居食屋「和民」 (雅蘭中心)

Open Now

Now Closed

夜晚7點幾熊大陪熊妹去雅籣中心攞眼鏡，唸緊食咩好，去左2樓個洗手間， 經過和民，俾個餐牌吸引左，就即興入去喇。熊妹好耐無食過和民喇，記得中學個時和民風靡一時，開左好多分店，門口往往好多人排隊，當時的熊妹都曾為佢著迷架，生日節日起興都會約人食和民慶祝，鍾情於佢日本菜式小食多，味道又大眾化，價錢又合理。咁耐無黎， 起碼都有5年喇，菜式一定有不同喇。咦，依然有和民沙律喎， 招牌菜應該不會刪去的。仍然係有熊妹依然喜歡的吞拿魚醬， 再配上雞蛋，生菜，芝士，紅蘿蔔絲，熊大喜愛的蟹柳，加埋熊妹新寵的牛油果粒呀！不過得3，4小粒。成個沙律都好夾，撈上日式芝麻醬，簡直係熊大熊妹的恩物。熊妹奉給熊大的沙律，yayaya。前菜再叫左三文魚刺身， 有4塊，一般刺身size，厚薄適中，加上wasabi 豉油，肉質都幾新鮮，ok的。黎到居酒屋，緊係食啲居酒屋的特色主食喇。叫左個牛肉壽喜燒，細的，係日式傳統鍋湯底，甜甜地，即吉野家邊爐個款，鍋物有幾牌肥牛，感覺肥肉部位多點，熊妹唔喜歡肥，再有娃娃菜，金菇，一件豆腐，一件冬菇同一隻生雞蛋原隻上。 細心的熊大係熊妹忘於食不停期間已經打散雞蛋倒入鍋內，讚。 抵獎熊大價值$

和民價錢唔貴，坐得又舒服，最岩同朋友一齊去吹水聊天，加上冬天凍冰冰，想食日本野又唔想食生冷野，去和民就最多選擇喇今次人少少，剩係叫左個和風炒麵，芝士年糕焗蠔, 同埋牛肉煱。先講和風炒麵，唔掂!!! 絕對唔掂，超級咸😭 咸到我想拎水沖下佢，而且咩餸都無，又唔抵又唔好味😂😂相對下，牛肉煱就正常得多喇，雖然叫S一人份量，不過两個人食都岩岩好，小食多滋味麻最好芝士年糕焗蠔都唔錯，係有小小出乎意料地細，但味道ok, 啲蠔都好肥美。另外抵讚下既係個服務態度唔錯💪

Haven’t had the chance to come to this restaurant brand chain for awhile, since there have been many Japanese restaurants opening.Surprisingly the food wasn’t bad and some of the food that we ordered was quite tasty. The seafood we had was fresh and the sukiyaki beef was very tender.We thought that the portions was going to be small but actually for 3 person the food we ordered were more than enough. Would come back to try their lunch set again!

前幾日約左fd食dinner大家都想食下日本野，但又諗唔到食咩，就去左食久違既和民！我地嗌左個二人餐，無食一排好似進步左刺身都還好！特別推介個牛肉鍋，入面好夠料，湯都好入味！係扺食既

同朋友食午市套餐，餐廳人流不多，做開得個7張檯。坐低後冇人幫落單，落單後出錯野食，嗌左壽司上到黎冇芥末連醬油碟都冇。嗌左侍應幫拎個碟等左十分鐘都未有，再問多次侍應態度惡劣話「嗌左你咪等下囖」之後掉左兩個碟過黎。但依然冇芥末…唯有問第二個侍應拎多次。如果係好多人好忙可以理解，但明明冇乜人，d侍應都好似睇你唔到，服務態度都好差。食左咁多次和民，但尼餐廳野食質素一般…嗌左豚肉拉麪定食，個湯好酸好鹹。d面脹曬，味道都不如味精拉麪~三文魚壽司d飯散曬…

這是第一次吃和民，之前聽朋友說過不錯吃的，今天便想來試試看。星期五的晚上旺角十分多人，幸好沒有等了太久。旺角的和民裝潢亦很有日式風味。坐下來，看了看餐單，餐單上的圖片都十分吸引，可是由於我們只有兩人不能吃太多，最後只叫了一個石鍋帆立貝飯，跟辛辣的叉燒拉麵還有一個蜜糖介辣雞翼。雞翼的醬汁十分滿意，配搭在雞翼上令人感覺剛剛好。拉麵的叉燒口感難以形容，像有入口即溶的感覺，大讚！而石鍋飯雖沒有什麼醬汁但也不會感覺很乾，帆立貝，蝦 亦燒得剛剛好，不會硬，口感不錯，配合著熱騰騰的石鍋飯，一個字，正！

星期日9點到，得2-3檯，所以出得好快，叫左2人歡聚套餐（留意一張雙人檯唔夠放！）。首先個和風石鍋煮蜆雖然多蜆又夠熱，但都幾多沙同個湯有d鹹。跟住上主菜，牛肉壽喜燒，湯低真係好甜好好味，但份量就比較少。凱撒沙律好hea, 菜同bacon都大大塊無切咁,，季節前菜賣相唔太好，似湯渣，苦苦地唔太清楚係咩黎。嘢飲叫左蜂蜜生薑soda，薑都夠辣，但糖漿喺低，好難先搞得混。綠茶雪糕不過不失！值得一讚係服務都算幾好！

返工放飯同同事黎食返個靚飯再開工😜去到果陣3點8左右估唔到仲有午市套餐食🤣。D午市套餐望落比平日抵食而且仲包埋野飲，下次會再黎試下！最後揀左個脆炸雞肉盛滿丼！但上到黎先發現係配他他汁.....啊....成件事好肥，但食落都OK GE..不過如果個返有多返小小正常既汁就更好...依加食落好似沙律醬撈飯....不過個名真係冇改錯....認真係盛滿的說....食完呢餐飯之後，飽到痴線，返到屋企晚餐都唔洗食了..

今日同朋友仔係旺角睇完戲，諗住食返個平價底食午餐，兩個人都諗住食本野，最後決定食和民。我都好耐無食，見佢d lunch set幾底咁，而且日本野有我最愛既珍珠米😚😚我地叫左兩個set，仲附送每人一杯飲品。先黎呢個飯一開始望落幾乾，仲問侍應拎多左份汁，點知撈完發現都ok夠汁，牛肉好一般，欣賞佢濃厚既黑椒味而且個汁撈完d飯好香仲有d飯焦，食落香口又脆脆地有咬口，一個字「正」啊！另外跟既沙律無咩特別，個面豉湯不過不失，清清地吾太咸，味道岩岩好👍🏻之後就食呢個火鍋，十分底食，咁既價錢又跟珍珠飯又跟沙律又跟個茶碗蒸。鴨肉就一般啦，食落有d似牛舌既口感，又有d似豬潤咁既味😅不得不讚佢個茶碗蒸😏😏好滑啊！美中不中既就係佢個湯加左柚子皮去煮，得同朋友就覺得吾加會更好，吾想加既朋友記得要事先講聲。同埋我同朋友食到最後先發現佢個餐同餐牌上好似有少少圖文不附，原來餐牌張圖係有兩粒丸係上面，但送到黎我地吾見有丸喎，但係我地都食完就無再追究喇😂P.S. 中意有點辣味既朋友可以加埋七味粉，有少少辣味既珍珠米會變得更好味😎環境係吾錯既，午市吾算多人，地方都算寬敞，同三五知己黎食野傾計的確係一個好地方🙌🏻

個5色刺身最攪笑， 個碟超級大， 顯得刺身好少。 不如換過個細d既碟啦。 menu張相好睇d. 刺身新鮮既都。 個48 芥末雞翼都係賣相5得， 不過食落好味架。 最正係大阪燒， 估佢5到， 好食過k11 個間。天婦羅個皮1般。 鹿兒島牛肉鍋5錯。 牛肉少d甘啦。

曾幾何時的和民相當風光，這日本來的過江龍分店遍佈全港，小弟只在月頭出糧的時候才敢去，服務也屬中上級水平。近幾年不知是否被加租影響，分店一間接一間倒閉，質素也在下降。如果不是到太古辦一些公事，也不會到訪這間和民太古新店。聽聞他們作了一些業務整頓，現在又重整旗鼓，把食物跟服務質素重新改革，回復日本店應有的水準。 這個叫饗和民沙律特意加入了蓮藕片，南瓜，蝦肉跟日式水菜，即使不加入麻醬口感已經十分豐富，每一件配料都充滿水份，新鮮度滿分。 嬉野溫泉湯豆腐，用京都豆乳煮過的京都豆腐非常軟稔幼滑，上面的那一塊活像豆奶的皮是最佳點綴，不過本身味道不足，必須用餐廳提供的海鹽調味。 刺身盛合中的池魚最令人驚訝，口感非常爽口彈牙，水準直迫直送刺身。牡丹蝦蝦腸已挑，蝦身逞半透明，水準甚佳其餘的刺身比如海膽都是水準之上 饗和民太卷用上磯之雪當昆布，紫菜味道更上一層樓，裡面的蝦跟蟹肉把鮮味提升 是晚最精彩的就是雞串燒，醃得剛好，煮得非常ＪＵＩＣＹ，肉汁充滿雞肉串內部，雞肉味道非常豐富（好像是用上了日本進口雞肉），媲美中上級日式串燒店 火口鍋是ＦＵＳＩＯＮ菜，用上偏甜泡菜，微辣提升了配料的味道，黃牙白，草菇，豚肉等

點左個新出嘅冰爽！長腳蟹冷麵...好難食...黎到啲冰已經溶哂..水浸拉麵..長腳蟹只夠sip牙隙...另外再點左個鰻魚山芋木桶飯..$98得3片薄切鰻魚...淡過水烚...仲要俾你溝湯飲...可想而知..不過同經理溝通番..佢了解即刻幫我地換..但係真係冇哂信心...

行完街街突然好想食冷麵，諗住好耐都係諗到和民有冷麵食。去到門口都要等一陣位，15分鐘就有位。見到menu又有新的食物，鐘意試新野既我又點會錯過呢首先打個邊爐，朋友話要食牛肉壽喜燒，最後叫左鹿兒島和牛壽喜燒，鍋入面有和牛、豆腐、大蒜、粉絲和蔬菜，另外仲有隻生雞蛋。薄薄的牛肉煮一陣就食得，鹿兒島和牛入口好快就溶。湯的味道甘甜超喜歡明太子玉子燒，玉子軟彈有口感加上好多的明太子真係好夾食完D熱野就係要食D凍既野蕎麥冷麵，冷麵軟硬度岩岩好，只係冷麵就比較喊啦，最後我要加少少水就得

今年情人節，我男友送我一束小花束💐及預備同我睇九點半電影。當日好多一對對情侶及大部份餐廳都要等好耐先入得，所以我們選擇了和民。那天我們只需等半小時就入到去而且散叫野食無加價。連set dinner 都係三百元二人餐，真係適合年輕小情侶。我們仲有時間點牛肉鍋加烏冬，和民沙律，烤雞捧及鰻魚玉子燒。和民沙津每次都叫，招牌一定好食相反叫新野就出事，一條雞捧就30幾元，完全不值。而且同我想像有出入，我以為雞皮包住雞肉燒但不係呀，佢肉身鬆散而且乾仲無汁點。下次一定不會叫 !牛肉煱大喜燒好食之選。我見幾張枱有叫。鰻魚蛋玉子燒都幾好食，份量都幾多。佢最好嘅地方係唔會有交枱時間，適合談天說地。

今日路過旺角雅蘭，見都好耐無食和民，新年前豪啲入去食個豪華午餐啦入到去都幾多位，座位之間都有少少窄。入到去見到個menu...嗯...一如以往的貴最後揀左7號餐迷你三文魚刺身飯成碗飯其實好迷你，份量少。面頭有約4塊好薄既三文魚刺身、三文魚子、甜薑、少量蛋絲及wasabi。味道都ok九州豚骨湯拉麵加沙律。沙律比較hea左少少。拉麵叉燒有2塊。湯底既豚骨湯好濃，好入味。麵條我鍾意佢有少少硬身。蜂梅蜜我覺得呢杯係成個餐最正既一件事。酸酸甜甜好好味，2種味混合恰到好處又唔會互搶。