White Button Cafe & Dessert (Closed)

睇到食評上去試試食Lunch~~店鋪環境得舒適～食物味道很好👍🏻、但意粉偏少～蕃茄湯很酸要改進～～中午價錢其實偏貴還要加一～如價錢低一點會多去食其實建議可免加一可增加客量

出街搵食攞靈感就會參考OpenRice嘅食評，見到尖沙咀亞士厘道有間樓上咖啡舖 White Button Cafe and Dessert受到不少女士歡迎,好奇之下就上咗去幫襯下。因為來到已過午市繁忙時段，而下午茶又未開始，所以客人比較少，但陸續就有啲少女嚟食甜品和飲花茶，兼且打吓卡。一踏入餐廳奇怪地看見一端放了一排一排的時裝，以為自己去錯地方，細問下方知餐廳和某畤裝公司合作，定期會有減價促銷時裝給食客選購，這個概念我覺得吾錯，食嘢之餘又可以shopping, 我鐘意呀！餐廳開揚而且顏色吸睛，深藍色牆身和餐椅配上淺粉紅色枱面成強烈對比，掛牆畫和攞設也很別緻，靠窗有吧枱坐，另有梳化座及方枱座，是個閒聊打卡的吾錯選擇。蘆筍牛油果意大利粉意大利粉軟硬度適中，蘆筍小巧鮮嫩，牛油果夠熟又軟淋, 溶入忌廉汁裏使每口掛上汁的意粉也嚐到陣陣的牛油果香。除了鮮蘆筍和牛油果，還有粒粒粟米和蘑菇片。喜歡忌廉汁的稠度比較流質，食落冇咁膩。雖然這碟意粉沒有肉來配搭，但並沒有寡的感覺，反之清清哋，食落好舒服。迷迭香西冷牛扒鐵板上，熱辣辣，牛扒夠大塊又juicy, 一啲都唔乾。薯條夠晒粗，食落有口感。宇治抹茶千層餅

下午茶唔想食連鎖店嘅蛋糕，就去咗搵一間cafe, 你l輕鬆過一個下午傾計,又可以食到好味甜品同打卡嘅地方！我叫咗一杯花茶-黑糖桂花蘋果茶，唔會太甜，但桂花味唔太出反而蘋果味就比較出，酸酸甜甜幾開胃，配上蛋糕就啱啱好！飲品粉量唔會太少，仲見到好多材料，真材實料！ 另外試咗珍珠奶茶千層蛋糕，幾新奇，珍珠唔會太硬，雖然係甜品唔係飲品但口感好好，蛋糕忌廉唔會太肥膩，奶茶斯味好香，忌廉同餅皮嘅比例啱啱好，保留到千層蛋糕嘅口感唔會成口剩係cream, 奶油味濃得來唔會好膩，口感配上珍珠十分之豐富，層次好好，我覺得同連鎖蛋糕店有得比！

話說年初三晚食完飯就諗住食個甜品，咁就點左個抹茶疏乎厘奄列，佢每人要點一杯野飲嘅，所以就點左兩杯。可能佢果日真係人手短缺，我地等左超過45分鐘都未出到個奄列同一杯野飲，我地都有催過一次但不果，大約50分鐘先有職員同我地講冇得整抺茶奄列，其他口味都冇只有原味，一定要收原價但可以淋抹茶醬我地。咁我地一心想食又等左咁耐都唯有硬食。而等左60分鐘後我地再問一下野飲嘅下落，話如果做唔切一係cancel杯野，因為我地個奄列都就泥食完，但佢為左要做到一人一飲品嘅目的，於是急急腳沖左杯野飲。出到泥個奄列可能係waiter嘅人數都唔夠，個雪糕已經溶左四五成，而且連本身係抹茶雪糕嘅都係冇通知嘅情況下轉左口味⋯總結，食物品質還好，但服務質素包括人手的配套都好重要，做唔切就唔好一腳踢為左收錢而唔理品質。

呢間樓上cafe真係好random咁搵，純粹見到個餐廳環境粉紅色好似幾靚，座位望落幾寬淌所以就覺得去呢度食lunch。一入到去發覺其實地方都幾大，座位好多，雖然係中午食飯時間，但可能因為係樓上cafe嘅關係，所以得好少人。餐廳用粉紅色做主題，好適合用嚟打卡影靚相。我同朋友點左一個泡菜豚肉飯，同埋抹茶梳乎厘奄列。泡菜豚肉飯就一般般，冇咩特別，不過以佢嘅價錢來講其實算係偏貴。重點係佢嘅抹茶梳乎厘奄列。我唔係一個抹茶控，但係呢個抹茶梳乎厘奄列都幾好食💕由於佢賣相麻麻，所以幫佢改左個名叫「我很醜 可是我很溫柔」，我覺得超級貼切。🤭

📍尖沙咀📍復古少女風👒IGable下午茶☕️粉紅色主題💖主打牛油果鹹點🥑之前都有睇過呢間餐廳嘅tea set都幾精緻😍不過一直都未去過，咁啱個日出event終於可以去試下😝------------------------------成個餐廳都有好多打卡位，又有霓虹燈❤️仲有好多花花嘅佈置🌹少女心滿瀉😹------------------------------講翻個tea set都好吸引🤤會用個送你電視嚟裝住啲食物📺好有創意👌🏻而且食物質素都幾好，主打牛油果鹹點🥑女仔真係要食多啲😎令到皮膚保濕抗氧化💦如果想減肥，食牛油果都好，因為有不飽和脂肪😹食完有飽肚感😝------------------------------最鐘意個牛油果多士🤤🤤個多士仲脆卜卜😎仲有煙三文魚伴小青瓜😆同炸墨魚球❤️都好好食😉甜點就係迷你千層蛋糕🍰不過個日人太多，都無周圍影相，下次都係揀平日上去，慢慢影😎

是晚諗著約同事黎呢度，係靚靚嘅環境食下野，聚下之類又可以不停影相打卡。黎之前，上網見到意粉果D 好似幾吸引，本身就係想食好多野同埋甜品，但可惜臨放工前公司有個臨時茶聚，都要俾個面食下，食左少少野已經好飽，黎到只係可以叫輕食。黎到門口已經有個影相位呢度空間闊落，座位都算多，靠牆的座位旁邊都有放小擺設出面仲有個位置俾大家自己或者同朋友仔任影相TIM。因為食唔落，只好飲下野，食件CAKE。叫左個五寶茶，材料好豐富，差唔多半個壺咁多，每啖都係滋潤。另外仲有個玫瑰千層蛋糕，cream 好滑都埋都好香玫瑰味，面頭仲有幾塊玫瑰花瓣，餐具都係粉色系又或者玫瑰金色，滿足哂少女心，好睇好啱影相得黎都好食。下次再黎要試埋佢地其他野食先得。

同班姐妹tea, 揀咗呢個打卡好地方😍有景影有衫買每人限叫一個飲品，養生的我哋每人叫咗一個花茶，有一個就叫咗個波波梳打飲品~最推介係黑糖桂花蘋果茶，唔太甜，有淡淡桂花香夾蘋果酸酸地，好潤的感覺~另外蝶豆花同菊花類比較清淡(定唔知係我哋食完甜品再飲變得淡咗😂) 至於波波形的梳打正正常常，係外形打卡一流。呢度的鹹食都唔錯呀，蕃茄海鮮risotto 同墨汁海鮮意粉 都好足料！好多海鮮~至於推介當然係甜品啦😍千層玫瑰蛋糕 同綠茶梳乎里奄列~個玫瑰蛋糕唔太甜，清清地的玫瑰香，而且d cream都好滑唔會太甜~而綠茶呢個正呀！！☺動L動L好可愛, 好有蛋味又濕潤，足綠茶味，配雪糕一冷一熱好正❤而個日係樓面得一位哥哥仔，辛苦佢啦。差少少係廁所未整好，有滴水情況，地面濕，大家要留意~

這次和朋友一起慶祝生日，去這間餐廳點的食物比較多。對上一次來對他的主食印象好像還是一般。這次到來發現餐單上有更新，我叫了一個明太子意粉、黑松露飯、香草腸和一個甜品窩夫。首先，個人比較欣賞的是他的明太子意粉，雖然賣相簡單，但是味道比想像中的好，明太子和紫菜配合得剛剛好，而且明太子沒有腥味。黑松露飯相對較遜息，他的飯比較油，但味道還可以，只是沒有特別形容的。🤣最後，甜品窩夫賣相吸引，外脆內軟，份量算多，適合多人一起分享！

呢間餐廳每隔一排就會轉主題每一次都好靚 今次係粉紅色每一個角落都係打卡點仲有好多道具俾你地影相今次好友生日呢到仲有tea set所以就揀左黎呢到粉紅美肌限定下午茶以carrie carries為靈感很美 很少女風食物質素都不錯蕃茄海鮮芝士燉飯出奇地又好好食勁多芝士 但又唔會好漏芝士波波雞好香脆 入面好多芝士白汁煙三文魚意粉普普通通 唔太特別雪人mousse加錢先可以寫字棉花係勁快就冧落黎同好快溶所以影相就要快荔枝玫瑰檸檬果汁水晶球賣相好靚 果汁都好清甜呢到真係一個影相打卡好地方因為真係影左好多相 

今次終於試了抹茶千層，味道超級好。抹茶的苦味恰到好處，茶味濃郁，可說是難以形容的美食。入口即溶，但還保留千層的口感。這個是一試難忘啊。下次肯定會再試。這店的甜品一向出色。拿破崙的味道也很好，足料，奶油味濃，還有少量薄荷，整個口感的層次構成令人難忘。本身不是特別愛吃奶油，但這個是做得很好。質感很厚，跟脆脆的餅一起吃，是甜品的極致。因為趕時間，所以沒有點飲品，但其實很喜歡這裡的花茶。不打緊，下次再光顧吧。強烈推薦抹茶千層。

最近常去尖沙咀，經過都會去這家店吃甜品。之前試過草莓梳乎厘，味道超好，但因為沒有拍照，寫不了食評。今次是巧克力千層，做得非常細緻和柔軟，入口即化。味道不會太甜，剛剛好。優秀的甜品，對甜味控制非常嚴謹，除了一些本身以強烈甜味作招徠的甜品（特別是含拖肥的），一般來說，太甜通常是材料不好，這對客人健康和味覺有害的。下次會嘗試抹茶千層。

差不多每3個月都會到訪一次這裡每次都會有新的主題今次又有新既tea set 同新既野食特別係玫瑰千層餅入口時有淡淡既玫瑰香味同蜜糖味而且價錢仲不過係 $48 近期食過最好食既千層餅人唔多坐得好舒服

呢一間位於尖沙咀嘅Cafe，已經唔係第一次去幫襯！吸引我嘅首先當然係佢嘅環境，清新簡約舒適，今次去嘅時候仲已經裝修成另外一個風格！粉紅色嘅裝修吸引到唔少女仔打卡影相！今次去係為咗佢新出嘅甜品，玫瑰千層蛋糕，賣相好吸引，所以我都即刻影張相。到我去試嘅時候，入口感覺還可以，但係入口唔算太滑，冇預期中既味道。服務方面，多數都係年輕人為主，加單嘅時候表現得唔耐煩，因此有點失望。希望佢哋會越嚟越好繼續努力💪🏻

難得放假和朋友在尖沙咀看完電影後，想找個比較好坐又方便談天的地方，於是便主攻樓上cafe店，走到阿士厘道記得有間在網上看過他們會定期轉不同的主題擺設既Cafe，在Research下就來到這間【White Button Cafe & Dessert】裡去覓食了。Cafe在雅士利中心內，上到去眼見入面裝潢主要是粉紅色、粉藍色加其他少系顏色去搭配，場內佈置完全是充滿少女風，說這間是專打卡的Cafe也沒錯啊!!裝潢確實係幾靚，而且係有心機擺設過，如果坐近窗邊的話可以自成一角次餘更可以望到街景同開窗吹吹風，牆上的設計都是有些玩味的喔。店內場景好靚！今次有呢隻卡通啊...咁多令位打卡，自己都忍唔住去潮聖下，拍個照留念。Cafe夠大又夠寬敞，燈火通明，牆上亦有大大小小好得意嘅掛畫，走「可愛風」，所以全場九成係少女每張枱上亦會放有一些擺設，相機不離手便對了！影影下肚仔餓餓地，便看看餐牌，食物、飲品賣相都好精緻，心大心細，到最後鹹點、甜品、飲品都有點啊！眼看性價比好像不錯。✨先來一個小食吧爆谷波波雞 $52顏色上又是美美的，份量都唔少架！平時波波雞感覺似掃街小食或者係去食放題都係其中一樣受歡迎的小食，雞