王家沙 (Moved) New Location

我D師傳已經走曬la<br /><br />so..........

貪新鮮一開業就即刻o黎試，未食完已經想過隔離食，非常唔得。俾多次機會佢2月再o黎食過，一樣係好普通，真係想叫佢O係香港唔好用依個名，影衰上海O個間，上海O個間真係好好好好食。

唔明點解會咁多人排隊，環境同食物都一般，如果真係要排，都會去乜庭物庭，價錢又差唔多

佢d蟹粉小籠包好食過鼎泰豐,而且價錢又平d~另外,食物選擇都多d,個酸辣湯麵都好食過隔離,所以佢搶走好多鼎泰豐0既生意=)

去到蔡瀾美食坊，都未決定食乜，剩係想食中國菜。鼎泰豐同詠藜園都食過喇，所以候選單位得番王家沙同阿斗官。其實食大良或者上海菜都無所謂，我都鍾意，於是就睇下兩間餐牌先決定。先睇阿斗官，都ok；但上到王家沙，見到人多好多，睇過餐牌又好似唔錯咁喎，所以最後都揀左王家沙。兩個人，點左個蟹粉小籠包、東坡肉(配蝴蝶包)、回窩肉同擔擔麵(中辣)。先黎東坡肉(配蝴蝶包)，好好味，不過真係好肥，邊食邊內疚，但又好好味咁食左好多。好彩佢係第一碟黎，因為咁漏實食唔晒。個麵只係叫中辣，因為要就朋友，味就幾香幾濃，但真係唔夠辣囉，但都算好味。另外兩樣就麻麻地，蟹粉小籠包好快乾身，皮又厚…噫……，個回窩肉真係叫多左，唔係唔好食，只係食得太飽唔想食，佢又無東坡肉咁好味喎，所以都剩唔少。兩個人，連埋野飲三杯，300蚊埋單，都ok啦﹗

today have lunch there, really disappointed about their food

3/12，同朋友2人食飯，叫o左一碗酸辣湯($20)、素菜包($10)、生煎包($20)、一碗蟹泡飯($38)、一碗酒釀丸子糖水($12)。酸辣湯比較多油，生煎包麻麻地，一來個樣o黎到已變哂形，應該係脹卜卜架嘛，o黎到就“粒”哂，而且個底又開始淋同硬，一D都唔脆，小南國狀元樓就好食好多！素菜包D味都幾得意，幾好！個泡飯就好鮮甜，幾好食，但就似粥多D，但就值得推介！糖水就一般啦！D o野食比之前o黎差o左！D服務就真係唔要得，叫o野食都要自己tick，叫佢明明見到都當睇唔到，而且由入去到埋單，連一句多謝都無講，真係差勁！同隔離頂泰豐有得揮！所以我連貼士都唔比！！

星期日去吃晚飯，點了推介的魚翅撈飯，味道沒捨特別之外又不夠熱．其他菜色水準似乎也下降了！

比起小南國同金滿庭，佢令我有D失望。我四個人叫蝦仁雙面王（幾好食）酸辣面（差）<擔擔面（又係好一般）腰果酥（食唔倒有腰果，淨係覺得甜）蘿蔔絲酥（一般）煎菜肉雲吞（皮薄，幾好）香芝麻餅（好食，有D肉鬆入面）闊佬炒飯（勁唔掂，自己炒冷飯仲正）唯一係價錢合理，份量都OK，茶錢都幾抵！

我真係對呢間野既點心有點失望... 30.00/ 6隻小籠包, 竟然6隻有4隻穿底... d 皮都幾厚, 其他食物我都覺一般.... 好彩當日係平日夜晚唔駛排隊, 唔係就仲失望........ D 服務員質素麻麻, 問d 菜名資料內容, 她答得好求其, 後來有個男侍應員答得就似樣好多, 解釋很清楚...

如果有去過上海總店吃過,你會發覺香港店d失準了.香港的王家沙多了很多小菜吃.總括而言,乾試蟹粉湯圓(廣東人可能會吃不慣),及蟹粉生煎飽就夠了,其他的....真的很回味上海店的出品.話說回來,我在上海新天地吃香港人龍店翡翠拉麵,上海這邊分店又失準了,跟香港店的出品又是兩碼子事..真奇怪...

數日前老媽子生日,決定去王家沙試試..由於遲放工,所以去到時d前菜己經比屋企人掃哂..四條友叫左蟹粉湯包,皮蛋豆腐,乜乜鵝肝,生煎包,菜螃蟹,蝦仁雙面黃,乜乜炒年糕,後尾見蟹粉湯丸$20得兩粒,又試左一客,再叫埋豆沙窩餅同酒釀丸子做甜品..蟹粉湯包--幾正,個人認為比得上台灣永康街鼎泰豐老店..皮蛋豆腐--唔錯,皮蛋黃夠香同熟,凍食幾清新..乜乜鵝肝(唔記得全名)--冇得頂!初初諗住叫呢d 菜九唔撘八,好食極有限,誰不知鵝肝甘香之餘且量多,四個人食都有剩..竟然係全晚最好味且驚喜既一味菜..生煎包--唔錯,新鮮煎起,咬落肉汁四濺,一流~菜螃蟹--唔掂,感覺上太熟,蛋白煮起一舊舊,好似冇咩汁咁..加上味道又麻麻,都係北京酒樓好好多~蝦仁雙面黃--不知所謂,之前睇雜誌同餐廳網頁吹到好似識飛咁,到頭來係一d 冇鮮味既蝦仁加冇咩味既獻汁加落一d 乾脆既面上,真係淡得好緊要,唔多識欣賞..乜乜炒年糕--不願置評,因為一向都唔愛食炒年糕,係媽子鐘意食先叫..蟹粉湯丸--一到個賣相嚇一跳,一碗清水裝住兩粒湯丸,跟住試試d 水,真係剩滾水..同哥望一望兩粒野,一橙橙地色,一綠色,初初都以為係一種賣相,

好耐之前黎過﹐耐到個晚食過D咩都唔太記得清楚......印象中食過八寶飯﹐又唔差﹐唔會太漏。個次訂位食飯既人有面子﹐預留左貴賓檯﹐我地穿過人群唔駛等﹐個晚經理待我地一桌如上賓﹐serve到慇懃妥貼。可能因為人面關係﹐D野食大多唔差。記得好似有麵食﹐okay。個晚既肉絲兩面黃同蘿蔔絲酥餅都整得好好﹐轉眼掃清添。係酸辣湯就未算特別出色。青豆蓉湯丸都好食。但下次如果自己黎排大隊食﹐又唔知值唔值....

昨日下午12點去過，又係名過其實<br />食左特價迷你担 担 麵(小辣)/醉雞/2個點心(燒賣&蘿蔔絲酥餅)，2個人$100。唔貴。<br />担 担 麵- 湯唔香麵唔滑，都係詠x 園好<br />醉雞- 唔香肉又老<br />燒賣- 蟹黃勁"醒"<br />蘿蔔絲酥餅- d料太乾，外層又唔酥<br />唔掂...可能我叫d 野唔係佢地d 推薦。

The food is good and the price is reasonable. We have had eight dishes and it costed each of us $80 (5ppl) only.