WM Café & Bar (科學園) (Moved) New Location

科學園人唔算多，但環境好悠閒，好適合放假過黎打發時間渡日神。《忌廉菠菜煙三文魚菠菜闊條麵》$68一開始見佢名有兩個菠菜字眼，以為係菠菜加用菠菜做既意粉🤣不過應該純粹打多左個菠菜字😂因為一上碟見到係普通闊條麵，但係無所謂，因為本身又唔貴。三文魚有少少腥味，麵好多碎，所以整體入口感覺有啲打折扣，好彩忌廉味出，菠菜都叫幾好。《巴馬火腿芝士薄餅》$80薄餅既餅底係薄脆型既餅乾底，而唔係一般連鎖店既軟熟麵團，兩者我都鍾意食，有唔同體驗，巴馬火腿質素唔錯，加埋芝士，火腿咸香，芝士香，配脆餅底，呢個薄餅我地都幾滿意，唔錯。整體而言，佢既性價比都高既。

今日係好姊妹大囍之日🤵🏻👰🏻, 做完姊妹後又攰又有少少餓所以打算同朋友係附近嘅餐廳食少少野就番屋企休息休息😴! 科學園環境清幽🏞, 好chill好relax😌, 周圍都有好多間餐廳林立, 小妹見到E間餐廳嘅下午茶Set幾抵, 岩哂想輕食嘅我地😊! 🌟蘋果汁🍎🥤/凍朱古力🍫兩杯野飲都正常發揮🌟珍寶美式熱狗配薯條🌭➕🍟熱狗味道正常, 不過不失, 薯條係小妹中意嘅Z型薯條, 口感幾脆不過份量比較少🌟煙三文魚牛油果牛角酥配薯條🐟🥑🥐➕🍟牛角包幾脆, 加埋煙三文魚同牛油果醬食落幾清新, 作為輕食唔錯!🌟手工蘋果批🍎🥧蘋果香甜, 肉桂味較重

我平時都好少寫食評但係呢個experience太差所以特登寫warn大家千祈唔好幫襯本身諗住星期日輕輕鬆鬆嘆個下午茶所以是但行入呢間餐廳，review 都冇睇結果中咗伏唔單止嘢食唔好食服務態度仲要係零分個女收銀員唔知咩事全程黑口黑面最過分嘅係我哋坐唔夠一個鐘佢竟然突然間拍手叫我哋走冇錯，係拍手!! 趕狗咁樣佢話佢而家黃金時間，話我哋霸住佢啲位但係出面明明冇人等緊位佢啲員工仲要喺餐廳裏面食緊飯收咁貴坐一個鐘都唔夠就俾人趕走又冇訂明用餐時間係一個鐘內我本身等緊個friend去完廁所就走搞到要好狼狽咁執晒佢啲嘢走嗌咗個lunch set 食carbonara 一啲都唔好食又貴相都冇影

趁著平日駕車去科學園嘆午餐，見到Openrice 咁多正評，仲諗住唔錯啦! 點知中伏!餐湯 - 蕃茄湯用杯裝湯雖然唔係咩新鮮事，但咁大隻杯裝得1/3湯，好難睇囉！幸好蕃茄湯味仲算濃郁。忌廉菠菜煙三文魚菠菜闊條麵一睇嗰樣就知唔對路，首先唔覺眼佢有咩忌廉汁，菠菜煮到爛晒，闊條麵咬落仲有點硬。唔怪得佢個餐收$58。雙層安格斯牛肉漢堡我老公想食飽d，特登單點雙層漢堡，點知係咁失望。賣相普通，望落似係下午茶餐，但收正價$88。牛肉漢堡也像M記貨式。原本諗住用電子消費有得泊車，點知呢間話係只收現金，令我地好意外。不過以佢定價，我地唔應該抱有咩希望，始終係一分錢，一分貨。我只可以講，我試完一次唔會再試囉…

難得可以去沙田踩下單車途中決定去科學園食晏晝揀到呢間Cafe餐廳有露天茶座同埋室內可以選擇由於嗰日天氣好好所以我哋就揀咗喺露天茶座坐加上出面有空位仲可以泊埋㗎單車係出邊餐廳主打一般西餐set,意粉pizza burger等等自取lunch仲一律$46跟餐仲會有蕃茄湯因為環保嘅關係所以餐廳唔會提供任何嘅飲管可能亦都想減少餐具嘅使用用咗杯嚟裝湯飲到滿滿嘅蕃茄肉味道唔錯叫咗個雙層檸檬烤雞配香辣脆炸雞芝士漢堡配薯條烤雞同炸雞嘅配搭好新奇食落去會有兩種唔同嘅口感另外醬汁方面用咗少少辣來做調味落去都好開胃巴馬火腿芝士薄餅個餅底係用咗現成嘅餅乾底巴馬火腿嘅鹹香配上番茄醬同芝士味道好夾食落去都唔錯餐飲就叫咗個凍檸茶同埋凍奶茶

今日難得兩個城市懶人入科學園郊遊下，順便黎食下好野，吹著海風，曬下太陽就黎到呢間小小既餐廳。🌬🌊科學園既餐廳既價格其實真係算合理，呢間仲唔加一，但服務其實都幾好，菜式都好多揀！🌿🍸餐廳環境唔大既，裝修簡約，有室內室外位，但我地怕凍又怕曬就坐返室內位算。客人唔多，環境靜靜地，好岩飲杯啤酒食下薯條吹下水睇書。🍺☕️其實真係冇諗話科學園都幾多野食，假日人流都好多，可能撞正下午茶時段，個個都去哂踩單車，就唔洗等位。🥫意式肉丸肉醬意粉（$68）🍝比起白汁忌廉，我更鐘意茄汁，因為食落酸酸甜甜，冇咁creamy 同膩！今次呢個意粉個味都豐富，唔會太酸太甜，balance到！而且有好多蕃茄仔🤩肉丸真係幾好食，份量就各位姐妹會飽既正常size，但鑑於我就眼闊肚窄開既，所以大概半碟開始飽飽地🍝🥩WM 安格斯牛肉燒汁雜菇芝士漢堡配薯條（$83）🍔另一位城市男餓左半日一入到就話要食burger。🍔個包外脆內軟，個磨菇好爽口，都keep到幾juicy，而且唔會食到成手汁！薯條🍟都幾脆口，份量可能各位男士會有少少唔夠，但每個餐都會用杯熱飲，再唔夠可以叫甜品！🧁甜品就我估今日提供藍莓芝士蛋糕同其他款，睇個樣都似不錯，

同男朋友特登去科學園行下，順便欣賞下吐露港上網search到呢間食burger好多人都讚所以黎試試 我地order左2款burger 總括黎講 唔算好特別$72 有齊湯，burger，薯條，包埋飲品價錢中等啦男朋友order左 WM安格斯牛肉燒汁雜菇芝士漢堡配薯條🍟望落幾吸引，但係食落塊牛肉唔夠juicy，有點dry不過個燒汁唔錯，連埋蕃茄芝士生菜一齊食，好fresh，唔會好漏唔知係咪雜菇太少，食完好似唔覺自己食左最後薯條就不過不失啦 我就order左美式BBQ烤手撕豬菠蘿芝士漢堡配薯條🍟呢個burger賣相唔錯個BBQ烤豬肉汁好味，豬肉好淋，𡁻完都唔會起渣而且份量多，每一啖都食到烤豬肉配埋菠蘿，成件事好夾整體黎講，$72食到成個餐，可以接受啦

半日工作後，途徑科學園，就順道來吃一頓午飯。以往午餐時人頭湧湧的情況，在疫情底下當然沒有了。況且我到達餐廳已是下午兩時多，餐廳更是少人。但把這視作為一種chill的享受，也算不錯跑吧。🤣這次點了安格斯牛肉光汁雜菇芝士漢堡，配上薯條，水準真不錯。漢堡包外層少脆而內暖、不乾身，已經賺取了不少分數。牛肉算得上有肉汁、肉味，配上惹味的燒汁，整體來說值得一試！著條起初感覺不算很多，但因為每條薯條也很粗，其實很夠飽。個人感覺鹽灑得太多，有點過咸😅由於感覺很舒適，有點想再享受多一會兒，就再點了一件藍莓芝士蛋糕，嘆埋跟餐的蘋果汁，這一小時就當自己短短的出走一趟吧。

天氣涼涼地最啱就係去踩下單車呢間位於大埔科學園嘅WM cafe價錢相宜 而且食物質素都尚算唔錯仲有戶外嘅座位最啱就係踩單車嘅中途補給一下呢度行嘅下午茶相當抵60蚊就可以食到德國腸拼盤 有迷你牛仔腸、 迷你司華力腸、 紐倫堡腸、 直布羅陀腸、 同美式黑椒腸味道各有不同 有啲就充滿香濃嘅香草味有啲就肉香比較重襯埋支1664啤酒真係perfect！另外亦叫咗個wm安格斯牛肉燒汁雜菇芝士漢堡片薯條漢堡包上佈滿芝麻 食落香口而且安格斯牛扒非常juicy 牛味香濃配合埋燒汁蘑菇加埋個fresh嘅生菜同埋蕃茄即刻補充曬體力薯條大大條又熱辣辣胃寒冷嘅天氣加添幾分暖意整體嚟講呢一間cafe cp值高離開科學園玩嘅 絕對可以試下呢一間餐廳

踩單車經過科學園太肚餓搵野食。有一段時間無去科學園。呢間食西餐舖頭環境舒適。岩岩當日天氣非常好，可以坐外面座位睇風景。下午茶時份都有好多唔同選擇，Ｐｉｚｚａ，意粉，腸仔，ｆｉｓｈ＆ｃｈｉｐｓ，ｂｕｒｇｅｒｓ．最後揀左珍寶美式熱狗配薯條，非常大份。好多地方既熱狗都用廚師腸，但佢地用脆皮腸，夠誠意，加分！唯一對扭紋薯條無感。ＨＡＨＡ３２蚊絕對超值。

近排天氣好，最啱就係做運動，一於就同A姐挑戰全港最長嘅新界單車徑啦！呢條單車徑喺2020年9月全面開放，由屯門起點，經元朗、新田、上水、粉嶺、大埔、沙田，最後連接馬鞍山，全長達60公里。不過一向少運動嘅我哋又點可以踩足全程呢？所以我哋只係踩咗成段裏面最受歡迎嘅吐露港段。由沙田踩到大埔，中間經過嘅科學園就係今次嘅中途站，嚟到WM Café & Bar 食個午餐，補充體力啦！雞串忌廉雜菇扁意粉雞串有成四串，好足料呀！雞肉嫩滑，醬汁濃郁。扁意粉掛上忌廉汁，好香濃，夠晒滿足。加埋雜菇嘅份量都唔少，菇香十足。WM安格斯牛肉燒汁雜菇芝士漢堡配薯條牛肉漢堡嘅時間掌握得好好，肉質鮮嫩，肉汁豐富，好Juicy，配上漢堡比較少見嘅燒汁，味道又出奇地夾，好惹味呀！套餐仲包埋飲品，夠晒抵食。（記住Like同Share畀朋友）By A姐M佬 玩樂日記 www.aandmdiary.com

今日入咗科學園行吓，見呢間 cafe 有歐多牙又有 1664 飲，就坐低 chill 吓，餐廳有好多外藉人士幫襯，感覺蘇豪。WM 特式腸併盤，併盤一共有五款香腸咁多，分別係迷你牛仔腸、迷你司華力腸、直布羅陀腸、紐倫堡腸同美式黑椒腸，迷你牛仔腸同美式黑椒腸最好食，我特登較咗我至愛嘅 tabasco 溝茄汁嚟點啲香腸，送啤酒一流，再加上 60 蚊一個 set 有成五款，我覺得認真超值。WM 全天侯早餐配牛油多士，呢個 signature all day 有太陽蛋、烤蕃茄、豬肉腸、煙肉、磨菇、茄汁焗豆同埋粟米，落完單先發現仲可以加6蚊加煙三文魚添，蝕咗，太陽蛋有兩隻，我攞咗其中一隻嚟夾塊牛油多士，咬爆啲蛋漿流落塊多士度呢個情景相當治癒，如果有埋煙三文魚做配搭我相信會更加好味。食完嘢攞埋支啤酒行出海皮吹吓海風，實屬人生一大快事。

與家人趁天氣好帶單車與兒子去科學園踏單車，上網搜尋到這間餐廳，也沒有理會價錢便打算去光顧，結果也十分滿意。首先，食物選擇多元化，漢堡包餐都有幾款，而且包湯，加飲品也只需十元八塊。我們仨點了兩個漢堡包餐及一個意粉餐，漢堡包不算很大件，但都可以，意粉則算大份，有蛋有火腿還有黑松露，雖濃味但不會太鹹。飲品也多選擇，涷朱固力加十塊就有，賣相比普通茶餐廳的朱固力高級一點，另外也有無糖可樂選擇。服務是一般，點餐都是自己出位去服務台叫，但價錢因此算便宜，這點將貨就價我認為可以接受。科學園是一個好地方，因為不是康文署管理，疫情下可以踏單車，能在這間餐廳吃飽才出發，覺得很寫意。

今日去大學搵朋友，朋友話大學站啲嘢食到好悶，所以就去咗科學園搵嘢食，見呢間食西餐嘅舖頭環境都OK，所以就入咗去啦。佢有lunch set嘅，我同朋友每人叫咗個意粉，分別係義式肉丸肉醬意粉同埋牛肝菌汁牛柳粒焗意粉。個肉醬意粉蕃茄味好濃，有粒粒車厘茄，肉丸同意粉數量都幾多，一定係健康之選。我叫嘅牛肝菌汁焗意粉既牛柳粒都淋嘅，有濃濃既牛肝菌味，意粉份量好多啊食到好飽。我哋兩個都叫咗杯朱古力，個朱古力上面有好多奶泡確實係用心製作，都夠朱古力味不過就甜咗少少。最後我哋兩個人share左一個檸檬芝士蛋糕，個蛋糕就有驚喜嘅，佢因為檸檬有小小酸，但芝士味都幾重同埋佢有特登整個消化餅餅底！個蛋糕都好軟滑。

除夕放half day, 於是到科學園探朋友。朋友就帶我黎呢間cafe食。呢間cafe好有聖誕氣氛，雖然地方唔算特別大，但都在裝修上花了不少心機。有聖誕樹，兩個門神(聖誕老人)和種種。環境都幾jeng. 我點了一個WM安格斯牛肉燒汁雜菇芝士漢堡配薯條和一杯朱古力。朱古力好jeng,表面有奶泡，精緻得好似可以拉花的咖啡，令我諗起係外國飲的朱古力。漢堡好好味，而且好易食，可以一手拿起來整個咬。塊牛扒真係食到d蘑菇味，好特別，不過可以再juicy d。朋友要了一份雙層檸檬烤雞拼香辣脆炸雞芝士漢堡配薯條。呢個漢堡就比較豐富，有兩層雞，高低不平，所以食得會比較clumsy。朋友話佢鍾意個烤雞，檸檬味好香好match。科學園真係好遠，但如果下次再黎的話，我仲想試下佢嘅意粉