和記廚房

Open Now

Now Closed

外家團年飯今年到了近近哋在香車街街市上的熟食檔的舉行，除了貪近便外還因為很久沒嚐過大排檔的那朕鑊氣了！話須是大排檔都很貼心有間房仔給我們安座，而且能免卻吸二手煙之苦很讚的安排，飲品我點了椰青＄30好大個又夠凍好清甜正啊！豉油皇鵝腸＄138今時今日有咬口的鵝腸可遇不可求，這兒的有咬口之餘還帶甘香好味道喎！白灼中蝦＄98/例牌我們人多所以點了兩份！新鮮又肥美的中蝦十分鮮甜，沾少許辣椒豉油吃已很出色。這份香口嫩滑的西施豆腐＄75弄得超正！外層脆而不油內裡軟滑可口，怪不得要用吃豆腐來形容調戲女仕哈哈！另一個豆腐菜式是份量不少的雜菌扒豆腐＄88，除了炸豆腐外還有不少菇菌和大白菜，味道調教得不濃郁很適合愛清淡口味的朋友。大佬喜歡吃魚卜見有薑蔥爆魚卜＄158當然開心點叫啦！魚卜吃下口感煙韌而且一點腥味也沒，配合惹味料頭薑蔥吃更加滋味無窮。細時在外吃飯選擇沒現時那麼多少不了叫碟生炒骨＄78，又令我想起生炒骨迷好友O小姐了！生炒骨醬汁份量調配得恰好，排骨骨肉相連味道亦沒有太酸表現正常啦！薑蔥桶蠔煲＄168的桶蠔質素我挺滿意，而且還炸得口感不俗呢！但略嫌獻汁有點過稠吃得我未夠稱心如意！點了三隻炸乳鴿＄75

其實單係荃灣香車街一帶已經好多食店，今次揀左和記廚房係因為有張優惠劵，所以早兩日電話book 位黎食晚餐。免費半隻薑蔥霸皇雞換領券差不多到期，一於唔好浪費，今晚用左佢。1. 砵酒桶蠔煲 $168，有7隻蠔，上枱時個煲熱辣辣，火喉十足，蠔平均亦算大隻，又夠鮮味，再加上洋蔥令到整個煲十分美味2. 蝦醬通菜炒鮮魷 $78，蝦醬味十足，但鮮魷略為無味3.炸墨魚餅 $88，內有粒粒墨魚肉，算係足料，同時亦炸得香口。職員好好，上枱時話比我地知廚房炸少左兩塊，一陣補返。有圖有真相，如果職員唔講，我都唔知一碟喺有8件，值得一讚4.薑蔥霸皇雞半隻 (免費)，沒有因為用換領券而份糧有所縮水，個醬汁好香麻油味，再加上甜豉油真係絕配，一定要試。整個晚飯十分滿意，職員態度又好，下次人多仲可以試多D 其他餸菜。

今日同一班同事放工食飯 大家都想搵個地方輕輕鬆鬆傾下計 又方便大家返屋企既所以就去左香車街街市既熟食市場 可以係星期五既關係 今日唔算多人 我地入左個鋪位入面食我地3個女仔嗌左幾個餸配啤酒 餸菜上得好快 而且好有水準 就算食完無走繼續飲啤酒吹下水都無趕我地走梅子骨(好味指數: 😋😋😋😋😋)我最愛既必點之選 梅子骨炸到岩岩好 d肉仲係嫩既一d都唔乾 上面再配梅子粉好野味 盤旁仲有梅子乾送啤酒一流啫啫雞煲(好味指數: 😋😋😋😋)d雞肉都係好滑 d豬潤又唔過火岩岩好 不過醬汁就有d多同鹹左少少 不過配飯一流(為最高)整體食物質素: 性價比: 💰💰💰💰推薦指數:

好耐無寫食評，因為之前一直都太忙昨晚OT收夜，公司搬咗去荃灣，終於可以食吓地道小炒膽粗粗走去幾出名嘅香車街熟食檔試吓，隨便選一間。五個女仔揀咗四個餸食大排檔必試嘅小炒皇 ，唔太乾身香口好味👍黃金蝦球，因已除蝦殼，食時幾方便，味道ok, 但份量少咗d啫啫通菜煲, 同樣唔會太乾身，味道唔錯小二推介嘅特別蓮藕餅，食落香口包住生菜食唔太油，中間有香芹味，幾飽肚但就無咩肉，我鍾意雖然係地道大排檔，但地方都算 乾淨 。有吸煙區&非吸煙區，起碼我開OT收夜時都有個小菜食下

除左火腩飯係形容男人的浪漫，係大排檔同班兄弟食一野飲下啤酒吹水都係一種浪漫。琴晚同班friend打完波，就黎左荃灣街市上面食大排檔，依到黎過幾次，次次都好多人滿座，所以今次就預先訂定位。黎依到食貪佢夠哂鑊氣，食物份量又多，岩哂我地班打完波要醫肚嘅兄弟。叫左依到幾個招牌小菜，豬手，安格斯牛柳粒，通菜煲等。重有就係冬天必食嘅羊腩煲。依到個半腩煲用料多，羊腩份量都唔少，仲要比好多腐乳我地，送酒一流。有啲失望的是牛柳粒薯仔粒比較多，牛唔夠我地分黎食，可能一次有幾枱客叫，一次整分得唔均。依到開得夜，又唔會點趕人走，岩哂一班人吹水，唔怕嘈嘅你都可以黎試下。

好耐未食過大排檔，於是經朋友介紹就嚟到荃灣香車街市上面嘅熟食中心「和記廚房」試吓依度啲嘢食。七點幾嚟到已經爆曬人，好彩我哋只有一行三人好快就有位，而且有冷氣房位，一啲都唔焗。因為朋友有濕毒要戒口，我地只可叫清一點，最後叫左三餸一湯。先來介紹一下呢個黃金豆腐，上枱嘅時候熱辣辣食落香口，入面啲豆腐仲要好滑，值得推介。嘟嘟煲通菜，一上枱已經聞到蒜香嘅味道，估唔到呢度啲通菜煲份量好多，而且唔係老嘅菜，送飯食都得。胡椒豬肚湯，大大煲又多豬肚同咸菜，胡椒份量又多，好暖胃。粟米斑塊，份量多，但可惜有小小厚粉減左分呢度員工都好Nice，原本我哋叫三個白飯，但佢同我地講白飯份量好多可以先叫兩個唔夠再叫多個。

兩星期一次嘅飯聚，唔知食乜好，見呢間食評都幾好，雖然喺荃灣，都山長水遠入去試下，佢嘅位置對於我呢啲九龍東嘅人黎講，都幾難揾下，"香車街"更加係第一次聽聞，去到街市大樓外，已經望倒樓上有啲燈飾，可能為左吸引外來客，佢有分冷氣區同食煙區，朋友雖然食煙，但大熱天時佢都寧願坐冷氣區。菜牌都有好多小菜款式，見食評個炸茄子豆腐好多人讚，朋友想試下，（但菜牌係寫XX豆腐，唔記得左，但唔係寫茄子），另外叫左個黑椒牛仔骨，一支啤酒，一碗白粥，牛仔骨先到，好多獻汁，味道覺得太濃，同食落有啲漿口，再黎就係期待嘅炸茄子豆腐，外觀唔錯，茄子炸得ok，但個豆腐就差好多，完全唔脆，仲係冧嘅，上面舖左啲好似紫菜碎，但食落原來係一啲切碎左嘅菜咁嘅野，但冇喱味道又鞋鞋地，再咬開先知原來唔係豆腐，淡黃色有啲似玉子豆腐，但都係冇味道，加上唔脆，口感真係好差，雖然佢淋左啲甜燒汁喺周圍，但都幫助不大，朋友同我各食一件就冇再夾了，好在只叫左兩味，朋友話不如去第度再食過，事關兩星期先聚一聚，唔想咁樣完場。其實呢度嘅員工都好nice，環境都乾淨，客人都多嘅，可能係咁啱我地叫呢兩個小菜做得麻麻。

極度難食既大排擋，食物獲氣不足，味道超鹹，難以入口，極度負評，而且價錢相比其他大排擋吾係特別平，不值一試，水準極差，吾會想再食第二次！！！極力推薦荃灣三坡坊價錢同呢間參吾多，但食物同環境質素比呢間好得多！！！！！！！！！！！！！！！！！！！！！！！！！！！！！！！！！

朋友生日，介紹咗嚟荃灣嘅一個大排擋，第一次嚟，好驚會係污糟、好熱嘅地方，好彩⋯係有冷氣架海鮮粉絲煲好有鑊氣嘅海鮮煲，香味四溢啫啫通菜煲本身都好鐘意食通菜，呢個少少辣，菜係脆口嘅，味道夠，加埋少少肉燥椒鹽鴛鴦骨單骨加牛仔骨，炸到好乾爽，香口嘅椒鹽，墨魚餅出色嘅墨魚餅炸到外脆內軟，墨魚肉好鮮甜，忍唔住食咗好多舊冰鎮芥蘭又係出色嘅～ 估唔到菜係可以咁食爽脆嘅芥蘭係凍冰冰嘅時候，加埋日式麻醬一齊食，不得了呀西檸軟雞脆脆嘅雞加埋酸酸甜甜嘅汁～ 外脆內軟啲餸碟碟都大大碟，埋單仲要唔貴，爽呀

荃灣香車街街市頂層有間很有鍋氣嘅大排擋。日日都客似雲來。味道好再加上價錢實惠，荃灣嘅街坊都喜歡幫襯今次第二次光顧，仲帶一家老嫰十口，可以多試幾樣不同菜款脆皮炸豬手係佢地招牌菜，皮脆肉香😍小炒皇，韭菜爽口 ，好野味，送啤酒一流金磚豆腐外脆內嫩 1斤蝦$98/斤，出街食飯去邊到有？！紅燒乳鴿意外地精彩，味道出色，內裡保留好肉汁👍🏻仲有層層叠煎藕餅煎炸到金黃色，老幼都愛吃嘟嘟通菜上枱時，鍋子仲冒出一陣陣煙，香到流口水🤤豉汁蒸大鱔就有點失望，魚片切得太簿，蒸得過左火😐黃金鮮魷，咸蛋黃兜得均勻又香脆，魷魚好又有咬口

一直以來，都知道荃灣有好多好嘢食，而且好多臥虎藏龍，今日嚟到香車街街市，都見到好多角色認識嘅嘢食，有間米線仲要排好長龍先可以一嘗，我見咁多人唯有下次試吓啦。今日選擇咗一間小炒嘅餐廳，係呢個食飯時間都坐左八九成人嫁。見到佢哋寫住呢一個炸豆腐係招牌，就梗係要一試啦，嘩唔知唔知，一試就知點解會榮升做招牌菜，出面脆卞卞，入面滑嫩嫩。新鮮炸起，但係因為我怕熱氣嘅關係，所以都係食咗兩件。避風塘炒蟹好夠鑊氣，而且啲蟹好好肉，又新鮮，而且廚師好細心，一早已經打爛咗啲蟹嘅殼，令到食嘅時候唔會咁難，好野味。新鮮炒起，而且熱辣辣，菜入口爽脆，而且帶有微辣，特別開胃，餸飯一流。

平時食飯食西餐太多了, 所以想搵下啲特別菜式, 隱世啲地道啲, 今日行山行左四小時, 能量都消耗晒, 好肚餓, 搭車回到荃灣, 目標呢個街巿逛逛, 搵到呢家幾旺的菜館, 就坐低試下。落左ORDER之後, 蝦同豆腐都神速上菜, 但又不似整定, 都熱和脆的。牛油胡椒蝦, 蝦隻不大, 但夠新鮮, 蝦肉鮮甜又不霉, 調味更是一流, 十分惹味, 令青椒洋蔥都特別爽甜, 清光光。豆腐金磚是炸豆腐和炸茄子, 茄子幾卜卜脆, 豆腐金磚就不脆, 感覺無咁熱氣, 豆腐好滑, 面層有少少似紫菜物體。最後一個黑松露雞半隻, 話要等半個鐘, 都無所謂, 第一二個菜食到差唔多, 就剛好黎埋雞, 黑松露通常西餐用, 估唔到用落中式雞都幾夾, 黑松露味非常香, 由外滲入肉內, 皮又脆, 雞肉滑, 但黑松露味有少少搶了雞味, 抑或本身沒咩雞味?

是日跟好友去荃灣區的熟食市場，打算嘗試去不同區的熟食市場留下足跡~~~今次去呢間純粹因為招牌看落去比較光鮮，D阿姐幾好人，會問我們想去吸煙還是非吸煙區，我們當然唔會去吸煙區，始終我個人好討厭人抽煙~~~好友點咗咸檸七（$18），感覺不錯~~~雜菌扒豆腐（$68），賣相不錯，感覺幾好食，最重要係新鮮熱辣上枱~~~豉油雞（$118），賣相都好睇，肉唔會韌，都幾入味~~~炸墨魚餅（$78），好友笑說這道菜的賣相好過在餐牌上的照片，熱辣辣上枱，真係好好食~~~我們二人只是叫了一碗白飯（$12），都幾大碗~~~而令我最驚喜係見到米奇的尾巴在牆角出現，沒有第一次在自己用餐途中見到，整間大房的成人都在說笑，沒有跟職員投訴真心講熟食市場終於係個比較歷史悠久的地方，而且附近一帶都係唐樓，有米奇出沒理應正常，大家可以放心用餐，不用介懷。

之前去荃灣，最多去就係行吉之島一田 或者加多個千色同南豐中心， 但係有左GOGO 之後，愉景新城真係係一個天堂 地方夠大，小朋友野東西夠多 佢地既轉型轉得好好，令到一個死城變成一個天堂 起碼連我地呢對新手父母都會成日帶仔黎玩下嗎 不過今日我就唔係分享愉景新城， 而係我想帶大家去食好西 話說之前去完旅行實在太攰冇點帶阿仔番婆婆度， 所以掛孫心切既婆婆入左荃灣見下BB 係愉景玩完一輪又睇完一輪 係時候醫下肚仔，諗唔到食咩之際 阿妹話之前同同事去左香車街食飯都好食啵 既然係咁...一於就試下呢間香車街大排檔啦 香車街街市既大排檔要上樓梯既，同時亦分開左兩邊既餐廳 而我地今次食既就係有好多波波燈既和記廚房啦 老老實實，呢間廚房都好旺場 當日我大約7點到，都已經好似有一半位比人坐左 由於太肚餓啦，坐好左就點菜啦!! 首先有我最愛既，招牌炸豬手$138/碟 呢個豬手一開頭以為佢好吸引好香好脆 不過食到D 肉就知道佢係用水煮熟曬, 再拎去炸,除非即刻一上碟就清曬 唔係凍左麻麻地好食啦 第二道就係啫啫通菜煲 $78 本身係冇打算叫呢個菜既，但係費時叫四樣菜 就叫個菜食下啦，呢個啫啫通菜超入味 每一

行山後特意嚟福來邨街市上層，搵食。其實上層沿途有很多食肆，既然決定哩間就唔轉。柑柚子炸鱔球，係個不錯嘅新嘗試，豉椒煮鱔見得多，酸甜嘅鱔都係第一次，鱔球皮脆滑口。椒鹽九肚魚，冇特別。生炆雞煲蟹煲，同想像嘅有出入，因以為有好多海鮮，原來是要大鍋先係有蝦硯。但湯好鮮鮮甜，蟹一般，湯飲完一碗又一碗。金磚豆腐值得一試，豆腐係用蒸蛋粘炸醬造成嘅，上面放咗幾件炸茄子，配上近似燒汁醬，炸茄子味道更吸引。豉油王炒麵可能期望過大，唔覺特別好食，麵彈牙爽口，我口味上覺得略為多咗一d油。整體生炆雞煲蟹煲值得一試，冬天做鍋底打下邊爐應該好正小菜有鑊氣，款式特別。