Wheatfield X 羅宋湯專門店 (東薈城) (Closed)

用消費券血拼尾場,想食d濃味小小的食物,見到有羅宋湯專門店,就黎左呢間試下牛肉湯!叫左佢個羅宋湯全日餐一上台好大碗,好濃好香帶點點辣,好足料!好多舊肉同蔬菜基本上細食的女仔食一碗都飽個餐仲有豬脾肉包包皮外脆,唯肉質屬乾身好彩有醬料搭夠,袋半個都好飽!紅菜頭麵一上台嚇親,成碗紅色,滿滿紅菜頭,懶健康之選d麵都係紅色,算係清淡同場加映 蝦多士多士有點厚,吸晒d油,蝦比較實身,入面混左紅蘿蔔粒同蔬菜粒,同出面食的蝦多士唔同但成口油就係了

今日入嚟東涌staycation check in 去左搵食。見到喱間羅宋湯專門店，似連鎖店但又不是周圍都有，難得入嚟見到就試一試！一行5人大家其實都剛食過早餐無幾耐，所以只點了3份餐。香煎鹹牛脷脆豬扒包跟大碗羅宋湯紅酒會牛肋條飯和秘製咖喱雞球飯就只有碗細羅宋湯凍鴛鴦、蘆薈蜂蜜四季春和粉紅西柚蘆薈桂花四季春（這兩杯加左$12特飲）羅宋湯真係幾足料，唔係落左好多茄膏嘅啲，真係幾好味先講個脆豬，包真係好脆，入面塊牛脷唔算大，但好厚又好林，配上生菜🥬番茄🍅沙律醬，唔會大亁，好味！紅酒會牛肋條飯，個汁幾好味甜甜哋又帶點紅酒味，牛肋條都有4-5條，同牛脷一樣林身，唔銀唔會咬唔開咖哩雞球飯相對就普通一啲，但咖哩唔會好辣，雞球啖啖肉，啱晒我而飲品杯粉紅西柚就好飲過蘆薈蜂蜜，酸酸甜甜下面一樣有啲蘆薈，大熱天時飲都幾解渴。總捨：鍾意❤️飲羅宋湯係值得一試，其他食物都唔錯，略嫌價錢貴了一點！

weekend去東涌行完outlet順便搵下野食~😋😋見到哩間▶️"羅宋湯專門店"個名夠哂吸引~一於就試下佢啦~坦白講~價錢又真係唔算平既~就睇下佢係咪真係咁好食先~▶️全日自選配搭湯都套餐($82)✔海派牛腩羅宋湯配手打烏冬✔麻辣嫩雞柳絲▶️廚師推介套餐($88)✔牛腩羅宋湯✔汁燒豬脾肉脆豬仔包睇舖頭名就知佢地既主打係羅宋湯啦~咁~飲落又真係幾好味既~湯送到黎夠哂熱辣辣~羅宋湯味道夠哂濃~而且湯內仲好足料添~🤤🤤蔬菜多之外~牛腩都唔少架~而且牛腩煲得夠哂淋~👍👍👍👍👍至於個烏冬~我覺得食落麵粉味重左少少😔麻辣嫩雞柳絲細細碟咁~味道也不錯~不過~係冇唸過佢都幾辣架~🔥🔥至於另一個餐既汁燒豬脾肉脆豬仔包一黎到已經覺得好正啦~😍😍😍豬仔包夠哂脆~而裡面既汁燒豬脾肉燒得岩岩好~有肉汁好JUICY架~😋😋整體黎講係唔錯既~不過就略嫌貴左少少囉💸💸

打工仔終於捱到星期五，諗住買件衫獎勵下自己。同太太去到東薈城名店倉買衫，行到咁上下又係晚餐時段，見到間羅宋湯專門店，以為係食西餐入去坐下，估唔到啲食物係茶餐廳嘢食。我叫咗個廚師精選熱奶茶+汁燒豬仔髀豬仔包+海派羅宋湯個羅宋湯的確唔錯，料夠多湯亦都香。豬仔包外皮非常香脆，不過我認為內餡嘅豬仔髀有啲乾，唔夠juicy。太太叫咗個紅酒燴牛肋條，升級咗套餐，要咗碗清雞湯同一杯特飲，清雞湯都值得一讚，不過牛肋條就有啲唔夠淋。

平日下午茶時段，人流稀疏，價錢吸引，坐得也自在舒服。但價錢偏貴。堂食有驚喜外賣嚇死你香煎豬扒脆豬仔包餐~$48 (加$14轉特飲)脆豬仔飽烤熱後又香又脆，和豬扒混合確是絕配。豬扒用特製帶微微咖哩香的配料醃製，肉質鬆軟，厚薄適中蘆薈蜂蜜四季春~加$14可選透心涼凍特飲一大杯, 粒粒蘆薈,茶味濃，再加蜂蜜的天然甜，健康養生凍飲同塲加演外賣雞翼，羅宋湯。回家發現，差啲以為炸燶咗，雖然味道ok，但賣相實在有點驚嚇 ，食了會唔會生癌

🍴健怡紅菜頭燒豬脾湯：第一次飲紅菜頭湯，材料有紅菜頭、莤芹，味道幾易入口，清甜而帶rosemary 香味。不過薄切燒豬脾肉有啲過瘦，同個湯唔夾。🍴咸牛脷脆豬仔包：厚切牛脷煮得好嫩，有驚喜👍🏻，而脆豬包好脆中間好軟。簡單咸香牛脷夾麵包已經好美味！味道：🔅🔅🔅新鮮：🔅🔅🔅分量：🔅🔅🔅衛生：🔅🔅🔅速度：🔅🔅🔅🔅（5🔅為滿分）

今日下午約左入東涌開會，見有少少時間，就順個靚便响東涌食午餐，上去開飯睇睇有乜好嘢，發現到這間麥田有分店响東薈城七樓，就決定入嚟一試…… 久聞這間以羅宋湯主打的專門店，本來已經想揾個機會試吓，今日就啱哂了！😉坐落望望餐牌，見佢有湯餐配麵呀，烏冬呀，一丁呀咁，what? 🤔 羅宋湯不是配餐包最好食的嗎？ 配粉麵似乎又有点格格不入…… 另外有個什麼經典餐，有湯，薯仔沙律，餐包咁，但我又怕食呢個我唔多夠飽…… 👉👈😥最後我点選了羅宋湯+薄牛扒脆豬，湯除即便送上，高身的杯形湯碗睇落似好大碗咁，但其實只是幻覺，好心急即刻忽一羹入口，味道甜美，所有蔬菜都㷛到腍哂，口感恰到好處，而牛腩亦相當好食，腍身之餘牛味亦濃！如果一定要我找缺點的話，我會覺得湯可以杰D, 薯仔不夠，和欠缺了少少辣味！至於個薄牛扒脆豬，睇得出是即叫即制的，整個包算是合格但沒有驚喜，因為湯才是主角啊！對於一個食左幾十年港式/西式西餐的我，區區一碗湯又怎會夠喉，平時我自己在家㷛羅宋湯起碼都飲兩三碗啦！但此餐並沒有提供追加的安排，正價$58一碗就顯得有点不值，店主可考慮提供追加，例如加$20可多飲一碗咁，益吓我哋呢D所謂為食專員吧！😂

特意來試試主打海派羅宋湯的fusion茶餐廳，打開餐牌發現價錢較一般茶餐廳要貴得多，不知味道如何呢。自選羅宋湯麵餐中，我們點了豬骨海派羅宋湯配螺絲粉和一份小食，價錢盛惠八十多元。羅宋湯底味道濃厚足料，飲得出用上了不少蕃茄熬製而成，酸甜味平衡。螺絲粉掛湯能力很好，所以每口都能吃到濃郁的羅宋湯味。隨湯粉有兩三片豚肉，但肉質乾硬柴皮，只有雪味而完全沒有豬肉味，相當令人失望。小食方面，朋友點了糖心蛋，味道平平，不過不失，單點的話也要十多元一小隻，感覺有點不化算。另一款麻辣雞絲小食就比較高質，雞絲份量算多而且麻辣味好入味，夠香夠麻幾好食。整體來說，食物質素一般，價錢偏貴，試一次就夠了。

入咗東涌行街，研究吓有咩特別嘢食先。羅宋湯專門店...幾得意播，咁今餐就試吓佢...套餐有3款(湯麵/ 麵包/ 撈麵)，1款湯+1款主食+1款小食+餐飲。點咗2個套餐，一牛一豬。呢度有分2款羅宋湯，一款係傳統嘅牛腩湯底，而另一款係用豬骨做湯底。今日試嘅係牛腩羅宋湯，佢嘅羅宋湯味道偏甜口感濃郁。如果以羅宋湯做餐廳主題，絕對唔驚艷 !!! 只係比一般嘅茶餐廳好，但又未到非常好飲。另一個湯簡咗健怡紅菜頭豬脾肉湯，我本身都鍾意重胡椒味 ; 而配埋紅菜頭我覺得唔錯。我本身飲湯，所以就唔試湯麵啦 ; 配咗個包同撈麵。香煎咸牛脷脆豬仔包，本身個🍞質地都唔錯 ; 而且牛脷夠厚唔乾幾好味。撈蔥油拉麵，我覺得呢個可以唔使試，諗住上海蔥油撈麵差極都有個譜。但佢D蔥油係完全唔夠味，失望。

今日去完大嶼山嘅鳳凰山行山 做完運動落返東薈城非常肚餓 於是直接喺東涌搵食啦 見到呢間Wheatfield x 羅宋湯專門店幾得意 於是今日就食呢間餐廳下午茶時間冇乜人 不過枱櫈都夠曬闊落秘製咖哩雞球飯 汁同飯分開上 咖哩味辣香料味香濃 雞球唔算多 不過勝在煮得肉質嫩滑 而且吸曬咖哩嘅味道 用嚟撈飯一流跟餐已經包咗一碗細嘅羅宋湯我揀咗牛腩 一個人食啱啱好海派牛腩羅宋湯 羅宋湯係橙紅色 辣味濃郁 非常惹味 香料味十足 入面嘅雜菜都幾多 煲得又淋又入味 牛腩同樣夠曬淋 索曬番茄同湯底嘅香辣味巨型牛脷脆豬仔包 豬仔包焗得香脆牛脷薄身不過都好冧 入面仲有生菜番茄等嘅配料加埋惹味醬汁 十分開胃

其實呢間野叫得做羅宋湯專門店，都預咗佢招牌會好食，估唔到連其他菜式都好出色，係外賣拎返去既情況下都唔遜色！撈手打烏冬套餐 $85簡單既醬汁已經好好食，再加上溏心蛋，撈埋一齊食😋😋😋蘆薈蜂蜜四季春 跟餐$14少少蜂蜜甜唔會搶走茶香味，蘆薈粒粒好Q爽,真材實料。豬骨羅宋湯有好幾大片拉麵豚肉，肥瘦岩好，羅宋湯辣辣地好開胃😍吉列魚柳配薯仔沙律 $82配清雞湯魚炸得香脆內嫩不在話下，個薯仔沙律蛋味十足，feel到每樣菜廚師都好用心調味，呢個價位食到呢種水準係好驚喜！奶油脆豬仔包 $18脆豬不嬲堂食最好味😋，疫情下無計焗住要外賣走，屋企有氣炸鍋/焗爐就輕輕加熱返，都好好味😋

今日甘岩去東涌行outlet 上網見到呢間野食評都好似唔錯 就去左試 唔知係咪因為假期 又係門口排左陣隊先入得🙈1️⃣撈麵餐配上海麵 跟煎豬扒整體上個面都濃郁嘅 但係塊豬扒真係好薄好薄不過一咬就開 唔會韌個湯真心好飲 好多配料 少少辣 好開胃 同埋啲牛腩好林 有啲仲好有咬口 真係唔錯2️⃣ 湯麵餐 - 手打烏冬跟麻辣雞絲個手打烏冬一嚟到已經知道個麵質會好煙韌同個羅宋湯都幾match 但係雞絲唔知點解好似怪怪地 同平時食開個啲麻辣雞絲個味有啲唔同 啲肉係滑既 只係個味有啲唔知點甘 辣度適中環境坐得舒服既 坐幾耐都唔會有店員過黎趕走你 但整體上個人覺得特價錢偏貴 CP值唔算太高

黎東涌都食過兩次，主菜同d餸一次比一次差第一次幫襯時，覺得唔錯既，無偏少貴，但都值得比，撈麵，湯麵，麻辣雞絲，牛扒都唔錯，湯更加一流，好濃郁。但今日再黎食，除左個湯仲保持到水準外，其他野差到我唔會再黎第四次了，貴都係一個主因，又貴又唔好食就唔洗再諗了。咖哩豬髀肉，豬髀肉又鞋又乾，咖哩仲差過買即食翻熱個d撈麵麵底可以，味就似印尼撈麵咁，成$90蚊食印尼撈麵？！加$12豬扒合格，好過牛扒仲要加一，但差過大乜乜既水準....

東薈城這一間Wheatfield X 羅宋湯專門店，首選是羅宋湯，次選是羅宋湯拉麵，最後都是羅宋湯...，這是唯一最好的選擇。閒日到東薈城逛逛都幾舒服和休閒，特別在這段時間去執平貨，當作請假去旅行的活動。要搵好嘢食，就要往food court 這一邊，這裡有不少選擇，聽說這間羅宋湯專門店挺不錯，就來一個early dinner。選擇了兩份套餐，海派牛腩羅宋湯配拉麵，和海派豬骨羅宋湯配豬扒包。羅宋湯絕不稀，很濃郁的蕃茄味道，跟一般的餐廳羅宋湯有明顯分別。最好的配搭都是牛腩和拉麵。不過豬扒包就配合不上，豬扒本身淡而無味，很乾硬。也嘗試了這份祕醬制麵，都係粥店的炒油麵好一點。結論係，羅宋湯都是唯一最好的選擇。

叫咗個正餐classic meal有一個湯一個餐飽同細沙律唸住72蚊一個餐應該夠食飽個湯應該都唔細但係個碗細過手掌🤔入面有六舊一口大細嘅牛肉但係都係唔夠食🥶 個餐嘅份量大約係正常西餐嘅冇咗main course加大少少個湯咁個湯係甜過普通餐廳但係冇其他人講得咁好飲並唔係太特別餐包都係正常西餐嘅甜餐包沙律亦冇咩特別另外我係下午茶時段呢食我個餐同下午茶個餐張相一樣。。。但係價錢差一倍唔知會唔會係擺錯相出呢