正冬火鍋料理 (Closed)

爸爸一向喜歡飲茶. 這天他生日, 請他來這裡點心款式不算多,但水準不錯,選食了以下點心棉花雞-好香,不過我唔鐘意有芋頭之餘,又唔粉囉~鳳爪-幾惹味,仲好熱辣辣.唔會太淋, 但芋頭好硬叉燒飽-內有一塊塊瘦叉燒,唔會好肥(啱我),但個飽唔夠軟身!!咸水角- 哩個真係推介, 我本身好鍾意食咸水角. 皮厚咸少o個隻^O^牛肉球-OK啦-勝在大粒及內有馬蹄，咬落爽口，都幾特別^o^價錢屬中上,但環境服務不錯,及食物質素都幾好,好滿意,相信日後必會再光臨呀 !

呢間食店我飲過兩次茶staff服務態度良好,食物一流,,點心即叫即蒸今日同d同事共3個人再去呢度飲下午茶我們要左五款點心一籠燒賣,一籠蝦餃一籠叉燒包,一籠排骨,一籠雞扎仲有一碟瑤柱蛋白飯蝦餃：皮夠薄晶瑩大粒，蝦肉爽甜叉燒包：夠肉汁,包身夠軟,當然好味排骨：肥得有點嚇人，一碟只有5-6舊排骨，很夠味燒賣：幾爽好好食，蝦豬肉比例均勻瑤柱蛋白飯：水準一流好食，飯粒幾爽，炒得好乾身,不太油服務態度值得一讚,有禮貌,我推介呢間食肆比朋友

今日又飲茶,星期日不算多人, 約7成滿我們五個人黎到被安排坐在一張入口的枱d人出出入入都經過我地,其實唔係咁好!食物味道真係唔係太差,我們叫了1. 咸水角 ~ 都幾得意,d餡係肥豬肉!! 但好油吓~2. 潮州粉果~4粒, size偏!就好多餡料!個皮又唔係太油,yummy!3. 蝦腸~ 腸粉滑, 但腸粉入面唔係全隻蝦4. 义燒飽~餡好足~都係出面酒樓嗰d差不多.5. 蘿蔔糕~上檯時熱辣辣,非常有水準,夠實同埋夠蘿蔔味6. 蝦餃~四隻,隻蝦好爽!7 .排骨~肉排多肉又夠淋, 好味最後送的紅豆沙都好好, 起沙的, 真想食多碗呢!服務態度好好,食物又新鮮,起菜夠快座位可也寬敞,我最欣賞之處地方乾淨其他食客也多是斯文的後生仔吃午餐時間我仲見到度有人食火鍋埋單$150五個人，都唔算太貴．

我之前都完呢度食野,都食到滿肚怨氣.....一去到其實已經覺得d人態度唔太好,好似唔願理人咁,問d人問題又好似乜都唔知咁,永遠都答d唔答d,一係就唔肯定,一係就話要問下其他人先,完全一d都唔pro.....就好似汽水問題,我同我d問題都有遇到,所以矇查查咁又俾多幾罐汽水錢!!@@至於d野食...真係好一般...d雜費又多...總之我同我d friend一定唔會再去幫襯law!!

本人對此店舖非常不滿, 原因如下:1. 店員同我地講beer & 汽水任飲, 咁味叫cola囉, 跟住聲到好似吾係所有汽水都係任飲, 咪問下店員囉, 點知個個都支吾以對, 話汽水係任飲, 跟住問可口可樂係吾係任飲時, 就話當然吾係, 九吾搭八, 結果問咗四五個人先知得百事七喜係任飲, 其他都要收錢, 如果我地吾問清楚, 成晚就要比多幾百元汽水錢.2. 我地15個人食飯, 就緊係叫到成枱都係啦, 嗰啲店員不時就同我地講, 你地吾好食吾晒, 否則同你地計錢架, 頂, 我都未食完, 關佢春事咩, 而且講一次就夠啦, 好似同你計住數咁......3. 廁所衛生程度一舨, 不過有陣好難頂既臭味, 好難逗留 (不過都吾會啦)4. 冷氣嚴重不足, 我地個個都不停抺汗, 啲店員詰無辦法wor5. 由訂枱到入座, 直至食咗兩個鍾都無人提過限時, 但夠鍾時就叫我地埋單, 同佢理論佢就話寫咗響張叫野食既紙到, 仲要即刻cut order, 要多罐汽水都吾比, 頂!總結來講, 食物一般無驚喜, 價錢吾算平, 但環境吾掂, 服務水準係超乎想像的差, 本人肯定吾會再去, 若有興趣比錢受氣既就不妨一試!

尋日去睇完婚紗, 見近近地有間火鍋店, 但竟然有茶飲, 所以就一試...叫咗個好抵既set, ($38) , 有"姚"柱蛋日菜心炒飯拼什菌浸時菜, 個菜吾錯, 好清, 而個炒飯更加有驚喜, 炒飯好好味, 一d都吾油, 還有勁多"姚"柱, 好好味, 雖然咁既價錢, 但份量都依然十足另外叫咗2個點心, 千層拉皇糕同牛肉球, 味道吾錯, 真係新鮮即蒸...真係食到好飽呀, 埋單都係$75, 但最後竟然送上糖水, 都係第一次飲茶食點心有糖水送, 吾錯吾錯

平常來吃晚飯火鍋就試得多,還是第一次來飲茶煎腐皮卷：唔太油,煎得香脆，蝦豬肉比例均勻蝦餃：皮夠薄晶瑩大粒，蝦肉爽甜排骨：可能豬肉貴，所以一碟只有5-6舊排骨，其餘係芋頭瑤柱蛋白飯：炒得好乾身,不會太油，飯粒幾爽加埋茶芥小費七十多塊錢,都算叫經濟總括食物的味道是OK,環境舒適,服務良好值得推介

$88/位任飲任食打邊邊,出發前巳經睇過食評,攪到我有少少擔心tim但好友Angela一早就被佢嘅$38泰色生蝦宣傳單張所吸引,所以決心陪佢一試我哋一行6人,揀咗個鴛鴦湯底,呢度嘅鴛鴦唔係配沙嗲湯底,而係指定配麻辣湯底,本來一向唔like麻辣嘅我,竟然都覺得好味wor!我哋仲叫咗好多嘢食,喺任食火鍋之中,呢間真係算好多選擇,而且食物質素平均都唔錯!我哋另外Order咗泰色生蝦,幾碟椒絲($10/碟),8支大枝裝嘉士伯,($13.80/支),都幾抵飲!

HKIFF又開鑼, 朋友幫我係網上買左飛, 咁就約出黎一手交錢一手交貨, 順便食飯.本來打算去食日本放題串燒, 不過FULL BOOKING, 咁行下行下就黎左呢間食~~呢度有任食火鍋, 都好多野食下. 不過唔包啤酒任飲~~個 “煙央” 湯底超正~~魚上湯係奶白色, 好鮮味(不過應該帥傅都唔少), 最正係個麻辣湯底! 唔會太多油又唔會太辣, 不過又好香好濃又好夠花椒, 麻香而不辣~~正呀~~任食既火鍋料黎講都算OK啦~~又唔可以要求太高既~~其中炸魚皮相當不錯~~因為朋友想食D好野, 所以另外ORDER左生蠔同手切牛肉(中).D生蠔朋友話唔太新鮮, 我就覺得都OK~~手切牛肉唔錯~~幾嫩~~不過如果多D雪花就更加正喇~~當晚好多日本人, 看來做遊客生意為主~~

好一陣子沒有吃過火煱了。是日跟好友想找個地方促膝長談，天口正涼，一邊"烚吓烚吓"一邊漫談，一樂也....一時失策，心想只是平日，要找兩個位子應該不會太困難吧。怎知不斷在尖咀遊走，竟然差不多間間都full house，找得人也有點不耐煩了最後經過此地，卒之有位。心想到處都有人滿之患，偏偏這裏卻還有一半空位剩，水準已是可以預料了。但實在不想再到處蕩，只怪自己太大意沒有訂座，唯有安然接受之一坐低後侍者馬上推介那些任食火煱。小弟一向對之避之則吉，還是決定散叫為妙。看見配料價錢平均五至六十元一碟，手切牛肉差不多要索價百多大洋。在尖咀地段，這價錢已是差不多了...隨意地叫了個清湯底，事實上應稱之為魚湯才對。喝一口，味道有點鹹，跟着喉嚨有點不適，似乎是有點師傅存在打從這兒開始，已對跟着的配料不存厚望了....叫了最基本的手切牛肉、鱔片、脆肉鯇、四寶丸及珊瑚蚌。份量適中，但用料卻不很新鮮，特別是脆肉鯇，吃進口竟然是"脢"的；牛肉望上去有點雪花，但卻是牛味不濃，更不消提有否入口即溶的感覺了；四寶丸肉質很鬆散，吃"粉"多過吃肉，進口是淰pat pat的，差勁得很；珊瑚蚌及鱔片算是比較正常，兩者入口皆挺爽的

呢排天氣凍, 最好就係去食火鍋!我同bf去左呢間正冬火鍋, 因為剪報話免費送一條池魚刺身.之前打定電話book左6:30pm, 點知間店度都無咩人.呢度食火鍋, 星期一至四 每位$88, 星期五至日 每位$98.湯底另計, 醬油同茶芥另計, 仲有加一服務.我地叫左個鴛鴦湯底, 一邊係麻辣, 另一邊係魚湯, 呢個湯底$45, 唔算貴.我本人好怕魚鱣味, 但呢間既魚湯一路滾一路都聞唔到味, 而且醬油唔係平時既鼓油, 係點魚鼓油, 無咁鹹.麻辣湯底唔會好辣, 係麻而不辣, 所以嗜辣既人可能未必會鍾意, 但就岩我同bf既口味.佢的野食都幾特色, 一榨榨飲品係任叫既, 連罐裝既都係.我地叫左榨話梅蜜, 好正!!! 但柑桔蜜就太酸, 另一榨荔枝蜜都唔錯, 可以試下.至於特色野食(當然係指任食個part), 有好爽口既白肉螺片, 好好口感既豬下青, 鵝腸, 豬大腸, 鴨舌等等.呢間既炸魚皮仲好味過小肥羊既, 必食呀!!!羊肉都幾新鮮, 肥牛好大塊, 係我地既至愛.至於條池魚刺身, 免費咪食囉~要錢就唔好啦!我地每次都係每人$160走, 如果有興趣, 可以俾錢試下佢的象拔蚌, 我見過人地order好似

16jan2009, 一早打電話去訂枱, 但去到明明見到有枱, 但又不放枱,可能那些是4人枱, 不給二人坐, 但店裏得2張3張二人枱, 咁就不要接受我的預約啦!!接侍的人員 (大陸婆) 服務又不知所謂. 仲有, 雜誌裏話$88, 但加埋其他雜費,要$150先得. 希望呢間野盡快消失啦.

星期4約埋同事去買christmas party既大禮....由7點行到10點半....攰到腳仔軟呀~~~媽媽shirley~~就話去打邊爐~~~一諗就諗到黎正冬打~~~我未試過....完全無意見...梗係等佢地話事啦~~~我地一行6人~~~一入門口....waiter好有禮貌問我地坐邊...又問我地要唔要野飲.....倒豉油等等....都真係照顧周到....見我地話凍...仲好自動咁話幫我地教細少少d 冷氣....good~~~好欣賞佢地既貼心關愛....但係諗住食食下會熱....所以就叫唔好閂喇....我地既決定都係明智既~~~今日食左好多野~~~湯底 : 清湯+芫西皮蛋餸1. 花膠 2. 芥辣花枝丸拼芝士蝦丸 3. 肥牛. 4. 金菇, 秀珍菇,西洋菜. 竹笙 5. 豬潤 6. 貴妃蚌,珊瑚蚌,生蠔 7. 鮮蝦雲吞,水餃 8.炸腐皮 9.鱔片 10.無糖水西瓜汁,柑桔蜜以上食物全部都好好味~~~全部都好新鮮.....最

尋晚同未來老婆試完婚紗都9點幾.....諗唔到食咩好, 就係譚魚頭同正冬呢兩間二選一, 想食多次佢個醉雞湯底, 就o黎左呢間打邊爐!三個人(仲有老婆個fd)入到去, 唔駛等位(成個野得三張台有人), 叫左個醉雞湯底, 豆腐, 墨魚滑, 帶子片, 手切肥牛, 美國肥牛, 粟米, 鮮草菇!醉雞湯底===>比上次食既時候少左好多料, 個味淡左, 但好在隻雞仲keep度, 好滑!豆腐===>一般水包豆腐墨魚滑===>唔錯, 不過不失, 無話好唔好食帶子片===>全晚最好係呢個, 幾新鮮手切肥牛===>不知所謂, 我仲叫$168最貴果種, 比後尾既美國肥牛仲差美國肥牛===>$48一碟, 唉! 質素仲要比稻香既$28肥牛仲要差, 個樣睇落去似煙肉多過似肥牛粟米===>另一個不錯既食品, 幾甜鮮草菇===>我平時最鍾意食, 但今次.......o的草菇竟然係無洗過 上面o的一點點黑色野仲係度, 有食開草菇既人一定知我講咩! 真係不知所謂埋單$650, 咁既價錢......早知食譚魚頭仲好, 人地呢個價錢都多野食過正冬, 仲要好好味!

7月26日星期六晚與朋友吃飯，要交通方便，坐得耐都不會被人趕走，這裏的確是又一個選擇。雖然我們一行10人來晚飯，不是打邊爐，但d 小菜 ok，簡簡單單，大家都好滿意。最重要是價錢合理，尖沙嘴晚飯，坐成晚每人只需 $95。如果要求不高，只是想找個地方靜靜地吃飯敍舊，又不想太貴，這裏真的不錯。這家食店成晚都不夠10台客人，真的要支援下。