雲川 米線．紅薯粉 (貝爾特酒店)

Open Now

Now Closed

雲川 米線．紅薯粉 🐖🍜雲川可能係屯門米線界既名物！事關我發現住九龍、港島既同事朋友們，竟然都有人識雲川米線😱😱如果好似我咁，唔食酸既，我推介麻辣微辣湯底～🧡惹味得黎又唔算辣！有時想食清淡啲既話，我就會揀鮮魚湯，味道鮮甜唔會淡茂茂，就算飲曬個湯都唔會好口渴～如果大家食酸辣米線既話，就推介大家試吓最近新出既酸麻金湯！一碗有齊麻、酸、辣，同行朋友覺得唔錯👍🏻😋到揀餸啦！一碗米線最多跟四個餸，我自己就通常揀三個餸～三餸米線套餐連飲品$64 ！餸既份量都幾多，亦都唔會出現雙併三併餸既份量少啲嘅狀況，好食又唔貴！難怪咩時段過嚟都人頭湧湧～特別推介：豬頸肉（又淋又入味）🐖、香茅豬扒（啖啖肉應該係食肉獸至愛）🐷、韭菜雲吞（配埋湯底嗰少少麻辣味，正！）🥬同埋腐皮蝦卷🦐！抵食推介：滷水雞翼（足足有三隻雞翼，真係冇幾何見到下一個餸俾足三隻，而且仲要醃得幾入味，絕無欺場！）飲品方面，特別推介凍檸樂同埋利賓納，呢度嘅凍檸樂只係加$6就有，勁抵飲🍋🥤！唔係間間餐廳都有提供利賓納，就算有好多時都係特飲，尼度熱嘅利賓納，係直接跟餐，唔洗加錢架！🍇🥰🥰

熱拌薯粉🍜包一個餸💰44豬頸肉 +💰1❤️‍🔥8.5/10分豬頸肉肥瘦適中，香，有咬口👍🏻辣豬肉碎其實唔辣，但都香🐖撈薯粉個汁，酸酸地，好開胃🤤我去食嘅時候係一點半，一個人都要等位（3分鐘到），可見有幾受歡迎🤣座位有啲迫，侍應好多，令到環境更擠擁🤦🏻‍♀️一個餸依個價對學生黨有少少貴🤏🏻如果係$30-40就可以接受嘅〰️依家個價就算住附近都唔會日日食🫠 不過係值得一試嘅🤘🏻

如果講到米線 呢度去屯門區食米線No.1 雖然住咗屯門咁多年 不過都係最近先第一次食（唔記得影相）味道同荃灣老闆娘米線有七八成接近不過時間同地點都方便好多絕對會一黎再黎 😊必點麻辣湯✔️豬頸肉（+1）✔️蘿蔔（+10）卓爾居分店同呢間有少少出入， 味道上卓爾居分店做得出色啲。蘿蔔清甜d ，湯嘅味道濃一啲。不過有少少扣分嘅係凍檸茶係冇跟匙羹，只有飲管，對於用家黎講啲方面唔係太友善，要做到都唔係困難， 希望日後有機會可以改善。

突然想食酸辣米線 就上網搵下屯門站附近有冇 就搵到呢間鋪 我點左麻辣小辣 紅薯粉 但黎錯左米線😑不過照食 湯既味道岩岩好小辣既程度👍幾好 餸叫左香菇貢丸同香茅豬扒 味道ok如果豬扒冇直接落入湯到會好D 因為豬扒表面林左 但整體呢碗野味道合格呢碗係男朋友叫既 佢叫既係麻辣中辣 我問佢好唔好食 佢話唔好食😂 不過最後都食哂咁濟 其實問佢好唔好食 廢的 佢實話唔好食 佢對食要求高 好少會覺得好味😂😂 但一定唔難食 因為都食左好多😂韮菜餃 鹵水雞翼味道一般 鹵水味唔夠濃得表面有味 就咁睇都覺得唔夠入味 👎👎👎炸豬大腸 我唔食豬大腸 都係男朋友點的 味道應該ok的 我見佢打包埋返屋企食 所以應該好味😂

在屯門剪完頭髮，下午茶時間，唔係好餓，唸起呢間川辣紅薯粉，之前食過味道真係好好，令人回味，而且地點又方便，屯門站行4分鐘便可到達，雙腳好自然咁行咗過去😂。雲川喺屯門好出名，有幾間分店，但我只去過呢間食。店鋪用QR code 落單，好快就有得食。呢間店的豬頸肉同腐皮蝦卷之前都食過，非常好味，不過今次唔太肚餓，所以叫咗豬骨湯底紅薯粉，微辣，加腩肉，凍檸檬茶，$45。紅薯粉一上台，賣相非常吸引！紅紅黃黃，睇起嚟好似幾辣，但其實唔太辣，面頭淋上一層辣汁，但濃香的豬骨湯先係主角，呈奶白色，好惹味，相信是用心餚製，飲完都唔覺得口渴。湯底有酸菜芽菜，又酸又辣又有豬骨味，正呀！紅薯粉滑捋捋，唔使點咬直接吞落肚。腩肉肥瘦適中，好入味，厚薄切得啱啱好。又一次完美的體驗！

𓎩⸝⸝ 豬頸肉紅薯粉 $45想試下紅薯粉既我就揀咗微酸辣做湯底😍 食落偏酸辣度唔好👌🏻 唔食得辣既朋友可以試下🤣 豬頸肉仲係一如既往既出色🔥 食落好有炭香 有咬口得黎又夠淋😋 可惜紅薯粉偏淋身唔夠煙韌🥹 另外凍檸茶要加3蚊 不過不失喇😌Ordered roasted pork neck with sweet potato vermicelli in hot and sour soup🥣 It’s quite sour with slight spiciness🤤 (which’s acceptable😛) Roasted pork neck was soft and chewy🐷 The smoky flavour definitely leveled up the whole dish🤩 but sweet potato vermicelli was disappointing as it’s not chewy yet😟 Besides, iced lemon tea charged with extra 3 HKD🍋評分: 7.5/10🌟—————————————————————

雲川出名嘅程度就算我係區外住都要特登入嚟食，因為佢嘅質素真係幾高，係出邊食唔到呢個質素！𝐎𝐫𝐝𝐞𝐫:-⧐ 炭燒豬頸肉酸辣米線◎最鍾意食呢度嘅豬頸肉因為佢係豬頸肉係炭燒嘅，唔係普通嘅豬頸肉就咁浸落去，所以每次食親都一定會叫豬頸肉。—————————————📝評分味道 ³ / ⁵環境 ³ / ⁵服務 ³ / ⁵衛生³ / ⁵抵食 ³ / ⁵—————————————📍店舖：雲川 米線．紅薯粉 (貝爾特酒店) (屯門)屯門震寰路6號貝爾特酒店地下2D號舖

今晚老婆唔想煮飯，所以我哋叫咗外賣。今日叫咗我哋最鐘意嘅米線🍜—雲川燒。我哋都係叫中酸辣米線，我加咗豬頸肉，老婆就加咗蘿蔔。佢哋嘅湯底真係好掂，帶有少少🤏🏽中藥味，好多碎酸菜，仲加入咗炸菜，酸酸辣辣真係好濃郁惹味。米線入味，雖然無分湯，但拎到返屋企嘅時候，米線仍保持到軟硬適中。豬頸肉好香口，甜甜哋，肉質彈牙爽口，正！老婆嘅蘿蔔都好清甜，好嫩無根（渣？），仲有五大舊，份量比其他米線舖頭多👍🏽。

有唔同湯底選擇，可以揀米線或者紅薯粉，仲有熱拌米線，落單要用 QR code，每個選項可以個人化，想濃味 多蔥 走蔥 米線淋啲 硬啲 湯底濃啲 或標準 都可以，好體貼。揀咗微酸辣 香茅豬排 蘿蔔米線 多蔥，$46，一樣配料，之後每款加$10，套餐包一杯熱飲。湯底好特別，酸酸地好惹味，微辣都有啲辣（本人食辣程度係譚仔十小），食完唔會覺得好口渴。香茅豬排一大塊，已經剪好4件，好軟熟好入味，香茅味好香。蘿蔔有4舊，每舊都大大舊，無渣好清甜，好食~朋友嘅豬頸肉好淋，份量都多。花枝丸大粒，好彈牙。魚湯底比較清甜，竹笙吸收晒魚湯，好夾！腐皮蝦卷3條（$26），配泰式辣醬，好脆口，但又唔會好乾身，唔點醬汁都好食~凍檸檬利賓納（套餐再加$6），左：少少冰 右：少冰繁忙時間店員都無趕我地走，好好，可以慢慢飲埋杯檸賓~ 呢間係食完會想再食嘅米線鋪頭！

呢間食左好耐好耐，打翻篇食評支持下✨食左呢到之後基本上冇再食譚仔😂呢到嘅麻香好重花椒味個人好喜歡，豬頸肉唔洗講，必食。蘿蔔係真清甜同好淋，簡直不得了！仲可以多韮芽一啲都唔孤寒🥲份量好足，無論幾時都好多人排隊都係打電話嗌定好啲。食過曬覺得呢間分店最好食，真係有分別架！

之前有屯門朋友介紹講到超好食，終於捨得入屯門食下因為元朗去屯門都要一段時間樓面都幾乾淨叫左豬頸肉麻辣米線同埋都見到有好多吾同小食賣相吾錯一試愛上不獲我特登入來。上網見全部分店都係屯門希望其他地方都快d開分店啦

一間極多人吹捧嘅米線店，但佢啲分店全部都係喺屯門😮‍💨 咁啱有日入去兆康嗰邊，順便就去屯門試吓係咪真係咁惹味😂 晏就時候去咗哩間分店，出奇地好好彩等咗5分鐘就有位，之後就勁多人等位。唯獨服務態度同環境需要改善，時不時有烏蠅飛嚟飛去，落完餐之後姐姐冇俾到單，結果埋單時都多人，混亂之下整咗一輪先搞掂。

都有一段時間冇黎呢度食，今日星期日早d出門食晚餐，5點半到仲有卡位坐，一開始坐係收銀位後面張卡枱，同行友人留意到好多烏蠅係玻璃度飛黎飛去，於是換位，換左去另一邊對馬路個邊卡枱，點知換完係一樣，超多烏蠅起碼十隻八隻貼住係玻璃飛黎飛去，再望下前後卡位，都有超多,實在忍唔住，30分鐘用餐時係甘意用餐牌都打死左4隻（見圖，有2隻係紙巾入面冇影），仲有一隻仲搞笑,一打開個餐牌死左痴係入面，估應該係上一手食客打的，其實食物質素係ok，冇問題，但衛生真係要搞搞佢，甘多烏蠅飛黎飛去一定有源頭同原因，真係要搵滅蟲專家搞搞佢，如果要去食，建議揀中間個d坐位反而仲好，望埋去中間唔覺有。最後由於食個時d烏蠅係隔離飛黎飛去，搞得冇哂心機，快快趣食完即走人算了。

依到有無米線群組既朋友🤣🤣我成日睇人食雲川燒睇到流哂口水😂終於的起心肝入屯門食😆原來已經開左5間分店仲改埋名😂🍜酸辣小鍋米線配自選2餸跟凍飲 $65相對米線舖既價錢比較貴少少🤔但d餸好高質👍同朋友分別嗌左豬頸肉/香茅豬扒/豬腩肉/韮菜餃✨極力推介豬頸肉😋我真係願意為左佢再入屯門食🤣係燒過既，入口香脆又嫩滑🤤其次係超重量級既香茅豬扒❣️原件上，醃得好入味✨相對之下腩肉同水餃就無咩特別🤔🍖脆皮豬大腸 $32依到都食到大排檔有既小食😆新鮮炸好脆👍又係岀面米線舖食唔到既❣️

屯門人一定知道的米線鋪頭，而且是必食米線之一。我之前已經跟朋友吃過一次，但真的沒有想過他們的湯底和配菜可以那麼出色！今次我們又特意再去吃多一次，連下午茶時間都坐滿人，等位大概十分鐘。🔺 鮮魚湯紅薯粉配豬頸肉($43)：必吃的豬頸肉不會令人失望，剛上枱的時候還有酥脆口感。另外，今次點的鮮魚湯味道濃郁，再配上煙韌的紅薯粉，這個配搭完全值得100分，差點把全碗湯喝掉。🔺豬骨湯米線配香茅豬扒&香辣腩肉($52)：點第二道餸的價錢是加$10，不過份量非常十足，如果是大食的男士一定都會覺得飽！豬扒醃得夠味，腩肉的半肥瘦令人吃不停口！