希奇咖啡店 (Moved) New Location

今日14-4-2017 (Fri)晏晝同老公落荃灣整o野,先食個晏,我o地行o黎荃豐呢一帶搵,行經呢間睇睇menu,價錢唔貴而且選擇多,於是決定呢間.我o地坐低後睇menu,睇o左好耐至揀定食咩o野,老公要精選特餐中$48.00o既黑松露菌煙三文魚意粉,包飲品,加$7.00有餐湯同餐包,老公就選後者.而我就要$45.00o既忌廉汁蜆肉天使麵,加$5.00要熱蜂蜜蘋果茶,再加$15.00要香脆炸薯角.好快,餐湯同餐包到o黎, 餐湯係蘑菇忌廉湯,餐包係蒜茸多士.睇見蘑菇忌廉湯顏色好白,飲落,唔夠味,唔夠鹹都算係唔夠味.味道: 0.2分蒜茸多士幾厚,味道反而好夠又熱同脆,唔錯味道: 5分之後黑松露菌煙三文魚意粉同香脆炸薯角到o黎,我先試香脆炸薯角, 香脆炸薯角好熱,外面係有啲脆,內裡好粉,粉到我覺得麻麻地好食.味道: 2.8分之後忌廉汁蜆肉天使麵到o黎,呢個同忌廉湯一樣唔夠味,天使麵太腍,蜆肉後而唔算少.味道: 3分然後同老公倒轉食,佢o既黑松露菌煙三文魚意粉亦反而夠味,但黑松露菌o既味有啲似燶味;意粉冇天使麵咁腍;煙三文魚好鹹,不過唔關呢間o野事啦.味道: 3分最後到蜂蜜蘋果茶,有粒粒蘋果

威靈頓牛柳脆皮入口溶化，牛柳好幼滑，配合燒汁濃度適中，與其他餐廳有別。一口牛柳點燒汁，連汁也清光，真係好好食，Well Done! 下次會再來幫襯！薑蜜真係有薑，原汁原味！（一般餐廳未必真有薑！）好飲，驅寒！酒店級的食物，好Enjoy！

第一次來希奇，聽到威靈頓牛柳特來一試。很特別，很少餐廳會做這種牛柳，一般食到的只是普通煎好的一塊加厚牛肉，我已忘記了什麼是牛柳。第一口再食到肉質嫩滑的牛柳，有回到從前的感覺。那是幾十年前，跟父親去食西餐的感覺。以前西餐不是很多，但感覺都很有質素。例如自己焗的麵包、牛油是批出來放在冰水裡的那種餐廳。今天即使在酒店食的西餐，也不容易食到這種味道，回味無窮。飯後一杯話梅蜜，清潤滿足。

耶和華神既咖啡廳，而且見附近都係食齋，今晚唔想食飯，見呢間有三文魚黑松露意粉$45食決定一試。意粉一般但勝在個汁夠多又夠香夠味，煙三文魚有5-6塊，整體呢個價錢算是很不錯,感受到老闆的誠意。

曾經經常黎食 曾經覺得幾好食可惜以家已經變哂！價錢又貴 野食又差 份量又少🙄今日黎食午餐 食完決定唔再黎食😡我叫左個$33既香草雞下脾菠蘿腸仔但我見到個下嚇親 少到以為食緊下午茶食完係完全唔夠飽 而且所謂的香草雞下脾係冇香草味個塊罐頭菠蘿仲要有怪味伏到一個點🙄🙄🙄我再望下人地食既下午茶餐更加唔抵食價錢貴 分量仲要超少！！！！

荃昌中心餐廳其多，行得有點累，希奇咖啡店卻稀奇有位，二話不說就坐下。望下餐牌，價格竟然係3字頭，睇真d，原來加湯&餐包要+$7，凍飲又另外加$7，特飲+$10，計落同其他餐廳差唔多.....白汁煎三文魚飯，白汁太清淡，三文魚薄切，但煎得不錯，飯只有一球，如果唔係之前食左個肉餅，一定唔夠飽，餐湯一小碗，餐包係一塊蒜蓉包，慶幸都脆脆的。另外叫了個煎豬扒大蝦配薯菜，賣相比三文魚飯好，但份量一樣少!大蝦雖然唔大，但炸得夠脆，火夠猛，唔會黏油薯菜就唔好提，得幾條薯條叫左杯話梅特飲，淡左d，濃返d會唔錯!兩個餐埋單差不多$100，一分錢一分貨，如果細食都算不差!

第1次幫襯呢間餐廳話不多說先講湯+包, 都算不錯以這個檔次的餐廳, 不過不失, 3/5分主菜分別點了"威靈頓牛柳" 和 "德國咸豬手"德國咸豬手偏肥, 分量不多, 如果女生應該OK, 以$78這個價錢來說, 有點貴配上的薯角味道是不錯的重點來了, 威靈頓牛柳, 我不期望在這種平民餐廳裡吃到正宗威靈頓牛柳但是.....在一碟意粉上 放了一件牛柳, 再在牛柳上 放一塊酥皮.... 沒有parma ham, 磨菇醬, 就連芥末都沒有, 酥皮只是放在牛柳上面, 不是整個包著....我究竟點了什麼....這應該名為 "酥皮牛柳", 價錢為$88意粉方面, 就跟前面食評一樣, 只是用水煮完, 沒任何調味餐飲方面尚算不錯p.s. 拍了照但原來沒save起來...

黎到荃灣 不嬲幫襯開個間食意粉既餐廳休息 唯有係附近既餐廳睇下有咩好食..見到呢間冇咩人 又係食意粉既 就諗住嘗試下啦!!! 叫左2個晚餐 包餐湯..蒜蓉包..餐飲*湯都ok朋友叫左薄切牛扒意粉*牛扒都還可以 但意粉完全唔得 好難食d汁怪怪的 .. 我既係雞扒炸蝦意粉* 雞扒炸蝦幾好 .. 但主要既意粉影響哂成碟野 好失望 話哂入黎都係想食好味既意粉凍檸檬茶* 普普通通!

其實本身想食另一間餐廳，但見該間店貴,所以就係同場找到尼間野食啦 尼個場位迫係人都知架啦，所以唔會坐得舒服既，有個客人坐到其他客人同店員都行唔到，店員好有禮貌叫佢坐埋少少啦，其實佢坐得衰都係放袋係後面 ，佢同朋友講左句" 咩店呀，扮哂野"… 所以大家麻煩合作少少 始終係小店一間囉入正題先，佢款唔多，不過羊就有三款煮法比你選  我鍾意 我地叫左以下兩款濃厚既白湯好香脆餐包羊好好食呀，而且爽口，咁既價，仲食到爽口羊，正夏威夷豬扒 好香口，而且又大塊 你話抵唔抵呀我跟餐叫左杯梅蜜 好正…不過忘記拍照…

因為係附近返工，所以經常都會食呢間餐廳，佢真係好細，坐左10多人已爆滿...得一個侍應，但基於人不能坐太多，一個已夠...好快落到單..(我試過由一個7-8歲既小妹妹落單，可能家庭式經營)我最鍾意食呢度既牛柳意粉，基乎十次黎有八次都係叫呢款，佢既MENU都會定期轉下，但牛柳意粉係永遠都存在的...先講餐湯同蒜蓉包，個湯好濃味，料亦多...啖啖都有蔬菜...最緊要上時仲係好熱...好飲....個蒜蓉包好香，邊邊好脆...主菜既牛柳有兩塊...細細的..意粉份量夠一個女仔食...男仔真係未必夠飽...(但個餐都要$40多元)...佢既牛柳好LUM亦都有肉味...可能因為QUALITY比較好，所以QUANTITY唯有要下降..我一向都喜歡吃LUM LUM既意粉，所以一般人會嫌佢煮過頭，我自己覺得OK....好彩佢比好多汁...所以條條都有味....我好怕得勁少汁要我撈唒成碗飯個D...最後講咖啡，一飲就知佢唔係即沖..應該係FRESHLY BREWED...佢上既時候已經加左奶...香香滑滑的...超好飲...比起一般荼餐廳這杯咖啡已值回票價！

一個人在想吃什麼，走到荃錦商場一直走一直找，直至看到蕃茄意粉就停下來時常經過也沒有吃過，便入內一試，因已過了晚飯時間，人流也少，食店也開始關門煙三文魚蕃茄意粉望見相中的樣子很吸引，便被吸引下來，因沒有人，很快便上菜，而上菜時樣子很美觀，但與相中的就有點出入，那便是三文魚的數量，足足比相片少了一半，我也知食材漲價了，但我亦是有點失望，意粉軟韌度適中，味道方面，蕃茄醬是很穩妥的味道，不會有太大問題套餐連飲品及蒜蓉包一片，蒜蓉包涼了偏硬，蒜味也不足整體只屬一般，不過不失

開學後各有各忙，終於能相約跟好友吃頓晚飯！今次來到荃灣，好友中學時經常在荃昌中心出沒，對這裡環境熟悉，不過都沒有頭緒要吃什麼好。經過見到一間很小的西餐廳，晚餐價錢吸引，環境尚算不錯便進去了。我們都選了黑松露菌煙三文魚意粉的套餐（＄４８）。附送的餐湯選了白湯和紅湯，味道一般，有點稀。餐包是蒜茸多士，外脆內軟，熱哄哄，意外地好味！等了一會，黑松露菌煙三文魚意粉便送到了。因為媽媽大人最拿手煮意粉，所以我對意粉質素要求很高，也絕少在外面吃意粉，今次卻難得跟好友一起點，怎料卻中伏了。份量偏少之餘，煙三文魚亦不算新鮮，竟然連青椒也只有好幾條而已。意粉絕對不合格，太碎太軟腍，全無彈性，唉。餐飲點了熱朱古力，嗯，即沖式朱古力的味道。整體來說，晚餐質素不能接受，價錢看似吸引，實質份量偏少且味道一般，看來都沒有第二次！唯一覺得不錯的是，即使吃完聊天都沒有催我們走。

行過見到三文魚扒晚餐只係$48，又見店內坐滿人，心諗應該唔錯，少少地試下都好!一入座就聽到三文魚扒已經賣完，無奈下同妹妹分別揀左雞扒同豬扒~之後又係無得揀既情況下得返菜湯（紅湯）……頭盤既蒜蓉包，香氣十足，而且面脆內軟! 好好味! 紅湯既菜湯ok~ 唔係得個辣字或者勁酸個隻…主菜，樣同味都ok, 不過份量少得驚人，女仔都可能唔夠飽，不過$48算係咁啦…值得一讚既係薯菜係炸薯角黎，炸得好脆好香口，就算唔係即食都仍然脆卜卜!2個人既話座位係ok, 但如果多人就唔建議，因為舖面真係好細，最多坐到20人度…

5月4日晚首次幫襯卻換來一次難忘經驗, 因為不想一時意氣而只有惡性批評, 所以相隔5天等火下了才post, 希望share是次經驗.同事介紹之下與老公來此小店晚餐, 一向對西式小店很有好感, 雖然感覺較迫, 當時約6點多, 只有3對左右的客人; 向一位稍胖的waiter叫了2個dinner set, 德國豬手配薯菜及黑椒牛柳配意粉, 要了2個羅宋湯而餐飲未叫; 奇怪沒有問牛柳幾成熟, 問waiter她說7成, 我說想要7-8成, 沒有血的, 她答7成沒有血喇 (一般有客人問, waiter不是會先問客人要幾成熟嗎? 這裡卻鐵一般的答7成)喝完湯, 德國豬手配薯菜先到, 不久再上我的黑椒牛柳配意粉, 伴了煮熟的翠肉瓜及幾條火箭菜; 先吃一口牛柳, 沒有血, 正好; 吃了幾口意粉, 蠻有黑椒味的; 再吃伴碟的翠肉瓜, 吃到笫3件, 怎麼上面有一隻超細既蚊滋仔? 仔細看它在瓜上移動, 心想是剛跳上去的, 把瓜放在黑色檯面; 再看碟上食物, 以為沒有, 多挑2下就看到最少3隻蚊滋仔在瓜上走動, 我立即把口中的食物吐了出來, 而老公就向一個waiter指指的我碟, 那人沒說一句, 沒仔細看碟上食

真係唔明咁都開到餐廳？勁難食，凱撒沙律得果一塊三文魚，菜又少又唔新鮮。牛柳意粉的意粉沒有味的，牛柳普普通通無乜特別。一個餐面成四十蚊真係食水勁深又唔好食。食完速速走人