滬江飯店

Open Now

Now Closed

尖沙咀呢間滬江無記錯都食左成十幾年, 水準仍然保持得幾好佢地個門口特別窄, 經常路過都可能睇唔到, 要落一層樓梯應該早兩年裝修過, 所以裝橫好新淨,夜晚好多客, 如果無訂枱就要排隊今晚約左爸媽妹去吃飯, 一行七個人部長推介點左個套餐, 再加個沙茶鴨1. 四小碟: 薰鴨/海蜇/青瓜/鎮江肴肉    鎮江肴肉相比其他京滬菜館較少肥, 亦無左果塊啫哩狀既膏, 健康但無咁香口    青瓜帶酸爽口, 外皮削薄左可以全塊吞    海蜇較其他菜館既幼長, 個人覺得咬感略差於厚果隻    薰鴨比較粗, 無乜味, 四個之中最差, 薰魚應該會好好多2. 滬式魚撥: 我爸媽話好味, 但係我就唔太like, 皆因以前返大陸食果d真係新鮮好多                   以前響廣洲/東莞食既, 明顯肚腩肉係滑嫩無腥味(仲要廿蚊有交易)                   而且d紅辣椒一d都唔辣, 有比較下就麻麻3. 白菜肘子炖老雞: 一人一碗無多, 肘子雞肉既味道食得出有層次, 少係少d, 但好味既4. 花膠煲: 重頭戲, 印像中第一次食呢個菜, 聽部長講呢個單點要三舊水, 跟餐好抵食         

今晚係好友生日食飯兼聚舊，原本還暗暗擔心因早兩年黎過d裝修好舊同成陣up味，但原來已經重新裝修了蔥油炸雞香口不算太乾, 薑汁芥蘭也好好味，好爽口，切曬d葉，感覺好似食蘆筍。素鵝一般，好平淡，沒有素鵝應有香味。煎倉魚，上面鋪了酸菜, 另附一些辣汁，幾特別，小心多骨。the classic: 上海粗炒，食咗一半就冇食，因為實在太太太多油了春卷就是一般的春卷。冇影相嘅仲有小籠包 （皮薄多汁），同涼伴海蜇頭(爽口不過碎濕濕，非常細粒）。整體黎講食物一般，不過待應們好友善同風趣，同埋好友共聚，所以成餐飯都係食得好開心嘅入坐時嘅小插曲：因冷氣滴水問題我地轉了兩次枱，所以在此提提大家入坐時留意一下。

坐得舒服，傾計一流👍🏻由晚市開始坐到收舖，抵晒😂😂今日頭盤叫左醉雞同鎮江肴肉，醉雞好重酒味，慢慢細味，再回味，老店確實有點本事。肴肉一向係朕至愛冷盤，基乎每一間上海野都會試，呢個不錯，一咬落個jelly度，高湯湧晒上味蕾，重點係個jelly夠凍同唔好睇小個鎮江醋，一環扣住一環，缺一不可。我一早已經pre order左豆腐餃子，signature dish無得唔食，手功菜，好入味👍🏻其實唔係話好鍾意食雞，不過唔小心又叫左個雲吞雞煲，話時話個雲吞洗唔洗咁大粒👀👀友人叫左個擔擔麵，佢話個麵已經好彈牙加埋個湯，佢就無再講野係咁食🙊相比之下，反而覺得小籠包好普通，皮沒有特別薄，食完已經唔記得左個味啦，可食可唔食。3個人攬住個肚走🏃🏿🏃🏿🏃🏿

食上海菜通常都係一大班人去食岩啲，咁先可以試多幾樣野清炒蝦仁味道比較淡，用黎就第一道餸會好啲，因為之後會越食越濃味蝦仁都幾爽口，不過蝦味較淡。小籠包一包有4隻，體積唔算細，不過都可以一口食晒，一食就感覺到啲湯汁o係個小籠包到流出黎，肉質鮮味!呢個粗炒我就覺得過份濃味，而且材料都係菜居多，感覺比較寡，同埋賣相唔夠吸引  加上我都唔知係咪呢到太大冷氣，碟粗炒好快就變得凍冰冰，凍左就更鹹獅子頭又係比較濃味既菜式黎，不過獅子頭既肉質就好新鮮，如果叫個白飯要黎送飯都唔錯呀~一上枱前就知佢熱辣辣既豆沙鍋餅，豆沙蓉唔會過甜，而且食落去依然會咬到有紅豆個皮表夠脆又唔油，真係好好食!

之前吃過一次晚飯覺得挺不錯，今次週一中午跟家人一起再來吃慶生飯，上次晚市滿人呢，今天卻有很多桌子我們選擇了散叫，鍋貼煎得香但不夠熱，搓成皮的麫粉好像不太新鮮，有種”益“味不記得這菜式名字了，類似砂鍋蛋餅魚肚湯，湯底味道適宜，亦算清淡，好喝不過蛋包肉的雲吞有點奇怪，蛋没有蛋味，肉没有肉味．湯裏還有好多大白菜，大白菜和魚肚用來送湯都好吃北京水餃，傳統的，先滾烚熟再放上碟乾吃，這個餃皮不錯了，餃子餡亦很好，有很多肉汁，不用加醋也好吃春卷，整體的點心都不太夠熱呢，不過春卷煎得金黃香口，裏面的菜絲微暖，都算可口蘿蔔絲酥卷，跟其他餐館無異，外面的酥皮還算鬆脆香口炸銀絲卷，外皮夠脆，不過可惜的是裏面的麫包絲很粗很散，不夠傳統那種可以用手逐條撕出來吃雲耳炒蝦球，很濃味，味道没有特別，另外有種菇也頗特別䓤爆羊肉，又是濃味的菜，味道又是没有特別，羊肉不會很羶，彊䓤炒得很香口甜品有豆沙鍋餅，我從未吃過這樣的豆沙鍋餅呢，豆沙餡好好吃，好香豆沙味，又夠熱，外皮看到是煎得金黃色的，不過不知道為何，這皮非常煙”un”，好像煎堆那種糯米粉，不是不好吃，但總覺得這豆沙鍋餅怪怪的酒釀丸子，有很多很多的丸子，丸子無餡料，糖

又見年尾, 一家人平平安安渡過了經濟順景逆景低潮期工作仍在健康依舊, 感恩每一天的幸福、不要拿別人的路跟自己要走的比較「路」更平坦更寬濶。。。拖著愉快的心情齊齊整整去開餐,先上場是一個「青瓜拌海蜇花」HK$90.蔽 爽爽脆海蜇花入口帶彈牙,加上酸醋汁調和青瓜絲、前菜冷盤定必選你每年家人定必剔上這道「板花膠煲栗冬菇」HK$238.理由太充份花膠扣煮每次都稔滑非常,老人吃得津津樂道栗子也被醬汁炆得相當入味,個人必推心水這個嘛「豆板酥」HK$60.,是席間某某家庭成員剔選、上菜紙送來方知其大名不過,好睇不好食、全枱無一為讚,淡淡薄薄似有還冇豆味、是全枱最冇「回手」之一道敬希「勿叫」 另一款「松子大桂魚」HK$340.鮮艷而搶眼, 大桂魚被巧手刀功界得井井有條經過油泡令其魚身似菊花般散開,已起骨的桂魚入口啖啖皆肉加上酸甜醬汁醬汁,實在太醒實、如果配個(靚仔)白飯,實太完美少少的松子散落在桂魚上,除了襯托其實伴已入口味道也頂匹配 雪菜燒厚菇HK$90.用以雪菜提味,不過雪菜本身不算太咸所以厚菇草青味未被全面複蓋,有讚亦有彈這碟豆腐餃子(預訂)HK$82.也是滬江飯店知名菜用以嫩菜作餡,豆腐作

今天中午 突然想吃正宗的上海菜 於是便和同事到尖沙咀北京道 滬江上海菜館 此菜館算是香港其中一間 比較傳統的上海菜 一行四人 先點一個 可叫一款點心搭兩個小菜 的套餐 我們分別點了 賽螃蟹 醬燒懷山 以及津白肉絲炒年糕 还有酸辣湯.先講賽螃蟹 絕對失望 有很強烈的梳打粉味 我們祗吃了一啖 便不能再吃. 酸辣湯保持了一貫的水準,每人最少要喝兩碗 才能滿足,絕對是水準之上,酸辣湯幫他們取回不少分數.再講酱燒鮮淮山略嫌味道較濃,但還是可保持淮山的口感.火腿夾,個人認為此店必食之选,甜甜地嘅火腿夾炸腐竹及薄薄的包。脆，甜，咸，軟加埋一齊味道一絕，想起都想食😆之後我們亦點了醉豬手,剁椒魚腩.醉豬手比起以往的 好像差了 入口沒有以往的那爽口 這餐飯最清精彩的菜式就是那個剁椒魚腩 每一啖都會感覺到那陣淡淡的河鮮香,加上入口啖啖魚油及骨膠,真係皮膚都覺得靚咗😁而两啖剛好一件,超正雖然有大量辣椒 但其實是沒有想像中的那麼辣！😙最後食埋個普通到不能形容的 津白肉絲炒年糕 .......正式宣佈 飽飽!等等 套餐仲有圓肉雪梨水贈送 ,略甜兩啖夠曬數 走人開工😩埋單盛惠800，每位二佰！

豆腐餃子嘩呢個真係好野呀豆腐皮比普通豆腐硬少少個餡係雜菜打碎勁好味又有咬口醉乳鴿呢個ok雖然有啲鞋但好入味海蜇頭好味呀~！個質感勁有咬口止牙痕就最正

 雖然不是老闆請吃飯，我們作為低級職員，是沒有在咨詢下，老闆們選擇了此店吃午飯，不過我不是對此不高興，這只是作開場白而已。甫一進入，與我想像大相庭逕，這裏沒有什麼裝飾，還有點舊的感覺，待應都是比較中年的。今次我主動要求點糖醋骨，此店的糖醋骨，粉漿只是薄薄的包着豬肉，且豬肉切得都不細件，所以吃時覺得啖啖肉。不過，一咬開，豬肉泛着粉紅色，顏色的確美麗，但不能取悅我心，心想這美麗背後，是否加了化學添加劑，不過若味道好的話都不太計較，可惜當仔細品嘗其豬肉味道，真的不好吃，不知是化學味還是味道過鹹所致。幸好，當與糖醋同吃，便吃不出個中問題。這糖醋醬汁酸甜適中，但茄汁味太搶，令我感覺太人工味，乃此碟重要敗筆之處，應該少放茄汁，多點醋去彌補少放了茄汁的酸味，這樣味道便會清一點，人工的茄汁味便不會太突顯。另外，這糖醋骨與一般不同之處是它沒有新鮮菠蘿及甜椒，只是加了雪蔵青豆代之，此是第二失敗之處，菠蘿及甜椒除了增添色彩之外，新鮮菠蘿的酸甜可增進食慾，又可帶來清新味道，而甜椒的甜味與酸甜汁匹配，而青豆雖有甜味，但與甜椒相比，便比下去，而且青豆又細細粒，吃得不太方便，所以最後倫為廚餘。最後酸甜芡可以薄身些，

提早做節食中秋飯...訂左8點去到都要等成十分鐘先有得入座!!隨即我既惡夢就開始!!!!!!!!宜家飯店所有野食都極咸...極油....極甜!炒年糕賣相極度唔吸引 成碟野仲要反哂油光....食落口都唔知食緊件年糕定飲緊油=.=煎鍋貼又係勁油...餃子皮又厚又燶...所以為左健康都係放棄唔食皮極咸既表表者,非手撕雞莫屬!!!雞件同湯係分碟上的...湯底除左咸 無更貼切既字句可以形容了!!!比較正常既除左豬手, 小籠包, 同片皮鴨之外, 就無其他了!!不過片皮鴨等候既時間都比較長 要等成45MINS先有得食!可能係即叫即整 所以鴨皮都幾香脆!至於小籠包...正正常常無咩特別, 但我已經覺得係最好了!!飯後甜品就叫左拔絲香蕉...頗有特色的!!侍應上菜前會先將拔絲香蕉放入冰水中....有趣但唔好食!!!只能夠說宜個甜品勁甜, 入面既香蕉經煮後較"林林", 口感十分差!!

同朋友食晚飯，今次我地揀咗尖沙咀出名既滬江飯店，因為我哋一直book 咗位，所以唔使等。記得多年前試過呢間菜館，多款小菜都非常出色。今次再來惠顧，5個人叫咗5個菜及1個甜品 京葱炒牛肉：好濃醬汁既京葱炒牛肉，好野味！ 豆腐餃子：賣相好得意，用豆腐當作皮包住裏面D菜及肉作饀，清清地都幾好 小龍包：皮薄饀足料，仲有啖湯，襯熱食啦！ 松子魚：炸到好香脆既魚配上甜酸汁，外脆內軟，必食 雲吞雞：呢個係招牌菜，不過有點咸 上海炒年糕：夠火喉，不過油咗少少 最後叫咗個豆沙餅，不過我顧住食，吾記得咗影相！

同屋企人食飯, 預早訂定枱, 不過間野實在太多人,  所以都要等左一陣.醉豬手~酒味重, 但好好味, 豬手唔肥又爽口, 好開胃.醋雲耳(唔確實個名)~黑醋味重, 雲耳又係好爽口.響令夾火煺~火煺咸味適中炒菜苗~炒得好爽口, 唔油, 不過唔知呢D係咩菜松子魚~魚炸得夠脆, 就算D汁林晒落去都唔會搞到林晒, D汁又好好味, 可以撈飯.雲吞雞~雞入晒味, 雲吞皮唔會太厚, 湯好好味.金栗雞米~撈埋個包食無咁油, 就咁食好啱撈飯.炒羊肉~個羊肉超有羊味, 唔UN, 炒得剛剛好, 好好食.高力豆沙~唔會好甜, 整出黎熱辣辣, 好正.酒壤丸子~丸子煙煙UNUN, 唔太甜, 幾好.

父親節 Daddy同mami都鐘意食上海野於是今年父親節揀左呢間頭盤醉豬手好好味！花雕味香！豬手又入味！仲要好大份！小籠包皮就厚d 驚喜吾大松子魚~魚夠新鮮~炸得又夠岩岩好 係賣相吾夠討好因為無訂到片皮鴨 無得叫 退而求其次就揀左南京鴨都有得包下黎食 不過炸吾吾夠鬆脆 感覺油左少少 建議多人先好叫雪菜百頁炒毛豆 夠清淡 中和返之前既油膩咸肉菜飯 咸肉香 煲仔出仲有少少飯焦食 吾錯下次一定要食到片皮鴨！

2月4日是一個立春之日，正所謂一年之始在於春。而我的人生也是由呢一日開始，沒有錯，2月4日正正是我的生日，我的牛一... ...年年生日都必定要同朋友一起過，今年也不例外，不過就提前左一日預祝。幾經挑選先挑左3號聚餐及選左於尖沙咀的餐廳滬江大飯店晚上一行多人兄弟姐妹們一齊為我慶生，好開心!準時7:30入座，並開始點餐。全部係我同我另一位朋友點架!上菜速度好快，冇耐就上左炒蝦仁，彈牙爽口，呆苿道清清地都算唔錯。龍鳳羮：喜歡上海菜的羮，味道清中帶濃，結結地的口感正是本人的所好。可惜我地叫少左，冇得再添......本來想叫招牌的豆腐餃子，可惜沒有呢款，所以叫左小籠包。鮮甜多汁，味道還是可以的。兄弟們太餓，有人忍唔住叫左白飯，所以益我食炒飯。干爽又清淡茶樹姑烤肉，唔好睇少佢肥，但而且佢肥而不膩，正好合兄弟們的口味，可以送下飯。清盤... 因為好好味炒年糕：凡係糯米的嘢我都喜歡，年糕也是其中一款，所以我必叫....炒拉面；雖然油左少少，但拉面咁樣炒真心唔錯。不會干唔會淋，又有火喉.... ...食上菜或蘇杭菜, 我都必叫松子魚，因為我喜歡酸酸甜甜的味道，魚的的清甜再加上酸甜，刺激著尖舌尖的味蕾，

喜歡在 Openrice 搵食的我, 一直都好想試滬江飯店, 今次终於有機會. 我估係因為老字好的原因, 6:45來到已人山人海. 由於一早已BOOK 位, 而且好友已到便無需等位. 我們一同4人叫了個4-5人的精選套餐.首先來過錦繡4色拼盆(蜇皮, 醬鴨, 肴肉, 拍黃瓜) 賣相吸引, 而且每樣味道都調得剛剛好, 我好鍾意清炒蝦人 - 由於本人不太愛海鮮, 對我來說沒什麼特別, 但味道可以.金粟雞米 - 在 Openrice, 好多人都賔贊不絕口, 當然要試下啦, 其實我一向都不太喜歡蒸包, 但這個蒸包又香又軟, 加上粟米雞 肉涵料, 唔太肥膩, 十分合襯, 唔怪之得d 人一致好評. 醃篤鮮 - 原來是個湯, 本人覺得似沙碢雲吞雞多d, 不過味道都唔錯 松子大桂魚 - 魚炸得剛剛好, 外脆內軟. 南瓜汁露筍 - 原本竹笙加露筍配南瓜汁係ok, 但露筍老了一點, 所以減了點分.南翔小籠包 - 皮薄多汁, Yummy!至於酒釀丸子 - 不太甜, 剛好合我心水.