居食屋「和民」 (雅蘭中心)

Open Now

Now Closed

今日又同男朋友一齊揾食，✌✌✌去到旺角唔係食小食，就係食放題，大家為左就腳求其簡左間食日本野食和民餐廳一見到餐牌燒魷魚🐙🐙🐙68蚊原隻好抵食，即刻叫左一碟，食落口感唔錯，幾彈牙，唯一缺點無味，要靠沙律醬去調味，一般般跟住，叫左兩個主菜一碗叉燒拉麵，味噌生蠔火鍋&刺身加埋509蚊埋單，真心講句係有d肉痛，因為食物質素麻麻，如果咁嘅價錢係旺角可以食到好d嘅放題，有所失望先講下，個叉燒拉麵，不得不贊係個溏心蛋，唔好睇佢個樣好似爛左咁，但真係好正，入口d蛋汁係爆出泥，同埋最重要醃得入味不過我就食唔慣個拉麵質地，有點硬，一夾起個麵係一餅餅，唔係一條條分明，湯底就一般，加d七味粉會好d，係細碗大食嘅人一定食唔飽然後，係刺身2百幾蚊，一放係枱上面"嘩" 好似好正喎！點知食落口......感覺就係好冷，雖然魚生應該係冷，但係又冷又凍係唔太正常，唯有攤一陣先食，份量兩個都足夠，魚生比較簿片食落無咩味，刺身元貝幾大粒，口感唔錯價值一試。蝦係咁多個裏面最正，又大隻又新鮮，完全無黑到最後一個我覺得咁多到野食裏面唯一抵食嘅主菜，生蠔火鍋，生蠔我地兩個超碼每人食左5隻，正係而度都抵爆，仲要有🐖肉、菜食，係唔錯的選

今日冬至老闆請食午飯由我話事，好似耐無幫襯過和民就這間吧！記得上次還在裝修中，今次去已有新格局新感覺了，我們 12:30 去到已有八成滿座，幸好還有張四人檯！午市定食有蕎麥麵、烏冬及拉麵午市定食當然仲有各色飯類可選擇啦！照燒蒜香雞扒定食 $58照燒醬雞扒，試了一件都可以，有肉汁雞脾位都嫩滑，不過雞皮同雞肉因粉漿問題令到好糊口，沒感到有蒜香味，都係一般水準。花魚燒定食 $78近日太多節日要慶祝，所以考慮良久都是點了 C 餐，花魚燒定食，花魚即青魚，其實這份定食都算貴，半邊青魚又咸又腥，仲要煎到太乾透，真係有點失望！幸好仍有沙律菜同麵豉湯可以塗飯。好彩老闆請食飯，如果唔係都幾肉亦，用左和民咭 有 5% 折扣。

話說今日難得去旺角行下，感受下有幾咁多人既感覺肚餓TIM，突然想食和民！諗都唔洗諗，好彩一上到去唔洗等太耐。叫左滑蛋豬扒（唔記得正確名）加左個白飯：）講真，呢個豬扒真係無得輸！ 之後叫左個和風PIZZA，可惜既係佢個餅底轉左 無以前咁薄......依家好厚呀仲叫左壽喜牛肉鍋，落左單等左35分鐘先到.......味道係好，但係等得太耐啦

和民食物質素大不如前，menu少左野食，仲要野食質素極差，枱又細又迫，叫左和民沙律，呢個算正常，沙律唔洗煮都難食既話死得，炸海老壽司卷，海老？定甜蝦黎，細隻到睇唔到咁滯，以前都唔係咁！北海道十勝豚肉飯，d肉無汁，無味，兼非常韌！我係咪食緊野豬？雞肉火鍋，得四舊雞，有粒仲要係皮包骨，無肉食，超差！茶又唔熱，枱又細，一早上左個爐，同佢講無位擺野食，佢話夠，但最後都唔夠擺，要將沙律擺係爐上！永久bad list！ 執左佢啦，唔好做壞人地和民係日本個名！

You would think that at Watami, a restaurant that isnt cheap, the food quality and service woukd match the price on the menu. We ordered a noodle ramen set, as well as the okonomiyaki, and both were far from satisfactory. The ramen noodles were undercooked, the broth so salty that there was a slight burn left in the throat after finishing the noodles. The okonomiyaki was burnt around the edges, and I'm talking about black burnt, not slightly brown, and the pork inside did not seem to be complete

和民曾幾何時係我去旺角嘅飯堂有段時間好鍾意去collect point 買衫次次買完好開心之後就會去和民食飯價錢都算中等以前食物質素OK服務都唔錯今日買完衫去雅蘭中心和民食 late lunch服務唔知幾時變得咁不知所謂上至經理。下至傳菜 waiters 全部黑口黑面叫幾次都無人應但佢哋又好明顯咁聚埋一齊傾計Menu裏邊我叫左個幅相最靚＄120嘅 weekend lunch 午餐等左差唔多半個鐘侍應都冇一個經過嘢食有冇叫佢哋今日冇乜反應等了又等見到實物好失望壽司飯好硬好乾一放入口就知唔新鮮三件都係質素低劣嘅三文魚元貝簡直差過我去超級市場買嘅唔好食天婦羅更加係差蝦肉唔爽冬菇細粒到不得了仲要炸燶咗蕎麥面唔夠爽身唔彈牙個汁更加係出事好鹹加＄30要咗杯芭菲雪糕已經開始半溶好假嘅綠茶味杯底用上大量嘅脆脆片味道一般成件事搞到好差勁$170 的午飯唔會有下次幫襯呢間

有冇人覺得和民個價格好似平左好多！宜家為返百幾蚊一個人就有交易啦。可能香港日本菜競爭太大，不得不以較低價格吸引客人。平左之後，自然覺得菜比較值了。但試過咁多種菜之後只可以話冇咩特別，去唔到我首選位置。燒野菜串普普通通，簡簡單單都可以保留到蔬菜原味。可惜顯示不了誠意同心思，其實唔同甜酸度既蔬菜可以用返略略唔同既調味，咁會特別少少。凍喬麥麵都過得去，好可惜我係素食者所以唔可以用佢地配好的鰹魚汁、否則應該更好味。芝士薯餅就唔係咁好食，上枱熱度已經好唔夠。芝士味較多但食唔出係薯餅、唔講仲以為係芝士年糕。

和民一向是學生年代至長大的飯堂，價錢親民，選擇多而且是大眾喜愛的日本料理。餐牌的烏冬類只有牛肉烏冬和雜錦天富羅烏冬兩個選擇。牛肉烏冬用鍋上，另外附上日本蛋一隻DIY，有點多此一舉。而且鍋爐佔了二人枱一大部分位置，有點不便。烏冬是瑾高噹噹烏冬一級的貨色，不是嫩嫩滑滑的那種，份量亦不多。牛肉肉味欠奉，有點韌。沙律類選了雜錦刺身沙律。沙律汁酸酸甜甜的，十分醒胃。雜錦刺身份量比想像中多，三文魚吞拿魚和一種白魚，雖不至於厚切，但尚算不錯。芝士pizza算是新嘗試。芝士味濃得有點臭，pizza上並沒有其他配料，餅底是超市會買到的貨色。但附上的蜜糖算是點題，令平凡的生色不少。玉子燒是純蛋版本，他們有另一款是內裡有鰻魚。玉子燒比較油，木板子上滿滿的油脂。但味道不錯，幼滑。十分欣賞一個見習supervisor的工作態度，有禮有效率。

隔左兩個月再黎雅蘭分店，裝修完之後個店面靚左好多！分開左兩邊，兩點左右既時間店面人不多，適合relax享受午餐。 連餐牌都覺得更新左，但食物價錢就唔多覺貴左幾多。 飲品仍然係咁抵飲，巨峰梳打$19、抹茶黑蜜牛奶$38，呢日天氣超熱，真係解渴良方！ 叫左個帆立貝刺身，不過就一般般，唔太新鮮。 雞軟骨新鮮整起，都保持到之前水準，炸粉不多，份量適中。 叫左啲壽司，不過不失，啲飯係暖既就麻麻地... 今次試左黑椒蜜糖雞翼，超好味！ 可能係因為鍾意蜜糖，炸雞翼加少少黑椒，配蜜糖真係正！ 叫左個捲蛋，unexpectedly好味！ 蛋好多層，每一層都好薄，而醬汁唔會太咸，夾埋蛋既味道剛好！ 鍾意黎和民既主因，係因為唔限坐幾耐（可能中午唔限）又可以慢慢歎，又唔貴，所以我唔介意去啲偏啲既商場去幫襯架！

吃這一頓飯的時候沒有特別去拍照..因為一直在餓其實環境本來覺得還OK但一進去就覺得很吵..可能是空間沒有太大..也可能是晚上七點半, 人比較多吧..沒關係然後點了一杯朱古力鮮奶曲奇沙冰, 一杯青檸可樂,一個豚肉拉麵,一個魷魚筒飯十分鐘左右就來了飲品,然後就先喝一下跟朋友一直聊, 聊著聊著其實又很餓了..看看手錶, 已經半個小時!就追一下單..問一下詳情待應其實很有禮貌說去問一下再待了五分鐘, 烏冬就來了份量比較少 (不好意思, 很餓..沒拍照) 但拉麵倒是不錯吃的, 麵身比較硬, 也沒糊掉但湯底有點咸~跟朋友一人一半, 沒吃太多, 所以又開始餓看看手錶, 已經又過了十五分鐘魷魚筒飯還沒來其實前後已經四十五分鐘..很明顯是漏單再問一下..就待個十分鐘就來了我覺得飯有點太黏,醬汁也有點太甜...匆匆吃完沒太大感覺..其實再坐一下已經八點四十分..付錢結帳..付了錢等找換都要等十分鐘.. 旁邊坐的客人, 已經不太耐煩, 因為他們叫的火鍋, 半個小時只來了一個GAS爐...催了好幾次, 他們打算取消走的時候那個鍋才來...很明顯待應不太夠..也看到還在教新人..很抱歉沒有食物照片但如果大家很餓

曾經有一段時間鍾愛和民，仲開左張卡添！ 隔左一排無食，今次食雅蘭分店。適逢店面裝修中，都係照常營業既。兩個人都係叫小食為主：銅板燒超咸。。 醬汁太濃，食唔落。。。魷魚筒飯又幾好味，唔會太濃，魷魚又夠稔。 蜜糖雞翼個賣相都幾醜。。。 但個醬ＯＫ既。壽司就不過不失啦！鯖魚比想像中大條又好食，讚！ 飲品實惠都係和民既賣點，夠公道！ 其實當日唔係咁Full，可能我地叫得多野食啦，二人枱唔多夠放，有Ｄ迫，改善下呢個情況，或者張枱大返少少會好Ｄ。

雖然和民開左有一段日子, 但約朋友時不時都會選佢. 難得呢度會不斷更新菜式. 絕對值得一讚.由於上星期腸胃不太好, 再加上有朋友唔食生野, 所以雖然黎到和民都係無叫生吃.四個人叫左個牛肉窩, 由於唔想太肥膩所以叫了普通牛肉. 個窩除左牛外, 其他都係疏菜. 十分健康, 有豆腐, 紅蘿蔔, 冬菇, 金菇, 高麗菜等. 清清地. 黑椒雞翼, 剛剛好四件, 一人一件, 明明係黑椒雞翼, 但居然有一件係完全無黑椒, 真係天助我也. 食起黎果然一d都唔辣. 只有熱辣辣個辣. 一咬開就出晒煙. 唔食生物, 所以叫左個熟的饅魚壽司, 壽司size居然每件都不同, 由第一件大大件到尾就越食越細件.. 究竟想點? 但呢個好飽肚, 每人食兩口就夠. 鰻魚還不差. 味道剛剛好. 大阪燒. 一黎到d木魚跳跳下... 十分好玩. 大家係咁係度拍片. 食落去都係新鮮熱辣. 而且好軟身. 十分易入口. 不過咁多醬會不會好肥?呢個係餃子. 一上枱我都嚇一嚇. 可能見識少, 好少見到餃子連埋個底一齊上.. 但朋友們好開心個個當薯片咁食, 脆卜卜. 但我食左少少覺得有陣油益味, 所以都係小食多滋味. 講番個餃子, 係ok

和民以日式料理為賣點，但對食物質素既Quality control 就無日本人一樣咁認真~ORDER左既牛肉烏冬配三文魚飯比預期既差!烏冬十分粗身，彈牙有口感但主角牛肉卻有D靱...牛味尚算濃，尚可合格!三文魚飯係一大伏!!三文魚唔算厚身，而且可以見到三文魚無脂肪紋理入口少少三文魚魚油香味都無~壽司飯理應加入醋，但就一點醋香味都無法!而且較乾同硬...好"鞋"口

本來以為這間和民執咗，發現只是裝修！雖然黑椒蜜糖雞翼無再拆開單骨上碟，吃來無咁方便，但味道仍保持水準，是必點的一道菜。天婦羅中的蔬菜挺好，但炸蝦就没有蝦味。魷魚筒飯的魷魚尚算好味，但飯就太冧，不夠入味。牛肉鍋則還好，都算足料，湯底咸中帶甜。不過其實這道菜和自己打邊爐差不多，只要材料新鮮也不會太差吧。哈哈

久不久既ladies'night，2個女仔一齊多數都係食日本野，今次我地揀既係和民。雖然見到個2人餐好抵好多野食，但係實在份量太多，2個女仔無可能食得晒，所以最後都係散叫，叫左2個主菜加一個小食。牛肉鍋燒烏冬: 雖然本人唔食牛肉，但係我都有試過D烏冬同湯底，鍋燒烏冬湯底味道夠哂濃，烏冬幾有口感，不過配菜就實在太少啦。東京滑蛋豬扒飯: 呢個飯有分大同細2個SIZE，眼闊肚窄既我地揀左個大既，最後食唔晒。滑蛋豬扒飯上檯一睇就覺得好吸引啦，豬扒厚身大件，咬落去外皮半硬半軟，肉質又鬆化又有口感，而佢個半生熟亦有蛋汁既滑蛋又有好濃郁嘅蛋香味，真係天衣無縫嘅配合。關西章魚丸子: 粒粒燒好既八爪魚, 入面仲係岩岩好半熟既狀態，上面加上燒汁，沙律醬同會動既木魚絲，大大粒，超級正，不過一份有成8粒，2個女仔share2個主菜後再食呢個小食最後都係食唔晒。