正冬火鍋料理 (Closed)

之前我一直keep 住來呢間正冬打邊爐，一直都覺得味道幾好，價錢公道，服務態度幾好，距離我上次去正冬打邊爐大約一個月既時間，昨天去到，佢d 人轉哂，只剩反一個我認得既，初時都覺得會唔會係轉左手？到我order野食，開頭我叫左個魚清湯底 (味道都仲keep 到), order 左個象拔蚌刺身，佢做緊特價$ 168.00, 味道ok, 再叫左其他野食,失望點在以下: 1) 當中我地叫左脆骨腩，佢竟然來左鯇魚腩，以為佢落order 錯左啦﹗就同佢講叫佢換，之後佢真係比反脆骨腩我地，但d 脆骨腩完全唔掂，唔爽口唔新鮮，我咪叫佢cancel囉，我話點解唔新鮮又唔出聲？(因為之前佢地覺得唔新鮮既佢地都會出聲), 我覺得轉左人後好有混水摸魚既感覺。2) 我地問佢咩叫做"蹄根" ?個經理好似唔係好知咁？之後講講下又話係豬腳根, 但來到時完全唔係豬腳根，我再問反佢，佢話其實佢都唔係好清楚﹗救命﹗3) 我地又ORDER 左個手打魚麵，佢開到個洞口鬼咁大，吱出來勁大條，好似屎咁，之後我地同佢講，咁點係麵呀？佢就話換過比我地，叫佢個洞開細d, 到0個個阿姐攞出來時即時幫我地吱埋落去，結果都係一樣﹗我就覺得佢地

晚上9時進場因有活魚刺身贈卷落單時已交給待應但等待了半小時期待的『活魚刺身』依然未有多次向待應和店長查詢只會機械化的回覆已經在處理中直至約10時半後已經放棄等待預備結帳時『活魚刺身』才姍姍來遲而『活魚刺身』只比小孩的手掌大上一點兒就算是免錢的贈送也太不夠體面吧這小小的一條魚毛有需要處理一小時多? 而當時全場當時還不到5枱客食品價格又不算便宜已經推卻店員多次的貴價推介每人消費還要約$250要問我對此店有什麼深刻印象就只有店長店員公式化的回應唯一可以推薦的食品『手切牛肉』下次如有人請我來吃也要考慮會否浪費時間

訂位時明明講好話會畀兩個爐我地﹐點知去到竟然話無記錄。已經一早去訂﹐去到明明有其他枱﹐偏偏畀咗張又迫又窄近門口嘅枱我地。記得CHECK清楚張單﹐分分鐘計多你好多﹐仲成日推銷埋啲好貴嘅魚﹐無乜野食咗八個人每人二百四十。我一定唔會再去。

行過門口見到有大閘蟹送即管一試,原來送蟹毛都算因是送的,order時待應總是推介貴價食品不要的時候即黑面,令我立刻想起劉德華,卒知叫左所謂鹿兒島和牛,失望....$10碟牛肉因平ok,生猛海班真是笨旦,其他火鍋料一般水準,總知失望.....

上週六已是我和家人在三個月內踏進這食肆的第五次，依據並非在該區居住和工作的本人光顧的次數計算，已顯示出此食店應有其可取之道，而有關推薦此食店的評介亦險些兒在早前衝動地提交，幸好個人認為對任何服務行業的評價都不應一鎚定音，這樣除對經營者有欠公允，同時亦影響有意光顧人士的意向。以個人對火鍋店的要求評分，它的環境衛生經已合符標準，店內裝備簡潔，每檯座位空間大致上有距離，而出入通道和洗手間亦未有一般火鍋店常見的濕濕漉景象。至於食材新鮮度和選料方面亦算認真，其中以脂肪分佈均勻的手切本地肥牛肉、瀨尿蝦丸、限量供應的魚三角﹝每條大魚只能提取一個，但三個只售三十八元﹞魚卜和鬆化的炸腐皮，另配合分盛鮮甜魚湯和頗神似的四川麻辣鴛鴦湯底等，都是在下覺得有水準的食品，加上普遍食材定價合理，本應是一間圍爐遣興的不俗地方，只可惜以上美譽卻輕易地被三數名態度差劣的極品管理人員所拖垮，他們的異常行徑亦隨著市道轉旺而盡情地表現出來，主要項目包括盡所能機械式地往食客推壓一些利潤高的貴價食品，同時往往在客人點選食品時提出食譜上未有表列的更好推介，也不會考慮對方的胃納，總務求要多多益善，對於一些不聽勸諭的頑劣食客，可即時免費

我地二個人叫左個鴛鴦湯底,我好中意個白色湯底,裡面有雪梨同番茄紅棗,唔知係唔係魚湯呢,真係好好飲,我愛人最鍾意果麻辣底,果晚打邊爐仲有大閘蟹送,一人一隻,另外order 要$28一隻,意外地好多膏喎,食完大閘蟹我地開始打邊爐,二個人叫左一碟特價$10美國肥牛,油墨菜,四寶丸,8隻鮮蝦(照秤的好似12元一兩),牛柳粒,我見到有鹿兒島和牛,要188元,無試到,見到隔枱有食,真係好想叫丫,但係咁貴無叫到囉,手切肥牛都有三種唔同價錢,我試過128元果隻,都o.k ,這間價錢都算中上,但蔬菜類價錢都o.k 唔會砍人,d 冷氣真係夠晒凍,凍到有d頂唔順,但係我愛人,就一路食,一路流汗,因為佢食麻辣囉~哈哈今次埋單$300幾元,雖然唔係叫左好多嘢,但係都好飽了,

尖沙咀的小肥羊﹑有骨氣﹑寧記﹑樓上樓都去過﹐見新開了這間火鍋店﹐所以去試試。裝修不算好靚﹐甚至有點娘﹐不過都算寬敞。叫了鴛鴦鍋﹐是麻辣和魚湯﹐兩款都有驚喜﹐麻辣不太辣﹐但夠麻(雖然越麻越好)﹐比寧記打正旗號的麻辣還好。魚湯味道好清甜﹐齋飲都好正。總之湯底味道濃淡適中﹐夠味得來舒服﹐不會像小肥羊那樣勁味。值得一提的是枱面那支麻油﹐伙記說是特意從四川(好似係四川)訂回來的﹐果然好香。火鍋料方面都幾靚幾新鮮﹐叫了美國肥牛(好味﹐每兩人可叫一碟特價$10﹐好抵食)﹑特級肥牛(這個不夠肥﹐好失望﹐仲要收$188﹐叫多碟美國肥牛好過)﹑牛舌(好肥美)﹑羊肉(夠騷﹐好有羊味﹐我覺得仲好過小肥羊)﹑鵝腸(得)。什錦刺身過得去﹐不過不食也罷。總括來說很好﹐只是服務過份“殷勤”了少少﹐剛剛滾起準備開波又問你加唔加水﹐又推介你食這個那個﹐尤其是海鮮﹐但我一向火鍋志在吃牛﹐所以無幫襯他們的推介。