熾工房 (Closed)

🟠滋味蘑菇飯套餐（$58）呢個套餐有一碟蘑菇飯、單骨雞翼4隻同汽水。碟蘑菇飯非常大碟，個汁係忌廉蘑菇汁，汁口感濃稠，好香，撈飯食一流🤩單骨雞翼炸得外脆內軟，肉質嫩滑，勁juicy👍🏻🟡 原味烤雞套餐（$60）套餐有原味炸雞2飯，一隻雞鎚加一隻雞胸，跟埋薯條同汽水。炸雞皮好脆，肉質一皮嫩滑，亦好juicy😋薯條熱辣辣，即時炸起，脆卜卜😽🟢青檸菠蘿梳打（套餐轉+$16）天氣咁熱，可以飲杯梳打真係透心涼，杯梳打飲落清新，唔太甜😝環境方面，雖然係小店，但枱櫈唔細，都坐得幾舒適😊地址：長洲建新里9號地舖

好耐無去長洲玩🤣今次去咗試朋友試過話正嘅熾工房💛全部都係即叫整即🤩Wow Filed Chicken Set $58滋味脆雞套餐炸雞🍗皮好鬆脆，肉質juicy幾好食😋同埋試咗個蘑菇飯，好好食🤤係好creamy嘅醬，又好多菇菇👍🏻👍🏻幾高質WoW Roast Chicken Set $60原味烤雞套餐係蒜香檸檬味🤣少少酸，唔怕膩配薯條🍟係粗薯條，夠脆👍🏻👍🏻環境係美式風格（？都幾靚，只係地方較細🤣我平日去就無問題～

長洲係呢幾年內開左好多間新餐廳，唔再焗限於食海鮮餐🦞🦀今次小編同朋友決定試下新意思，去試下傳聞中擁有「世一蘑菇飯🍄」同「長洲人氣炸雞店」稱號嘅熾工房🍗🗯️ WoW Roast Chicken Set | 原味烤雞套餐 ($58)原味烤雞 2件 ＋ 薯條/ 牛油粟米 ＋ 汽水🍗烤雞係佢哋嘅招牌，咁就一定要試下🤤雞皮烤到脆卜卜，內裏肉質鮮嫩多汁🤩由於係新鮮烤出嚟的，食嘅時候小心㷫親嘴牙🤭🗯️ WoW Mushroom Rice Set | 招牌蘑菇飯套餐 ($55)蘑菇飯(大) ＋ 滋味雞翼(單骨) ＋ $14 檸檬薑特飲被稱為「世一」嘅蘑菇飯🤩味道香濃過某某連所快餐店嘅蘑菇飯10倍，一啖又一啖好快就食曬成碟😆配埋炸雞翼一齊食，滋味100分💯見到呢個檸檬薑特飲太有趣，又試下先🍹最近真係好多人病，用返呢個檸檬薑啱晒，🍋飲多d檸檬水可以增加維他命C，薑又可以驅寒祛濕🫚真係夠晒養生牙😚

今天同朋友去長洲一天遊，中午時我地四處揾食，有朋友好吐餓，想揾主食食吓，經過熾工房門口，見佢裏面有好多客人，而且價錢不贵，於是我地一行四人入去叫午餐。環境:有室內和室外1 招牌磨菇🍄飯套餐$58磨菇🍄飯(一件)磨菇🍄汁好傑出，有香濃黑松露+芝士🧀味，兩種味也是我十分喜歡，所以覺得好好味，而且D汁好足夠，毫不吝嗇。滋味雞翼🐤單骨(四件)炸得香脆，肉質嫩滑2 熱狗🌭套餐(芥末，茄汁)薯條$58

熾工房 WOW LAB🐔黎長州玩，食嚟食去都係大魚蛋、芒果糯米糍？今次我地帶大家去try something new!✨✨原味烤雞套餐 🐔$60套餐包括原味烤雞兩件🐓，薯條/牛油粟米一份🌽，同埋汽水🥤！烤雞嫩滑多汁，有少量香料調味，食落唔會太重口味、太Heavy。另外我哋揀咗牛油粟米，呢個牛油粟米非常之香甜，有啲似細個放學去小食舖買到嗰一種牛油粟米，好奈都冇食過了，係回憶既味道！👍🏻👍🏻💓汽水，除咗有普通嘅可口可樂七喜等等嘅選擇，仲有有汽水，唔鍾意飲甜嘢嘅朋友就可以多一個選擇！😉清爽沙律套餐🥗 $60怕肥既女士們就可以揀尼個沙律套餐，套餐包括原味烤雞一件、精選沙律、同埋特色飲品🍸！烤雞一樣嫩滑多汁，配埋沙律菜一齊食，就變咗大大份烤雞沙律😛😛特飲方面都有幾多選擇，我地就揀左真係幾特別既青檸芫荽梳打🤣🤣🤣又估唔到真係幾好飲喎！青檸同芫荽意外的夾，味道好清新！同我地一樣鍾意芫荽既朋友，千祈唔好錯過呀！😍😍😍

去長州食糯米糍之外，可以去埋尼間推介既快餐店😗🍽 滋味脆雞套餐$58 ❤️3.7/5 有一塊雞髀同雞胸，炸雞比較乾身，建議可以加5蚊加翻特式醬汁更好味，今次揀左蜜糖芥末，醬汁偏向重芥末，食落都幾開胃。另外配上粗薯條🍟，薯條份量都多，新鮮炸起，夠哂熱辣辣😝🍽 滋味雞翼套餐 $58 ❤️4.3/5 雞翼以單邊雞翼炸起上，香脆可口，相比起脆雞餐，雞身更加鮮嫩多汁，配上士拉差醬，有酸酸辣辣既味道🤤🤤🤤加5蚊可以將薯條轉做蘑菇飯，蘑菇飯好重忌廉味，配上香草🌿加埋啡蘑菇，係高級creamy 版既KFC

Intro: 每逢假日，長洲真係好多來訪者，而呢到其實近呢幾年多左好多餐廳；落船發覺肚餓，拿拿林就揀左間最近嘅餐廳；呢一間就賣burger同炸雞，套餐仲包埋薯條同汽水架～___________________🍽 招牌脆雞漢堡餐💰 68（包薯條+汽水）⭐️ 7.75/10✍🏻 $68蚊有burger套餐食都幾難搵到，仲要係竹炭漢堡包；✍🏻 竹炭漢堡包好脆，味道幾香，勝在特別；✍🏻 脆雞都幾大塊，味道正常，但個人認為包同雞兩樣都係脆嘅配搭無咁好，都係喜愛烤雞同脆包嘅配搭；✍🏻 包中仲加左芝士同紅椰菜絲，味道為偏鹹味，味道同口感更豐富。🍽 熾·熱狗套餐💰 50（包薯條+汽水）⭐️ 6.5/10✍🏻 熱狗同平時食開嘅齊柏林差太遠，但價錢其實差唔多；✍🏻 包嘅鬆軟度唔夠，而唔夾熱狗腸，而熱狗腸比較普通又細條；✍🏻 但勝左薯條夠多，但薯條唔算太脆，加少少味粉更好食。___________________🏠 熾工房Wow Lab📍 長洲建新里9號地舖⭐️ 7.5/10___________________

長洲人氣小店，仲有一間分店係西營盤，最出名係炸雞同蘑菇飯，好多人都讚好食過連鎖店。除左炸雞，仲有熱狗，burger同意粉等等。已encore. 滋味脆雞套餐 $56 套餐有兩件炸雞，配薯條或牛油粟米，可加$5轉蘑菇飯，跟餐有汽水。炸雞嘅炸粉厚薄適中，肉質好嫩，食落juicy, 調味唔錯。可以加$5要特式醬料，有5款選擇，煙燻燒烤醬、特式辣醬、芫茜檸檬、蜜糖芥末、士拉差醬。蘑菇飯 $26因為想食薯條所以套餐無轉到蘑菇飯，決定散嗌。蘑菇飯好好食，好多蘑菇，個汁調味好好，好香牛油味同忌廉味，推介！蕃薯條 $26份量幾多，正常水準。推介指數：8/10📍 熾工房 (長洲)長洲建新里9號地舖西環高街111號地舖

啱啱食完，食物非常差，啲飯未煮好，蘑菇汁無味。咁衰係兩個男仔員工態度極惡劣，一個淨係識坐喺度玩電話，廚房嗰個玩玩吓，講嘢態度極差。以後唔會再幫襯。其實佢咁嘅態度做生意，應該唔會捱得好耐真係要檢討吓。食完之後我哋純粹睇唔到要拎返餐具，佢竟然用非常惡劣嘅態度話我哋，真心不知所謂。Absolutely the worst attitude ever, this place used to be good, now the good quality and staff are rude, no next time.

熾工房🤩想講我想食咗幾年, 但次次去都咁啱冇開🥲 今次終於食到, 表示好感動😭😭 真係好食過kfc🥲.滋味脆雞套餐 $56 (轉蘑菇飯 +$5)包咗兩件炸雞🍗, 薯條🍟/牛油粟米同汽水🥤, 我地決左單點薯條, 所以就+$5, 轉蘑菇飯😍 炸雞超juicy, 肉質好嫩口🤤 調味又好!! 個蘑菇飯真係世一🤩 建議大家一定要試!! 好多蘑菇, 而啲汁係好香牛油味🤤 啲飯係煙韌咖😭😭 真係超好食!!!!!🥳🥳.芝士薯條🍟 $26勁多芝士, 多到瘋狂拉絲🤣 份量都唔少!! 食曬都仲有唔少芝士, 所以都真係幾抵食~ 薯條就偏幼身同脆口👍🏻.P.S. 長洲好多舖都係收星期四~ 記住去之前check清楚呀🙆🏻‍♀️

✨️原味烤雞套餐 (連飲品) $58轉磨菇飯 (+$5)終於黎到長洲呢間人氣小店食烤雞！叫左烤雞套餐，烤雞好juicy，亦好嫩滑🤤。但同時外層烤得好香脆😋。同埋吾知點解，小編仲食到雞肉有陣檸檬香味(?!)🤣，吾知係咪有加到檸檬汁落去焗(?!) 另外，當然吾少得叫磨菇飯啦！飯面本身有好多忌廉磨菇汁，入面仲有磨菇片🤤不過吾知點解個飯吾算好重菇味🤔，反而香草味較濃。忌廉磨菇汁同啲飯好夾，好送飯，食完好飽🤣。不過食完有啲口乾🥲，好彩套餐有包埋罐裝飲品。熾工房而家亦係西營盤開左分店，大家吾使搭船入長洲，可以更加方便就食到😆！推薦指數：8/10

今日唔食fancy cafe，唔食貴餐，食餐平既😆 平日去到長洲預左好多野無開就隨便入左呢間炸雞店。見之前都幾出名！又從長洲開到去西營盤個邊，應該唔錯。平日入到去冇咩人，店員即叫即做，有炸雞、烤雞、薯條、飯等等☺️-✅原味烤雞套餐。套餐有2大舊雞，烤雞的皮脆脆的比較乾身，入面的雞肉就嫩滑的😋 食到小小香草味，比較淡味，係健康版的烤雞😂 配埋套餐的牛油粟米，食完都唔覺罪惡！-✅招牌脆雞漢堡餐(轉蘑菇飯)。呢個脆雞堡估唔到又幾大個！竹炭包包輕輕烘過，就咁食小小乾🫣 入面的炸雞排好大塊好厚肉！皮脆肉juicy！呢個比烤雞juicy🤩同埋個厚度令人好滿足！入面有小小千島醬+多多的酸紫椰菜，解膩中和一下。所以整體唔會好heavy。中意呢個包入面塊炸雞扒！跟餐的細蘑菇飯唔同一般啡色的蘑菇飯，呢個係cream煮的食落creamy好多，加埋好多香草🥳 不過飯底就軟左小小。但我都係鍾意呢個蘑菇飯多過連鎖店的😛-✅墨西哥辣肉醬薯條。香脆的🍟淋上大量肉醬同芝士，變得淋淋脆脆。肉醬味道濃郁，酸中帶辣，幾惹味😝加埋芝士更邪惡！-味道唔係好驚喜，但都算可以。起碼係無kfc、jolibee的長洲都可以食到炸🐔 同埋感

每次返去長洲都想試吓啲新嘢，今次行到去中興街附近見到一間熾工房諗住試吓！叫咗個炸雞餐同埋熱狗餐，點餐時啲員工面黑黑完全唔想做生意咁，點完餐之後又冇講多謝。食物方便，炸雞餐啲炸雞乾爭爭仲好鹹。個熱狗餐$50但係單買隻熱狗只不過係$26，同埋熱狗餐熱狗餐配粟米嗰啲粟米打開，原來係黑色嘅。點解一個50幾蚊嘅餐仲差過麥當勞嘅包麥當勞嘅粟米同麥當勞嘅薯條。今次試呢間真係唔好嘅遭遇，員工服務態度差，性價比超低，以後唔會再幫襯😠😠😠😠！

係長洲交還單車之前，體力透支，諗住食個下午茶頂住先，所以就走左去熾工房食炸雞。餐廳好光猛，並以連鎖快餐店般既形式運作，自己去收單落單，取餐，還餐。滋味脆雞套餐2件雞+薯條+汽水。因為見好多食評都推薦個"蘑菇飯",，所以就唯有捨棄個薯條，加錢要蘑菇飯🍄。雞件好大塊，冇縮到水，夠熱又嫩滑唔會好咸，好惹味又脆口！蘑菇飯有好多蘑菇呀，個汁好creamy，再連埋香草，好夾，份量就一般啦。好食就覺得佢好細份囉！

熾工房🔅📌香辣烤雞套餐🍗(💰55) + (💰3) 轉左蘑菇飯烤雞意外地個皮好脆😻肉都幾嫩滑🍴但係就唔係好辣，亦都冇乜肉香味🥺可能調味調得唔好🧂淨係食到個皮係脆，其他都麻麻🤔蘑菇飯個汁幾濃郁同好多蘑菇🍄啲飯就煮得太淋，好似落咗好多水落去咁💧CP值比較低🥲差唔多$60都係得兩舊雞蘑菇飯同汽水，環境地方比較窄坐得都唔係咁舒服🤕帶個頭盔評高低🎈🐾🐾~5🐾為滿