雲川 米線．紅薯粉 (貝爾特酒店)

Open Now

Now Closed

第一次食呢間米線，叫咗個豬骨湯底同魚湯底，佢哋嘅豬骨湯底好味Ｄ，魚湯就冇乜味，食完唔會好口渴，豬扒厚度、煎得啱啱好，食落唔硬。加埋生菜，雲吞皮薄厚咗少少，內陷裡面嘅菜肉味道好滿，好好食。米線連埋湯底食都好入味，煮得恰到好處，唔會太腍或者太硬，配上豬扒同雲吞，味道更加豐富。飲品最緊要係杯凍檸茶， 係茶記茶膽沖嘅凍檸茶，宜家係出面好難飲到杯好飲嘅。至於環境方面，比起卓爾居個間，雖然午市都好多，但坐位都唔會太迫。

同老公行街行到中午，覺得肚有D餓，佢問我食乜好，我話工廠果邊有一間雲川米線幾好味，可以同你去試下，佢話好！咁我們就行左去工厰區悅品酒店樓下果間雲川米綫食。我叫左我食開嘅猪頸肉米綫，少少辣，水準一如既往的美味！我特別喜歡佢猪頸肉煎得又香又不韌，牙菜又爽脆，一個字~正！

晚上放工超肚餓，想快快去食嘢，見到「雲川」剛好有座位，立即衝入去。叫了酸辣紅薯粉配豬潤和螺旋藻，豬潤很鮮嫩，粉粉的口感，我最喜歡吃。螺旋藻爽爽的，配豬潤也不錯。再加一杯凍奶茶🧋，這個晚餐已經很足夠。

Encore左無數次的雲川！真係百吃不厭😆 本身我係唔中意食米線，直至我發現左呢間咁好食嘅連鎖店！可惜只限屯門區。食過3間雲川，貝爾特酒店個間啲送同米線都更出色🤣 所以每次都會特登係小欖揸車去買呢間😂 好味推介：豬頸肉，韭菜餃，蘿蔔，炸醬🤘🏼每次必點嘅餸！必點湯底酸辣❤️

一個人簡簡單單食晚餐，又唔想虐待自己個胃，選擇去了「雲川」食個薯粉。叫了一個魚湯紅薯粉，湯底鮮咪，薯粉彈牙。還選了兩個餸，豬潤+螺旋藻，豬膶新鮮，厚厚的，食落好有質感；加上螺旋藻爽爽的，這樣配搭很好味😋來多杯凍奶茶，那就完美了。

入到黎屯門就試下雲川米線，好彩11點半到唔洗等位，食完出到去見一堆人等緊😯我地叫左兩碗豬骨湯紅薯粉同一份小食😀▫️豬頸肉豬骨湯紅薯粉湯底配料有肉碎、辣椒、酸菜、蒜蓉等等，好濃郁幾有豬骨香，味道帶咸帶辣。紅薯粉煙韌好滑身。豬頸肉切成幼條，份量都幾多，煎得幾香口，易咬唔韌。▫️香茅豬扒墨魚咀豬骨湯紅薯粉香茅豬扒好大塊，香茅味十足，雖然唔係厚切，但肉好嫩👍🏼墨魚咀有煎過亦好入味。▫️酸辣豬耳都幾大碟，豬耳好爽口，味道偏酸多過辣，我個人鍾意呢個比例。餐廳環境就一般但叫企理，多人時要搭枱，有啲窄但冇咩所謂，上菜快，食完就閃了😆啲阿姐都幾有禮貌😆

呢間屯門區內的連鎖米線一向非常出名，佢嘅豬頸肉同埋豬扒都係香口見稱。以前叫雲川燒，依家改咗名叫雲川，但味道不變。呢日公眾假期下晝三點嚟到，依然爆滿，好彩早一步入座。店面全面改用手機落單，對於米線呢啲會自訂材料嘅餐飲嚟講來講非常方便。今次叫咗一個酸辣湯米線同埋一個魚湯紅薯粉。酸辣小辣豬頸肉米線第一啖湯飲落都幾搶喉，但食落又覺得OK，肉碎酸菜都非常惹味，豬頸肉油脂感一流。魚湯墨魚咀紅薯粉呢度嘅魚湯都幾清甜，就算唔落胡椒粉都唔會覺得腥，適合清淡飲食嘅人士。墨魚咀爽彈不過冇咩點調味，都比較清。薯粉只提供幼薯粉，喜歡粗薯粉嗰種煙un感覺嘅朋友可能就要去其他米線店。加埋嘢飲每個餐$47，同連鎖譚仔米線差唔多，難怪喺區內吸到咁多生意。

今天來到了一家名為雲川的食店，真是讓人驚豔。店內裝潢就一般，人多要搭枱就一定存啦，坐得唔舒服，食完快走，佢先可以做多兩轉。我點了豬骨湯米線同幾個餸，包括豬頸肉、腐皮蝦卷和豬腩肉。首先，豬骨湯鮮美滋味，湯頭濃郁，豬骨的味道和其他食材混合在一起，呈現出一種獨特的風味，十分美味。接著，豬頸肉肥瘦適中，入口即化，加上秘製醬汁的調味，十分美味。腐皮蝦卷也非常好吃，蝦肉鮮嫩多汁，腐皮酥脆可口，非常適合下酒。最後，豬腩肉米線的豬腩肉軟嫩多汁，口感非常好，搭配上細緻的米線，十分開胃。除了菜品美味以外，店家的服務也十分周到，服務員熱情親切，讓人感到非常溫暖。而且這家店的價格非常親民，性價比十分高，始終食個米線都差不多70蚊，同等價錢更好味道就叫值得。雲川絕對是一個值得推薦的米線。總而言之，如果你喜歡米線，不妨來到雲川品嘗，相信你也會像我一樣愛上這裡的美食。菜品新鮮、美味可口，讓人一次次想再來品嘗。

1. 酸麻金湯中辣豬頸肉米線（9/10）🥣湯：第一次食咁特別嘅酸麻湯，個味似酸菜魚湯，好重酸菜味，又帶啲辣，可能太酸所以個麻唔算突出，但我揀左中辣就真係好辣啦🙈最後要加多啲湯🤣但呢個酸麻辣真係好好飲 個味好突出，第二度真係食唔到呢個味😍 🍜米線：呢度嘅米線係幼身，我好中意食幼米線，而且佢煮到岩岩好，唔會太淋或太爽🤤而且份量都好多！🥓豬頸肉：切到好幼條咁，份量都好多，好入味，偏甜少少，肉質唔會乾👍🏻好好味！2. 麻小辣豬扒紅薯粉🥣湯：又係好特別嘅麻辣，好重味好鬼正，似孜然味加花椒🤔，又係其他鋪頭冇嘅麻辣味！🥩豬扒：都有好幾件，份量都多，醃到好入味，夠鬆軟！🍜紅薯粉：份量超多，但有啲難咬，如果要我揀我都係會揀返米線😆🍽️小食：炸豬大腸🐷實在太好食啦！ 外脆內軟，而且韌，容易咬得開，有豬油香，點左啲泰式辣醬唔肥膩。

近期最愛既米線---雲川！！！次次都要等位架💁🏻‍♀️---🔸湯底食米線最中意配重口味湯底，呢間做到！酸加辣我最愛，做得好出色同米線融為一體🤭-🔸秘製豬頸肉MUST食！佢唔係大大舊啖啖肉個隻，而係切左條，每條都有煎香既外層包住煙韌既肉，做米線toppings唔夠喉，後來每次都叫一碟😆🍽️ 雲川食過貝爾特店同虹橋店#屯門美食 #sis屯門 #雲川 #米線 #sis米線#hkfood #hkfoodie #eat #food #dessert #美食 #香港美食 #相機食先 #香港 #平民美食 #sisterfoodcourt

📍雲川 米線．紅薯粉🇭🇰 屯門震寰路6號貝爾特酒店地下2D號舖呢間係我米線排行表數一數二係米線舖!!!食過咁多間 係少數我會想去回訪嘅米線基本上去到屯門都一定會食😋 豬頸肉麻辣小鍋米線 (小辣) $47佢唔算好辣 食得好舒服 大概小過譚仔五小辣好香麻嘅 唔算好油好重口味個隻 正最好食係佢個豬頸肉佢唔係好脆好大塊個種係一條條 而每條都好淋 唔會太肥重點係佢豬頸肉係搽咗蜜汁 甜甜地好好食總結 中意食米線嘅人係一定要食！山長水遠入屯門都要試下！

今日朋友帶路去試屯門名物雲川米線．紅薯粉係屯門小有名氣有幾間分店朋友介紹幾間分店水準無咩落差.都可以一試平時都係要排隊, 但今日12點鬆d黎到竟然可以直入實在太幸運了酸麻金湯米線豬頸肉, 墨魚咀 (小辣)米線唔會太淋, 係屬於爽口豬頸肉係脆邊, 仲吸到金湯, 勁好食墨魚咀份量少而且有”拿”過既味道, 不建議另外朋友俾左魚腐同豬大腸我試, 下次黎都要嗌呢兩樣!!小食叫左荀絲同豬扒豬扒既香茅味好出, 好JUICY食完炸野之後荀絲就特別清爽

睇IG見到哩間係2023年我最喜愛米線既第一名（但2023年仲未過？LOLL）😂😂😂😂於是慕名而來！麻辣牛柏葉 - 幾爽口但唔夠麻辣🌶️🌶️酸麻金湯小辣 - 腩肉豬大腸米線😋個湯底幾特別，同出邊食嘅紅湯有啲唔同，幾好味；豬大腸好林好入味，腩肉就比較普通（呢兩款同出邊食到嘅差唔多味，冇話好特別）整體冇想像中咁好食，但都係唔差嘅👌🏻可能因為佢係第一名所以會有過高嘅expectation🌶️希望可以食晒全香港好食嘅米線😋😋

九龍人好少入屯門，咁岩今日入屯門終於可以食到想食好耐既米線門口好多人，但唔算等好耐大概等左15分鐘就可以入座叫左酸辣紅薯粉，蝦餅同墨魚頭老公叫左金湯米線，韭菜餃同腩肉我覺得個酸辣湯底好正好味到想飲晒個湯底但好重香茅味，如果唔咁重香茅味會更好😛仲叫左豬頸肉真係好正！難怪枱枱都叫另外想分享，走既時候隔離枱有人入座地方淺窄，我地又兜唔到路行職員姨姨係咁講唔好意思呀，今日比較多人令我覺得好窩心小店野食好食固然重要，但職員有禮貌都好緊要。

因為就腳，其實雲川我已經食過唔少次，豬頸肉出名好食就唔再多講啦，好多人都分享過，今次想比較下「酸辣湯底」同「酸麻金湯」。食開米線既朋友都一定有自己既偏好，「麻辣」同「酸辣」各有一班捧場客，食開邊樣就通常唔會轉。但當「酸麻金湯」出現左，就令唔少人有選擇困難，一個湯底滿足哂兩種味覺，好似抵食d喎，而我亦都唔例外，食開酸辣既我今次一於叫左碗酸麻金湯試下。平時食開既酸辣好香酸菜味，而且好香濃，小辣都唔會無料到，係幾高質既湯底。今次試呢個酸麻金湯，雖然有酸有麻，但有少少兩頭唔到岸，酸唔夠酸、又唔算好麻，而且無左個浸好香既酸菜味，我叫左中辣，夠辣不過唔夠濃味，同酸辣湯比爭幾級。總結，貪心無好結果，想兩樣都要，結果反而兩樣都滿足唔到，都係繼續做我既「酸辣」捧場客了。