華倫餐廳 (Closed)

今天跟兩位朋友在銅鑼灣辦理完一些事情後路經此餐廳，眼看地方企理乾淨又光猛、收費又合理，而且還有極吸引的流沙奶皇西多士，實在沒有理由不內進一試！每人點了各一個餐，配餐湯（中/西）、主菜及飲品。是日餐湯有羅宋湯及冬瓜豬展湯 （湯品跟餐+$10）。羅宋湯菜料十足，味道香濃而不油，很惹味。冬瓜豬展湯，味道清甜十分讚。雪菜肉絲炆米 雪菜和肉絲份量多，米粉炆得入味而不油膩，師傅功力不錯。《咸蛋四寶飯 $68》份量大，好足料，絕對足夠男士食用，而女士就最好下單時要求少飯，惜食是福麻！叉燒肥瘦適中，燒得平均沒燶位，讚；燒鵝夠瘦少脂肪，正中本人的口味；切雞滑嫩。《雙拼飯 $68》燒鵝拼切雞，脂肪少肉夠滑。《鎮店流沙西多士 拼田園沙律 $46》西多士賣相吸引，色澤金黃沒有一般乾硬的四邊，而且沒有油膩感。蜜糖另上，十分細心。襯西多士還熱烘烘時便要襯快手起刀落！刀一按下，奶皇已爆出，再慢慢切開更有流沙效果，相當吸引！加上了蜜糖，入口更是滋味！味道甜而不膩，很快便被消滅。此西多士還配有什果沙律，食罷令人減低飽膩感，不錯。再嘆杯餐茶很完滿。

茶餐廳都可以有好野食黎到銅鑼灣，入左華倫餐廳食個晚餐先叫左個小食，一件南瓜薯餅多薯唔燶又脆口，好味道重有隻雞翼添，作為餐前小食一流另外重叫左個四寶飯好耐未食過啦有咸蛋同燒味份量都幾足，對得住價錢呀。另外重食左店中既招牌流心奶皇西多士。奶皇味都幾足，唯流心度可以再強d。呢間茶餐廳質素都唔差，經過可以試下呀😝😝

去銅記搵朋友食個lunch經過華倫餐廳見到燒味飯幾不錯就一於食呢間！逢星期一至日都有lunch set四個人叫左兩個飯 加幾個小食每個餐都有跟湯 可以揀中湯或者西湯老火湯 好足料！切雞配叉燒飯 色澤好靚 叉燒好香口 飯的份量更加係King Size鼓油豬扒蛋飯 豬扒調味可以濃d 但肉質都不錯小食方面試左個招牌南瓜薯餅 入面滿滿的南瓜蓉 炸得好香脆 好香口雞翼夠晒味 又夠熱👍🏻👍🏻最後出場的係流沙西多士！勁澎湃 如泉湧的流沙！勁邪惡大滿足🤤

✿╮❤╭✿ ✿雜感女生 好味日記✿ ˚*•✰。華倫餐廳．港式茶記：貼地精緻。✰•*˚ ✿✿舌尖上的銅鑼灣✿✿ ❤餓底飯聚．食勻全世界❤ ❤ 走到銅鑼灣吃飯，高速的話，一定是茶記 茶餐廳氣氛比較貼地，熱鬧而且有人氣 也喜歡和店員吹吹水，感受他們的工作熱誠 在華倫餐廳，找到了種港式茶記風情 亦有專心做菜的師傅味道，很想記錄下來 ——奶茶紅豆冰—— 這款又新又懷舊的飲品，非常香甜的紅豆味道 足料紅豆，入口奶味濃，奶茶香氣 將兩種極有香港地意味的飲品合二為一已經贏晒！ ——是日中湯：冬瓜湯—— 看到湯就知道非常足料，有冬瓜、腍身豬肉 熱辣辣上台，幾中意這種港式的中湯味道 很有從前爸爸帶去吃茶記的回憶！ ——南瓜薯餅拼瑞士雞翼—— 南瓜薯餅炸得香脆，原來餡料軟綿綿，南瓜薯蓉頗香口 瑞士雞翼主打濃郁的鹹香，雞皮索汁好香滑 ——燒味雙拼：燒腩燒鵝飯—— 主角來了，真心讚好的燒味飯 廣東脆皮最讚係呢種：燒腩外皮脆卜卜，熱度勁，而燒鵝的鵝油香沒有白流 我全部混和入香飯中吃，啖啖鵝香滋味 加上最愛的燒鵝皮，與肉嫩的燒鵝肉 燒鵝主要和酸梅醬搭配，不點已好吃，再配上自家酸梅醬 又是開

昨天晚上, 我和朋友專程來到這家餐廳吃馳名流沙西多士。 我們來到的時候, 人不多。我的朋友點了流沙西多士套餐, 而我則點了一個豬扒包套餐。套餐首先會跟一個餐湯, 有中湯或西湯供選擇, 我和朋友也選擇了中湯。喝過中湯後, 店員便呈上我們的主菜。 我的豬扒包內裏有煎豬扒和一些洋蔥, 麵包內亦塗上牛油。食緊既同時, 我亦點了一杯奶茶紅豆冰, 紅豆份量非常多, 啖啖紅豆, 很有咬口。我朋友的西多士最吸引, 邪惡既流沙西多士炸得金黃, 中間脹卜卜, 一切開西多士, 流沙奶黃餡就即刻湧出黎, 其流心度好高。食落個味道十足十酒樓既奶黃包。奶黃餡做得吾錯, 有流沙嗰種濃稠既口感, 跟西多士好夾。

It was near Chinese New Year and boyfriend and I visited the Lunar New Year fair in Victoria Park. Armed with a handful of flowers, we were thinking of where to eat for dinner. It seemed all of Causeway Bay was packed with  people and the flowers were getting heavy. I suggested to boyfriend we should just let me drop these flowers off at my home and then eat at home. But while we were sitting on the tram, I saw Warren Restaurant. A new cha chan teng that I walk by every day. It seemed quiet.  I

鹹蛋四寶飯🍚🍖$59; 8/10🍴銅鑼灣新開左間質素幾好嘅茶餐廳☺️lunch hour都幾多人去食😜呢個鹹蛋四寶飯份量好大，好足料👍🏼已經叫咗小飯但係都係好多🍚🍚最好食係叉燒🍖肥瘦均勻，烤得好入味😍而且都算幾厚身，肉質都幾鮮甜😋另外燒鵝都唔錯，幾多肉🤓除咗最多人食嘅燒味飯呢度仲有lunch set☺️南瓜薯餅配瑞士雞翼🎃🍗7.5/10🍴相比起呢個小食，我都係鍾意燒味飯多d😜瑞士雞翼係炸過的，所以會比較乾身，肉唔算多🙈南瓜薯餅就幾好味🎃😋南瓜蓉份量都幾多，層皮唔會太厚👍🏼炸得幾香脆😍是日餐湯：冬瓜湯🍲🍴味精唔算重，唔會好鹹👍🏼

午飯時間在銅鑼灣逛累了，又是時候覓食。經過店面光猛企理的茶餐廳，便進去一試。翻開餐牌，除了有多款午市套餐外，還有其他推介食品，包括邪惡十分的流沙西多士$34，眼睛頓時發亮@v@，成為我今天必吃的囊中物！不過在吃甜食前始終要有飯落肚，叫了四寶飯$68和熱奶茶+$5。眼見四寶飯外觀如此精緻，拍得住黯然銷魂飯^^哈哈，真是茶餐廳少有！連鄰枱點的雜扒飯也鋪排得井然有序，可見廚房師傅對食物擺碟有一定要求。白飯煮得剛好，份量多，夠綿身，白切雞脾嫩滑，燒肉皮脆肉嫩。吃完一大碟飯已很撐，幸好甜點可放另一個胃。令人期待的流著奶黃心的西多士淋上糖漿，簡直是雙重邪惡！味道像炸過的奶黃包，裡裡外外都是滿瀉的蛋黃味，是蛋黃控如我不能錯過的美食！平凡的茶餐廳有著非一般的食物質素，甚至設有外賣送遞至毗鄰幾個地區，連新春都不休不雙計，難怪生意這麼好。下次再來，要試試它的招牌叉燒飯！

上課前與細周生到附近茶記輕食，試了一間新開不久的華倫餐廳。 相比一般茶記，華倫的地方較新淨光猛，座位擺放相對鬆動。 是日餐湯有冬瓜湯與羅宋湯兩款選擇，羅宋湯酸感較重，菜蔬配料豐富。 澳門洋蔥豬扒包出品暖和，鬆軟的豬扒搭載濃甜的洋蔥有不俗的味道，建議追加多一點醬汁以增加濕潤感。 w 鎮店流沙西多士最大的特色當然是流沙效果。放刀切開的一刻，溫熱的黃金奶皇醬汁緩緩流出，賣相吸引，整合味道脆中帶軟，香中帶甜，富特色！ 熱奶茶奶感重，口味輕盈帶滑。 以茶餐廳而言，華倫都算不錯，地點方便會再訪。

今晚同阿哥去咗銅鑼灣食茶記，行到去鳳城旁邊有一間叫華倫餐廳！ 從街出面望入去餐廳光猛， 感覺整齊有條理！ 所以就入咗去食晚飯啦叫咗個肉豉椒肉蟹， 味道香口惹味！！ 有好多青椒洋蔥~ 個芡汁好入味。 肉蟹感覺結實， 冇出現不新鮮嘅情況！ 即蟹仲幾大隻添。 再叫咗個粟米斑塊~ 個粟米汁加埋啲蛋白撈飯一流！ 班塊無雪藏味~~幾好食。 肉蟹餐仲有多少 多士火腿沙律中湯跟埋！ 個多士搽咗啲香蒜喺上面非常惹味香口。再叫多咗個咸牛肉炒蛋菠蘿包， 第一次食呢個配搭！ 菠蘿包香脆咸牛肉炒蛋香滑入味！ 食落去感覺好似食個漢堡包一樣非常豐滿。 呢間茶餐廳 真係幾好食！

今晚去咗銅鑼灣禮頓道,買好多行山嘅用品,行到攰攰哋,見到對面有一間茶餐廳,好耐冇食過茶餐廳啦，就過對面，睇睇個價錢，都ok咁就入去食啦餐廳都幾乾淨，牆壁有啲黑白相，喺以香港為背景，幾有feel, 坐得都幾舒服餐牌有好多嘢食,有小食啦，同埋另外有晚餐套餐，我就見到有個燒臘套餐個價錢128蚊，侍應話有6款燒爉，雖然我覺得吾算平，但有6樣餸咁多，就叫呢個啦個餐連個沙律同中湯, 中湯飲落幾清甜, 原來都落足料喎六福燒味飯燻蹄食落非常新鮮, 爽口彈牙,肉味濃香 , 幾好叉燒色澤鮮明, 半肥瘦,，, 加上濃香的蜜味, 口感唔錯燒鴨係脾位黎, 真心讚! 多肉汁, 配上酸梅醬,兩者二合為一又係一絕配切雞皮滑肉嫩, 點一點薑蓉黎食, 香味四溢乳豬皮非常之脆口, 食落無渣又唔嚡口

貼地@華倫餐廳銅鑼灣 禮頓道28-30號地舖某做自由行生意的上市茶餐廳，之前才高調說因服務味道差收貴生意下跌，要把市場轉回香港，今天新聞卻加價一成，嚴重精神分裂。作為正義香港人，我用行動支持其他良心茶記。通常都有自家煲的湯，中式老火湯火侯夠。冬瓜滋實瘦肉湯，冬天飲可補充水份。南瓜薯餅加雞翼，雞翼入味灑了椒鹽勁香口。薯餅加了南瓜蓉故此多了入甜 即炸酥香不油膩。最怕時間關係一早炸起，唔脆更有油壓味。要份洋蔥豬扒包，大大塊豬扒，豐腴而不油膩。麵包不會似澳門死乾如石頭的硬豬，爽得來唔會食損嘴爆血。有蕃茄同沙律醬咬一 層次味道更豐富。麵包中間烘脆抹了牛油，小處見微不怕被蕃茄水份沉爛麵包。流沙西多，白麵包蘸了蛋漿炸到金黃，一切開就緩緩流水帶鹹蛋黃甘香的餡，更食到一粒粒鹹蛋黃碎，因奶黃餡是甜就算不淋糖漿都好香口惹味。點檸檬茶走甜已慣例，有檸檬數4片也切得不會單薄，喝的出是真的檸檬味。估唔到茶記仲有糖水，當有紅豆沙與合桃中要後者，我本身膽固醇偏高，日日吃合桃有幫助更通血管。全球消費物價樓價最高的地方，小市民平日要省錢，食飯稱心的地方，要數第一必是茶餐廳，價位不離地亦是由小到大的選擇。

今天到維園取選手包後, 再到禮頓道的體育用品店逛逛然後發現對面有間華倫餐廳, 所以我們就決定在這裏三點三吧走到餐廳門口才發現原來燒味及鐵板是招牌菜那正好來一個四寶飯嚕下午茶時段, 餐廳坐滿了一半客人打看餐牌一看就覺得花多眼亂, 因為早餐及下午茶都有很多款食物供選擇由於我們太餓了, 所以很誇張地兩人吃三樣食物先來碗中式餐湯 - 冬瓜時實煲瘦肉滑度偏熱, 中湯是愈熱愈好喝💙味道清甜, 有質感, 不是稀"lung lung", 飲落好舒服南瓜薯餅併炸雞翼炸雞翼有四隻, 炸得夠香脆又熱辣辣沈上華鹽, 咸咸地, 有肉汁南瓜薯餅, 外觀炸得乾脆, 內餡軟綿南瓜薯蓉鎮店流沙西多士西多外層炸得很脆, 顏色金黃由於流心關係一定一定要襯熱切襯熱食切下去已經感受到西多的外脆內軟, 然後奶黃流心就湧出來了👏🏽👏🏽然後我切好了十二件, 大家分享位置中間的一件是浸滿了奶黃醬, 哎呀！真是愛死了還有一點是, 就個西多已經夠甜, 跟本用不著糖醬招牌四寶飯 (咸蛋, 紅腸, 切雞, 叉燒)飯粒分明軟綿, 混上小小燒味汁, 很容易就食完整個飯😁雞肉很嫩滑😀叉燒肥瘦適中, 肉質爽口又夠肉汁紅豆冰超多紅豆, 將匙羹放入去杯內

銅鑼灣新開的華倫餐廳有別一般茶記，原來有驚喜！講起流心西多士，好多人淨係唸起西環X記，不過名過於實，又多人等。每次經過都要鼓起勇氣去排，加上試過一次都比較油。今次巧合之下試左華倫這個西多，真係唔嘢少😍要介紹一下！我對西多士都有一份執著，不能太油和太乾身。如有油益味就更加不接受。不過華倫的流心西多都無令人失望。一切開，奶皇餡her her 聲漏出黎。好澎湃！奶皇好香濃，西多乾身唔會太油，一份夠哂數，好邪悪啊真係！跟餐仲跟個沙律，都幾fresh!男朋友的燒味飯同樣驚喜，叉燒半肥瘦又有焦香。打破了一向茶餐廳無靚燒味的看法！份量又足！

2017.01.20【 1.20 燒味餐廳 華倫餐廳】 其實我都算係燒味粉絲， 一直有啲好奇，一間叫餐廳嘅食肆會賣燒味? 本住求真精神，去實地考察 (咩考察呀?係俾飯腳賣甩就真啦。) 近1點，人都好多。 呢排少湯水滋潤，加$10配返碗冬瓜湯。 冬瓜、果皮、豬展肉，清清淡淡， 無加味精，Good! 燒味雙拼飯(叉燒、燒肉)$68 飯軟熟， 燒肉皮非常脆， 肉又唔肥， 一口一塊。 叉燒半肥瘦， 比例均勻， 正 菜心係甜嘅 午餐時段總要叫自己放鬆一下， 就加$13要一杯熱檸樂， 開心吓。 盛惠HKD$91 人均HKD$91 短評: 對新客舊客一樣熱情， 濃濃人情味， 其實我只要這麼多。 整體 味道：♥♥♥♥♥ 環境：♥♥♥♥♡ 服務：♥♥♥♥♡ 衛生：♥♥♥♥♡ 抵食：♥♥♥♥♡ ♡ 華倫餐廳 Warren Restaurant ♡ ♡ 銅鑼灣禮頓道28-30號地舖 ♡