華嫂冰室 (皇廷廣場)

Open Now

Now Closed

以前來過食午餐,今早路過所以又試吓早餐喇幸好不用排隊等候。豬扒面嘅湯底其實有幾種,不過伙記話要另加錢,所以無改到。豬扒大大塊,厚身而帶骨。調味Ok嘅,本人比較喜歡略帶肥邊果種(香口啲)面嘅份量反而少過塊豬扒,奇怪整體而言,一般街坊嘅食味喇。菠蘿油有幾款,咁第一次幫襯當然係點提嘅推介喇。咁又無揀錯喎的確係有新鮮感,(蕃茄+煎蛋+牛油嘅菠蘿包)。食味多重,入口香軟。好味另外單叫一杯奶茶,味道好啱飲。奶與茶都平衡得好好,香滑而入口有餘甘嘅

📍 華嫂冰室觀塘敬業街55號皇廷廣場1號舖檳城喇沙湯米線(雞翼）💰$49湯底濃烈椰香味 不過好快就好口渴 味精較重 雞翼好入味 配埋豆卜 索哂d湯🤤豬潤牛肉芫荽皮蛋湯米線💰$47薄切豬潤 好爽口 芫荽味重 好鮮！

🐹肥老鼠跟鼠友平日三點左右到觀塘華嫂，店外有三四人排隊，而店內也是是充滿客人，果然是高人氣的發燒店。等了一會就可以進，立即叫個招牌蕃茄通和咸牛包豬扒雞蛋蕃茄湯通粉（$51）這兒的蕃茄通湯底極濃，稠到不得了，就像野x生活支蕃茄汁倒下來做湯底，真是十分足料蕃茄湯少少酸味沒有假甜，光飲湯已經很滿足。因為湯底很稠的關係，所以是不能轉公仔麵。雞翼是用瑞士汁弄的，微甜挺入味，肉很淋很容易和骨分離。豬扒很嫩，一點都不鞋口，而且還保留少少香口感，正芝士咸牛肉蛋豬仔包（$23）最愛的芝士咸牛肉豬仔包！肥老鼠很怕食到周圍都是，所以沒有試過菠蘿包版。不過豬仔包已經好滿足了，包熱軟熟，夾住充滿咸香的咸牛、滿滿熱融了的芝士片、媽媽式的煎蛋好味杏仁露，熱（$15）杏仁露的杏仁粉落得很足，沒有淡口開稀水，杏仁味濃凍奶茶（$16）鼠友叫了個凍奶茶沒拍下來，未試過招牌樽裝那款凍奶茶，不知道會否有分別。但個人嘗了一口普通版凍奶茶，感覺普通啦。總結而言，華嫂的觀塘店都不失水準，比起總店還有冷氣涼更好。芝士咸牛肉蛋必試呀！

今天早上刻意步行很遠路去食早餐。餐廳內部裝修算新，環境狹窄，大部份座椅有背靠，少部份沒有，近馬路的幾張枱冷氣不足。秘製雞翼出前一丁34元，有三隻卤水雞翼，卤水味道甜美，雞皮嫩滑，雞肉粗糙，應該是煮得太久，配有少量生菜，新鮮翠綠。加12元可配熱奶茶，有茶味但不濃。早餐一碗麵一杯飲品合計46元，太貴了。

完全唔係唔好食直頭係難食。難食都算啦，最緊要要乾淨，個次食完個通粉又痾又嘔，唔知關唔關事呢？但我個日只食過佢既通粉做lunch 🤔好失落係因為以為咁多人排一定好食，點知貼錢攞難受。以後都唔會幫襯。

當日食12點 , 叫同事早少少接我位方便早D去取票 , 等左大約5分鐘果然未到12點就叫到我張票 , 不過我同事仲未到 , 先應左店員 , 一齊人就轉頭到我 , 同事12點10分到場我即刻向店員報數 , 大約2分鐘有位入座 , 算快吧! 我落單時仲未知蕃茄湯底係另加既 , 我又怕清湯底會好"寡" , 都係叫蕃茄湯底加$8啦 , 但食雞翼已夠晒味 , 呢刻覺得另加湯底唔抵 , 飲品呢...單叫$15 , 跟碗麵就加$12 , 都唯有咁叫圭飲品啦 !

每次係觀塘都想食華嫂冰室，但次次都遇著排長龍，難得星期一放假又係觀塘整完嘢，就去碰碰運氣。幸運地趕得切係五點收舖前做最後一位食客。香煎豬排大大塊，肉質鬆軟有肉味。皮蛋芫茜湯底果然大讚，芫茜味濃之外仲有大量嫩滑芫茜及皮蛋做湯料。另外通粉煙韌份量多。多士非常厚，熱辣辣烘底加上厚厚一片牛油，牛油半溶加上少少鍊奶，雖然邪惡但非常美味。奶茶出色，茶味濃夠香滑。

這間網紅茶餐廳中午12點前來吃都不用排隊，12點後就開始多人，所以我每次都在11點多去吃。這裡最出名的就是雞翼、豬扒、蕃茄湯底、招牌菠蘿油、鹹牛肉蛋豬仔包。相對於蕃茄湯底，我個人還是比較喜歡皮蛋芫荽湯底，因為味道清香，不會這麼油膩。平時我會選擇肉眼筋、魚肉皮蛋芫荽湯米線，但今天沒有肉眼筋所以改選擇雞翼。肉眼筋的筋位剛好，爽爽的魚肉是我的最愛，以前是煎魚餅，可能製作費時，現在是普通魚肉，但也十分推介！蕃茄湯底濃郁，與米粉搭配更好。不過吃多一點會很飽，有點油膩。華嫂的凍奶茶一般奶茶苦澀味較重，奶味也不夠，味道偏淡。今次沒有吃麵包，下次再來分享包類。

觀塘華嫂冰室 早上11:30前都唔洗點排隊下就就要到3:30後 先可以排短d時間一個人食 等候時間比較快基本上每次都會叫 蕃茄豬扒雞翼米線🍜豬扒有成個碗禁大 而且肉汁好多 好林而滷水雞翼都好入味 配個濃既蕃茄味湯底 好開胃（如果您想食辣 可以落辣椒油）飲品普遍都會簡凍奶茶 除左係個人偏好外 奶茶係的確比較香滑 而且可以簡杯裝/樽裝 （當然睇您簡凍/熱飲啦）女仔一個麵已經好飽啦 如果想叫其他小食/飽點 最好有多個朋友同您share 否則會好浪費

之前次次黎觀塘呢間華嫂都起碼要等一個鐘，多數都等到唔耐煩去左其他餐廳😂但上星期六見到唔算多人排，就決定乖乖地比啲耐性等下啦🙂係排隊期間，可能天氣太熱啦，有個食客中左暑，但華嫂員工好好，好快安排比佢入去先👍🏻今次試左個蕃茄豬扒通、雞翼麵、菠蘿包同奶茶，個菠蘿包用蕃茄同雞蛋做餡料，做法都幾特別，個豬扒麵我就覺得佢啲扒硬左小小，不過最鐘意都係佢個奶茶，好香滑，感覺好似上環瑞記個啲，值得一試👍🏻

今日放假好想食豬扒米線，諗起華嫂，打算碰碰運氣。3點幾去食下午茶，避過左午飯時間，果然唔駛排隊，太開心啦。除左米線，豬扒菠蘿包都係必食之選。價錢合理，味道不錯，下午茶之選，食飽左晚餐可以食少D😁😁。

華嫂一向係元朗推介餐廳之一，但位置不就腳，一路都未有機會去。雖然觀塘開左，但其實位置都不是近地鐵站，但都叫做喺市區，算方便左。所以，搵左個星期六專程來幫襯下先。來到門口，已見到一堆人潮，最終都等左差唔多45 mins, 但好在排緊隊其間，已幫我地落定order,一坐低就有得食。見有隻叫冰花奶茶，好奇下問下同普通奶茶有咩分別。原來係碎冰，咁當然飲呢杯啦！唔駛大大粒冰。個奶茶好飲，夠滑夠香夠茶味。order左蕃茄湯底+香煎豬扒及秘製雞翼。個湯底好濃蕃茄味，食食下都好快飽左。但唔得咁快飽呀！我地仲要試埋佢地2款出名既包。 招牌芝士鹹牛肉蛋豬仔包，聽個名已feel到好豐富。而家好少茶餐廳有鹹牛肉包食呢！好味!推介另外，招牌菠蘿包都好味，有牛油有蛋做餡個人覺得2款包吸引過通粉。唔知可唔可以下次只order食包呢？

依家去觀塘就食到華嫂 好方便大多數都係香港🇭🇰人 等左15分鐘就有位點左招牌菠蘿包、豬扒米線（皮蛋芫茜湯）同埋咸檸七。菠蘿包熱辣辣，脹卜卜，個皮好脆點估到依個隻皮蛋原粒切，仲要雪花架🤩芫茜份量好多。豬扒醃到夠晒味，煎香後放上米線面，好香口😋配埋最愛的咸檸七，滿足滿足👍

今日同朋友相約試試華嫂，去到都好多人，等左接近九個字接近到自己既時候職員會幫你落左單先，等你入到去可以快手快腳食地方比較逼夾同朋友一齊叫左蕃茄湯底豬扒米線，湯底頗濃郁，而且唔似用左罐頭、茄膏，整體幾出色，佢仲可以加其他餸鮮菠蘿油，好邪惡呀但厚厚涼浸浸既牛油，加上香脆菠蘿包，真係好好味喱個推介呀咸牛肉蛋餐包，其實愛包之人，只要個包新鮮熱辣辣已經好好味，佢仲要加埋半熟蛋同咸牛肉，成個包又香又有味道最後當然試試佢既奶茶，佢係樽裝奶茶，茶味好濃，如果唔太中意奶茶既人可能會受唔到，但都係值得一試。總結，包出色過主食，大家可以share試唔同既野，但地方好逼夾、又趕，唔可以舒舒服服咁食

華嫂冰室由元朗起家雖然未食過元朗既本店，但睇下佢其他地方既分店既人龍就知人氣有幾強勁，除左遊客亦到有本地人鋪頭唔做星期日同晚市生意如果想食就只有早餐同午餐時段個人經驗係，如果想食午餐又唔想等太耐既話就最好十一點半或之前去等位話說今次十一點十五到既時候，門口都已經有人等緊位等左十五分鐘左右就有位招牌芝士咸牛肉蛋朱仔包 - 每次我都會叫呢個包，好食👍🏻 大力推介😋豬扒喇沙米線 - 味道係港式口味既喇沙，未必啱想食正宗口味既人，但我鐘意食😉午餐肉雞翼蛋米線+冬陰公湯底 - 佢地既面食可以自選配餸，有選擇困難既朋友可以跟menu 上既圖叫餸，上面既配搭都唔錯樽仔奶茶 - 今次冇叫到，但好奶茶既人可以一試雖然長期多人，但華嫂係我其中一間會定期visit 既餐廳，而且食物一直都保持到水準