正冬火鍋料理 (Closed)

任飲任食火鍋 (團購價$118，另收茶芥及加一服務費)(好食指數: 6/10)2013-10-29秋天涼涼地，又係打邊爐既季節喇！火鍋walk in入去食其實都係$148全包，不過團購就多左每人一份刺身。刺身唔係日本餐廳都有d擔心，點知都ok。火鍋配料唔算特別多，而且質素比較普通，例如魚皮太腍鮮牛肉質素麻麻。叫左龍蝦$88就更麻麻啦，少肉又唔新鮮。除左火鍋之外，仲可以叫糯米飯，熱辣辣不過腍左d。

今晚用團購飛去打邊爐, 雖然款式唔算多, 但質素都算中規中炬, 服務亦比預期好.我有咳不能喝冷飲, 但他們免費供應的都是冷飲. 一個黑黑廋廋的部長,他即拿杯熱蔘蜜給我, 見我飲完更立刻問我要否添飲, 真係冇得彈.

女友買左團購, 臨食前睇睇食評講到好差, 擔心左半日, 幸好無所講咁差, 可能該店收到投訴改善左少少吧我係book 左平日6:30 0個場, 所以無乜人... 講講環境 - 地板的確好滑, 最離譜係容許客人食煙食物方面: 團購任食預左食物質素麻麻, 牛肉一點雪花都無, 菜亦唔靚, 好多爛既, 之前有蠔任食, 但當日無, 炸魚皮唔新鮮, 油"臆"味重, 唯一有誠意係個麻辣湯底, 真材實料!幸好汽水係凍既, 同埋無漏單, 點既野都齊哂總括黎講唔會有下次

如果我有看上一篇食評, 如果看了兼且相信一篇食評, 我便不會購買該店的團購.事源早在一個月前在網上買了 $118 團購 (任飲任食兩小時) 我們一行24人, 在用膳當晚的一個星期前, 已訂了兩張12人大枱.訂坐時間是晚上 8.30pm, 我們也考慮到坐位安排可有混亂, 所以某幾個朋友已提早 8.00pm 到達, 好讓該店好好安排飯枱.可惜到了 8.30pm 仍沒有通知入座, 追問之下根本沒有安排, 只一直叫我們在門外等候. 卻不斷招呼 walk in 的人客. 大家都深感疑問, 入內觀察後, 場內根本沒有一張 10-12人的大枱, 全是 4-6人, 6-8人的枱. 那時已經是 9.00pm雖然我們很不滿, 但已經抑制住情緒. 遂向部長查詢, 但只是不斷叫我們等候, 仿如政府高官叫我們輪候公屋一樣.最後擾攘到 9.30pm, 大家都餓到發慌, 於是決定去別的酒家, 事後再向消委員投訴. 希望其他人不會步我們後塵.

訂咗８：３０ＰＭ，都要等一個鐘，不停話６：３０ＰＭ嗰轉食完結帳中！但係都無人走，要等成個鐘又做乜要人幾日前 book 枱俾晒 coupon number 又話唔俾改時間又話唔俾遲？？話就話團購有３轉（６：３０ＰＭ／８：３０ＰＭ／１０：３０ＰＭ），其實都係完全無安排過，忽然又話６點半Ｄ人遲入，所以要遲走。乜你地之前電話唔係話遲到都要準時交枱咩？？！！咁仲有無理過其他準時到D客人嘅感受呢？？仲要發現其實 walk in 去食都只係＄１４８ 全包而唔係團購講嘅＄２８０！！！！！９點後就＄１１８全包，而家等到９點幾先有枱，用團購仲貴咗添！！因為團購係＄１１８＋＄１１。８＋＄６＝＄１３５。８，好有俾人呃嘅感覺。一坐底第一件事係不停換餐具，唔係因為有爛而換，而係好似用過未洗咁一大片啡色污物在碗筷同打邊爐細筲箕上　湯底方面，好似用咗Ｄ大陸一滴香咁，仲差過大家樂Ｄ湯底。飲品方面，如果你鐘意飲Ｄ唔凍嘅汽水，大把俾你飲。食物方面，除咗菜心苗好甜同Ｄ細虾仲新鮮之外，其它食物唔食都無乜所謂。。。不過都唔係樣樣有得你食，就算你寫乜，好多時都錯單，四寶丸次次有唔同四寶俾你食，跟手就會話無貨賣晒，好似有得你食好食

本身想去德興食任食火鍋嘅, 不過睇完戲先食都成十點鐘, 驚去到德興冇野食, 所以個fd介紹就黎左正冬啦o望到門口都覺得唔錯, book左位唔洗等, 場入面都幾多人, 未至於迫爆嘅, 咁睇黎呢間野都幾受歡迎o坐低, 望下宵夜時段每位$78(平左$10), 咦, 好似又ok wo, 仲平過德興, 不過埋單時...人頭 - $78茶芥nut屎 - 唔知幾多個$10雞蛋 - $10蒜蓉 - $10辣椒 - $10湯底 - 幾十蚊最後計埋+1, 埋單4個人$56x咁其實唔算貴, 但係計埋d食物質素嘅話其實我唔會黎第2次啦, 款式唔多, 野唔太好食, d蝦勁細隻, 漏單(我諗係有d野賣哂扮漏), 野飲係任飲, 我地叫左個莞茜皮蛋湯底, 肥牛多數係d得d肥膏冇咩肉o可取嘅係d員工服務都算係唔錯, 同埋你如果真係想食宵夜打邊爐嘅我諗選擇唔多之下, 佢都ok(因為佢開到好夜, 同埋係真係仲有野食)

是日為朋友慶祝生日, 由另一位朋友選擇了這裡訂了座, 我們晚飯時間到逹, 竟然只得寥寥可數的兩三枱, 很出奇, 以為在這條街的中式火鍋不多, 多的是韓式餐廰, 豈料生意淡薄, 早知不用訂座!心想可能再晚多一點會多些客人, 可惜坐了一晚都只是大約半場滿...我們點的火鍋材料一張又一張, 事關等很久都有食物未到, 不知是漏單還是根本廚房沽清某材料, 但從來沒員工向我們交代, 火爐失靈又跟我們說沒壞, 為的就是不想換爐, 態度惡劣, 幸好有另一員工幫忙, 才算下了氣! 整體食物只是合格, 不是最好的品質, 加上員工的質數, 真是對這店有所保留... 相信知期內主動光顧的機會會很微

我最喜愛既火煱店點解變成咁架 ？以前係我最最最鍾意既火煱店。依家轉左有任食或散叫，任食料比較差，唔新鮮、質量唔好，差天共地，真係好差 ~ 湯底選擇少左，唯一安慰既係湯底味道無變，但料少左啲囉 ~ 再黎食 order 都仲有機會，任食就免喇 ﹗豬骨湯底，味道依然香濃，好正既豬骨味，只係啲料比以前少左好多，只係放啲大大舊無肉豬骨頂檔，以前都有啲豬軟骨，啖啖肉食吓。活鮑魚 ( order )，勁新鮮，郁黎郁去，好生猛，啜實隻碟死唔肯就飯。唔好等，即刻一鑊熟。勁鮮甜彈牙，食完仲想再添，但實在太多野食，食唔晒，唯有擱置依個念頭。肥牛粒 ( 任食 )，肥到食緊肥豬肉咁，無咩牛肉味，覺得好似係牛扒邊既脂肪部份切出黎，費物利用。生蠔 ( 任食 )，就咁睇唔覺有問題，一食落去係死蠔味，一啲都唔新鮮，無鮮味，口感散筲筲。手切肥牛 ( 任食 )，普通貨色，口感較實淨，唔軟棉滑留，牛味都算夠，脂肪比例可接受。聖子皇 ( order )，真係勁大抽，有七八吋長，味鮮、爽口。海蝦 ( order )，係死海蝦，仲要死 Q 左好耐，郁都唔郁插住條竹籤，肉又霉、蝦頭又腥，頂﹗咩野料呀 ﹗魚脣 ( 任食 )，味道似群翅

今日約左一班同事一齊去飲茶, 同區既平時食開寧記或潭魚頭, 唸住今次試下正冬啦, 點知就唔食好過食 初頭打去訂位電話一直唔通, 可能太繁忙啦, 1點去到一開門見到裡面靜英英, 完全唔似係酒樓囉, 地方唔算大, 其實佢地冇幫我地留位囉, 可能知冇乜人去啦, 所以我地入到去佢都是但叫我地坐一枱就算, 佢呢到既點心有啲就做特價 $7.8 $11.8我地叫左都有14籠點心(有啲係double), 蝦餃, 燒賣, 千層馬拉糕, xo醬鳳爪, 豆苗餃, 叉燒飽, 炸奶黃飽, 粉果, 金錢肚, 叉燒腸每樣點心都麻麻地, 最好食應該都係xo醬鳳爪, 最難食係叉燒腸, 變壞左既叉燒腸, 有怪味唔新鮮睇黎呢間野只可以做火鍋, 我見食評個個都讚火鍋好好食好正咁, 估唔到lunch飲茶會咁鬼差, 真係唔會再有下次

This is the first time I went to this restaurant for dinner. The quality of food is good as well as the service. All of the waiter/ waiteress provide good serivce to customer. Even we're just only 2 people and ordered the basic set for hotpot. Especially the shop manager! In my point of view, food quality is important but the serivce is very important too. I was feeling so well during the dinner and really much appreciate all the staff of this restaurant. Last but not the least, hope they can ke

這次一行六人到正冬打邊爐, 皆因有朋友試過灣仔分店, 大讚食物質素高, 所以來尖沙咀分店一試, 食前看過食評, 有點擔心, 朋友book 左位, 即管一試。晚上8 點到, 吾使再等位。 限時2小時, 為免有誤會, 事前先問清楚收費同包邊樣飲品, 我們全程飲pepsi 同夏枯草, 最後加錢叫了 beer!叫了 豬骨煲湯底, 好入味, order 的食物亦準確到達! ( 5次落單只有一次走失左d 菜)要盛讚各樣材料都好新鮮, 特別係牛肉, d 丸亦好彈牙! extra 叫左炸枝竹, 没有"小肥牛"般香口..打邊爐最好的是能坐在一起談天, 幸好環境吾會太迫, 侍應都有求必應, 雖冇電視睇, 侍應服務真的好好, 仲稱呼了我朋友的姓氏兩次, 今時今日咁ge 服務態度, very good! 自己係做服務業, 好欣賞酒家也有這一套令人感到鑄尊重的服務, 一定會再黎!

今日一心唸住去試下，因為見到生果日報好似幾正，唸住去試。我下午二點幾已打電話去book啦佢問我幾點，我就話7:30至8:00左右到啦，我地7:50分就到啦~~~去到個侍應唔多理我，好啦我地等啦~~等到8:15分我又問多一次幾時有位，佢就話好快有位比我地，但我見好多佢好似識的人比左佢地入先，咁我火都來啦~~~佢就話會好快比到位我地，但由頭到尾都冇話重有幾多個比我，到到8:45分啦~~~佢比左個遲過我地來的人先，我又嘈佢，問幾時到我地，佢又係話好快到啦~~~等多陣好我地等到九點三啦~~~佢又係咁比佢的熟客~~好似我地唔係客咁，之後我就走，所以你地要去呢間野食要先係熟客，如果唔係真係要等好耐，我以後都唔會唸呢間野，因為個服務真係好唔掂，就算d野點好食人地讚到識飛都好~~~食唔到講咩都係假~~

星期六同個 friend 睇婚紗鋞過, 見有幾多人飮緊茶, 就入咗去.估吾到尖沙咀, 仲係星期六12:30. 點心超平, 有d$ 6.8, 有d$8.8, 其他就有7折. 我哋叫咗燒賣, 鳳爪, 咸水角, 叉燒腸.咸水角似即炸, 熱辣辣, 好好味, 其他就o.k. 埋單2人$60有找, 平過食西餐,環境一般, 勝在乾淨, 人多但吾噪, 服務好好, 一叫就有人serve. 吾會辦睇吾到o

友人之前來過，任飲任食火窩而且有房可以訂，於是他提議再來，慶祝另一友人的生日。到達後，(1) 發現「房間」代表「屏風」(2) 12人檯來了5人，未坐暖便不停介紹所謂優惠海鮮而且差點想立即上菜(3) 表示我們選擇任飲任食後，2位經理上演變臉(4) 突然又說因為我們訂「房」所以每位加$20(5) 5分鐘後經理先生又說原來他可以簽單，因此不需額外$20(6) 由上列第3點開始，服務人員已經從此消失(7) 上列第5點後，我們的「房間」便中門大開，並多開了一桌情侶火窩(8) 由訂位到上列第7點，沒有人員提點我們限時進食(9) 突然一次 order 啤酒時，經理先生拒絕接單(10) 他們內部會議後，特赦我們繼續付費飲啤酒昨晚的心路歷程： 如果這樣所謂訂房需要最低消費或者其他特別條件，訂位時說一下就相安無事，為何要我們受如此諷刺的對待。表情加對白出賣了經理先生，我們不是貼錢買難受的消費者。可是，如果純粹講火窩料，我會覺得。

今日好想坐得舒適一點，靜靜的嘆吓報紙，歎番一盅兩件，最好莫過於此食物都係大路野，叫咗兩樣點心蒸鳳爪—醬汁好惹味好淋好入味好香金錢肚—厚厚的而且味十足食落口好爽口侍應生D服務態度我又認為都OK裝修唔錯,感覺舒適, 又唔會太嘈吵來這裏，食物好不好吃也是其次，重要是可以舒舒服服嘆吓茶