王牌冰室 (九龍貿易中心) (Closed)

這天在葵興附近做完一點事情 有點肚餓想吃東西🤤🤤在九龍貿易中心尋找東西吃吧 發現這家新開的茶餐廳在下午茶時間挻多選擇 點了幾個招牌的吃吃才行haha·瑞士雞全翼配奄列 HKD$40 ·流心芝士西多士 HKD$36 ·咖哩三寶 HKD$25/碗·蔥油雞扒撈公仔麵 HKD$49 ·凍鴛鴦 HKD$3 | 茶走 HKD$0 (跟餐價)靜靜最喜歡食物是瑞士雞全翼配奄列 這組合很喜歡吃雞翼的味道不會太咸士而且很入味挻腍身 很容易咬開~而奄列做到滑身有蛋汁🤩 靜靜是以挻喜歡吃這奄列呢另外流心芝士西多士雖然被我攤放涼了 所以不流心😂但仍然是外脆內軟挻惹味🤤 裡面芝士咸咸的感覺不錯食物性價比和份量不錯呢 下次經過會再過來吃東西🤤

《王牌美食》今日和老公撐枱腳， 想食番一啲香港地道美食。 始終都係香港人， 想食番串燒賣， 又怕街邊檔多細菌， 所以呢到這間王牌冰室。王牌冰室位於葵興九龍貿易中心。 距離葵興地鐵站只有兩分鐘， 地點非常方便。王牌冰室裝修非常特別。 外面的霓虹燈有老香港的感覺， 還加了一些王皇金色圓窗設計， 非常有特色。第一道菜是燒賣。 加上甜豉油， 就是香港味的燒賣。第二道菜蔥油雞扒飯。 蔥味十足，但不會過油。 雞扒非常新鮮，配上蔥油，能夠帶出雞扒的鮮味。 平日也怕蔥油會過肥， 但這次覺得他也不太有剛剛好的。第三度菜是瑞士雞髀配薯條。 這個瑞士汁很調味， 味道很特別應該是自己調配的。 雞髀肉很嫩滑， 配上這特別調配的瑞士汁， 味道非常吸引。 薯條 熱辣辣對於我來說是很重要的， 很多時餐廳拿出來的薯條已經涼了， 就不在好食， 但這裏住的很脆口很熱。最後一道菜是瑞士雞髀配米粉加多士和炒蛋。 米粉湯底濃郁， 所以很入味。 炒蛋加入少許奶油，很滑身。整體來說我和老公也很喜歡這裏的港式食物～ 吃得很開心。餐廳：王牌冰室(KCC分店)地址：葵興葵昌號51號九龍貿易中心2樓213號舖 (7-11旁)

今日行完葵興工廈既凍肉店，見有啲肚餓就同老公去左附近既KCC食野，見呢間冰室新開張又唔太多人就入去坐低睇下有咩食。向門口見到個宣傳已經比上面既沙嗲牛肉潛艇吸引住，另外見到牛下走鬼檔餐牌，有晒我想食既野，有混醬腸粉啦~咖哩三寶啦~碗仔翅啦~~睇睇下見到仲有椒鹽燒賣，叫完小食再要左一份個名幾爆既【爆餡四重奏。生菜，芝士，咸牛肉，炒蛋三文治】仲叫左杯紅豆冰先黎【爆餡四重奏。生菜，芝士，咸牛肉，炒蛋三文治】$38份量非常大份，烘底方包，加入咸牛肉加埋落蛋仲好滑，溶緊既芝士片，生菜好新鮮。爆餡四重奏，除了咸牛肉另有兩款選擇(餐肉/火腿)再黎【沙嗲牛肉潛艇】$35連熱飲係平時熱狗既包黎，包烘焗左非常脆身肉既份量可以用“海量”黎形容，沙嗲醬辣帶少甜非常惹味。混醬腸粉$16/6條腸粉好滑，個醬溝得好好豉油，麻醬，甜醬，花生醬，辣醬樣樣齊辣醬好辣，如唔好辣既可以走辣*碗仔翅$18足料冬菇絲雞絲木耳絲呀唔會煮到好稀味道同出面走鬼檔冇分別椒鹽燒賣$18/8粒炸燒賣再配上椒鹽，多數食燒賣都係食蒸第一次甘樣食，好中意呀牛下走鬼檔大合照紅豆冰 (跟餐+$8)整體來說餐廳位置非常方便出地鐵站行5分鐘就到抵食夾大件，

在附近工作，當然一定留意新野，門面好吸引，經過幾次，可惜餐牌選擇太少，沒有一次正式幫襯。某日，開會遲左，過咗午膳時間，近近地入去食個快嘅，飯餐60幾蚊，貴。於是食個茶餐， 40幾蚊，首先杯熱飲上枱，火都嚟埋，細杯到一啖就可以飲晒，不如比杯滾水客人算啦。跟住到個炒蛋麵包，所謂牛乳炒蛋，一上枱，可以話2成熟，嚇死人，同生雞蛋冇分別，依家咁嘅環境，真係唔夠膽食，好想叫佢拎返入去再煎熟d... 但係又怕加料⋯個瑞士汁雞翼撈公仔麵，好似放咗喺度四個鐘頭咁，隻雞翼好似中咗輻射甩皮甩骨，應該係浸左滷水超過10個鐘頭，公仔麵發脹到林啤啤，完全冇味道，就係靠嗰少少雞翼嘅滷水汁⋯真係唔會再幫襯，選擇已經少，理應貴精不貴多，只係兩三款嘢食都做到咁樣樣，價錢又唔平，附近工廠區嘅茶餐廳間間都好過佢，不了！

吃得多葵涌廣場有d悶 就來左葵興睇下有咩吃 見到係kcc新開 就來試下呢個係皇牌叉燒滑蛋飯賣相好吸引 同埋叉燒係半肥瘦 正 🤩同埋個蛋整到岩岩好 唔會過熟其實個飯已經叫左少飯 但份量都幾多就算係男仔吃都一定夠 另外男朋友叫左咖哩雞球飯咖哩好好味 唔會好🌶 而且好香椰汁味同埋好多雞球 另外薯仔有炸過 幾香口另外仲叫左份西多士試下西多士岩岩好 炸到金黃色唔會好燶同埋滿滿花生醬 好滿足 另外仲叫左份燒賣都幾彈牙 好好味 唔會好似出面嘅燒賣咁蒸到好淋 總結 性價比高份量大野食好味 值得再去另外餐廳都係一間良心餐廳因為而家肺炎嚴重 餐廳都有免費派發漂白水有需要既人都可以拎 好有愛心

今日我同朋友去貿易中心行街經過見到開咗間新冰室，外圍招牌很搶眼，非常吸引...為食既我當然要拉埋朋友入去試試喇，我哋搵到個卡位，位與位之間算疏落，令我哋坐得好舒適好舒服。我哋叫總共叫咗三個餐加小食；1）午餐—叉燒蝦仁炒滑蛋飯有大大隻蝦仁，食落好鮮甜，再加上滑蛋食落真係好滑溜，叉燒大而唔韌，飯面頭仲有蔥花配料，好香好美味，呢個我下次一定要再叫！2）常餐—蔥油雞扒飯飯到已聞到香濃蔥油味，雞扒食落好滑而夠味，刀都唔洗切，大大啖食雞扒好正吖！3）茶餐—炸脾配火腿奄列炸雞脾香脆可口，好入味，令我食唔停口，真想再食多隻，奄列好滑好美味，百食不厭！4）小食—腸粉拼魚蛋腸粉食落好彈牙，令我想起兒時食過既美味腸粉，加上6粒加喱魚蛋，辣辣地...愈食愈開胃！5）凍華田唔會太甜，飲咗唔滯！6）凍啡有香濃咖啡味，簡直好味到爆！7）紅豆冰好新鮮，好好飲，我連紅豆都食晒，好似食咗個甜品一樣咁完滿快樂！

今日同同事去完葵興做野見有d肚仔餓就望下附近有冇野食🙈🙊, 見到E間冰室裝潢懷舊, 睇落唔錯就入去試下!椒鹽燒賣外層炸到脆卜卜, 入面軟綿綿, 煙煙韌韌, 加埋出面嘅椒鹽, 味道唔錯, 幾有趣😊咖哩三寶三寶包括魚味幾濃嘅彈牙魚蛋, 索哂汁嘅豬皮同口感軟腍又清甜嘅白蘿蔔, 咖哩汁唔辣, 但非常惹味!公司三文治🥪三文治幾足料, 麵包幾脆🍞, 咸牛肉炒蛋更加係重點, 滑得嚟帶少少咸香, 熱辣辣大大啖咬落去滋味又滿足😋!滋補藥膳牛腩配白飯🐂🥘🍚一上枱已經聞到少少當歸味, 湯汁幾濃郁, 味道唔錯, 牛腩味道好濃, 同蘿蔔一樣入哂味好好食! 湯汁撈埋碗飯🍚, 一碗都唔夠食🤭 幾特別嘅配搭, 推介!總結: 食物質素唔錯, 份量ok, 價錢唔貴, 環境幾乾淨同衛生, 店員服務態度良好!😊

這間餐廳不時搜羅防疫用品，良心價賣給顧客，例如漂白水、洗水液、口罩，所以對此產生信任和好感。但今天早餐外賣發生一件奇怪的事，我如舊叫了一份早餐A，包括沙爹牛肉公仔麵、牛乳炒蛋、牛油多士及飲品。這間餐廳的廚房中間部分是通透的，我看見內裏有兩位廚師，一位戴上藍色膠手套，一位是沒有帶上手套，本來也不為意，直至那位沒有戴手套的用手拿起一塊多士及塗上牛油，接著放入有牛乳炒蛋的膠盒內，再交由另一位餐廳職員拿給我，我心裡頓時很不舒服，因這商場相連的一期大樓已發現一宗確診個案，現時疫情嚴峻，更加要注意飲食衛生。我告訴那位餐廳職員不喜歡這樣赤手塗牛油，不要這盒赤手塗牛油的多士及牛乳炒蛋，這位職員拿走了那盒牛乳及多士，說了聲謝謝，也沒有問原因及或轉換其他食品，更無其他表示。我因趕着上班，而且對這餐廳也失去信心，只好以原價$42只拿走了一碗沙爹牛肉麵和飲品趕回公司，以後也不打算光顧了。

做完野行經，見新開無咩人就入左去坐一入到去就比佢個牛下走鬼檔餐牌吸引左😍可能我太暈去到碗仔翅賣晒。叫左咖喱三寶。味道唔錯，好有小時街邊檔味。但蘿蔔太散。重叫左兩個主食「特濃牛乳炒滑蛋叉燒蝦仁雙拼飯」同「脆炸肉絲炒麵」 。我好鍾意個特濃牛乳炒滑蛋叉燒蝦仁雙拼飯真係又香又滑👍🏻👍🏻勁推介脆炸肉絲炒麵非常特別。炸左五個麵球出黎再淋上醬汁。會聽到滋滋聽（最緊要趁熱食）紅豆冰都係推介紅豆煲到好林但又冇散晒。有沙又有豆

早幾日去同客開會 ，點知傾到過哂食飯時間，勁肚餓喎，個客勁唔好意思就帶左我地去佢樓下的王牌冰室食下午茶補數。去到個客一座底二話不說就叫左個王牌推介，特濃牛乳炒滑蛋叉燒蝦仁雙拼飯凍檸檬茶 ，而我同事就叫左王牌特濃沙爹牛肉公仔麵凍好立克， 而我就緊係叫鮮油奶多凍檸檬茶燒賣陳皮魚蛋和咖喱三寶。碟滑蛋叉燒蝦仁飯，真係好豐富好大碟，蝦仁夠大隻，雞蛋又香又滑。沙爹牛肉麵，湯底真的好濃郁佢唔係就咁牛肉上面倒汁落去牛肉到 ，反而係個湯用沙爹汁去煮，所以成碗麵都好香，牛肉又淋，幾好。我個鮮油奶多唔洗講都知掂啦！其他小食都唔錯。下次再來開會，一定會再食。

一開始同朋友相約去南豐紗廠影相打卡 再歎杯咖啡結果一去到就瘋狂影相 行街 實在太肚餓就決定食個正餐先再去歎咖啡之前一直無試過所謂冰室嘅食物呢間王牌冰室有個餐叫 脆炸肉絲炒麵 開始仲以為佢喺一個炒麵 後來上菜先發現原來佢唔喺一個我諗嘅炒麵而喺一舊舊炸咗個麵餅 配一碗肉絲獻汁但喺我覺得個獻汁配飯食會好食好多 因為碗獻汁裡面除咗有肉絲之外 仲有韭黃 蛋花 芽菜 送飯一流佢哋個員工仲教我哋應該係先摞一更獻汁放入碗裡面 再夾個炒麵沾住黎食不得不講個獻汁真係超級好食 好想要黎送飯食個麵餅炸到好脆 一軟一硬嘅口感好過癮最後仲叫咗個椰汁紅豆冰 呢一餐我同朋友都覺得非常滿足!場內裝修都非常有懷舊冰室feel 我都朋友一邊食一邊影相打卡 希望下次黎可以試買其他新嘢

實在太高興了，位於 葵興港鐵站附近 那一邊竟然開了一間不錯的茶餐廳，終於可以食我最愛的芥末魚柳包 （ $44 ）同埋碗仔翅 （ $18 ）。要找一間 平民價錢，抵食夾大份的茶記實在艱難，現在開了實在太開心了。環境方面很有茶餐廳感覺，但就沒有舊式茶記的污糟， 值得一讚。整體都滿意，價錢都算合理今次我們叫了 5 樣嘢食1） 咖哩三寶 分別有豬皮， 蘿蔔， 魚蛋蘿蔔好入味，我特別喜歡食2） 碗仔翅（ 份量十足） 有木耳3） 腸粉 4） 特濃牛乳滑蛋， 叉燒配公仔麵。 呢個跟餐既有杯熱檸水 5） 壓軸之選， 係我最喜歡的， 芥末魚柳包 ， 嗰份魚柳好大，大過我手掌， 份量十足， 個魚柳炸得好脆， 個包都有烘過嘅， 魚柳都好juicy ， 好味，yummy yummy 這個都是跟餐 （七喜 +3）

知道王牌冰室開左新分店，所以就去試下！ 一去到員工見到我1家大細又推bb車，所以即刻安排角落頭卡位俾我，等我坐得闊落啲，仲自動波拎兩套膠碗膠羹俾我，勁細心，加分👏🏻叫左3個餐食！脆炸肉絲炒麵$56炸麵炸到一舊舊上碟好靚，打卡一流！炸麵炸得超脆又唔燶，最緊要唔油，而且麵同茨汁分開上，唔會浸到淋曬！茨汁既配料夠曬多，咸度岩岩好！滑蛋叉燒蝦仁雙拼飯$62依個飯一上台我真係嘩一聲🤣果3隻蝦仁勁巨大！叉燒唔係肥叉燒，但係一d都唔鞋，仲好香。滑蛋配豉油勁好送飯！份量都幾多番茄湯午餐肉粒通粉+炒蛋多士 $46多士夠脆，滑蛋夠香！番茄湯超級超級濃，應該係我人生第一次食到甘濃既蕃茄湯，鍾意番茄🍅嘅人真係一定要去試下野飲方面，特飲暫時得紅豆冰，希望第日會有多d選擇啦

公司樓下最近新開咗間冰室喺711隔離，附近餐廳已經食厭曬就決定試下呢間冰室。早上返工經過見到佢哋有個小食檔賣早餐就買咗份腸粉食，味道唔錯而且大份抵食，順便摞咗外賣紙上公司與同事分享，結果今日中午又黎咗呢度食。本來打算堂食但喺實在太多人唯有外賣翻公司食，與同事一齊叫咗個牛乳炒滑蛋叉燒蝦仁雙拼飯，蝦同叉燒嘅份量都好多好足料，炒蛋香滑，而且面頭有加小小豉油調味覺得好正，推介！

香港近期開了很多冰室，但其實背後都是與大型連鎖集團有關的，所以缺少了冰室的那份人情味。今日行經葵興，去咗一間小店冰室度食，覺得店員好用心去讓食客有舒適的感覺，同時食物製作亦都非常用心。王牌冰室，裝修非常有香港本土特色風格。王牌冰室，在午飯的時候，有機會需要等位，但其實背後都反映餐廳的受歡迎程度。午市我特別欣賞他的藥膳牛腩，配上白飯同埋飲品，都只係$64。牛腩嘅層次非常分明，肥瘦比例適中。筋、腩、肥膏比例非常合適，而且非常爽。同時，藥膳湯底亦都非常甜，店主特別加上蘿蔔去配製，就算平時唔好藥膳嘅人，都唔會抗拒佢嗰份甜味。凍飲甜度剛剛好，不會有令人覺得太甜的感覺，反而欣賞這一家冰室，他們的華田非常濃，值得一讚。紅豆冰，紅豆非常大粒，適合鍾意飲紅豆冰嘅時候會食埋紅豆，對紅豆冰有要求，有執着嘅人。這一家冰室，必殺武器係佢嘅燉湯。初頭都很好奇，冰室會有燉湯？但一來到的時候，非常驚喜，因為這一個燉湯，材料佔了接近一半，味道亦都非常濃，濃厚的冬菇味、配上龍眼肉、紅棗，把整個湯弄得非常香甜。真材實料。千祈唔好睇小這間冰室，下午茶時間，佢會推出牛頭角下邨的小食精選。價錢亦都非常抵食。這一家冰室，從葵興站穿