西苑酒家

Open Now

Now Closed

慶祝週年紀念日，決定揀西苑食中餐，目標係享負盛名嘅爵士湯和一哥叉燒。早一日電話訂位食晚飯，當日準時到達，被安排坐大廳，大廳大概有15張枱左右，枱與枱之間有足夠空位，唔會太擠迫。兩個人食飯，叫咗1.爵士湯半煲，2.例牌一哥叉燒，3.重慶雞煲（半隻雞），4.海鮮泡飯。-爵士湯：總共有四碗，湯渣有响螺，點豉油好味，老火湯夠味，好味，但飲唔出蜜瓜嘅甜味。-例牌一哥叉燒：有十二舊，每舊都有一定厚度，味香、肥瘦適中，蜜汁有甜味唔會太鹹，好！-重慶雞煲：香噴噴，少辣，煲內料頭多，有蓮藕薄片，爽口，唔會死咸。-海鮮泡飯：真係好好食，海鮮味夠清甜，加上脆米，口感一流，值得推介！另外，想提一提嘅就係員工嘅服務態度，睇其他報告講佢哋嘅服務態度好差，食完成餐飯我又唔係好覺，老食店老員工，態度重好親切添。總括來講，滿意嘅一餐晚飯，肯定會翻食。

只叫時應一句, 回覆就是你等一陣好冇呀？？我做完手上既野就会幫你架喇！！！以後吾会再黎, 我係用lee garden coupon,問尾數可否用八達通, 收銀話冇架！！淨係收咭！ 我回應我只係問下有冇啫！！

週六晚問E君，明日晚餐出外吃嗎？他查看日曆之後，發現是自己農曆生日，從來沒有想過呢日慶祝，但既然遇上，即是要出去吃餐好的啦！皆因這位阿叔擁有一個傳統中國菜胃，帶他到西苑應該沒有錯！況且，剛好買了利園商場 Power up 的七折飲食券，本來就打算去。因為想用盡優惠，來之前本已揀定心水菜式，不過發現有特價遼參魚翅餐，又真是抵，本來一個關東遼參扣花茹賣$300多、紅燒鮑翅 $538，現在的套餐再加四道菜才$680/位，再七折吃，即是$476，嘻嘻，貪小便宜心態改變主意了！沒有收過分額外茶醬錢，茶錢每位$18，花生收$20，白飯$18，這方面值得一讚。大哥叉燒從前坊間沒有這麼多黑毛豬叉燒，大哥叉燒算想當年是叉燒界的阿哥，現在當然被蓋過。雖然並非黑毛豬的貨，選材保特有一手，梅頭肉中帶有嚼勁的筋肉，細味品嘗，爽與腍交替變化，十分合意的口感！叉燒帶少許焦香，叉燒汁鹹甜到位，豐富入味，套餐只有厚切四片，散點如果冇記錯是$198，唔知會唔會份量會多些。紅燒鮑翅自從大家崇尚環保之後，實在少主動食翅，不過我又並非太執着，隨緣吧。久違的足二両，傳統的味道，清而味濃的上湯，據說份量跟省點的一樣，的確是益街坊！

開咗幾十年嘅西苑酒家眾所周知，食嘅味道都係我哋小朋友時候的味道，廚房功力永遠保持水準，食材選了也是非常執着，價錢與功夫相比，老實說真係唔貴，今次冇叫佢哋嘅招牌湯：爵士湯😍下次你哋去的時候最好早一天訂

朋友帶我來西苑飲茶，我是第一次，他們則已經是常客了。這樣的話，當然有朋友發版，介紹我有什麼好吃吧！他們推介我一定要吃叉燒，還要選半肥瘦的，果然沒有推介錯！點上蜜汁，肥瘦平均。斑腩炒河也是一流的，斑腩是炸過的，咬下去啖啖肉，炸得酥脆，河粉也十分入味。蝦餃啖啖鮮蝦，牛肉腸也十分足料。再來個甜品，推薦綠豆味的，有蛋花，清新又清甜。午餐時段要訂位，十分爆滿，服務也很不錯呢。雖然價格偏貴，但質素有保證，可以再來。

公司中秋飯，由於戰鬥力弱，我打包左幾樣返去，食左成個weekend XD 唔好浪費麻~ 西苑叉燒出左名啦，可惜我唔好肉,但真係好林好好食既,但個5小碟裡面，我最鍾意都係菇菇XD 但都要加個pet唔知係XO醬定辣醬既物體~乳豬大到似小豬而唔係乳豬，但我唔明點解佢個包係咁既大細... 不過唔緊要，我重點係個包!個燕窩似粟米雞湯XO醬爆蝦球，個人黎講個XO醬好唔XO, 但有金華腿，蝦米仔咁... 東星斑蒸既時間岩岩好，但上菜有點hea, 有同事好快手咁開左條魚，大家食得巧思服菠蘿咕嚕肉，我覺得唔好食，但其他人覺得好好食，佢一放落黎... 我心諗咁既樣既... 食落... e... 醬油脆皮燒雞, 呢個就係我打包左，之後仲要分左兩餐食先食得哂，果然去到雞就食唔落XD清炒菜心遠，佢唔差，但賣相hea到一個點XD蝦子乾燒伊麵，有蝦子好香，無蝦子就差緊尐鮑汁荷葉飯好香好味，但可惜已唔多食得落剩下既甜品，我只食左碗出名既紅豆沙，佢真係起哂沙，又唔算好甜，只係我唔甜啫~

好朋友的生日，當然要搵最好的歺廳慶祝.愛吃中歺的生日寶寶，西苑當然係其中一個首選. 其實從舊鋪到現在已幫襯了很多年，食物味道仍然保持不錯. 爵士湯當然是首選，用蜜瓜煲花膠，響螺，雞等材料，每次必order.另外一個是叉燒也是必点，鬆軟有肉汁令人垂涎三尺.另外一個發現是重慶雞煲，沒有外面的死咸勁辣，只是雞肉比較少，但味道不錯.京都肉排也是不錯選擇，沒有太甜，肉汁正常. 而服務亦是一流的，不停自動換骨碟及添茶.是日8餸一湯都只不過消費$600元正，縂括來說是藉得再去的.

星期日中午一家8人一齊去銅鑼灣飲茶, 今次去利園商場一期的西苑, 我哋之前訂咗位, 所以唔使等. 以這個地點, 中上價錢, 枱擺得比較密, 不過銅鑼灣咁貴租, 都明白嘅. 侍應們服務都唔錯, 快手快腳, 但係實在不夠人手. 好啦, 講到食物, 不逐一講, 重點: 糖醋豬腳姜 $98 - 有兩隻蛋, 啲薑完全冇喳, 好正!蝦餃王 $68 - 收得這個價錢, 夠新鮮大隻.雪影叉燒餐包 $45 - 外脆內軟山竹牛肉球 $45 - 寫到明是100%純牛肉, 這個好! 例牌叉燒 $128 - 有八件, 出名當然唔差例湯 - 這個比較敗筆, 有好肥的燒肉去煲, 睇到都唔想飲! 我哋叫咗一個四人餐, 再加左一啲點心, 都食到好飽, 好滿足! 每人大概$160.

［openrice唔俾我post咁多相，請睇photos]糖醋豬腳薑（$98）好細煲，但係好好味，有兩隻蛋大哥叉燒（$128）果然係出名，好腍，肥瘦平均，但係好細碟。蠔皇叉燒包（$34）- 包好軟同埋幾多函西苑蝦餃（$68）雖然貴，但係每一粒都有唔少蝦，皮好薄👍🏻山竹牛肉球（100%純牛肉）（$46）- 較貴，味道唔錯懷舊馬拉糕（$38）- 好鬆軟可口上素蒸粉果（$38）- 皮好薄，多函雪影叉燒餐包（$46）包比較細，但係皮好薄好靚，有適量嘅函。四人精選午餐（$480）原煲老火湯（半煲）- 好清甜，但係豬肉好韌😓紅燒豆腐煲 - 又係好大煲，豆腐好滑薑蔥撈麵 - 好好味，第一次見酒樓有呢D餸🤔，又係好大碗香竽牛肉煲 - 第一次見咁樣嘅煮法，味道唔錯，好大煲😮果皮蒸海斑腩 - 滑，肉幾白，冇乜果皮味，個人較鍾意薑蔥撈麵 - 好好味，第一次見酒樓有呢D餸🤔，又係好大碗精美甜品（紅豆沙）- 有四碗，唔太結我覺得四人套餐幾抵食👍🏻單點點心就好貴，但係食物質素唔錯。真係唔夠侍應serve我哋😓我自己就唔會特登嚟食。

今日同家人黎食午飯，首先叫壺鐵觀音，一倒出黎好似普洱咁深色，飲落去都唔似鐵觀音味，開個茶壼睇下，啲茶葉好滿又浸到開晒，好明顯唔係新鮮冲，收咁嘅價錢俾啲咁嘅野人，離晒譜叫左8樣點心，等左20分鐘，追下個鮑汁鳳爪，個黑衫話賣晒，我話咁你唔通知聲嘅，佢居然話唔係佢落單，唔關佢事，即時叫佢打張單出黎，其餘7樣都有打單，包括xo醬腸粉，頭尾等左40分鐘，追佢，佢又先話賣晒，今次有打單都話賣晒？！點解又唔出聲？！服務態度差成咁，食到一肚氣

今晚一家4大兩小去晚膳，叫咗個4人餐再散叫小菜。其中餐有個爵士湯，大家齊齊食湯渣時，老公發現咗隻中型甲甴WTH!霎時間胃口全無！樓面say曬sorry清走湯同湯渣，話換西洋菜腎湯。但又無話補番差價，爵士湯貴d嘎嘛！都算，轉過頭又話得豬肺湯我明所有餐廳廚房都有甲甴，但成隻上真係震撼過煙火匯演。又唔係屋村酒樓價錢，衛生可唔可以好少少？最後當然無比折頭，可能係我地無嘈佢地或影相留證據。番屋企拿拿聲食益生菌免得肚痛。

主要係個中年阿叔態度非常之差佢上菜嗰時我梗係順手叫佢加水啦佢就好噪咁話你等等先啦好冇同埋大大聲咁話啲內地同胞真係好煩其實 你喺啲本地人面前話其他啲客麻煩畀人哋印像都唔好其他人服務都ok嘅不過我印像中佢啲嘢食都算唔錯今次真係中伏了個xo醬 炒蘿蔔糕真係勁唔掂完全冇蘿蔔味炒到變曬形咁樣反而佢嘅燒味都幾好食叉燒半肥瘦入口鬆化燒鵝都算唔錯但係個套餐好騎呢咁樣竟然有番茄炒蛋仲要係用個大碗上亦都不附上白飯反而個蝦籽伊麵有驚喜個金錢肚堅唔好食咁嘅嘢食同咁嘅態度真係唔會再返嚟

朋友話這間酒樓食物有水準，好彩訂左位，原來幾多人，點心也有好多選擇！芋角炸到金黃，香脆，入面芋頭蓉粉身，好香，有豬肉，味道剛好蝦餃晶瑩，入面啖啖蝦，爽口好味，有些菜粒更香。春風得意腸，春卷香口又脆，腸粉滑身，馬拉糕好深啡色，好味夠軟身，叉燒包也是軟綿綿的，入面叉燒唔肥。雪山叉燒包好味，面層甜甜地的，入面叉燒香甜，咸水角也幾軟身，香口，感覺唔熱氣，好味。燒賣好大隻蝦呀，入面也是蝦，爽口又唔肥薄撑係半煎炸，金黃金色的，好香脆，用料足，有好多海鮮，好多蝦的。炸魷魚酥，也是炸到金黃色，好鬆脆，正呀九肚魚又是炸到金黄色，入面超熱又滑又香，外面粉薄脆口。蒸蘿蔔糕好足料，好多蘿蔔絲，葱，蝦米，蘿蔔，也是好好味整體服務好，食物有水準！！

閨蜜慶生，推薦西苑，當日是星期一，入坐率大概五成，朋友都來食過幾次，知道該點哪樣，結果~ 爵士湯，冇~ 菜湯 要兩盅得一盅~ 真係咁好賣？😆 食食下，清湯腩有頭髮😣 ~ 生炒糯米飯加大走青， 炒咗三次先至 係加大同走青 😂😂😂 其實食物質素係幾好嘅 (有啲)， 不過唔夠人手 加豬隊友 😆😆😆 咁就夠上西天了~大哥叉燒厚切肉質是軟 但肉味不突出比較普通。😆啫啫芥蘭夠鑊氣 🤗花膠銀杏腐竹豬肺湯 ~ 感覺滋補 😍陳腎西洋菜湯清甜~ 😀豉油雞嘅豉油， 調配得好，鮮甜不太咸，雞係有啲肥，肉質嫩滑 😚😚生炒糯米飯~ 炒得鬆軟， 飯粒粒分明👍， 臘味份量很多， 有點太足料了 😆😆飢Point : 7/10#hungermarch #飢詩 #非飢詩

Going to West Villa is like a ritual. Got to be eat there at least 2 to 3 times per month.Best quality dim sum, especially the shrimp ha cao, and char siu steamed rolls, my favorites!The char siu pork there is the best i had in HK. Roasted pigeon is prime too! They kind of master all the traditional HK dishes! Busy but friendly staff!The prices there are a bit above average but the quality justifies.Must try!