王牌冰室 (九龍貿易中心) (Closed)

返工前最緊要係食個靚早餐，心情即刻靚曬～不過，平時去食開個間茶餐廳岩岩執左，所以。。。今日去試王牌冰室既早餐，食返幾乎日日都要食既沙嗲牛肉麵😂🍽 王牌特濃沙嗲牛肉公仔麵 + 滑蛋配牛油多士(價錢： $43）評分： 5/5依個沙嗲牛肉麵認真抵讚，同平時食開既茶記好唔同，D牛肉唔老，最重要係個湯超濃郁呀😆 因為佢落左好多沙嗲醬，令個湯好杰身，D麵可以掛住D湯，啖啖都有沙嗲味😋除左沙嗲牛麵，炒蛋同多士都好好食，炒蛋金黃，好滑一D都唔老，多士搽左幾多牛油，仲要好脆口，成個常餐絕對稱得上係依個冰室既王牌，睇黎之後都要成日黎幫襯啦！————————————————————————🐷 整體食物： 5/5 （沙嗲牛肉麵既忠粉都要俾個👍🏻）🐷 環境： 3.5/5 （坐位有D迫，但衞生還好）🐷可達度： 5/5 （離地鐵站好近）

之前食過荃灣紗廠果個分店，見佢係kcc開左就黎試下，晏就都算幾多人，不過應該因爲附近都好多office，好多人其實都係等緊外賣，如果堂食就等十分鐘左右啦，佢有幾個皇牌套餐嘅，頭三樣都係滑蛋炒蝦/叉燒/兩樣都有，我就揀左沙嗲牛，見佢寫哂特濃咁，就睇下係咪真係咁濃定係開罐頭倒出黎果啲佢成個set有埋多士同炒蛋，我諗因爲佢好多滑蛋類嘅飯所以個炒蛋係唔錯嘅，多士都夠脆身，牛油都夠多。個沙嗲都真係好濃，撈匀左之後成個湯都好杰身，沙嗲味夠濃嘅，啲牛肉又唔算太乾同太老，整體黎講都幾抵食！特別係附近本身選擇都唔多

疫情期間全日收六點，緊係要食個豐富下午茶先番屋企lah瑞士雞全翼配奄列瑞士雞全翼肉質嫩滑,醃得好入味；奄列有火腿絲十分足料，蛋口感非常滑溜公司三文治超大份豐富餡料，有芝士，生菜，午餐肉，火腿，鹹牛肉。咁多材料嘅三文治要一啖食晒都有d困難，但加埋烘到脆脆地嘅麵包，配合得天衣無縫。滋補藥膳牛腩配白飯可以飲埋d湯嘅藥膳牛腩，好香藥膳味，藥材足料，補身之選😍熱奶茶唔係道道都好飲，呢度嘅奶茶底濃得嚟唔會苦澀，又唔會太甜，值得一讚。

今日同拍檔去左葵興九龍貿易中心（KCC)見客，在二樓諗住搵間茶記快食，估唔到有意外驚喜，心想一定要在這出post同大家分享一下。以茶記來說，裝修絕不馬虎，綠色格調配以彩色霓虹光管，別具懷舊感覺！而且地方乾淨整潔，座位亦留有空間，不會像一般茶記擠逼得連公事包都要放在腳上進餐！門囗旁更附設一個外賣小區，售賣類似路邊的街頭小吃，風味不足！我們二人點了兩個餐，待應推介加$38更有滋補燉湯，咁抵當然唔執輸要試吓啦！先講個燉湯：紅棗圓肉花菇螺頭燉豬𦟌，火喉十足，鮮甜得來帶濃烈的花菇香味，每碗湯都有三大隻花菇同兩粒螺頭，非常足料！特濃牛乳炒滑蛋义燒蝦仁雙併飯：牛乳炒蛋非常嫩滑juicy，蝦仁爽囗，义燒鬆化，加埋個牛乳獻汁，無得彈！滋補藥膳牛腩配白飯：配以北芪、當蔘、杞子、紅棗等藥材燉牛腩而成，藥材味很濃，蘿蔔同牛腩均吸盡藥材精華，非常入味，而且牛腩軟硬適中，絕對是普通茶記不會食到的飯款，如果不是叫左燉湯，基本上呢個可以當湯飮埋！😁😁

前幾日放完工好肚餓😩就喺附近搵咗呢間王牌冰室醫下肚😍.滋補藥膳牛腩配白飯🍚牛腩肥瘦比例適中，而且煮得幾淋🐄藥膳湯底雖然濃郁，但加咗白蘿蔔、杞子、紅棗去煲🔥所以飲落非常清甜☺️唔使擔心嗰種藥材味😙滋補養生.特濃牛乳炒滑蛋叉燒蝦仁雙拼飯🍳滑蛋除咗好滑之外，仲有好多蛋汁🥚半肥瘦叉燒燒到有少少燶邊🐖蝦仁大隻爽口🦐加埋蔥花、甜豉油好味道😋而且份量超大.王牌西多流心芝士🍞炸到好香嘅西多表面有一塊牛油🧈切開就見到流心芝士🧀熱辣辣咁食，外脆內軟🤤點一下蜜糖🍯邪惡得尼又幾夾.咖喱三寶🍛有齊魚蛋、豬皮同蘿蔔😉咖喱味香濃入味😆真係無得輸💯.紅豆冰 🤍紅豆真係足料又大粒❣️香甜嘅紅豆加上幼滑嘅椰汁🥥唔錯.凍奶茶🥤茶味濃，又唔會太甜

位於葵興貿易中心低層店舖！這間餐都算唔錯！係一間多元化的餐廳！食物款式都算好多！食物質素都幾好！👍👍👍.至於食物方面:王牌西多(流心芝士)賣相都唔錯！食入口都好好味！外脆內軟！味道恰恰好！又唔會好甜！😋😋😋.吉列豬扒賣相十分之吸晴！望落十分之香脆可口！味道好好味外脆內軟！咬入口好腍身！十分之唔錯！👍👍👍😋😋😋.火腿奄列多士奄列十分之軟滑！蛋味都好香口！味道都唔錯！多士又唔會過口！厚薄適中！味道恰恰好！.混醬腸粉:只係一碟普通腸粉！做到出來都唔錯！腸粉十分之軟滑食入口好有口感！加埋其它配料就唔同哂！又唔係專業都可以做到這樣好好食！都算唔錯！👍👍👍😋😋😋.碗仔翅雖然係一碗好普通碗仔翅！味道都算唔錯！材料十足都好有水準！十分之抵食！

今日路過葵興附近，見到有未行過既商場，所以就去睇下，順便醫肚。睇左一陣見到有人氣，所以就入去試下。一坐底就見到呢度既招牌菜係炒飯，於是就點王牌招牌4王牌推介4: 特濃牛乳炒滑蛋叉燒蝦仁雙拼飯 $62 （凍飮加$3； 特飲加$8）餐飲方面，我就點左特飲紅豆冰。紅豆冰唔係用一般茶餐廳既奶同糖，而係用椰汁，飲落既第一啖就感覺好幼滑而舒服。椰汁味香而濃，而紅豆就清甜，無其他既糖既厚重感。至於個飯，蝦有燒烤過既感覺，特別有風味。叉燒肥美唔會太油，個滑蛋軟軟既有蛋汁，至於個飯用左甜豉油撈，都幾入味。整體感覺唔錯。

今日去咗呢一間王牌冰室點了好多嘢食食咗一個腸粉燒賣真係兒事經典 超好食呀有混醤仲有炸三文治 🥪 入邊有超多餡有火腿有生菜仲有鹹牛肉添真係超足料同好豐富仲嗌左一個常餐 牛肉公仔麵再加火腿蛋真係唔錯㗎仲可以點外賣添大家得閒可以去食下

門口收銀戴眼鏡個姐姐大聲夾惡，仲好暴躁，做野又慢，見到同唔少客有爭執，人地要分單又唔識整，問關於餐牌問題又一問三不知，需加強培訓其他員工大多趕頭趕命，但都相對友善

平時很少去茶記，特別係連鎖個種～今日葵興探朋友，佢推介黎呢間冰室食飯！Lunch 時間餐廳迫滿人，望住大家叫既野食，賣相都唔錯！睇住menu揀極都揀唔到，最後order 常餐B，蕃茄牛肉通粉 拼多士、炒蛋。多士炒蛋先到，未食已經傳來陣陣牛油香氣，口感鬆脆。炒蛋金黃色，夠嫩滑，惟蛋味一般。茄牛通黎到，呆滯2秒，睇相都見到茄汁濃郁，茶記竟然有呢個水準！！食落蕃茄味道鮮甜、天然，重點係完全唔係茄膏味，鮮牛肉嫩滑，數量不少。價錢跟其他茶記無異，一路食一路讚，簡直超班！

再度光顧! 不過老實…坐位實在太迫, 但係食物質素幾高! 牛乳炒滑蛋叉燒飯 ~ 份量頗大, 今次唔要蝦仁, 只要叉燒蛋! 叉燒又淋又滑, 蛋是無敵的! 蔥油豬扒飯 ~ 豬扒有2件, 薄薄的, 無乜鬆肉粉! 蔥油十分讚, 加10分! 常餐! 滑蛋配牛油多士 + 沙嗲牛肉麵! 個牛油多士好用心, 牛油搽到去包嘅邊邊, 正! 沙嗲牛肉夠滑無筋, 湯底超濃郁, 我那個喜愛 “隊” 湯的朋友, 都飲咗幾匙, 如果呢碗麵係佢食嘅, 佢應該會飲晒! 註: 如果可以坐得好少少會好好多! 

常常路過呢間餐廳都好多人, 前日終於決定等位! 點知原來好多人都係等外賣! 坐位超窄超迫, 如果咁好彩被安排坐卡位就舒服好多! 牛乳炒滑蛋叉燒蝦仁飯 包熱飲 $60 ~ 蛋好滑, 有蛋味, 叉燒有燶邊, 肉質軟滑, 份量亦多, 蝦好大好大隻, 爽口彈牙, 醬汁唔會太多令到飯變到太淋, 蔥花點綴靚之餘夠香口, 好味!滋補藥膳蘿蔔牛腩配白飯 包熱飲 $64 ~ 好大陣藥味啊…牛腩夠淋, 蘿蔔煲得夠透, 若果受得藥味, 湯可以飲! 白飯好軟熟, 唔係用平價米, 讚! 

嚟到葵涌行街點少得覓食食好西，就係比一間門口本土港式風味佈置，老闆真係80後自己打本創業，仲有特濃牛乳炒滑蛋叉燒蝦仁飯🍚🍤大粒新鮮蝦仁最吸晴，最勁系叉燒肥美適中同蝦仁一齊炒蛋技術超凡，滑蛋有心有力同香港人一齊抗疫好貼地，贊！💯配蔥花豉油簡直好開胃，份量都超多！芝士生菜餐肉炒蛋三文治🥪冰室即叫即整而且烘底方包，加入咸牛肉滑蛋好滑溜，配搭埋即溶慨芝士片瑞士雞髀配薯條🍗🍟雞髀瑞士汁調味適中相信花了很多時間浸醃製，雞髀肉嫩滑完全食到唔夠喉，薯條都係即炸而且放了胡椒粉比一般快餐店更加食得出真正薯仔。

今天和朋友到王牌冰室聚餐，因為我們都在葵興工作，第一次來到王牌冰室，有驚喜，他們的藥膳牛腩好好味，牛腩肉腍又有肥瘦均勻，湯都忍不住飲埋了。另外薑汁豬潤麵都是新鮮不錯的， 配埋蒜蓉多士加牛乳滑蛋實在滿足了！ 

真心想不到在疫情中的第一餐會到王牌冰室。因為朋友邀請，而看見個案基本都是外地傳入，那便放心了。謝謝邀請，也謝謝讓我有機會吹水。第一餐當然要選些喜歡的食物。樣樣也想試，Share最好了。看見燉湯蒸飯系列都不錯，點了一客。湯感覺OK喎！蟲草花雪耳淮山南杏燉排骨，感覺不似例水，同行友人也說不錯，喜歡這種味道。湯也不太喊。小菜選了蟲草花蒸滑雞，雞肉OK滑。另一個就是叉燒蛋飯。蛋炒得不老，配上豉油拌飯，正！吹水又點少得小吃，我地兩個點了紅豆冰和咖哩魚蛋，哈哈！平時戴住口罩不能「督魚旦」，唯有去餐廳食返夠本啦！整體來說，我地兩個都很滿意，食得飽吹足水，與朋友相聚就是這樣簡單。