榮記茶餐室

Open Now

Now Closed

特登為煲仔麵走上慈雲山，係值得嘅，因為好飽肚。環境唔錯，茶餐廳來講算光猛乾淨，地板都係一貫的痴luplup。嗰晚2100前去到，都依然好爆，好多台都係食煲仔飯，但我第一次來就食佢主打嘅煲仔麵，叫左杯凍檸茶少甜。凍檸茶就係凍檸茶咁味，起碼無怪味先。煲仔麵等左約十分鐘來到，無想像中咁滾熱辣，但都係新鮮嘅。原本以為會好鹹or好辣，但又無wor，反而沙爹味道唔係好出，淡淡地。如果平時食開重口味嘅朋友會嫌唔夠沙爹，有偷工減料之嫌。反而係個公仔麵最得意，佢好似係煠左一分鐘然後即刻上碟咁，極之硬同生，要係煲仔入面浸一兩分鐘先開始散開同埋食到。對於鍾意食生硬麵嘅人來講，咁樣嘅質感非常好，但如果鍾意食淋啲嘅朋友可能要同廚房單聲。最後，覺得係煲仔入面擺幾粒豆卜好好，索曬啲汁最後食，唔錯!

聽咗榮記嘅沙嗲牛肉煲仔麵好耐😆，今日終於去試吓！雖然唔大間，但係好多人去支持！要等一陣先有位。-🍴真•沙嗲煲仔麵🐮(牛肉)($68) - 係煲仔麵呀，超多牛肉！好足料💛，麵入面仲有豆卜同芽菜，吸咗沙嗲精華。沙嗲湯底食得出有花生🥜，而且好濃郁！不過食食吓，個麵好快會淰，係同時間⏱競賽！-🍴真•沙嗲煲仔麵🐷(豬扒)($68) - 個豬扒有啲細塊🤭，不過勝在有1cm厚，仲要軟硬適中，好食😋！個麵就同牛肉煲仔麵一樣，有芽菜同豆卜係入面。-🍴滑蛋叉燒炒河($45) - 有鑊氣🤩，即叫即炒，而且真係幾滑，咁嘅價錢，好抵食😆！-🍴凍朱古力🥤🍫(+$7) - 叫煲仔麵加配凍飲要7蚊，朱古力叫少甜都好甜，係細個會飲到嘅味道。-🍴凍鴛鴦🥤($2) - 因為滑蛋叉燒炒河係午巿套餐，所以凍飲只係加2蚊。整體來講鴛鴦唔算好香，而且有少少甜，不過好滑。

呢個近期超人氣沙嗲牛肉煲仔麵已經想黎左一排襯今日夾到時間終於黎到潮聖呀專登唔揀熱門時間大約1445 黎到唔駛等位直接入座非常好點左~沙嗲豬扒煲仔配米粉可以唔揀牛肉有豬扒同雞扒揀好啱我呢D唔食牛肉但又想食沙嗲汁既麻煩人呀煲仔黎到真係嘩一聲滾住上檯KEEP熱度KEEP得好好唔知係咪我食得慢(雖然我唔係咁覺得)個米粉食極都有好多咁沙嗲汁好濃有少少花生碎可能又KEEP到好熱加埋少少蔥味道真係幾好不過豬扒就UN左DD個人就唔特別推介了~沙嗲牛肉煲仔配粉絲朋友話粉絲索晒D湯好入味仲話個牛肉質感幾好又算大件份量亦都唔算少所以大家如果想試推牛肉呀襯埋沙嗲汁一絕呀

唔係經常會去慈雲山，一黎開呢頭就一定要試呢間bookmark 左好耐嘅茶餐廳。舖面睇落平平無奇同一般做街坊生意嘅茶檔無異，內裏招牌菜就係原個砂煲即煮嘅沙嗲牛麵同埋煲仔飯。🥘砂煲沙嗲牛肉岀前一丁 $➏➑食個沙牛麵成68 蚊，平定貴見仁見智啦，但我就覺得係絕對值得一試。原個砂煲上到枱個湯仲係滾到起哂泡泡，夠哂新鮮滾熱辣。先試一下個湯，真係足料到好似打邊爐個沙嗲湯底咁濃。加上花生碎一齊去煮，更加升華左成個湯嘅香味。岀前一丁唔係煮到完全熟透，上到枱仲係較硬身，目的係為左照顧各位相機打咭時唔會碌到個麵淋哂。加上一路食嘅途中滾湯會繼續「煮」住個麵，食下食下個軟硬度就會岩岩好，認真細心。滑牛肉份量都幾足料有差唔多十片，咬落口都幾淋身同滑口，又無醃肉味。加埋兩舊索哂湯汁嘅豆卜，簡直好似食左個小型邊爐咁滿足。.📍榮記茶餐室慈雲山毓華里12號地下A-B舖

呢間相信好多人都聽過食過🍜真•沙嗲煲仔麵🍜老實講一上枱覺得佢冇想像中咁濃不過越食就越掛汁 真係超級香佢可以跟牛肉/豬扒/雞扒試咗牛肉同豬扒 就係港式茶餐廳嘅肉質 if you know what i mean😆重點都係鍋麵 沙嗲迷必試😋

滿懷希望過到嚟...只可以話，我唔係好識欣賞囉...沙嗲唔香，唔辣，個麵又好淋，牛肉又冇咩味，成個湯底就好似係開稀左嘅花生醬...花生醬開左水，要嚟撈麵，咁樣囉... 凍檸茶個茶底好苦好澀，或者又係我叫走甜啦... 我唔係好識欣賞囉... 如果用 75 蚊呢個價錢嘅話，我相信我可以食到更好味嘅嘢嘅... 環境方面，茶記其實就唔會有咩要求了，不過又真係比較迫嘅... 好屈就，好迫夾咁樣食完個麵，等左半個鐘，食左廿分鐘... 都係個句，我唔係太識欣賞囉... 

朋友話慈雲山有間茶餐廳成日排晒隊，一定要去試。今日中午時段黎到，都有啲人係門口等緊位，我地大約等左20分鐘到就入得，煲仔飯成日食，但煲仔麵就真係第一次聽，於是我叫左呢個招牌「沙嗲牛肉煲仔麵」，一上枱係滾緊出晒煙既，沙嗲偏重花生味，但係好惹味，同牛肉好夾，好正

同樣都係蘋果肥佬黎嘅節目度見到佢嘅推介，我都好鍾意食沙嗲牛肉麵，仲要煲仔咁特別走於是去試吓啦。佢嘅味道比佢嘅人氣遜色得多🙈🤣其實都唔係唔好食，當佢係普通茶餐廳貨仔，咁就會接受得到啦。可能佢人氣高企，變相有期望就有少少失落囉。🙈🙈沙嗲味唔係好出，牛肉明顯落咗好多梳打粉，怪怪的。公仔麵一開始勁硬，食食吓又淋過龍。我覺得本身公仔麵要拿捏嗰個火候都真係唔容易，因為個煲係keep住令佢傳熱，佢上菜嘅時候就唯有成個面好似冇煮過咁上，但好快焗到淋哂。成件事真係好不容易。成個煲仔沙嗲牛肉麵仲要$68。佢個芝士撈丁就真係好普通嘅芝士撈丁，個樣少少頹，男朋友話好食過個沙嗲牛肉麵🤣🤣。不過我都會留條尾巴，有機會過嚟試吓佢啲煲仔飯，聽朋友講煲仔飯就出色好多啦🥰🥰🥰🥰假期勁多人，如果要食，記得預時間排隊。

會為了沙嗲煲仔麵而回訪的茶記(如果不用排隊的話)那晚心血來潮的想吃沙嗲麵 二話不說的就衝去試結果排隊等了一個半鐘才入到🥲還是中午來會比較少人દ ᵕ̈ ૩ 真• 沙嗲牛肉煲仔麵 ($68)完全是重口味之選！ 上枱的時候還熱滾滾的 湯底完全是靈魂所在 每口也充斥花生的香氣伴隨一顆顆的花生碎粒香濃醇厚之餘 鹹度亦恰到好處還嚐到一點微辣 惹味非常湯底口感偏杰身 掛汁一流不過個人覺得花生再濃些就好~建議拿個碗分開湯和麵吃因為煲仔的作用就是為了保溫 吃到後期湯底仍然熱到出煙的以至麵底很快就變軟糊掉了🤧દ ᵕ̈ ૩ 潤腸排骨煲仔飯($80)煲仔飯也不錯吃 十分足料反倒潤腸有驚喜 有微微酒香個人很怕潤腸會好腥的🙈飯底偏濕 吃到最後飯焦也不太脆了還是沙嗲麵更得我歡心

一般茶餐廳格局，好坐就唔算得上，出發前打去問有冇位先過去，又問咗關於泊車嘅嘢先過去，接電話嘅都好有耐性👍🏻.去到嘅時候都唔算太多人，平日夜晚嘛，不過十檯有九檯都叫煲仔飯，所以我都唔執輸😂.金蠔蝦乾煲仔飯 ($143)金蠔脹卜卜煙韌有蠔味，又唔會乾到咬唔開，蝦乾好大隻量好足，落少少甜豉油，完美😌.臘腸滑雞煲仔飯 ($80)臘腸偏瘦唔夠脂肪，但係滑雞好出色，唔會係難食嘅雪藏雞柳，雞汁同飯混埋薑絲一齊食，每口都係幸福嘅味道🥰.如果多返少少飯會開心啲，可能因為我係飯筒😜 最後我連飯焦都食晒😋 下次要再食過🙆🏻‍♀️

💛榮記茶餐室💛•呢間位於慈雲山嘅舊式茶餐廳🍴最近掀起咗沙嗲煲仔麵嘅熱潮😆(其實已經好耐但最近先有時間入去食( ･᷄ὢ･᷅ )!) 好好彩今日中午時間去到淨係等一張枱就到我哋✨等嘅過程老闆娘(?)仲行出嚟同我哋傾咗陣計，分享吓最近餐廳嘅事🤣成個過程好有人情味💛又安排咗卡位俾我哋坐！兩個人坐得夠晒舒服😆❶ 煲仔沙嗲牛肉公仔麵 $68一嚟到仲係新鮮滾熱辣🍲店員好細心同我哋講食食吓要撈勻佢😆超級暖心💛 沙嗲湯底真係好正好濃郁好邪惡！一啲都唔辣而且好重花生醬味，加上湯底杰身 ，所以每啖麵掛到超多湯同埋少少花生碎🥜！ #張圖都可以見到有幾掛汁❗️😍店家稱個湯底係「沙嗲Espresso」！個人覺得個名改得好適合🤣 不過建議大家嗌杯嘢飲/帶支茶，因為偏濃味，所以食到最後會有啲口渴 🥤！ 牛肉應該係用新鮮牛肉，所以食落幾滑，一啲都唔會乾！完全唔似出面lar過啲牛肉！份量亦都比出面茶餐廳多😆應該大概有10幾舊！公仔麵同沙嗲牛真係絕配，不過擺多2/3分鐘就好快就淋左，所以大家注意返個影相速度😂😂！（但如果想冇咁淋我諗可以同佢叫定要硬麵😆）食到最後 實在太保溫🤣碗麵都係熱辣辣🥰💛同埋公仔麵好索汁，食到最後好似撈麵咁

沙嗲牛肉麵近來引起左一場瘋狂既熱潮🌟，我諗哩間可能係全港首創既煲仔沙嗲🍲，作為沙牛粉既大家應該一啲都唔陌生。今次就叫左佢兩個招牌菜試下😋。邪惡芝士雞肉煲仔飯 $83 加蛋 $5店員推介加蛋🥚話會令成個層次提升，講到咁唔係唔加阿嘛。眼見滿滿既芝士🧀鋪哂係面，一𢳂起啲芝士就即刻起哂絲，可以想像有幾芝味。仲有粟米粒🌽同煙肉🥓粒襯托，整體唔會好單調。加左蛋感覺上係再濃厚啲，半熟既蛋溝埋啲芝士飯🍚反而令佢無咁膩。而雞肉🐓都好juicy，但就偏向原汁原味無咩調味既。可能有朋友會嫌個飯淡左啲，可以加返啲店家既秘製豉油，可惜我地就無試到，覺得本身都好夠味😗。沙嗲牛肉煲仔麵 $68一上枱就熱到起哂泡，沙嗲味香氣撲鼻。雖然熱辣辣♨️，但大家記得焗佢一陣先好食，因為麵底即加入去，焗一焗先岩岩好。大光麵麵質幼身得黎有咬口，掛滿哂濃濃既湯汁。沙嗲味偏重花生🥜，咸香較出，同辣字搭唔上，但配上鬆軟既牛肉🐮又幾夾。油菜 $15 雪碧 $9放埋啲生菜🥬入沙嗲煲加倍邪惡。晚市都比較多人排隊，而且舊式茶餐廳格局，大家可能要坐迫啲，但絕對值得一試👍🏻！

前排試過荔枝角好好運快餐店嘅沙牛麵，我以為呢間已經係全九龍最強。今日嚟到慈雲山的榮記，才發現一山還有一山高。中午十二時半同老婆嚟到，幸運地即刻有枱，坐低無幾耐門口已經開始要等位。叫咗招牌菜沙爹牛肉煲仔麵，唔駛五分鐘已經上枱：1. $68 真係份量十足，呢個價錢係合理嘅。2. 公仔麵的軟硬度適中，非常彈牙。3. 牛肉夠多、又滑又有咬口。4. 沙爹汁濃郁但唔鹹，亦食得出花生醬味。5. 所有服務員態度都非常好，睇得出好多街坊熟客。最後我成煲食哂連一滴汁都無剩，個人非常滿意，十分滿分我會俾九分，下次一定再嚟！

呢間嘅煲仔飯真係好出色，但一直睇 #沙嗲牛肉群組 見到食評好壞參半，咁啱今日又唔洗排隊，所以就試吓沙嗲牛肉麵（轉粉絲） $𝟲𝟴 ➰煲仔上嘅沙嗲牛肉又真係幾吸引，睇住卜卜聲又熱辣辣，啱晒涼涼地食➰花生味🥜好特出，但味道就唔多啱鍾意 #重口味 嘅朋友仔➰今次轉粉絲就係想試吓個沙嗲卜，點知真係勁失望🥲 同九龍城中意食開果幾間比，真心覺得完全唔值，或者中意清淡嘅朋友仔會較為喜歡➰牛肉份量都okay, 而且都滑嘅後記：臨走果陣住附近嘅朋友仔話下次同佢嚟食就一家會係水準之上 ,𝐥𝐞𝐭’𝐬 𝐬𝐞𝐞 🔖榮記茶餐室 (慈雲山)📍慈雲山毓華里12號地下A-B舖

煲仔沙嗲牛肉麵 $68慕名而來試呢個煲仔沙嗲牛肉麵試完比較失望 沙嗲汁係濃郁 但苦味過重而且湯底比較傑 牛肉本身都無咩味道比較出色是公仔面煮得比較硬身浸耐左都無淋既感覺 但整體上黎講係無講到咁出色而且價錢上黎講 唔抵食豉汁白鱔煲仔飯 $103白鱔好肥美 但個白鱔應該無事先調味過食落成個飯係完全無乜味道🙈就咁靠d豉油都吊唔起個味道但d白飯其實夠乾身 亦都有少少飯焦不過如果要比百幾蚊食個無味既煲仔飯我覺得係好唔抵食🙄