王家沙 (Moved) New Location

食物水準一直下滑, 侍應同經理就keep住一樣都係咁串, 好似好唔憂做, 真係好過份. 打死都唔會再去.

5月2號晚同屋企人去左黃埔食王家沙~^^~好~~~~~~好味呀~~~!!! 小籠包~好多湯o係入面~!! 夫妻肺片~好辣~>v<~正~ 臭豆腐~3~細細粒架~炸得好脆~都幾夠臭架~^^好味~~ 鍋貼~~個皮厚厚地..不過個底好脆~~ 失傳秘方咕嚕肉~~哇~~勁好味~~d排骨細細粒架~好脆~!! 個汁整得o岩o岩好~^_^~ 麻醬粉皮~~好多切得好幼既青瓜絲~正~~ 最深刻既係--->甜品~!!!! 平時d食上海野既地方都係得..err豆沙鍋餅呀~高力豆沙呀咁~食都食都厭~~3~~ o個度竟然有樣野叫棗泥糕~睇個名怪怪咁~__~ 個賣相...深啡紅色~...但都幾精緻~蒸熟既~一聞.....哇~~~'0'~~~// (surprise~)一食...~~~~w~~~~嗯~~~~////好~~好~~味~~唷~~~~ ^~^ 好香紅棗味~~好軟熟~~好清甜~~~勁正~~~^o^~~~!!! 仲要好平架咋喎~~我記得好似十幾蚊籠咋~~!! 抵食~^^~

母親節提前慶祝, 一家十四人有大有小, 點了一個十二人套餐($1,380)前菜六小碟- 分別點了鴨腎, 皮蛋豆腐, 雲泥白肉, 烤麩, 燻魚, 海蜇, 份量都唔少, 以皮蛋豆腐最得我歡心蟹粉小籠飽- 沒有吃不知道味道原隻火曈燉津- 即係金華火腿津白湯, 湯很清甜, 金華火腿煲完再食都好好味芺蓉三鮮- 類似賽螃蟹, 蛋白幾滑紅燒元蹄- 很淋, 但我覺得不夠入味松子桂魚- 其實都ok, 但魚我都係喜歡清蒸多d樟茶鴨- 有小餅皮配甜醬同吃, 鴨算入味但略嫌乾身左小小時蔬- 普通窩貼- 咬落皮略硬, 但裡面肉汁都依然豐富炒飯- 唔知無食壽飽- 催完又催, 足足等了半個鐘先到, 要扣分送汽水十二支, 再加小籠飽半打, 埋單$1600, 呢間食物都幾好味, 份量又多, 下次一家人食飯可以再諗下。

今晚一行8人去食, 叫左十幾個D菜, 味道都OK,尤其雞絲粉皮,蘿蔔絲酥餅,棗泥糕,香蕉豆沙鍋餅都幾好,不過薰魚就麻麻地, 同埋D野一次過上, 食得好急....

成晚落錯單, 侍應沒禮貌,健康炒飯D鹽炒得唔平均,唔明點解可以叫健康!唔明點解仲有人龍

黃埔花園蔡瀾美食坊間王家沙lunch 好抵食, 十幾蚊一碗麵, 我食左個酸辣湯麵, 18蚊一碗咋, 幾好食, d酸辣湯好正, 另外可以叫0個d點心套餐, 18蚊可以揀2款, 28蚊就可以揀3款, 每款有2件, 可以揀小籠包, 菜肉包, 燒賣0個d, 好抵食我覺得, lunch可以去試呀~!

平安夜同班friend0係度食,4個人叫0左個4-6人餐...飽到行唔出王家沙...個餐有好多0野食,先有3個冷盤,我地要雞絲粉皮,糖醋排骨同薰魚.熱盤有沙鍋雲吞雞,毛豆魚頭粉皮,炒豆豆,東坡肉,黃金蝦,之後仲有甜品,係香蕉豆沙鍋餅,每日另外有杯飲品.雞絲粉皮好大碟,量足,冇翡翠拉麵咁花巧,但勝在夠務實,料多醬濃.糖醋排骨好食,酸酸甜甜好開胃,而且d排骨醃到好入面,唔韌好食!薰魚就多骨0左dd,我地食得好少.炒豆豆有d上海雪菜,食好食,毛豆魚頭粉皮就麻麻地,成晚最差的菜就係佢,好腥....腥到食唔到....東坡肉最先上的一道菜,d肉煮到既入味又好"lum",唔覺肥膩,加埋d蝴蝶包食好好味~個汁都好香濃,食到個個個咀到好油~但真係好食呢~黃金蝦都係其中一道好好食0既菜,蝦超大隻,加埋鹹蛋黃去炸,好香口呀!!!滯0左d,但真係好好食...我連蝦殼都吞埋呢~沙鍋雲吞雞係最後一道0既熱盤,真的剛好,因為有湯飲,又夠清甜,之前食完黃金蝦飲一飲湯0岩哂~不過因為太飽,食唔落隻雞...只係食0左雲吞.個甜品都好好食,估唔到香蕉同豆沙0既味道係咁夾,下次你地一定要試~真的好香口又好食~雖然平安夜去食,

其實佢新張無耐個陣食過一次.個陣d野都唔差,尤其是蘿蔔絲酥餅十分不俗.今次都係叫呢樣,但食完之後仲以為入錯鋪頭.今之個皮唔得之餘個餡更不堪.上次係全蘿蔔絲,熱辣辣既蘿蔔絲一條條清晰可見,但今次佢加左d唔知乜野.蘿蔔又見唔到絲.比上次難食左好多.另外叫左蟹粉泡飯,好少食蟹粉類食品唔知出面係唔係都落好多薑辟腥,但我個碗就好濃薑味,我都唔知自己係食緊蟹粉定食薑.生煎包ok 啦.仲有叫左棗泥糕,味道一般.總括來說我是十分失望.

由於得2個人, 試唔到多款, 叫佐酸辣麵, 蟹粉小籠包, 蜜味火方及棗泥糕. 小籠包好好味多湯, 蜜味火方比較怪, 火腿下面有很多蓮子墊底, 有約40 粒以上點食. 另外酸辣麵我覺得翡翠小籠包好吃D, 但味道都唔錯, 最後棗泥糕味道幾清紅棗味濃唔係甜, 令我諗起想飲紅棗水.

本人覺得王家沙o的水準大不如前. 例如酒釀丸子杰到好似碗粥總超級甜. 生煎包就一碟入面咩size都有, 包底就黑色. 小籠包總唔掂, 易穿又無湯, 我就覺得翡翠o的小籠包有保証o的啦.

姨媽生日,表哥帶我們到王家沙吃晚飯裝修ok...只是桌子較矮, 大腿常撞到.7:30pm算是頗多人點了:1.擔擔麵(一中辣, 一唔辣)我只吃唔辣, 普通, 但合格2.臭豆腐的臭味唔同街邊...我都係第一次食臭豆腐, 食落同普通炸豆腐冇乜分別3.醉雞好大酒味, 的雞都幾滑, 唔錯4.黃金蝦本人至愛...好味既咸蛋黃外層+脆卜卜既炸蝦, 唔咸~極力推介5.椒鹽排骨ok...我去親上海舖都會食6.炒蟮蝴味道ok, 只嫌韮黃較多7.生煎包冇食唔知8.煎餃熱食應該會幾好, 我凍左先食所以冇咁好食9.小籠包都ok,但我覺得翡翠正D10.雪菜蝦仁豆腐煲食左, 感覺一般11. 鎮江肴肉幾得意...食落似唔咸既金華火腿....有一部份係好似的大菜糕既物體^_^12. 雲吞氣鍋雞味道一般, 但的湯似乎冇落味精...飲左冇口喝唔係好記得仲有冇叫其他菜埋單應該$6xx食得都幾飽加埋表哥買來的蛋糕同壽包真係有少少頂住個肚.... 臨尾走果陣知客姐姐仲好有禮貎咁話俾我姨媽姨丈聽去邊度蓋印搭免費巴返屋企. good~

侍應同接待人出名勁串, 連經理都好不知所謂, 好似好唔憂做咁. 以為自己有幾出名, 其實o的野就一般到極,一d都唔吸引. 環境又超級擠迫, 一d都唔舒服. 真係完全得個名, 印象奇差.

我之前去過黃埔王家沙食過幾次飯, 覺得都幾好食, 特別係o的點心, 皮簿餡靚, 好食非常. 但係琴晚我去佢地新開o既旺角舖, 只有兩個字來形容'惡劣'. 我order左o的點心同小菜等, 由我落order至有得食足足等左成個鐘, 都算啦, 諗住佢出名都值得o既, 點知一食落去, 層皮係超級無敵勁厚, 而且入面係一o的汁都無, 我簡直失望到極點. 除此之外, 個個糖醋排骨總惡劣, 直情係咬唔到, 而且陣味總要怪怪地. 總括來講, 王家沙真係虛名其名...

星期日家庭日，一早知道這裏人多，所以預早到五點鐘便來到，竟然也沒有位，十人桌已全部被人預訂了，要食的話一是分開不同桌不同時間，一是七點半再來，大約八點才可以入坐，唉！這裏的名氣實在太大了，想食真的很難，居然五點鐘都無位！但服務枱的姐姐很好人，很有耐心的解釋和建議，就算無得食也不會令人一肚氣。

星期日12點到，唔駛等位，遲幾分鐘都要等位! d位set得好密都幾嘈! 叫左蟹粉小籠飽、東坡肉、麵、八寶飯、蘿蔔絲騷餅、菜肉飽、南瓜餅，樣樣都幾好食，尤其是東坡肉配埋蝴蝶餅，d東坡肉睇落幾肥但食落就唔覺肥膩，4個人2佰零蚊，都幾低食!