雙生館 (Closed)

Lunch 唔想等位 又想可以傾到計,就搵左呢間有文青感覺的cafe,最最最緊要係有梳乎里pancake。環境用左乾花裝飾,配上水泥牆,加上日光,係好chill叫左豬扒飯糰 但係超級唔好食!!!飯出事, 白烚雞肉同埋好難咬的豬扒好硬,睇落都唔吸引開始覺得伏,然後意粉好過飯好多,軟硬適宜但係料就比較少,澱粉很多紅蝦呢個有小小辣,更岩口味好食的呢個,入味但帶子過熟,有d難咬係我最期待ge earl grey pancake正常發揮,有蛋香,比主食出色藍天白雲視覺享受係乳酪加soda,呢個組合得意但係乳酪味唔重

位置比較偏僻、地鐵行過去都要十零分鐘店內嘅裝橫幾靚，不過座位就比較迫。〰️〰️〰️〰️〰️〰️〰️〰️〰️〰️〰️〰️〰️〰️鹹蛋黃醬小元貝鮮菌意粉 $108，味道普通，口感偏乾偏硬。〰️〰️〰️〰️〰️〰️〰️〰️〰️〰️〰️〰️〰️〰️爆丼牛肉流心蛋飯·特調醬汁 $98牛肉好淡好淡，食唔出特調醬汁，可能係特調特別淡味？連啲飯都勁難食，啲飯係硬嘅，仲要一嚿嚿硬嘅黐住，真心未食過咁難食嘅牛肉飯⋯⋯〰️〰️〰️〰️〰️〰️〰️〰️〰️〰️〰️〰️〰️〰️伯爵茶碟豆花 空氣朵兒疏乎厘班戟 $108疏乎厘唔太鬆軟，伯爵味淡，性價比較低

依間小店由兩姐妹一齊經營，環境唔大但幾舒服。店內牆上掛著不少乾花及畫，充滿文青氣息。小店主打健康飲食，提供多款天然無添加、無味精美食。❀ 海鹽奶蓋小戚風賣相吸引，表面灑上玫瑰花瓣。海鹽味突出，奶蓋都好creamy，但唔夠厚身。而戚風蛋糕略嫌唔夠鬆軟。❀ 伯爵茶蝶豆空氣朵兒疏乎厘班戟即叫即整既疏乎厘班戟，充滿蛋香亦有少許空氣感，口感濕潤。班戟面上有好多伯爵茶cream及蝶豆花，cream唔會太膩，食落有淡淡既伯爵茶香，唔會太甜，好清新。另外有附上蝶豆花味糖漿，可自行控制甜度。⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆👅味道：⭐️⭐️⭐️💫📸環境：⭐️⭐️⭐️⭐️🤵服務：⭐️⭐️⭐️⭐️💎CP值：⭐️⭐️⭐️💫(5⭐️為最高分)⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆

見到網上被瘋狂打咭的梳乎厘班戟慕名而去點知好後悔，因為食到一肚氣！！話說我地下午二點到達，當時只有三枱客(仲要一枱已食完撩緊牙)我地極速點左兩杯飲品同一個伯爵茶碟豆疏乎厘班戟亦同店員表示我地有啲趕時間，可否盡快上菜佢話疏乎厘製作要30分鐘，我地表示明白但心諗ok la, 依家都係2:05pm, 等30分鐘無問題等到2:25pm, 兩杯飲品嚟左, 分別係:番石榴桃香烏龍海鹽伯爵茶拿鐵真心$48幾細杯，而且明明唔多客，唔明點解要等咁耐嗰日有三個店員，一個煮野食，一個洗碗?! 一個行行企企唔知做緊乜都唔緊要，係2:20pm我先見到佢施施然咁fill緊咖啡豆入部機入面！因為佢用左15分鐘去掐兩舊飯團去俾遲過我地點餐的一枱客！係兩舊一啖就食左既飯團.... 想點？出餐慢到浪費緊客人時間！Anyway, 重點嚟啦！個梳乎厘pancake話2:35pm會整完當時2:30pm出左兩碟pancake,但係俾仲食緊正餐既兩枱客人....都唔緊要，咁好正路問過店員我地嗰碟仲有幾耐佢話「整緊中」但由於係開放式廚房，佢啱啱只係mix緊個蛋漿擺明呃個客！佢得兩個爐頭，整疏乎厘已經佔咗一個爐仲要係好old scho

/🐷烤豬扒🐣無激素雞胸肉🍙拌手握飯團 日本醬汁 （$88）一黎到就覺得賣相好精緻吸引 飯團既用料都唔馬虎 入面有木耳 青瓜 芝麻同紫菜碎 食落幾有口感無激素雞胸肉加左啲黑椒調味 食落唔鞋 烤豬扒都幾大塊 醃過黎 但個人認為有少少過鹹 🍵綠茶拿鐵（$42）呢杯green tea latte表面灑左抹茶粉 抹茶味唔濃 味道溫和 飲曬表面嘅抹茶粉之後似飲緊牛奶 如果抺茶粉同牛奶混合 相信抹茶味會出啲 ▪️提供含咖啡（$38）/不含咖啡選擇（$42）☕️海鹽奶蓋咖啡（$44）呢到既奶蓋好不錯 飲落鹹鹹地 偏濃稠 連埋咖啡一齊飲有驚喜啊 估唔到會咁夾 推介！🔸Cafe既設計好日系 仲有唔少乾花做裝飾 幾適合打卡🔻我去個日係星期六 一入到去就有位 但因為全場full 所以啲野食都等左接近一個鐘先到 如果唔想等太耐 建議平日去食.💰: ～$174雙生館📍長沙灣集輝街2-8號耀輝大廈地下3號舖.#anygoodfood_hk#anygoodfood_csw

係今日同朋友去之前，其實已經係社交平台同唔同嘅美食專頁見過有關「雙生館」嘅介紹🧐大多數文章主要係推介蝶豆花梳乎厘班戟🥞，所以今次都有特登試吓，另外亦有點到午餐同飲品。首先嚟嘅係午餐，我哋點咗爆丼牛肉流心蛋飯，份量幾足，但味道一般。跟餐嘅湯亦稍涼，整體感覺麻麻。飲品就點咗粒粒雜莓泡泡🍹甜度適中，杯中亦足料有唔同莓同水果。但如果考慮番價錢($48，跟餐減$10)，就嫌略貴...飲品size只有大概一隻拳頭咁高...😓😓最後嚟到萬眾期待嘅梳乎厘pancake🥞因為即叫即整，所以係落單時已經一早嗌定。食完午餐就時間啱啱好上甜品😋依度嘅梳乎厘pancake似乎同其他餐廳嘅做法唔同。同朋友打完卡一輪過咗超過5分鐘都冇塌，但食落口都好鬆軟👍🏼👍🏼 而且味道除咗保留到蛋味之餘仲有伯爵茶嘅香味！非常推薦😋重括嚟講覺得甜品值得一試，但午餐較為失色。順帶一提舖頭座位唔多，而且需要90分鐘限時交枱。個人覺得如果想揾間cafe同朋友傾吓偈relax吓嘅話，似乎可以有其他更好嘅選擇😀

長沙灣有好多新開嘅打卡Cafe☺️今日嚟到除咗裝修靚仲有甜品都好好味既雙生館海鹽戚風蛋糕個蛋糕好香奶味，配上海鹽忌廉鹹鹹地～唔會覺得膩之餘 仲令到牛奶香味好出💗超級推薦碟豆花伯爵茶梳乎厘個梳乎厘上枱嘅時候見到佢震騰騰，好動L呀～唔會整到好硬、入口即溶、蛋香味滲透全個口腔再加上伯爵茶cream 真心覺得冇得頂再黎就係飲品啦 叫左兩杯梳打水雜莓梳打 酸酸甜甜💗仲可以用匙羹不啲雜莓食😝好開胃碟豆花梳打 係好清新既飲品 個人覺得值得一試！

咁岩出開西九 就約fd去cafe食下野 見長沙灣深水埗都有好多選擇 其實都有好幾間想試 今次就由朋友揀食呢間啦 我地由深水埗行過去都有一段距離 大約行左半個鐘左右就到了 我地大約晏晝2點半左右去到 餐廳冇人 我地包晒場 Menu都有好多選擇 有飯有意粉有沙律有全日早餐 樣樣都好吸引 我地揀左一個主菜 再加兩個甜品share食 主菜揀左爆丼牛肉流心蛋飯配特調醬汁 食落正正常常 幾好味 份量岩岩好甜品我地叫左海鹽奶蓋戚風蛋糕 因為朋友想試所以叫左 我就麻麻地奶蓋 所以試左少少就算 真係唔太識欣賞 不過朋友就話好好味 個蛋糕係正常size 都幾大 另外仲叫左個梳乎厘 都有好多味揀 我地幾中意伯爵茶味 咁岩佢又係配蝶豆花 就揀左呢個 睇圖都見佢個份量係偏大份 上枱個陣個賣相係麻麻地 但影相又幾令 佢係就咁兩舊梳乎厘 上面有舊伯爵茶既Cream 仲會有個蝶豆花既糖漿 不過我地就冇乜興趣 唔想食太甜 就冇加到落去 佢舊伯爵茶Cream好香茶味 梳乎厘好香蛋味 好好食 飲品叫左杯薄荷青檸蝶豆泡泡 係一杯普通既梳打 冇其他味 冇乜特別 另外又係有杯蝶豆花既糖水俾我地自己加落去 倒落去就會有漸變既效

呢間餐廳出名食甜品，見到好多人黎都係專程食梳芙里pancake，但今次令人驚喜係佢既all day breakfast! 沙律好新鮮，有青瓜洋蔥番茄同幾種沙律菜仲有Parma Ham，一D都唔馬虎！個慢煮雞胸一D都唔韌，朋友都話高水！兩塊麵包超級香脆，下面仲有隱藏左既炒蛋，個炒蛋有洋蔥炒得勁香而且滑嫩！仲有啱啱熟透既牛油果🤤食過好多餐廳既all day breakfast，今次係令人最滿足同驚喜！可能以後都食唔翻其他地方既all day breakfast🤣當然最後都有食佢既pancake啦，鬆軟而且唔會過甜，整體水準都好高！！👍👍👍

✨流心芝士手工漢堡扒定食·雜菜沙律（$88）因為影咗一輪相嘅關係，漢堡扒切開已經唔係流心了，最衰都係我😂漢堡扒有肉汁，食到肉嘅原味，但醬汁偏鹹。白飯用咗珍珠米，非常煙韌，雜菜可以再多啲✨鹹蛋黃醬小元貝鮮菌意粉（$108）好多雞髀菇，小元貝好滑，一啲都唔黏牙🤟🏻醬汁好Creamy，但就食唔出鹹蛋黃醬嘅味道。✨海鹽奶蓋小戚風蛋糕（$48/跟餐-$10後價格）一啲都唔小，直頭可以買黎做生日蛋糕😆賣相好吸引好靚，奶蓋香濃夠挺身，海鹽味道突出，鹹甜適中。戚風蛋糕質地鬆軟濕潤，我連裝飾用的玫瑰花瓣都吃了🤣✨酸種吐司（跟餐+$10）呢個係自家製既麵包，原本以為好硬，其實完全相反，外皮香口，內在相當軟熟。表面搽左小小牛油，焗完後變咗似糖霜既脆皮🤪整體上主菜沒有太大驚喜，中規中矩，會比較推薦甜品🍮如果喺鹹點味道上邊作出微調，咁就2樣都咁出色了😀餐廳如繁忙，入座限時90分鐘。但相反既話絕對可以坐耐啲，唔會俾人趕👩🏼‍🤝‍👩🏻

看到這間店的名稱跟店舖都很文青，好像是悠閑下午茶的理想地方，而同伴又想食甜品，所以決定一去試試！店舖位於醫院附近，離荔枝角地鐵站有一段距離，但入內環境舒適，我和同伴坐在窗邊位置，伴著窗旁的北極熊擺設和小狗攬枕，心情十分舒暢。我點了店內的招牌梳乎厘和熱茶，因為即叫即做，上菜需時約二十多分鐘，下午時不慌忙還是可以接受的。伯爵茶碟豆空氣豆兒梳乎厘班戟 擺盤十分精緻，上面的碟豆花太美，梳乎厘份量足，但伯爵茶味道不太突出，梳乎厘口感濕軟，蛋味不濃，吃完很飽。😂洋甘菊茶擺盤同樣十分用心，用茶包泡成的洋甘菊茶味道不濃，且茶壺裝水量不多，喝完一杯多一點就要再添，稍稍麻煩。店員好像很忙，所以在平日去服務可能更好。

📌 雙生館~長沙灣其實bookmark咗呢間cafe好耐😛Soúffle pancake控就係要食勻港九新界嘅pancake🤣喺地鐵站行過嚟呢間都要十分鐘 唔係特別就腳😫不過小店裝橫都幾靚 有好多乾花吊晒喺牆上💐風格偏森林系 有溫馨嘅感覺原來雙生館嘅意思係兩個孖生姊妹一齊經營嘅意思👭🏻店名係幾特別🤩人流都唔算很多環境整體幾舒服～不過嗰日淨係見到女店主一腳踢 等候食物時間較長🕑食物方面都幾多選擇 主食主打無味精同少煎炸嘅健康料理意粉🍝沙律🥗飯🍚輕食🥪甜品通通都有留意番疏乎厘班戟只係係二點半至六點嘅時間提供🥞其實好想試佢哋嘅戚風蛋糕 但無奈實在太飽冇叫到😔唯有等下次再戰😆1️⃣ 伯爵茶碟豆疏乎厘班戟 𝗘𝗮𝗿𝗹 𝗚𝗿𝗲𝘆 𝗕𝘂𝘁𝘁𝗲𝗿𝗳𝗹𝘆 𝗣𝗲𝗮 𝗦𝗶𝗴𝗻𝗮𝘁𝘂𝗿𝗲 𝗦𝗼𝘂́𝗳𝗳𝗹𝗲 𝗣𝗮𝗻𝗰𝗮𝗸𝗲 $𝟭𝟬𝟴 即叫即整要等大概三十分鐘🤔賣相吸引 但冇想像中咁靚上面嘅cream係伯爵茶味加上紫色碟豆花😍cream唔太膩 幾輕盈😋不過其實碟豆花冇乜味 主要食到嘅都係伯爵茶味班戟都幾厚身 充滿蛋香🥞質地唔算鬆軟 無乜空氣感中間偏濕笠 但係都熟曬嘅😌可以

今次嚟左係明愛醫院附近嘅一間清新小店，撞啱下午三時同朋友一齊食個TEA。叫左甜怪必叫嘅甜品：海鹽奶蓋小戚風($58)戚風蛋糕輕盈柔軟加埋海鹽奶蓋有種小幸福嘅感覺，鹹甜度平行得恰到好處，唔會好厚重同膩口。係值得推薦。另一款cake係水蜜桃cream cake（$48）比較普通，cream唔會太甜加埋水蜜桃果肉都係清新嘅，不過就無太大驚喜。同朋友慢慢傾計，實在太耐無得好好坐低分享近來嘅生活困惱，食左個紅蝦意粉就飲埋杯水蜜桃烏龍同抹茶拿鐵，係呢間寧靜播著chill chill民謠嘅小店開心下，可能就係呢幾個月嚟嘅小確幸。

呢間餐廳已經book mark咗好耐😆今日無意中經過見到人流唔係好多嘅入咗去啦🤣.試咗呢一個佢哋最出名嘅菜式伯爵茶&碟豆花味嘅pancake🤤🤤好好味～ Pancake好香蛋味😍又軟綿綿配埋碟豆花味嘅糖漿甜度恰到好處簡直無得輸.呢度嘅午餐都好多選擇😛嗰日我就試左牛油果流心蛋飯 & 鹹蛋黃醬小元杯鮮菌意粉🤤🤤 個意粉蛋黃味超濃～鍾意食蛋黃味嘅嘢嘅朋友一定要試！！下次再嚟試埋其他先👍🏻👍🏻

慢煮雞丼飯 ($60) 飯有啲凍，雞肉既份量都好少，似係普通即食雞胸，但份量得一半，個飯落左醬汁都覺得味道偏淡，唔推薦。咸蛋黃醬元貝鮮菌意粉 ($75)個意粉好咸，雖然份量都多，但咸到食唔到咁濟 啲意粉好多都唔熟，好硬啲元貝有夠細粒四季果茶 （$42）呢杯四季果茶唔平，但嚟到得一片檸檬兩舊西瓜，而且比一般熱飲仲細杯，雖然知係行養生路線，但多兩粒冰都得卦。另外，食飯當日三十幾度，杯水竟然係熱的，係滾燙嗰種點飲呀本身想試下佢個梳乎厘班戟，但食完兩個飯後都係唔洗試了。