王牌冰室 (九龍貿易中心) (Closed)

入去葵涌緊係揾美食🤤去左新開無几耐既王牌冰室食下，樣樣都大件抵食又高質，係葵涌蒲開頭既人有口福la😋為食餐單: 特濃牛乳炒滑蛋叉燒蝦仁雙拼飯🦐 $62值得一讚係滑蛋炒得好滑又好有口質🤤蝦仁好爽口好味👍成個飯好大碟，d餸滿曬蓋曬d飯，非常足料😋滋補藥膳牛腩配白飯🥘 $64連湯都飲得几藥膳牛腩😎好香濃藥膳味，好似肉骨茶咁，飲湯又得湯混飯食又得，食落好滋補又滋味😍王牌西多(花生醬)🥞 $36依隻王牌西多有花生醬/流心芝士揀，我下次要試下流心芝士先😏烘得好香既多士面頭一大塊香濃牛油，中間夾住厚厚既花生醬，切開一塊塊再點配上既蜜糖，好sweet又香口🤩芝士·火腿·生菜·炒蛋三文治🥪 $38爆餡系列既三文治食落啖啖都有料，好好食🤩火腿芝士炒蛋生菜簡直係絕配ar😁

工廠區冇乜嘢好食，平時星期六好多店都唔會開，但係喺葵涌KCC九龍貿易中心，我就搵到一間餐廳值得大家假期去撐場。呢間王牌冰室星期六都為咗上班一族而打開門做生意。我哋叫咗個叉燒蝦仁炒滑蛋飯，佢話係呢度嘅招牌菜好多客人同食客都會叫，尤其啲滑蛋真係好滑溜，一大塊叉燒包喺裏面，啲飯又夠大碟同熱，好暖胃，可以話係啖啖享受！另外叫咗咖喱雞球飯，咖喱唔辣但係落咗好多椰汁所以甜甜地，咖喱稠密度高，怕辣嘅朋友可以試吓，連埋雞塊一齊送飯，滋味冇比。仲有濃茄厚砌豬扒餐肉，塊豬扒真係好厚身，連埋啲茄醬感覺酸酸甜甜好開胃。呢度嘅小食都唔差，混帳腸粉夠大份，落埋唔同口味嘅醬料，如果想過吓口癮絕對可以試吓。順帶一提，門口仲有一支支嘅漂白水比有需要嘅人士，佢地真係非常之有心嘅店舖！

聽朋友講最近喺葵興開咗一間新嘅冰室好似都唔錯當然要去試吓啦！今次我就試咗佢嘅王牌滑蛋叉燒蝦仁飯上枱先發現原來佢份量都唔細，非常豐富，而且滑蛋蛋味非常濃郁，加上大大隻蝦仁非常爽口，令人食到停唔到口。另外我朋友就試咗佢個藥膳牛腩飯，牛腩整得非常淋，而且唔鞋口另外啲蘿蔔仲好甜加上佢係藥膳湯底非常濃郁，整體非常之夾。我哋見口痕仲嗌左個小食咖喱三寶可惜魚蛋有啲令人失望，並唔係陳皮魚蛋而且味道就比較一般，所以比較推薦大家叫一些王牌系列嘅飯餸。

-店外免費派發漂白水‼️看到：「香港人自救！」而且充滿本土茶記特色❤️難得我們經過這裡發現，有良心的店一定要試試😎♥《滋潤藥膳牛腩配白飯》我超愛藥膳🤣湯底足料，味偏甜～藥膳味不算太重，易入口💪♥《咖哩三寶》魚蛋、豬皮和蘿蔔🤤豬皮無毛而且大塊！蘿蔔煮得剛好、夠腍👍♥《流心芝士西多士》必須要熱辣辣食😍還可以加上蜜糖～非常邪惡但好吃😋♥《混醬腸粉》醬少，要求可加🤓腸粉最重要夠熱、夠多～～

葵興KCC新開了一間的《王牌冰室》，王牌冰室 Wong Pai Bing Sutt是其第三間分店，一間人情味加用心煮食的餐廳❤️王牌推介1: #特濃牛乳炒滑蛋叉燒蝦仁雙拼飯 由於用牛乳炒滑蛋特別滑，加上用心燒致剛剛好的叉燒半肥瘦，和一般叉燒好唔同，加上大粒新鮮蝦仁，這個我會第一個讚的。王牌推介2: #滋補藥饍牛腩飯有杞子紅棗等藥饍的湯煲出來的牛腩大大塊而且入味入口易咬，食得出好味有益！王牌推介3: #流心芝士王牌西多士我的甜品控推介，香港人對西多士情意結，加埋附上蜜糖一流！王牌推介4: #咖喱三寶豬皮魚蛋蘿白都充滿著咖喱香味而且入味可口，小食中的寶貝啊P.S面對疫情持續，王牌冰室提供了酒精搓手液供客人可用外，門外還放下免費的漂白水供有需要人士，確實好窩心！使香港人增添一點溫暖❤️🙏#王牌冰室 #葵興 #KCC #全店用光觸媒消毒##王牌冰室wongpaibingsutt

葵興地鐵站附近kcc商場有一間王牌冰室， 在家中咁多日終於出街食嘢， 這間冰室啲嘢食都ok幾好味， 等我介紹我今日食咗啲咩啦：1） 陳皮魚蛋$14陳皮魚蛋裏面有咖哩汁， yummy 😋2） 椒鹽燒賣$183） 肉絲炒麵$56肉絲炒麵係跟餐 配紅豆冰， 肉絲炒麵好好味， 炒麵同肉絲 超級配， 味道好香甜， 唔鹹， 味道適中。4） 公司三文治餐 $52好多餡料， 公司三文治裏面啲午餐肉都好香， 值得一試5） 芝士生菜鹹牛肉炒滑蛋治$38芝士味好重， 嘅芝士味， 這個配奶茶以上就是我哋今日吃的東西

王牌冰室今日中午去咗葵興行街聽聞有間冰室老闆幾好，會派送消毒用品，所以去幫襯下環境燈光幾懷舊下，坐位闊落特濃牛乳炒滑蛋叉燒蝦仁雙拼飯半熟牛乳炒蛋個蛋真係好滑好滑，配上厚切蜜汁叉燒同埋彈牙嘅蝦仁叉燒都是選用半肥瘦部位。蝦都是選用 新鮮蝦淋上甜豉油，口感滿分💯叫左個藥膳牛腩配白飯配凍檸茶牛腩好淋好入味，藥膳湯都浓郁，白飯正常可口送湯一流流心芝士西多士花生醬西多士食得多，但餡係芝士嘅真係第一次食面頭無淋蜂蜜，淨係搽咗牛油。切開就見到一絲絲芝士，好正食到停唔到口值得推薦，良心冰室

與別不同的冰室葵興KCC對我來説 比較陌生 今天來到這裡 想找尋美食 因爲之前見到王牌冰室l 係呢度開左 所以來品嚐一下 王牌推介特濃牛乳炒滑蛋叉燒蝦仁雙拼飯 滑嫩炒蛋口感好滑身 重充滿香濃蛋味 蝦仁大隻爽口 叉燒厚身帶有蜜汁味 蛋上加上蔥花及 甜豉油拌飯同吃，夠味之餘 成個畫面好豐富 另一個叫了自己非常愛吃的 必食沙爹牛肉麵 沙爹湯底極濃 花生醬味好香 牛肉入口感覺是新鮮牛肉 好難找到其他地方煮得甘出色來一份流心芝士西多 邪惡美食 西多士蛋香濃郁 外面炸至金黃色 切開𥚃面 芝士滿滿的湧出來 芝士味十足 配西多士味道好夾 整體食物做得用心 保持茶餐廳食物的水準下次試下其他野食先

呢排見到公司樓下開左間新嘅食店，對我呢啲食貨來講架一定要來試下啦。我地就叫左果藥膳牛腩飯再來加紅豆冰，朋友就叫左果王牌🃏食物就係牛乳滑叉燒蝦仁🍤飯再加果熱奶茶☕️，為食嘅我見到餐牌上有果咖哩豬皮蘿蔔陳皮魚旦架要試吓架啦，首先講下果牛腩飯先，牛腩整得好冧，藥膳湯底應該煲左好耐，因飲到果湯好濃郁最重要係冇味精，呢個正，紅豆冰好有水準，牛乳滑蛋蝦仁🍤叉燒飯果然係王牌🃏，蛋香又滑加上蝦仁🍤大隻又爽，叉燒又大片及係半肥瘦叉燒加埋佢哋啲秘製豉油好味😋到食唔停口，熱奶茶☕️就好滑及茶底好香濃，咖哩豬皮蘿蔔陳皮魚旦就對我來講略嫌比較淡味，整體來講都唔錯😋。最重要在呢段疫情期間抗疫物資喺市面上好難🤯買到漂白水，呢間王牌冰室好有心，每日都會免費派發漂白水給市民，重要係唔需要在食店消費先派，重之你行入去問職員拿就會免費派俾你，大愛

去開葵興收到風KCC新開左王牌冰室去食返個下午茶先肚餓住見到王牌推介 - 特濃牛乳炒滑蛋叉燒蝦仁雙拼飯 就即叫咗呢個推介喇半熟滑蛋 滿載蔥香 加上佢店子特制甜豉油充滿港式風味 滋味無窮配撘蜜汁叉燒半肥瘦加上彈牙的大隻蝦仁，啖啖肉 非常滿足黎得港式冰室 當然要叫一下奶茶 一間成功的冰室/茶餐㕔背後一定有一杯好既港式奶茶奶茶既杯沿用黑白奶奶茶杯十分精美 奶茶到來夠熱入口順滑 茶同奶既比例分配得宜茶味香濃 飲完畢後亦齒頰留香P.S近排面對疫情 室內亦窩心提供了一支（我唔怕唧）既酒精搓手液供客人使用臨走時店員亦好好心提提我有免費漂白水可以取走 雖然我沒有取留返有需要嘅人士 近期疫情嚴重 各行各業亦面對困難希望大家能跨過呢一關 齊心抗疫#王牌冰室 #葵興 #KCC #SavannahPlace #必食##港式奶茶 #特濃牛乳炒滑蛋叉燒蝦仁雙拼飯

經常都喺葵興工廠區呢邊食嘢💗最近發現KCC便利店隔離開咗新嘅冰室，裝修充滿懷舊風味😍約咗朋友一齊食個tea✨以下幾款食物都值得推介，真心覺得唔錯😍，打字期間我已經又掛住脆炸肉絲炒麵喇😍😍😍😍😍😍必點推介💕脆炸肉絲炒麵店員話同滑蛋叉燒飯一樣都係皇牌，好受歡迎。果然冇失望，醬汁同埋炒麵係分開💗炒麵另外上，賣相真係靚😍麵炸得十分鬆脆，而且一啲都唔油唔會食到一口油。醬汁亦都夠曬足料好多肉絲同配菜，必食推介呀！滑蛋叉燒蝦仁飯💕一上枱嘩咗出聲！超大隻蝦！好似2個五蚊size咁大隻，蝦肉非常鮮甜😍叉燒很不錯💕叉燒偏瘦但肉質十分柔軟，配上香濃嘅滑蛋及蔥花，真係食唔停口。本身叫左少飯但分量仍然好多，仲擔心會食淨最後成碟都清曬😂 冇誇張，應該喺我人生中食過最好食嘅滑蛋叉燒蝦仁飯，平民價錢食到呢個質素絕對係超值！😍芥末魚柳包分量非常足料，配上薯條都係新鮮即炸😍魚柳炸得香脆，而配上芥末醬及蔬菜，整體平衡得好好💕非常之清新嘅配搭有好多款小食都想試下，充滿懷舊風味但其實都食得好飽了。最後點左椒鹽燒賣💗椒鹽燒賣直炸外脆內軟十分香口另外餐廳好有心而家疫情嚴重，餐廳都準備咗好多漂白水免費派發💕等有需要嘅人士可以攞，或者

老公一直喺葵興返工返咗好多年，最近聽佢講喺KCC開咗間新冰室，所以趁有時間我都同佢試下！之前喺Openrice睇過其他人的食評相，基本上都一定會叫王牌特濃牛乳炒滑蛋叉燒蝦仁雙拼飯！我哋今次唔例外，都叫咗特濃牛乳炒滑蛋叉燒蝦仁雙拼飯加特飲紅豆冰！蛋滑蝦都好大隻，連埋叉燒食，味道岩岩好而我自己就叫咗個經典常餐：蕃茄湯牛肉通粉 配熱朱古力話就話蕃茄湯.. 實際其實係蕃茄蓉超濃湯係出面蕃茄湯無得比呀！跟餐的牛乳炒蛋好滑，好香，多士都唔錯，熱辣辣好味！老公吃完飯仲未夠喉，又叫咗佢哋另一款招牌！爆漿四重奏佢有三款配搭比大家揀，今次我哋揀咗芝士 + 生菜 + 咸牛肉 + 炒蛋三文治一嚟已經好香，同埋個樣好吸引，好厚！老公話好食過澳牛的咸牛肉蛋治添！由於大肚關係，所以我吃極都仲想食，岩岩見到佢地有個牛下走鬼檔推介，就叫多少少食啦！我哋揀咗經典混醬腸粉、人氣陳皮魚蛋同干蒸牛肉食混醬腸粉要好吃，最緊要係醬汁，宜家好多時出面食的腸粉甜醬味好怪，食落感覺變晒質。不過今次的混醬腸粉味同細個食既醬汁一樣，嚟到賣相好得，熱辣辣又好味，必食呀！人氣陳皮魚蛋的唔辣咖哩汁好正，我覺得魚蛋唔夠多添干蒸牛肉加喼汁，無得輸呀聽

我去食嘢好鐘意叫餐廳既人推薦因為佢地一定知道最知道咩係招牌菜😋介紹左我地食呢個蝦仁㕚燒蛋飯同藥膳蘿蔔牛腩飯上到枱，勁靚仔忍唔住要影相先茶餐廳$5x蚊有咁大隻蝦仁好難得😍藥膳蘿蔔牛腩飯，係茶餐廳少見牛腩入味同煮得夠淋既個湯正，所以我擺左成個飯入去做湯飯😂之後再叫左個特餐，蕃茄牛肉湯米粉濃到我唔知佢地用左幾多個蕃茄🤣鐘意蕃茄既朋友可以試下👍🏻仲有值得一讚餐廳態度勁好，走個陣仲每人送左枝漂白水🤣

我係葵興開工作室都有半年時間， 試左附近幾間餐廳， 最近當然係對面KCC商場啦～KCC 商場連接葵興站， 仲係我工作室隔離嗰座樓，落雨都唔洗帶傘。 勁方便。 今個月見王牌冰室有得派口罩同漂白水， 係疫景下甘有良心， 當然要支持下。 臨走取左支免費漂白水， 呢排有錢都無貨， 良心店有得派， 支持下仲有要齊心抗疫。 我返去就即刻用黎清潔工作室。 好有用。與友人試食下午茶， 在大圍食開王牌冰室， 通常食午餐， 有一定水準。 今日友人指定黎食公司三文治， 意料之外， 超大份豐富餡料。 但公司三文治係下午茶留意要等到下午2:30開始。我就食呢個流心芝士西多士， 邪惡推介。 切開就見到中間夾層流心芝士， 仲有拉芝。 好邪惡。我們同埋羊小朋友黎， 她最愛薯條及凍檸茶。最後朋友再叫多個公仔麵， 滑蛋叉燒。除下午茶外， 仲有小點餐， 下次可以試下。餐牌#KCC葵興食好餐 #葵興好食遊 #葵興美食 #王牌冰室 #葵興茶餐 #免費漂白水派齊心抗疫

近年來香港忽然開咗好多冰室，有唔同主題，有懷舊嘅，有新穎嘅，百花齊放。今日就去咗葵興一個新興商場嘅王牌冰室食飯。 我同友人都十分肚餓，而且見到餐牌上嘅食物十分吸引，所以各自點咗一份午餐同下午茶餐。午餐滋補藥膳牛腩配白飯$64（小飯版）嗰湯十分好飲，味道比較淡身，感覺幾健康， 蘿蔔煮得好林好入味，牛腩嘅脂肪同肉比例均勻，入口鬆軟。另外點咗個王牌叉燒特濃牛乳炒滑蛋飯$58（小飯版）入口滿滿嘅蔥香味， 叉燒切得比較薄身 ，但係冇阻整體味道， 加埋豉油汁撈飯食都幾好食。接下來我十分十分推介嘅就係王牌西多（流心芝士西）$36。 誇張啲講係我食過最好味嘅西多士，一上枱已經畀佢金黃色吸引住眼球， 一刀切落去，軟淋淋嘅感覺係其他茶餐廳嘅西多士完全做唔到呢個效果， 再望一望，見到佢層次分明，口感好似梳乎厘咁，好surprise。 芝士帶少少鹹味 ，但係點煉奶同糖漿食，味道完全沒有衝突，感覺很新鮮。另外仲叫咗一份瑞士雞全翼（兩雙）$40配奄列雞翼煮度到好林， 用刀叉已經可以拆開啲骨， 一啖食曬成隻雞翼，啖啖肉好滋味。 令我驚喜嘅係個火奄， 喺圖度見到奄列大到鋪滿曬成個碟 。最怕奄列煮到熟曬，一啲蛋汁都冇，