榮記茶餐室

Open Now

Now Closed

“真·沙嗲牛肉煲仔麵”($68)“邪惡芝士餐肉煲仔飯+窩蛋”($83+$5)呢間榮記茶餐室喺慈雲山應該都係人氣小店早1,2個月仲未有沙牛group嗰陣晚市去都等咗個幾鐘先食到😂大多數人嚟都係食正統啲嘅煲仔飯好似金蠔,豉油白鱔等等但呢道特別之處就係會有啲創新啲嘅款🤣好似呢個近期大熱沙嗲煲仔麵除咗牛肉🐮仲可以選擇豬扒/雞扒麵底可揀公仔麵/粉絲/米粉用煲仔keep住沙嗲湯個熱力舖頭仲叫佢做沙嗲中嘅espresso🤣果然食落沙嗲味真係好濃郁🤤有啲似食緊沙嗲版嘅喇沙🤣新鮮牛肉入口嫩滑☺️而公仔麵都冇好似有啲評論咁話因為煲太熱而腍哂煲入面除咗有牛肉仲有啲豆卜啲豆卜吸哂啲沙嗲湯好正🤤另一樣創新食品就係芝士煲仔飯🧀記得當年推出嗰陣比人鏟到上天😂其實嗰陣已經好想試😂覺得創新冇咩問題啫😆今次終於食到啦😛芝士煲仔飯配料可以揀餐肉/雞肉/牛肉我就揀咗餐肉,再加多隻窩蛋☺️呢個煲仔飯真係夠哂邪惡芝士份量超級多,夠哂香濃可以係咁拉絲🤣加埋啲飯焦一齊食係幾正😆不過可以多啲餐肉就更好啦😛

【真•沙嗲煲仔麵】 HKD68.一直想黎拜訪好出名沙嗲煲仔麵🍜嘅茶記，有住沙嗲中嘅Espresso之稱🤩，幾乎每枱黎到都會嗌。假日一點左右黎到，人多不過去得快，等左約半個鐘多啲就入得。沙嗲牛肉麵以瓦煲盛載，食到尾都keep住熱辣辣♨️。上枱嘅時候保持住麵餅嘅形狀，唔會煮到淋曬，岩曬食麵鍾意偏硬身嘅我❤️。沙嗲湯底有住濃郁花生香🥜同微細花生碎粒，面頭打發至起泡格外順滑細緻。不稀不稠嘅湯底剛好能夠掛曬落麵條上，保証啖啖香噴噴😋。內裡仲有索曬汁嘅芽菜同豆卜，牛肉🐮軟淋冇筋，唔岩食仲可以揀雞扒或者豬扒。不過都要提一提⚠️，唔係重口味人士未必岩食🙅🏻‍♂️。個人覺得只以味道黎評分，依間係沙嗲牛肉麵關注組入面可以話最top👍🏻，但唔好嘅地方就係食完keep住成日口渴。自己考量一下再決定去唔去試。.📍榮記茶餐室🔅慈雲山毓華里12號地下A-B舖🕑星期一至六 06:30-21:30；星期日及公眾假期 06:30-17:00

上次夜晚諗住上去呢度食煲仔飯點知門口既人潮多到....🍂結果去左對面唔洗排隊既餐廳食煲仔飯（可以不用再去）今次下午茶時間去到一樣多人🤦🏻‍♀️所以決定叫外賣近期好hit 既沙嗲牛肉公仔麵首先...$68 一個公仔麵係有啲貴佢個汁係好濃嘅牛肉咪就係茶記嗰啲普通牛肉囉如果真係要食唔建議外賣直接去堂食度等啦有個煲裝住咋渣聲係會開心好多㗎成件事不過呢份開心我覺得試過一次已經夠😂我反而真係好想食下佢其他嘅煲仔飯希望下次有機會啦P.S: 鹹牛治好乾份量好細

成日見到人post 終於試到呢間沙牛麵～好好彩唔係等左好耐 不過keep住有人等位我地叫左一個普通早餐加一個煲仔麵普通早餐叫左沙嗲牛併紅腸米線個湯底都幾淡下～所以最後食晒個煲仔麵再將d米線搬過去果個湯底食🤣至於煲仔麵 個人認為性價比唔高$68 係冇包嘢飲嘅 麵底係用出前一丁配料小量芽菜 大概有10塊牛左右 牛肉中規中矩 幾滑但牛味唔太濃比起普通茶仔既 的確係足料d 份量係多dd湯底好濃 味道剛好 不過食食下其實都會覺得有點「漏」本身以為個湯會好滾～但原來唔係太熱 總結：還好 試一次係可以 但以呢個價錢來講 未必會再食了

thats holy incredible satay soup noodle in hongkong.the soup is creamy! satay with peanut jam mixed well , it is the traditional hongkong style that is hardly to be found nowadays.noodle is 出前一丁，perfectly cook, not too soft. soup is creamy with litle spicy, beef is tender. the bowl serve can remain high temperature entire eating time, thats perfecg dishes for dinner.trust me, u wont be dissapointed!!! with the price 68$. surely 對得住天地良心！！！！

兩個人食，一牛，一豬嘅煲個豬嘅公仔面食左幾啖後就變得好’杰’身，個姐姐話我食得慢，所以會係咁樣，我自己再加d水落去都無用但係同另一煲個樣完全唔同，濃厚程度差天共地，最後無食過咁滯

由於上次假期太多人排隊的關係，所以我們白白錯過了品嚐這間沙嗲煲仔麵，於是今個星期六我決定提早出門來「朝聖」，在中午 12點的時候，只需等待 8張枱便可以進餐了這間餐廳最著名的食物便是沙嗲煲仔麵，配料方面除了最熱門的牛肉，還有豬扒和雞扒可供客人選擇，而且麵類亦可以選擇出前一丁/粉絲/米粉，最後我們都一致認為，沙嗲牛肉公仔麵的味道是最為出色的，作為餐廳的「招牌菜式」簡直是實至名歸！No.1【沙嗲牛肉公仔麵煲】$68既然它稱為沙嗲牛肉煲，那麼靈魂當然是它的湯底，湯水充滿著濃濃的花生香氣之餘，同時亦伴隨一絲絲微辣的氣息，惹味香濃，咸辣交織，小口品嚐過後，沙嗲的餘韻更在口中久久不散，吃到最後我更品嚐到少量的花生碎粒，果然是名不虛傳的沙嗲醬湯底，讓人一試傾心，鳳髓龍肝！至於牛肉聽說是採用了新鮮的牛肉，所以我們都覺得它的牛肉味特別濃郁醇厚，色香味濃，而且大部分肉質亦相當柔軟嫩滑，鮮美多汁，只是有少部分我卻嚐到一些「筋位」，所以需要用一點牙力才能夠勉強吞嚥，令到整道菜式失去了少許分數至於公仔麵的熟度亦控制得剛剛好，既有爽口彈牙的質感，同時也有少許軟綿綿的口感，外脆內軟，軟綿香糯，最重要是它的吸湯能力非

呢排不停見人post 沙嗲牛肉煲仔麵，今日lunch專登去慈雲山試一試，13:15去到坐到出門口，好彩等了15分鐘左右，有位坐底，坐底望望四週，何其壯觀全場都食緊沙嗲煲仔麵，我當然都叫。沙嗲牛肉公仔麵$68⭐️⭐️⭐️⭐️ 沙嗲味好濃，小小辣，好香好味，麵就硬左d.牛肉好滑有牛味👍🏻，食到一半麵吸了沙嗲汁更美味。沙嗲豬扒公仔麵$68豬扒正常.但沙嗲都係牛肉襯d.榮記17:00後有煲仔飯有機會要再試下回味之數⭐️⭐️⭐️⭐️

阿女之前食過話超級好食，所以咪特登專程去試下。 去到嘅時候11點，要排隊大約十五分鐘，以一個網紅店嚟講上可接受。嗰度最值得一讚嘅係啲阿姐嘅服務，雖然係老店，但係完全冇 老店夥記鬧人嘅感覺，非常窩心， 又有禮貌又主動問你要唔要細碗仔share food. 嗰日我哋去食咗煲仔沙嗲牛麵 同埋鹹牛肉雞蛋三文治。 沙嗲公仔麵 味道可以接受但係絕對唔係網民講得咁誇張。 佢個沙茶抵 炒得唔夠香。 咸牛肉蛋治偏鹹，可能唔記得咗嗌烘底關係麵包淋曬。如果行過附近經過可以入去食下嘅，68蚊一個公仔麵， 就睇你點睇啦。 如果特登去就應該唔需要喇

呢間茶餐廳響我地頭，幾年前推出芝士煲仔飯已經闖出名堂，之後知道上年推出左煲仔沙爹牛肉麵 但一直無去食，直到近期被《香港沙爹牛肉麵關注組》熱推，朋友話想試就去食下。邊有諗過香港人咁顛，星期六下午三點去到都要等四十張枱！不過一心想食，就無謂轉場，結果等大概一個鐘先有位。呢度食個常餐只係$42包埋飲品，真。沙爹煲仔麵 $68真心唔平，一上枱開蓋見到個沙爹湯滾緊，而個出前一丁仲未軟，影下相，浸下撈下個麵開始熟。沙爹湯好濃，花生味重，有點似喇沙，牛肉幾多又夠滑，配料仲有芽菜同豆卜。瓦煲上能夠保持熱度，食到尾都仲夠熱，冬天食真係唔錯，不過值唔值$68就見仁見智，因為配熱飲仲要加$5，配凍飲加$7。值得一讚係員工幾有禮，著淺色衫會主動問客要唔要一次性圍裙，見客户湯底太杰會問客要唔要加杯熱水溝稀。

茶餐廳食得多，但有煲仔飯同煲仔麵嘅又食過未？ 我哋上次比較早到，唔使等位，但係食完就見到出面好多人等緊，相信都係因為煲仔麵而嚟！🤣•🥢 真•沙嗲煲仔麵（牛肉） $68🥢 真•沙嗲煲仔麵（豬扒） $68同煲仔飯嘅原理一樣，煲仔可以keep住溫度，冬天食啱晒～ 煲仔麵可以選配牛肉/豬扒/雞扒，麵仲可以揀出前一丁/米粉/粉絲，但同沙嗲最夾嘅配搭一定係牛肉同出前一丁！ 😋沙嗲湯底超級濃郁，而且幾杰身，所以啲麵好輕易就掛滿沙嗲湯！配料仲有啲花生碎同芽菜，食到花生嘅香味。牛肉好淋，好嫩滑，不過感覺同沙嗲係分開煮，但好在沙嗲湯夠杰身，令牛肉可以沾滿湯汁；豬扒好薄，唔會好嚡/乾，但就比較普通。

呢間沙爹煲仔麵好出名，有人話佢唔值$68，太貴，有人話個麵上枱太硬，太熱，食慢d又太淋，聽得多，還是自己黎試一次最實際！講真，人人口味不同，真係要試過先知其實煲仔飯我都好有興趣個麵就$68，熱飲加$5$68聽落係有少少貴，不過我見其他煲仔飯價錢都係比出面高少少！但睇報導話牛肉係用新鮮牛，而且牛肉都算多，咁貴少少又合理！上枱已經好香，湯底夠濃，濃但唔會死咸，有花生香！我本身好食得熱野，同食野快，所以無網上講既上枱太熱食唔到，太慢變淋既問題個底有2-3粒豆卜整體係好味，不過小店，位置唔多，比較逼，同食完好快要走！不過佢無趕人走動作，只係出面等位自己不好意思吧！

難得去到慈雲山 緊係要試下最出名既沙嗲牛麵😇個人認為 佢個噱頭係幾好既 打卡一流上枱既時候真係滾住咁 好吸引😍食落第一啖好香既花生味 麵既話我中意食爽 所以一上枱冇幾耐就食 員工會同你講如果想食林身d既話 要煲多一陣牛肉就真係麻麻🤮🤮好「那」既牛肉黎所以本身極度抗拒🤥仲要成68蚊一碗 真係貴左d食一次就夠☹️

天氣凍，即時諗起食煲仔飯，但有人反建議話食煲仔麵🧐...沙嗲牛肉煲仔麵。20年老字號屋村傳統茶餐廳，有卡位及長枱，但防疫安全措施就無跟足，人流多。沙爹麵上枱時，店員會提醒焗1分鐘係爽麵，焗2分鐘就係腍麵。一打開瓦煲蓋，陣陣濃香沙嗲味撲鼻而來。配料只有芽菜、豆卜、牛肉及葱粒。牛肉嫩滑腍身，牛味重，沒有被沙嗲味道搶過風頭。沙嗲湯底好濃，但略為過鹹。後其一丁麵索哂個湯就變成沙嗲牛肉「撈」丁，仲越食越鹹，下次可考慮將麵夾在碗內慢慢食。沙嗲牛肉煲仔麵的確有創意，一試無妨，下次可以係屋企自己整🤣。

專門從九龍過去試試這家位於慈雲山煲仔飯，可惜中午都只有沙爹面，但是面也都好好吃，沙爹味道超級濃郁，滾滾熱上桌，我要了一個煎蛋放在裡面，太好味了！下次有機會一定要去試試他家的煲仔飯，相信一定也不錯喔！