王家沙 (Closed)

早兩晚去apm睇戲，發現個商場靜哂，3樓同4樓都各有半層無開門做生意，唔知幾時先會開返…… 上6樓戲院買飛時，見到我同老公常去的王家沙原來照常營業，好彩~睇7:40場，6:30趁早去王家沙，唔使點排隊仲有卡位坐，更好彩~~ 我地點咗以下食物：三絲粉皮– 簡單又好味酸辣湯– 嗜辣的老公每次必定order鹵蛋紅燒肉– 我最鍾意扣肉、東坡肉一類「肥肉」，呢個紅燒肉啱哂我! 而且鹵得又焾又入味~桂花酒釀丸子– 原本已經好飽唔打算食甜品，但經理誠意推介，於是我地就order咗一客兩份share，果然好介紹，桂花同酒釀的味道好夾，湯丸細細粒又煙韌，有驚喜!依家周圍餐廳都咁貴，係王家沙可以有齊涼菜、湯、小菜、甜品，環境乾淨企理，服務又唔錯，埋單約$200好合理，下次去開apm會再幫襯。

晚上六時正，店內顧客不多，無需等位。朋友仍在路上，本來應該再坐一會，但由於飯後要去看電影，深怕會遲到，結果我決定先點菜。豈料交了選菜紙後五分鐘內，所有食物都送上了，難道不用煮的？我們吃了～花生：新鮮、香脆。蘇式鮮肉小籠包($30)：雖則不知道甚麼是「蘇式」，味道與一般小籠包沒分吃，但熱騰騰，皮薄餡靚，好味道，正！王家沙擔擔麵($38)：麵的份量足夠，麵質有彈性，好！肉碎不多。有大、中或小辣可選，我選了中辣，個人認為不算辣。家鄉金腿上海炒飯($56)：普通的炒飯，材料不多，味道偏淡。簡簡單單的一頓晚餐，只花了半小時便填飽肚，果真可與快餐店相比。

早排去了試王家沙第一次認識 也不覺得是怎樣出名的店啦雖然座無虛席 但在晚飯時間都不需要等位@apm王家沙menu令我傻眼了~食物質素不錯 份量還可而且另有收費 1)茶錢 2)細細碟的花生/前菜 3)加一服務費所以價錢其實不太化算總括來說......．．．沒有驚喜-.-

看到電腦裡的相片, 才記得我去了很多吃店所拍下的照片還沒分享, 我還是快快跟大家分享, 免得到我分享時, 店不在/搬了就不好了!而這次就介紹這間位於觀塘APM 食店 ~ 王家沙, 相信它的名字應該無人不識了, 而我去這間吃的時間, 它是剛開業不久的, 所以試試它的手藝而已, 到現在是否也跟之前我吃的有分別, 那就不知了!我老公愛吃的皮蛋豆腐, 不過來到才知賣相真的好噁心, 你怪我少見識也好, 我真的第一次見皮蛋豆腐的皮蛋會弄到這麼碎! 不講賣相, 味道還可以的!而鮮肉窩貼, 底煎得不錯, 沒破掉, 底脆, 但肉汁不算多!而這碗酸辣湯餛飩, 餛飩很大隻的, 很足料, 酸辣湯的材料也十足, 但就略為不夠酸及味道!我們更吃了肉絲兩面黃, 來的時候是分開2碟上菜, 麵餅炸得脆脆的, 將有肉絲汁料的混合麵餅便可吃了, 這道味道不錯, 吃的時候還會吃到麵條的脆口, 不會太軟身!來到這裡, 沒理由不吃小籠包的, 但通常小籠包弄得好, 連帶其它小吃也不會太難吃的, 但奈何這裡的小籠包真的不行, 一拿起皮已破, 肉汁也不算多, 還要不夠熱! 我們吃量也算多吧, 但價格也算合理呀, 結帳也只需要$220,

去apm睇關雲長諗住食埋飯先, 見到有間王家沙就決定食個上海菜7點鐘唔駛等位, 見到都仲有好多位點了烤麩, 醉豬手, 小籠包, 生煎包, 擔擔麵 同乾煸四季豆, 2個人食左300蚊雖然每人食左150蚊唔係好多, 但係質素好差不能接受1.首先烤麩是熱熱地的, 呢道菜應該係涷涷地開胃菜....而且整得唔好食, 口感還可以但d味就2. 豬手不過不失, 但沒太多酒香3. 小籠包 同生煎包 --入面都有湯, 生煎包個底係香脆的, 但最失敗的係佢地可能用d cheap豬肉or冰鮮or whatever, d湯同d豬肉都有d怪味, 可能係豬so味可能係雪味, 完完全全係失敗之作, 出面街邊個d都好食過佢多多聲...佢賣到1隻包十幾蚊, 用新鮮既靚豬都得掛, -100分4.擔擔麵 --- 只有少少既花生香味, 一碗好平凡既麵, 係香港真係唔好隨便叫所謂的擔擔麵, 十間有七間都唔好食既5.四季豆-- 係全晚最好食既, d豬肉爆得幾香, 四季豆算爆身, 有d焦焦地, 唔錯估唔到2個人300蚊就係呢d質素...真係去戲院食熱狗仲好....

同老公經過此店見唔使等位,所以就入去幫襯,價錢方面屬中價,兩個人要食得飽嘅話,埋單起碼要二佰幾,味道整體偏油又偏鹹,水準一般,幫襯一次就夠了,介紹如下京葱爆羊肉,葱多過羊肉,有少少揾笨,羊羶味唔算濃,質感算嫩,可惜偏鹹,配埋薄餅來食,都中和唔到鹹度.咖哩鮮肉鍋貼,三個形容,鹹辣油,有少少苦味,好難食.蟹粉生煎包,包皮煎得又油又韌,餡料得個鹹字,食唔出蟹粉嘅鮮味,叫番普通生煎包好過.燻魚菜飯,燻魚炸得過火,質感好乾好嚡,味道帶甜得來偏鹹,菜飯用了珍珠米,口感煙煙韌韌,可惜落油太多,好漏.豆沙餅,外皮鬆化,豆沙餡過甜,如果甜度減番少少會更好.

與舊同事午膳，見王家沙無咁多人，即管試下，不過不失啦！這日叫了幾個餸：蒜泥白肉巻 - 味道一般；小籠包 - 多汁好味；芹香手撕雞 - 都係傳統嘅海哲手撕雞好味啲；茶樟鴨 - 好似臘鴨；黃金蝦 - 唔夠入味，但蝦都幾大隻；嫩雞煨麵 - 湯太多，唔似煨麵 食物一般，不過服務都幾好，加茶加得好密，上菜亦快，對食物要求不高的話，這裏亦是一個幾好的聚腳之地

今日係花爸爸生日,我哋一家一行4人去咗APM嘅王家沙.一到4樓見到D櫈係黃色就知到咗喇7點去到唔使等位,仲俾咗卡位.不過會俾等位又或者路人甲望住食嘢囉.4個人叫咗7樣嘢.三絲粉皮:都幾大份,係麻醬多咗少少,粉皮夠軟.素鵝:好味,夠脆!炒鱔糊:好多韮王,幾野味.試過夾薄餅食都OK京蔥爆牛肉(配薄餅):京蔥好香(雖然我唔食),D牛肉都好嫩.夾薄餅又或者淨食都好好味咸肉津白:冇咩特別,普通喇小籠包:好似唔係即蒸咁,唔係咁夠熱.同埋個頂有D硬上海粗炒:麻麻,唔知點解好多肉絲反而粉就好少...總括唻講王家沙抵食過同場嘅家傳XX.不過一分錢一分貨,味道唻講,家傳XX稍勝一籌.祝花爸爸身體健康,長命百歲!!!

今日同同事極速食左個王家沙lunch，amp多人多到.......有位坐低，叫左1. 香蔥咸薄餅 $242. 小籠包 $293. 蔥油拌麵 $30小籠包第一個上，好食(好餓...)，有好多肉汁，個皮都唔太厚。但我地太肚餓，唔記得影相就比我地食曬la~香蔥咸薄餅即係蔥油餅。D味唔係好特出，但最緊要唔會食到成口油，夠乾同夠脆。蔥油拌麵係3樣野裡面最好味，好有蔥油味，D麵好有tension。同事都覺得可以再黎，試多D唔同野encore個蔥油拌麵。

今日公司好多野做~~~2:00先去食lunch。APM lunch真係好多人，平時一定唔會同人big，今日就試下la。雖然商場仲係好多人，但去到王家沙唔使排隊就有得食。超肚餓之下，叫左個擔擔麵同小籠包。個"鮮菜肉小籠包"大細不一，雖然係甘，但D味道同上海個間好似，唔同既係上海平好多，而且每籠最少6隻小籠... 擔擔麵都幾好味，最好係個湯夠"厚"，同D麵好夾，不過可以辣D。不過佢地要收荼錢，$4一個人，其他上海宧館都無收ga ，有D唔想比law。

嫩雞煨麵 $38雞肉少，幾乎以為是雞湯煨麵，湯色澤雖濃，但沒有同觀感般雞湯味濃配以上海菜碎，令整個麵加添翠綠王家沙擔擔麵 $35由第黃埔分店至今已，一直留下美好印象，湯濃花生碎多，陣陣沙嗲花生香，未入已急不及待把一碗麵吃掉，不留半點麵條花生碎蒸八家飯 $32我個人推薦後後來一碗甜品，可是我要的並不是高力豆沙或者甜湯丸，而是每次必食的八寶飯有豆沙餡不太甜之餘又不多油份，其餘作點綴的有瓜子仁，紅棗，杏脯，提子乾等等未試過煎，不過估計蒸有保留著原味口感環境:開放式，而且多途人經過，若坐近門口就如坐在 FOOD COURT 食飯餐廳內設計別出心裁，尤其天花版的字體牆下更有不少舊照

110202 星期三 | 年三十晚，屋企要收爐，出街食飯乾手淨腳，食完可以唔駛洗碗碟，仲可以跟住走去玩，一早有預謀，已電話訂座，揀選王家沙，因為這裡比較適合小家庭來開餐，是晚得爸、媽和我三人行，6點半來到便即時被安排入座了。滿以為新年期間，會有些特別的菜式應吓節，但點菜單依舊平日模樣，只是個餐前小食，由花生 ($10) 轉了做紅棗 ($15)，紅當當，算係應吓節啩，隨便揀選幾道菜，有些試過，有些未試過，總共點了5樣嘢，都咪話唔豐富。首先嚟個招牌蟹粉小籠包 ($48)，之前食過覺得唔錯，所以今回又再要，依樣皮薄餡料多，有豐富肉汁，味道保持水準，不過仍然覺得個摺口位厚咗啲囉。鮮拆蟹粉扒荳苗 ($148)，嘩，好多蟹粉喔，紅紅綠綠，賣相唔錯，荳苗亦煮得不過火，腍得嚟仍保持著鮮綠色，不過鹹咗啲嚕。無錫脆鱔 ($58)，第一次食，覺得幾得意，鱔肉炸得鬆脆無比，加上蘸滿了甜甜酸酸的糖醋醬，香口好食，但係無咗鱔肉的質感了。宋嫂魚羹 ($34x2)，這個也是第一次食，$34一碗都幾貴，所以只係要了兩碗3人分享，材料都幾豐富，有魚肉、冬菇、筍絲、薑絲、火腿茸和蛋花等，味道唔錯，如果要自己整都幾花功夫喔。

初四同太太行APM,下午6時左右見商場广告王X沙新店,時間尚早未見人多,欣然入坐,两人坐位較窄,想試多两小菜也放不下,即時已減却食慾,唯各自叫了雪菜肉絲麪和蔥油拌麪38元和30元,先行填填肚子算了,肉絲麪还算可以,拌麪卻比一般雲吞麪多點兒,蔥油却甜甜的！算罷,快吃完再另覓食..埋單時卻有點不是味兒,收95元？！何觧？睇單之下..喔！那小杯「茶餐廰」的茶水收8元！「軟中脆」小碟花生10元！加埋再加10%共95元！,,,还有門口帶位亞姐態度....唉！算了吧！希望各有幸之仕,如欲試便不要只吃兩碗麵,要多人多吃較化算！祝食得愉快！

昨天和家人到官塘王家沙食團年飯，真是食到一肚氣．首先果到的侍應生一些應有的衛生常識都没有，對住個客杯茶覆order，噴哂口水落杯茶到．叫了十一樣餸，唔夠五分鐘即到，不過唔好咁開心，除了擺到成枱都擺唔落外，所有餸都唔熱，好似人哋啲幾餸飯咁，全部整定再翻熱，仲衷過食快餐．果味兩面黃，簡直離譜，從未食過咁難食的兩面黃，都唔知識唔識煑，煑到好似炸油面．啲蘿蔔絲酥餅又唔鬆化．啲糖醋魚又唔同平時其他食肆的做法，竟然是白魚加醋的做法未免把食客視作白痴．啲東坡肉又唔化又嚡，認真難食．啲闊佬炒飯份量小得離譜又唔熱又唔好食，連小朋友咁唔識食都話唔好食，一啖都唔肯再食．傳菜果位又唔知自己傳的是什麼，牛肉和羊肉都攪錯．找數七百幾．一定唔會再去，就算請都唔去．

有位朋友 1 月頭生日，特意提早為佢慶祝，順便賀聖誕！我亦預備咗小禮物送給幾位朋友，令佢哋既開心又驚喜！起初，我以電話 book 位，店員話只可 book 6：30 或 8：30 ，因為其他時段已經 full 哂；唯有 book 定 6：30 ，我哋趕唔切 6：30 到，最早到嘅朋友都要 6：50 ，我叫朋友攞定枱，而我繼續等其他朋友。店員話我 book 張枱已經無咗，要重新攞籌再排過，大家足足等咗半個鐘！仲提醒入座起計限食兩個鐘。聽完之後，未食已經覺得有點趕！ 等位期間，睇見有大閘蟹套餐。令我哋更肚餓！事不宜遲，馬上落單！我哋叫咗 6 樣嘢！不過無叫到大閘蟹。呢度地方唔算大，幸好有卡位座，唔會擠迫！店內有不少黑白懷舊相，增添一點懷舊味道！食物尚未送到，侍應先遞上一碟花生作為小吃，亦為我哋酙茶。服務態度尚算不錯！反應夠快！鎮江肴肉 $48最先上枱正是呢碟小食，賣相不錯！令我食指帶動！相信做法相當繁複！豬蹄肉跟啫喱狀嘅凍混合一起，層次分明！可惜食起嚟肉質有點實繃繃！虛有其表！ 肴肉不太有肉味，可能被啫喱凍部分鮮甜味掩蓋！蘸埋鎮江醋，可增添風味！其實，唔係好多地方做得好！反而，我覺得霞飛