榮記茶餐室

Open Now

Now Closed

因為有啲事要做，所以去慈雲山，見到網上介紹一間食煲仔沙嗲面嘅茶餐廳，當然順路去一去。交通方面，我由鑽石山地鐵站荷里活廣場出口出，係小巴站搵去慈雲山中心小巴，係總站落大概行四至五分鐘。去到已經見到係有條人龍，當然立即去門口攞張飛先啦，咁咪有得坐出邊同入邊，攞咗飛就靜靜地得，五張枱大概等咗15分鐘到，都算好快！坐低第一件事件梗係睇餐牌啦，招牌煲仔沙嗲面，價錢都唔抵，但係都值得一試，茶餐廳都有其他午餐下午茶提供，而佢地既質素都唔差。煲仔沙嗲面嚟到，熱辣辣咁上，冬天食特別暖身，沙嗲味極濃，每一條麵條都有濃厚嘅沙嗲汁。如果係沙嗲愛好者既話，一定十分滿意。我哋試咗公仔麵米粉，都覺得公仔麵係比較夾，米粉吸得太多沙嗲汁嘅話，麵質就比較林，失去左米粉既特色。而隨着煲仔沙嗲面附上嘅扒類，就同一般茶餐廳嘅豬扒雞扒冇乜分別。總結黎講，冬天食呢個濃味煲仔沙嗲麵係十分之適合，只係性價比唔係太高，如果你係沙嗲公仔麵愛好者，你一定要黎試試佢！

睇到 社交平台有人介紹依間沙爹鍋好食！我平時都好中意食沙爹公仔面既，所以一有機會，就算慈雲山唔係好就腳都好，我都想食出名嘅沙嗲鍋。叫咗沙嗲雞扒出前一丁，都$68 一碗，唔算平㗎，佢個沙嗲味都算好濃，有煲仔飯嘅鍋香味，雞扒就正正常常啦我個人覺得食一次就幾開心嘅，冬天食完之後個人都會暖粒粒，下次有機會都可以食埋佢個煲仔飯！應該都會好食嘅。

最近好興食沙嗲牛肉麵😹沙嗲牛係茶餐廳嘅產物，基本上大部分茶記/冰室都會有，而架更加係年輕人茶記必食之一～而慈雲山呢間茶記出名食煲仔飯，亦都幾有諗頭，「發明」咗沙嗲煲仔麵😹成功吸引到一班年輕人去試～而我今次咁啱行山經過慈雲山，朋友話想試下😹所以黎朝聖～佢餐牌係寫得幾吸引，沙嗲中嘅espresso🍜價錢亦比其他茶記貴一倍，如果真係想黎打卡，一次半次ok嘅，值唔值就睇你覺得呢張相👇🏻值唔值啦～😆😆😆👆🏻佢地係用新鮮嘅牛肉🐮，所以食落唔會乾/鞋👍🏻，同埋都算嫩滑，而牛肉份量比出面茶記多啲啲～麵就有得揀出前一丁/米粉/粉絲，當然一丁係最夾同相對抵啲啦😹而沙嗲醬真係值得讚嘅👍🏻醬汁比較杰身但唔會漿住個口，有濃郁嘅花生香味，亦都有少少花生碎粒～呢個醬汁撈麵撈飯係無得彈嘅～不過，我嗰煲一丁就比較硬，有少少係脆嘅😹雖然一丁係爽口先好食，但如果唔脆就會好啲，因為食到最尾嗰幾啖都係脆(浸到最尾都唔淋😹)，唔知係咁啱我嗰煲係咁定煲煲都係，不過我朋友嗰煲就無脆麵嘅😹

轉咗兩次車終於黎到出晒名大風嘅慈雲山，今日就係為咗要黎試吓呢個傳說中好好食嘅煲仔沙爹牛肉麵喇！周末人多啲都明白嘅，為咗食好野，都要等吓～叫咗個煲仔沙牛肉爹粉絲，野食都黎得幾快，啲姐姐會提提你食彈牙啲等1分鐘，想食淋啲等兩分鐘，煲仔熱辣辣，沙爹味濃厚，充滿成間食店，食落好似食緊沙爹肥牛煲咁，但換咗係大大塊滑牛，湯汁裡面好多花生碎，明顯足料，食晒成煲真係飽到呢～好啦，遠少少，大風少少，等少少都值啦😋

係禁堂食前一晚特登嚟到慈雲山嘅榮記，食佢最出名嘅煲仔飯同埋沙嗲牛麵上網睇到榮記最出名嘅就係金蠔煲仔飯，但因為本人唔係好鍾意食蠔同埋價錢都幾貴，所以我哋今日試吓佢個臘味煲仔飯先，佢啲臘肉真係好有驚喜，上菜嘅時候見到啲臘肉好瘦，但係食落一啲都唔會乾，超香口，佢啲臘腸同潤腸都好好味，因為佢油香滲入左落煲仔飯入面，所以啲飯超香佢個沙嗲牛麵係佢招牌菜，佢啲沙嗲超香濃，超香花生味，仲有粒粒粗嘅花生碎我諗政府開返堂食之後我一會再返嚟試吓佢其他嘅煲仔飯

期待咗好耐，終於可以第一次去到，果度環境係一般舊式茶記裝修。但係佢果d 煲仔沙嗲牛肉麵真係好正，個味好濃，煲仔熱上， d 牛肉仲要係滑，無得頂。仲有佢塊豬扒吾un, 浸埋啲湯食真係冇得頂。

位於慈雲山嘅小店因此麵而爆紅💥就算平日下午都有唔少人專登慕名而來！幸運地今日等咗15分鐘就入得😬😬.🔸沙嗲牛肉煲仔面 $68 (💡7.5/10)用煲仔上夠哂熱 上到枱度仲滾緊😬沙嗲汁超級濃郁 仲食到粒粒花生🥜不過因為太熱既關係食起上黎都有啲難度😂而且麵會容易變腍(好彩我鐘意食腍麵）😬牛肉份量都足 都算對得起呢個價錢🙂.另外都試咗雞扒但個人覺得沙嗲牛肉係絕配🤪可以叫番牛肉值得一讚係侍應嘅態度都好好同有禮貌雖然只係普通茶餐廳但成個過程都好舒服😌

咁岩去慈雲山 當然要去朝聖出哂名嘅沙嗲麵煲啦當日去到就無上網見到咁誇張 咁多人排隊不過我同朋友加埋5人 都有等左陣緊枱因為餐廳唔大 內面地方都好擠迫 一眼就體哂但都無阻我地要享用美食嘅心情！一坐低 我地就有分別叫左：- 沙嗲豬扒麵煲沙嗲麵煲有得簡跟牛肉之餘 仲有雞扒同豬扒簡岩哂我好想食沙嗲 但又唔太食牛肉嘅人師傅應該仲要係煮沸左個湯 先放個生嘅麵送出嚟比客人 咁就可以食到暖笠笠嘅麵煲 又唔會令麵煮得太冧- 花膠素翅煲其實就係豪華版嘅碗仔翅如果唔食花膠仲有剩素翅煲添出到黎都仲沸騰沸騰緊冬天食暖笠笠- 芝士撈丁黎個就一啲都唔推薦！好普通之餘 仲未倒乾淨啲水。餐廳姐姐見到我地著淺色衫 仲主動提供左圍裙比我地 以免彈到整污糟件衫 十分之細心呀！下次有機會再黎慈雲山 都想試下其他出色既煲仔飯

今次係慕名而來既，聽聞呢度嘅沙嗲牛肉煲仔麵好正，所以就嚟咗食啦！！我哋算係早，6點幾黎到都唔使點等位😏食完七點幾出邊已經排晒長龍今次叫咗兩個煲仔，一個面一個飯加份西多士😋😋沙嗲牛肉煲仔粉絲牛肉係滑嘅👍🏽但粉絲就有啲韌，似係未熟透嗰種😅。。。至於沙嗲佢唔係平時食沙嗲牛麵嗰種味，而係似食串燒嗰種，嗰醬料係足料嘅，好杰，有好多花生碎，但香味唔夠！所以我個人就覺得一般🤷🏽‍♀️西多士非常出色！外脆內軟，花生醬夾心，正！芝士雞煲仔飯有別於一般嘅煲仔飯，呢個係特色嘅，一開蓋就聞到好香☺️嘅芝士味，只係個飯有啲濕，如果乾身啲就更好😉，飯撈埋會有拉絲嘅效果，但一定要趁熱食因為凍咗就唔好味😖總括來講都OK嘅，只係性價比唔算高，如果要排隊入去食我就覺得唔係太值得🙈

😋為左池名沙爹牛肉麵同麻辣肉餅煲仔飯慕名而來，去到慈雲山朋友帶路去榮記茶室，一到步唔洗等位，即刻入得，店員細心地安排左卡位比我地，望望四周圍既食客，大半以上都有叫沙爹牛肉麵，可見是此店必點食品! 1️⃣池名沙爹牛肉麵-用沙碢上枱，上枱店員一開蓋，看湯底感覺是淡淡的沙爹牛肉麵，點知同朋友試試湯底，味道濃郁，配合<公仔麵>簡直係絕配，牛肉口感非常軟嫩而不爛，不會硬梆梆，難怪經常店鋪經常大排長龍👍🏻 2️⃣麻辣肉餅煲仔飯-雖說<麻辣>，如單獨食肉餅會感覺偏鹹，但只要配合米飯一起入口，味道恰到好處，麻而不辣，不淡不鹹，非常惹味，真係食到津津有味!大推!!!!!! 朋友不太食辣都大推呢個肉餅飯，值得一試!

第一次黎到慈雲山就係為左食呢個最近排晒隊嘅沙嗲煲仔麵平日中午黎到都坐滿晒，不過好彩等一陣就有位啲姐姐好有禮貌態度超好，本身想叫兩個牛肉麵，又建議我地試下豬扒/雞扒，又有提醒我地如果食得慢啲麵可能會淋晒，所以食得慢嘅話叫米粉會好啲落左單之後好快就有得食，兩個麵上枱嘅時候都超級熱辣辣，仲bopbopbop緊🤣 個沙嗲真係好濃好正，勁香花生味，又唔會太鹹，味道十分適中個牛肉同豬扒都好好味，好淋好香口👍🏻👍🏻

一間出晒名既食店，其實都唔想寫食評，但呢間咁隔涉既長期龍店確實係有啲料到，唔✍🏻唔得。🤣慈雲山毓華里其實有好多隱世美食，但呢間茶記因為一個沙嗲煲仔🍜做到街知巷聞，好多人唔嫌遠專程入黎排下隊，我都唔例外🤗。佢地每晚🕘截單，我同老婆諗住食尾輪唔駛排咁耐。我地2045到，點知出面都仲有N人排緊，成個如意🧮跌落地下😓⋯2115店員出黎落單，然後截單。我地點左一個金蠔🦐乾煲仔飯同煲仔沙嗲🐮肉麵，好期待🥰。排到2145先入到去，足足排左一個鐘，入到去再等半個鐘先黎個煲仔🍜，再過15分鐘，阿🍚先到，確實係等得下，心急者鎮入。不過，個煲仔🍜堅有驚喜，香濃沙嗲醬➕煲仔牛肉麵，令佢由常餐主食王，升呢秒變獨當一面既民間美食。至於個煲仔🍚，都唔錯既，但CP值較低，下次我會考慮食返普通煲仔飯🤔。最後一提，一般人龍食店都係服務有限公司，但呢間龍店既服務真係nice到冇朋友，🖐🏻個店員態度又好又細❤️，絕對係暖心服務，最後仲同老闆吹左15分鐘水，如何由一間小小茶記變成今日龍店，確實係成功有道！👍🏻榮哥，下次見🤗

真。沙嗲煲仔麵🍜($68)呢間茶餐廳最signature既食物就係呢個沙嗲煲仔麵喇🤩 相信大部分既人都係俾呢個都吸引左黎食,包括我自己在內😂 餸可以揀牛肉/雞扒/豬扒, 我地揀左同沙嗲最夾既牛🐮 麵底可以揀粉絲/ 公仔麵/ 米粉, 反正都邪惡開就梗係揀公仔麵啦😚 熱辣辣既沙煲裝住超濃郁既沙嗲牛肉麵, 未食都已經流曬口水🤤 沙嗲汁既濃度係極高, 花生味都幾香濃🥜 新鮮既牛肉超嫩口彈牙絕非用肥牛片😚 公仔麵就煮得冇咁腍, 等食客食到最尾既時候啲麵唔會脹曬👍🏽膶腸排骨🐷($80)秋冬食臘味是常識吧! 食煲仔飯又點可以少左呢樣野呀😏 呢個配搭真係冇得輸, 膶腸原條上再配埋大量既豉汁排骨真係超級惹味, 食完呢個飯膽固醇應該超曬標😂邪惡芝士煲仔飯🧀($83)呢個飯真係邪惡到癲, 係三個入面我最鐘意既一個😍 冇諗過呢個配搭可以咁夾, 一打開個蓋芝士味已經湧曬出黎🌊 老闆仲推薦加隻蛋落去會更香🥚 (+$5) 啲芝士啲絲多到好似蜘蛛絲咁, 真係好好味😋 再配埋少少脆脆地既飯焦簡直係一流流浮山金蠔拼蝦乾煲仔飯🦪($143)聽個名都覺得呢個飯好有霸氣🔥 三隻金蠔配大量蝦乾, 真係真材實料同埋大大份👍🏽 不過

今日路經慈雲山，諗起附近有間出名食煲仔沙嗲牛肉麵既餐廳，所以就走去試下。一到埗，已經有好幾個人等緊位，等左大約10分鐘就入得！店舖個size偏細，所以坐既位置唔算闊落，唔算太舒服但侍應態度幾好，好有禮貌咁問我想嗌嘜野食，咁我當然嗌個煲仔麵啦！等左5mins度，煲仔麵就送到我面前啦！侍應仲好心提點我，想食硬身一點既麵條就等1分鐘，想食霖身一點既就等2分鐘好細心一試既湯底，味道都幾濃郁，沙嗲味好重，但飲落會令人有種想飲水既口渴感覺，有d似落左好多味精既感覺再試下食個牛肉，肉質尚算嫩滑呢點值得一讚，好多餐廳既牛肉都整到好‘鞋’再食埋個麵，食到一陣陣既花生味帶出香滑既感覺，但我認為沙嗲味太重，失左少少平衡雖然睇落同食落只係一碗好普通既沙嗲牛肉麵，但值得欣賞係睇得出老闆從細節上落左功夫起碼我欣賞佢既嫩滑牛肉同濃厚既花生味！係普通既餐廳食到與別不同既沙嗲牛肉味

一直一直好想試榮記金蠔煲仔飯，但路途太遠，所以得個諗字。今日放工飛的去食目的係牛頸脊旦飯加三隻"陳蠔"女店員話冇晒金蠔, 一早賣晒我話咁牛頸脊旦飯佢介紹我食玫瑰肥牛飯我問邊隻好食佢話兩隻都好食我諗吓先都未確認自己想食咩就見到手寫143嘅單飛落枱面果刻我仲未確定自己食咩好快一個用牛圍到玫瑰花咁嘅煲仔飯到女店員倒咗啲透明液體係我煲飯度然後點火成件事明晒玫瑰露肥牛飯同我想食嘅牛頸脊完全係兩碼子嘅事啲飯有洒味我食唔慣啲肥牛唔肥嘅因為143同我撘咗貴過煲飯嘅車所以我夾硬食食食吓我聽到有人叫三個金蠔飯我心諗唔係吓化又問另一個男店員佢話"陳蠔“冇，但金蠔有但我明明一早同女店員講我特登係好遠地方撘車嚟食金蠔點解兩個講廣東話都溝通唔到環境一般我預咗但疫情下都坐滿枱同枱中間亦無圍板坐我對面對男女一路食一路講嘢我係連鎖快餐店細細張二人枱中間都提供隔板我想信我要放棄金蠔煲仔飯明明今日懷著人生充滿希望嘅心去慈雲山但就帶著極度失望嘅心返屋企