走近我，雖然無迪士尼人物一齊慶祝，但呢間餐廳給我很舒適

去咗迪士尼staycationCheck in 之後食咗個下午茶 感覺比我想像中好食咁Disneyland hotel當年Service當然有返咁上下本身對食物質素冇乜expectation 但係估唔到食物真係有驚喜首先叫咗個burger餐餐包上嚟嘅時候係熱嘅同軟熟餐湯係忌廉雞湯味道幾濃 好飲burger亦都好高質非常Juicy牛肉又好大塊一路食一路啲汁係咁流出嚟好正另外叫咗個甜品比囡囡食係mousse cake配雲呢拿雪糕個Mickey 型cake 嘅处面係朱古力打卡一路不過建議share食 因為食唒成個都幾(溜)最後 服務態度好好滿意嘅下午茶

迪士尼節目豐富，難得來迪士尼酒店住宿，可以玩盡活動，咁就食埋午餐再玩，平有平食，貴有貴食。食完再玩。疫情關係只有一間香港迪士尼酒店開放，餐廳只有3間。限聚令關係，都要2人一枱。人唔多但好快就會爆滿。兒童餐就間間餐廳都一樣，有小朋友就一定係又平又豐富的兒童餐。大人就選了廚師推介。相當精緻，味道也很好，脆炸香脆，羊脾都有羊味，青瓜醬伴烤餅，烤餅比較淡。醃紅椰菜甜甜的。好味道。主菜可加＄58，就會有沙律／湯，另加飲品。啱休閒一整天。點餐後服務專員會送來麵包牛油，及水，真的要專稱服務專員，不是一般侍應咁簡單，非常細心，非常有禮，叫2個餐都有3個餐包，仲有share plate分享主菜。非常享受迪士尼的服務。最後，奇妙處處通會員有折。9折至75折，視乎月份，折完其實係物有所值的。FB區區食玩遊－迪士尼 華特餐廳香港迪士尼酒店遊記。

因為我在訂房時同時訂了華特下午茶,但我訂了15:30,已經15:10左右帶2歲女和姐姐,方便吃完入園,但有男員工説找不到我的電話訂座,不能進入,我便再三說出我在官方網站訂,也給EMAIL的預定號碼,他叫我一家在門口一邊等,好像我騙他一樣,也左他做生意,我已再三說明我已經事前付錢.等了差不多15:30,我再問,他好像不想理我,我再問門口的女員工,還要等什麼?為何我一早預約,錢也一早給了,卻要受白眼,我去過同一迪士尼的晶荷軒吃飯,也沒有問題,唯獨這間,我可以向那個投訴?當我女兒在等待入座時,也變得不耐煩,那天我心情也因為這個事件變得不開心和憤怒.下午茶的三文魚三文治不錯,甜點過份甜,特飲一般.餐廳另一男員工也是笑容可掬,跟他不一樣.雪糕好味!

在迪士尼住了一晚，選擇食華特餐廳，華特餐廳設計是舊式歐美風格，大方優雅。而窗外境色是大迷宮。餐廳服務很好，會成日落意你的需要，主動加水。我地點左扒烤波士頓龍蝦Set 和 美國肉眼牛扒 Set ，成個Set 有 餐包、湯、沙律、主食、飲品。龍蝦湯：好新鮮，淡淡龍蝦味好鮮甜😋😋😋😋😋雞肉煙肉沙律：食物擺碟用心，蔬菜新鮮扒烤波士頓龍蝦配焗薯容：我好鐘意食龍蝦， 🦞鮮甜，Size 唔算大隻，肉質很好。美國肉眼牛扒配焗薯仔：牛扒叫了5成熟，賣相很好，食落有點硬身和有根，牛扒一般。

早在疫情前續了2年年票 一推再推的免費teaset finally成行了 😣上次到迪尼teaset應該已經唔知幾多年前了 當年還是坐大堂梳化食的！聽說teaset內容換上新menu 不過沒期待沒失望 🤣 食的絕對是環境！牆上全是黑白照 值得欣賞！因為限聚令 餐廳枱同枱之間空間足夠 令這古典餐廳環境讓人更舒服teaset menu~4人2份teaset~ 每人10件其實看得出有些是現成製成品 有些是新鮮做的讓我特別說一下這二款吧:~左下)蟹肉魚籽青瓜薄荷啫喱: 味道很清新 其實有點獵奇 但能吃！ 哈哈右下)醃洋蔥吞拿魚多士: 魚蓉好cream好滑 不錯！ 其他的就”能吃”就是 不期望不失望 但overall是比以前的覺得好吃了。。本來這價位teaset也不會期望太高 主食本來就是””環境”” 就是米奇scone咁多年完全無變過一樣咁硬 🤣

今日入去迪士尼暢玩之前，我哋選擇去酒店餐廳食個午餐先。.點咗兩個主食：鮮蘆筍番茄醬炒長通粉芝士脆片（$178），大蝦帶子龍蝦汁意粉配水欖芝士脆片（$218）。食物賣相真係可以增加食慾，兩個主菜端上來嘅時候都已經令人垂涎欲滴。.意粉配上大大隻鮮蝦同帶子已經好有誠意，食落仲要鮮甜美味，彈牙爽口。意粉軟硬度適中，加上濃郁鮮香嘅龍蝦汁，簡直係齒頰留香。長通粉雖然只係好單調咁配上鮮蘆筍，但係番茄醬同樣濃郁惹味，長通粉就略為硬咗少少。飲品叫咗兩杯榛子咖啡（各$60），香醇咖啡同甜香榛子混合一起，口感綿滑無窮，一試傾心。食完一頓超滿意嘅午餐，再入去樂園玩就更開心。

同小朋友響酒店泳池游水游到夜晚10點，所有酒店餐廳都已關門，唯有返房叫RoomService。 華特餐廳食物質素物有所值，響房一路睇Disney Movie,一路食。 叫左漢堡包，龍蝦汁大蝦帶子意大利麵，仲有個兒童餐比小朋友。漢堡包件漢堡雖然係全熟，但個包有煎過同搽左牛油，燒烤味加牛油，食落去唔覺乾。 加埋薯條可樂，一流。另外龍蝦汁大蝦帶子意大利麵，蝦肉同帶子好彈牙，龍蝦汁夠晒香，最後洗碟。最後食埋生果同甜品，橙汁朱古力cake.... 滿足....

訓醒一晚啦！訓得好好！食早餐🥣住一晚酒店係連2個大人早餐既。喺反華特餐廳享用。有中、西式2款揀。配餐飲1杯茶咖啡或果汁。兩個餐都一般般，正常味道，無咩特別。中式: 肉絲粥、海鮮炒油麵(有蝦、魚塊、魷魚)、3粒點心(燒賣2粒，蝦餃1粒)西式: 烚蛋2隻，炸薯餅、炒磨菇、煙肉、腸仔、牛角包、乳酪、生果西式會豐富啲！不過不失既早餐😬繼續去游早水，之後會去探索家酒店芊彩餐廳食中午飯🤗有興趣可睇吓我其他幾篇staycations 😘

雖然疫情下樂園暫時關閉，但也不失我們到迪士尼酒店進餐的雅慶💃🎉🎉四周綠悠悠的環境，舒適又雅緻! 餐廳燈光光線悠和，和外面驕陽似火的大太陽相映成趣，可以静静的，舒服的進餐，慢渡人生。。。。。。💁🌹感謝員工們的服務，我一個大朋友，竟鬧著要兒童餐｡｡。呵呵呵💯 👍😆 服務員弹性處理，讓我嚐到也看到美味又美麗的食物😋😋😍對食物實没有要求，皆因醉翁之意不在酒 😝😂 大蝦带子龍蝦汁意粉，需沒要求，但確是好味的! 帶子大粒又彈牙🍝🥳👍哈哈💃💃吃飽飽再去大手購物，然後飽覽迪欣湖，行個圈，拿個大運吧🙆💪😜

疫情期間冇得去旅行，唯有喺香港享受下staycation。揀咗迪士尼樂園酒店，遠離繁囂，享受下宮廷式嘅生活。晚餐嚟咗華特餐廳食，本身都係諗住啲嘢食有米奇老鼠頭，得得意意咁咋。點知原來食物都好食！好多人去餐廳食晚餐，我哋嚟得晏咗， 8點3左右入去，海鮮晚餐都冇嚕。好彩餐廳夠flexible，揀咗個散叫主食轉餐。晚餐包龍蝦湯同慢煮雞胸凱撒沙律。**慢煮雞胸沙律雞胸一啲都唔蟹，蔬菜好新鮮脆口，加埋烤芝士同palmar ham，好有口感份量都唔少，飲完個湯同食完個沙律都飽飽地😂**日式煎鱈魚配大蒜汁，伴肯亞豆同茴香海鮮喜愛這一定要嗌呢個，係我食過最好食嘅煎魚鱈魚外脆內軟，肉質靚，可以好完咁跟住紋路一片一片咁夾起嚟食。魚肉非常鮮甜伴碟嘅洋蔥都好甜！肯亞豆忌廉汁同魚肉都好夾。真係食到停唔到口，超開心晚餐都唔平， $568 加一...以酒店西餐價錢來講都OK嘅不過食物質素同環境都好好，放假就好好對待自己啦

在酒店住宿，check in後肚餓想搵啲嘢食下，3點其實呢個時間冇乜好選擇，就去試華特餐廳的afternoon tea set。但本身預約額滿，要等waiting list，至預訂的客人no show才可後補，幸運地等咗一陣就話我知可以入座。個afternoon tea set雖然平凡，但因為廸士尼的造型已經搶分，本人覺得最好味係青檸杯，酸酸甜甜很醒胃，然後就係旁邊的吞拿魚慕斯脆餅，然後就是炸肉丸。甜點所有都一般，不過豬仔跟維尼曲奇餅實在不忍心吃下去整體叫不過不失

適逢今日係結婚周年紀念日，為咗比驚喜俾老婆，特登book咗迪士尼樂園酒店住一晚. 🕌🕌🎢🎢一放工就即刻揸車去接老婆收工，揸住架車走進奇妙嘅世界，香香港迪士尼樂園進發☺️☺️☺️特登揀華特餐廳係因為餐廳散發住昔日維多利亞時代的浪漫氣氛！！同埋間餐廳介紹返一位傳奇人物華特•迪士尼.大家都唔會米奇老鼠陌生啦，華特•迪士尼不但創造了極受歡迎的米奇老鼠，更一手打造了早期的迪士尼樂園度假區。所以間餐廳意義重大牛扒煎好香又唔會過火，有唔到既鹽係碟上面可以自行調味😋😋 牛扒都好重肉味漢堡包都好巨型，加埋米奇老鼠造型嘅茄汁，簡單既點綴已經好吸晴，胃口大開☺️☺️