華嫂冰室 (皇廷廣場)

Open Now

Now Closed

平時週末唔知食咩好，華嫂係我同男朋友其中一個慣性選擇，無論係麵包，麵食，飲品，都又好味又抵食👍🏻雖然等位嘅人好多，但佢哋嘅安排都算快而且唔混亂。⭐️鮮油奶多多士烘得外表金黃香脆，入面軟綿綿，多士厚切，口感仲好有彈性，牛油香濃軟滑，由於我好鐘意食煉奶，個人認為煉奶可以再落多啲就正😋⭐️凍檸檬利賓納甜度適中，清新開胃。⭐️招牌菠蘿包菠蘿皮好鬆脆👍🏻上枱時新鮮滾熱辣，一定要趁新鮮食！入面有牛油，蕃茄，流心煎蛋😋⭐️咸牛肉肉蛋通粉/蕃茄湯底蕃茄湯底好濃郁，酸酸甜甜。咸牛肉惹味好香，雞蛋煎至半熟剛剛好👍🏻

作為半個觀塘友，一個月都總有兩三次嚟華嫂開餐，每次都仲係有咁多人喺門口，不過最多等半個鐘左右就有得入座👍🏻👉🏻菠蘿豬扒包華嫂嘅菠蘿包真係好好味，菠蘿包外皮超脆，好鬆軟，豬扒腌得夠味，唔咸，肉質有彈性，唔韌唔鞋。新鮮生菜同蕃茄，清新之餘減低肉膩👍🏻👉🏻雞翼肉眼筋通粉芫荽湯底雞翼入味😋肉眼筋更係我最愛嘅必食推介，肉質爽口彈牙，肉味濃，半肥瘦剛剛好，而且份量仲好多。平時嚟呢度食開冬陰公湯底，今次朋友話想食芫荽湯我又跟住試，皮蛋滑溜，芫荽湯底香濃清甜，好啱夏天食🤤

一定無下次，後悔到爆，侍應完全無效率，明明大把位，但居然要排隊，食物味道十分普通實在過譽得十分緊要，完全唔明點解仲會有人來，仲要排隊，十分奇怪，我第一次寫食評，因為不吐不快

啱啱行完觀塘outlet，諗住去試下華嫂冰室，但估唔到朝頭早11點已經咁多人排隊。招牌菠蘿包入面夾咗牛油、太陽蛋、番茄等等餡料，食落有多重口感，菠蘿包亦都好脆。豬扒菠蘿包餡料多到一啖咬唔曬成個包。 豬扒唔會太厚，食落唔覺得會覺得乾身。蕃茄豬扒通粉好彩只係嗌咗一碗通粉，因為份量其實非常多。 蕃茄湯底好濃，而且有蕃茄蓉。同樣豬扒亦唔會好乾身，食落好有口感同肉味。

在觀塘呢間華嫂食咗好幾次，每次都會有「下次一定要再黎食」嘅諗法！ 所以已經第四次黎食啦～次次都好多人排隊，所以三點幾四點黎食就會快啲～每次黎都不外乎叫個幾樣，但上幾次喇沙都賣曬，一直都未試到，今次終於有啦！豬扒/雞翼/肥牛 喇沙米線 |首先餸方面，豬扒覺得比起一般茶記嘅鬆軟、厚切，而且有兩大塊，份量好足；雞翼就係滷水雞翼，真係超好食，滷水味入曬肉，個皮又好滑；肥牛量都頗多，高到好似半座山丘咁，但其實係一般打邊爐的肥牛～所以都係豬扒同雞翼做餸最好～喇沙湯底好好飲，仲有好多舊豆卜索曬湯汁～但米線麵質偏腍，但都係推介的！招牌芝士鹹牛肉蛋治 |呢個芝蛋牛治我覺得比豬仔包好食嘅地方，係白麵包味本身比較清，可以食返芝、蛋、牛三個材料本身嘅味～而且會烘到有啲脆，非常好食！仲有蛋唔係全熟，會流蛋汁出黎，令到口感更滑～豬扒蕃茄湯通粉 |蕃茄湯就一向係華嫂嘅招牌，蕃茄味濃，而且口感都幾Rich，唔會太稀～我覺得呢間華嫂服務都幾好，就算好多人排隊或者好多單都唔會唔好態度～而且黎左好多次佢已經認得我地，哈哈哈～

每次午餐想來食華嫂，很多時候都礙於太多人排隊只好放棄！難得今天沒有太多人排隊，我們一行8人，排了10分鐘左右就能進了～難得食華嫂，除了麵食～當然要叫招牌菠蘿包+鹹牛肉芝士多士🤤🤤超級好食！必叫！檳城喇沙湯米線🍜（豬扒/雞翼/肥牛）$49至於麵食！我就超愛這裏的喇沙米線 好好食，椰奶味很夠，又配有滿多的豆卜～豆卜吸了滿滿的喇沙湯汁🤤推薦叫豬扒！大塊又好食！雞翼雖然好食，但是跟喇沙湯有點不夾！肥牛就不推了，雖然份量多，但我就覺得比較一般～ 雖然價錢是比其他麵食貴，但是絕對價得一試～樽裝凍奶茶 跟餐+$19好好飲，茶味重又香又滑～

觀塘開左間華嫂冰室幾年，終於有時間可以一嘗。首先拎左張飛，22號都唔算太多人，等左大概20分鐘就有位啦。我地點左個招牌芝士鹹牛肉豬仔包新鮮滾熱辣好味😋，口感好豐富。多士都好食👍🏻

華嫂冰室係香港都算出名嘅茶餐廳，連周潤發、余文樂等藝人都好中意去食，而我今日終於有機會黎食個lunch喇～招牌菠蘿包當然一場黎到就要試下招牌嘅爆餡菠蘿包，入面有番茄、有煎蛋，仲有一塊芝士，睇落佢個賣相已經相當澎湃～其實食落都幾「特別」，因為又甜又鹹！甜甜嘅菠蘿包，入面包住啲鹹鹹嘅雞蛋同芝士，味道非常有趣～招牌芝士鹹牛肉蛋豬仔包正！事關我本人好鍾意食鹹牛肉，而且個包啱啱新鮮整出嚟夠熱，所以呢個包好食～所向無敵餐蛋丁其實佢純粹係一個餐肉雞蛋出前一丁，我純粹係比佢個名吸引左：）究竟個餐肉同埋雞蛋有幾所向無敵呢？雖然我食唔出同屋企住嘅有咩分，不過因為佢個名加咗分！另外同事食咗，豬膶牛肉芫荽皮蛋米線、滷水雞翼番茄湯通粉！總括而言，其實都係普通茶餐廳嘢！

華嫂我諗大家都聽過 好評一地都系 但我都系近排先去試 我就叫左佢個招牌菠蘿包 真系幾好 第一個包夠熱 第二牛油吾太大所以包嘅溫度岩岩好夠溶哂成塊牛油 第三佢𥚃仲有個太陽蛋仲要系半熟嫁😍😍不過如果佢煎蛋嘅時落少啲油就perfect啦豬扒菠蘿包 佢塊豬扒包都幾大塊 吾算太韌所以ok啦 😅佢個樽仔奶茶 又系比人講到好好飲 所以我對佢嘅期望都幾高 但我就覺得有啲普通 有啲似平時茶餐廳啲冰鎮奶茶咁 🤔不過我下次會再去試下佢啲麵 我見都好多人叫 😍

今朝去完宏利interview 經過華嫂就心思思想試下個招牌菜 招牌菠蘿包😍😍😍我果日11.幾去到 成功避開lunch的人潮🤪 等左十幾分鐘 終於拎到個外賣🤔🤔🤔 時間都比我想像耐 因為舖頭都係得幾枱客😳個包拎手熱熱地 入面有大大塊牛油 蕃茄 同蛋一啖咬落去 包面都好脆 因為材料好豐富 所以牛油變得吾突出😭😭😭😭 無左一凍一熱的感覺。。 食完覺得有d濟😗 覺到吾太夾🤔🤔🤔但整體菠蘿包都好鬆軟 值得一試😎😎😎推薦:⭐️⭐️⭐️

華嫂個名聽就聽得多喇但返工同屋企都唔近佢既分店所以一路都未試過有日去開觀塘就決定要試一試佢！外賣既粉麵個將湯同麵分開裝唔會浸淋晒 抵讚！配料有豬扒 蛋 仲有豆卜同少少芽菜湯底揀左喇沙可以見到豬扒非常厚身食落口厚十足之餘仲滿口油香 香而不膩豆卜吸滿晒湯汁🤤米線唔易淋 有咬口最正係個湯 有椰奶味之餘帶少少辣唔會太油 好快就清晒！至於凍奶茶我就冇揀到樽仔個隻但d 冰都都冇溝淡到杯奶茶好欣賞佢茶味濃而奶夠滑絕對係好飲既奶茶😋下次要試埋佢d包！

On a Saturday afternoon, the restaurant was crowded with people, there were at least 50 people lineup ahead of us. That’s why we decided to order take away. We ordered the signature pineapple bun sandwiches, we had a high expectation on the bun, since we saw a lot of good reviews. The appearance was good, bun was filled with cheese, egg and tomatoes. But it tasted like crap, the bun was soggy and cold. Never go back again!

本人之前一直吃元朗屏山正舖，但自從觀塘開了分店後就更加多幫襯，雖然每次都要等位，仲要等好耐，但食完總是覺得值得的。我最愛既係佢的招牌菠蘿包同蕃茄豬扒雞翼烏冬，正好爆香濃既蕃茄湯底加上彈牙既烏冬，配合煎厚切豬扒，同豉油雞翼，係回味無窮呀！！員工方便，有個好風趣幽默既華嫂細佬，經常開玩笑間中仲可以睇到明星黎食tim👍🏻每次有外地朋友來香港都會介紹佢黎觀塘這一間品嚐一下，人人食過都叫好，聽說已在台北有分店了。

尋日啱啱先係日本返黎，唔知係咪有少少思鄉病 所以心血來潮嚟咗華嫂😂 冇乜邊次黎到係唔使排隊嘅 我一坐低梗係嗌佢杯招牌凍奶茶 夠滑又有茶味我就叫咗個喇沙豬扒米線 個湯底好夠味再加埋啲豆卜吸晒佢嘅精華 不得了豬扒就啖啖肉 好好味 咁就醫返好我個肚🤣

對上一次吃華嫂已經是六年前在元朗，今日剛巧到觀塘再次遇上，一樣多人等候，安排完善，電腦排隊，預先點菜，食物入座後很快送上，還好我只是一位不用等太久。他們員工服務態度有禮上菜也很快，入座位置尚算舒適不算太迫。今次order 芫荽皮蛋湯底豬扒出前一丁加煎蛋，湯底濃郁，不用加辣油，或鹽調味，湯可以飲到底，豬扒好味又厚，皮蛋足料了一隻雪花皮蛋，超多芫荽另外，話梅柑桔也值得一試，可以少甜。是日大滿足一餐令人回味