胡爐 (Closed)

聽過好多朋友講話胡爐好食，今次終於有機會同朋友來試下。首先胡爐而家已經轉左做單點，不是任食，這樣的話我自然對食物質素的要求就更高了。朋友和我兩人點了個酸菜鴨湯底，一份胡爐牛肉拼盤，一份手工蝦餃子，一份蔬菜拼盤同一份手打墨魚丸。首先講下酸菜鴨湯底：鴨肉都幾多，不過不算好酸亦不太辣，鐘意食酸菜湯底的人可能會嫌不夠濃味。胡爐牛肉拼盤：這個就正了，打邊爐最緊要牛肉新鮮，這個完全合格，好味～手打墨丸及手工餃：兩個都好味而且食得出很新鮮，不是雪過那種，很ok~蔬菜：沒甚麼技術含量，也是很新鮮，滿意。整體來講：全部料都新鮮，而且服務也很勤快，完全沒有失望！

同朋友一齊去尖沙咀食火鍋，嚟到H8, 之前行錯路以為離地鐵站遠， 原來幾近 the one 後面。上到樓上，望入去個場幾靚，好古典中式，都算幾有氣派。朋友款個湯底幾特別，係咩酸菜鴨嚟，幾有風味。叫咗幾樣嘢食，少少肉同菜，烏冬嗰d, 朋友叫咗個唔知咩牛爽，口感都幾好，唔似平時 d牛，白雪雪咁。叫咗份菜，我以為係夾d菇嗰d嚟，原來係3款菜, 3樣都新鮮。6點幾早嚟以為閒日無人，坐坐下個場原來坐滿曬。朋友話之前呢度做過半自助任食

今日再嚟到尖沙咀胡爐，都隔咗一排無嚟過，原來中間試過做半放題，不過現在又無做喇，我錯過咗tim……上次嚟入房位坐，今次坐返出廳位，都係品味中式格調。見到有川味酸菜鴨湯底，係其他打邊爐鋪好似少見d，試下先。兩個人唔叫太多嘢，又廢事食咁多肉，叫咗一個爽脆牛胸爽，同細份嘅手打墨魚丸，其他就叫咗份細菜同稻庭烏冬，同埋我未叫過想試下嘅冰豆腐，仲有下火嘅竹蔗茅根水。牛爽胸新鮮爽口，墨魚丸夠彈，最過癮係落咗烏冬嚟吸咗個湯底，佢個湯底本身好足料(鴨肶都見到有兩隻)食落好入味好香，竟然好夾。

依間樓上火鍋店胡爐，一入到去就比佢裝修吸引，好有傳統京式餐廳感覺，氣氛環境都好。豬手湯底：湯奶白色非常吸引，豬手size剛剛好，唔會太大舊難咬，辣辣地好開胃，我哋好快手就清晒豬手開始打邊爐！牛四寶：擺盤好靚，而且解凍程度好好，牛有牛香無雪味，牛舌心最為高質，厚薄適中，快熟之餘唔會難咬，啖啖都有滿滿牛香，忍唔住追加咗碟牛舌！手打牛丸/濃汁牛丸：各有特色，兩者都彈牙，濃汁牛丸更juicy更重牛味，兩碟都比我哋好快清晒！醉滑牛：有微微酒香，如果叫輕口味湯底應該更食到酒香，入口唔靭重牛味，非常不錯！我哋仲叫咗菜同墨魚滑等等，質素都好好，整體來講係一家有特色嘅餐廳！

凍咗咁多日，今日終於的起心肝去打個靚邊爐🤣今日去咗呢間叫胡爐嘅單點個喎，據聞佢以前係做放題嘅，剛剛轉咗做單點😌位於尖沙咀H8，地點都算方便，但係等𨋢真係有啲耐，好彩佢位於16樓，算係高層，入面地方雖然好細，但有分B區同C區，每個區都有隔板。🍴清香青麻辣豬手鍋🍴豬手唔會好肥，個湯底亦都唔算好辣，但係配料比較少，一個鍋大概只有四至五嚿豬手，另加有豬紅🥰🍴厚切萵筍片🍴因為佢係厚切，所以淥耐左都唔會好林，但佢個心有少少黃，總括嚟講個口感都算爽嘅，但有少少渣😌🍴自家製炸響鈴🍴份量好大份，即炸嘅，好似半對筷子咁長😆食完呢個都已經飽飽地😆🍴手打墨魚滑🍴入面都有一粒粒墨魚，但係可能雪得比較來耐，個滑比較硬，用匙羹「筆」落去嘅時候，有少少困難🤣，但熟咗係好食嘅👍🏻🍴花雕醉滑牛🍴醉雞就聽得多啦，醉牛都係第一次見，所以即刻叫咗碟嚟食，因為淥嘅關係，啲酒味好多都揮發晒，牛唔係好吸酒味。同埋佢嘅牛比較厚切，要淥返耐少少，但拎上嚟就會有啲韌。所以建議大家都還是食返醉雞同肥牛😂🍴醉胡盧酒泡鴨舌🍴打邊爐我多數會叫一個小食，等個湯底滾之前都起碼有啲嘢食😄今次叫咗呢個鴨舌，雖然佢話係酒泡，但酒味唔濃，但可以cover 鴨

冬天同friend打邊爐暖粒粒就最開心。咁啱黎到尖沙咀食胡爐。一入到去，就聞到好香既火鍋味🥰中式裝潢幾有格調，暗淡既燈光都好有情調。川味鴨肉湯鍋。 8/10由於朋友唔食得辣（廢），叫左個川味酸菜鴨湯底，同想像中酸菜湯有出入，真係唔辣！但鴨肉都幾鮮嫩入味而且份量多。胡爐牛拼盤。 9/10手切肥牛唔會太肥，肉質鬆軟好味👍👍牛頸脊，口感軟lum，油脂較少，岩曬注意飲食健康既朋友😋😋牛胸爽，評價最兩極既部位，朋友覺得成舊都脂肪好油，我就覺得牛味十足，而且越食越出味。😋😋牛舌芯厚薄合適，快淥幾秒就岩岩好，口感爽。😋霜降牛粒細細粒，油脂分布適中👏🏼蔬菜拼盤 （細）。 8/10蔬菜種類唔多，但勝在新鮮同份量多🧡椰青水。 8/10好大札！兩個人飲唔晒😂

今次已經係第二次食呢間啦，上次食過質素好好，今次帶一位新朋友嚟再食。上一次黎仲係半自助形式，今次黎已經全部變晒單點。首先要揀咗個湯底先，上次食咗黑椒卜卜蜆好好食，不過今次試吓新野，叫做川味酸菜鴨湯。($288)湯入邊嘅鴨好入味，而且份量好多，又有鴨雞髀😂蘿蔔好清甜，而且個湯唔會好酸，真係可以當湯飲😂糖心皮蛋酸薑 $58第一次食呢個配搭，皮蛋加薑真係好少見，不過意外地好夾，食落幾好食😋小食可以推薦一下👍🏼手切頂級安格斯肥牛 $298呢碟牛真係靚到冇得頂，油脂分布，厚薄適中。浸軟酸菜湯，唔使點豉油已經好正。好有牛味👍🏼即炸響鈴$68個響鈴真係值得一讚，上枱時仲係熱辣辣，一定係即場炸，而且好粗好大條。仲要有六條好多，浸一浸配埋酸菜湯，正！黑松露蟹肉餃半份四粒 $68呢個餃真係不得不讚，一定一定要嗌。可能本身自己鍾意食黑松露，佢呢個餃好入味，好多黑松露，皮薄。職員建議淥1分30秒就可以食👍🏼黑松露墨魚丸，半份四粒，$52唔知係咪因為手打丸嘅關係，真係好爽口彈牙，又係我最鍾意嘅黑松露味🤤好好食😋西洋菜$48，豆苗$68菜嘅份量好多，特別係豆苗都好新鮮👍🏼老友鬼鬼$78呢個餸又係100分推介，超級

有質素的川味火鍋環境：食店在尖沙咀厚福街，交通非常便利，店內裝飾是行中國古典風格，餐具有心思都是配合番裝修風格食物：酸菜鴨湯底鴨嘅份量多，好食，口感唔會太um，但酸菜味未算好特出前菜：薑片流心皮蛋，蛋做到流心效果，味道不過不失，一道開胃菜安格斯牛：份量多，新鮮，無雪味老友鬼鬼：呢個值得一讚，佢不是普通油炸鬼，而係炸到脆口有啲似炸蝦雲吞既味，可即食或浸湯食，新鮮炸出嚟好惹味黑松露餃：好重黑松露味，這隻餃子放在煲1分鐘左右就要食，因為皮比較薄，好易煲穿，總體好食的菜：點了西洋菜同豆苗，好小食店有豆苗提供，呢個一讚，新鮮分量多響鈴：大件跪口好食，打邊爐必備總結：天氣凍打邊爐一流，尖沙咀地理位置方便，約埋三五知己一齊食不二之選，食物新鮮有質素，值得推薦

今日同朋友一齊去尖沙咀覓食，見唔洗等位就入去試下$208清香青麻辣豬手鍋🐷湯底都幾辣，內有四至六舊豬手，肉爽骨膠原滿，好快就可以清煲開始打邊爐$148新鮮脆肉鯇🐟新鮮就是好吃😋厚厚切的脆肉鯇，咬落十分爽口$388胡爐牛拼盤🐮拼盤有牛舌芯、安格斯手切肥牛、極上手切牛頸脊、霜降牛粒，當中以牛舌芯最為出色$88牛骨牛汁丸🐮一碟8粒，咬落彈牙，有肉汁$28稻庭烏冬打邊爐就是要食烏冬👍🏻食完仲可以落樓下食一人一碗知名台灣芋丸😋

入座之後侍應就會比一盤醬油比你，有辣椒、 蒜蓉、蔥粒、芫荽同埋麻醬等等。見到佢地餐廳個feel 好一致，連啲調味料盤嘅碗都係咁有古風嘅風格。依到係手機落餐嘅，你可以由湯底類開始睇落去，又或者可以係上面條navigation bar 到直接select 類別。川味酸菜鴨湯鍋＄288通常出面啲打邊爐係豬呀、牛呀、或者雞湯底，所以今次見到鴨湯底覺得幾新鮮。其實個湯底已經好豐富，見到有萵筍、鴨肉件、枝竹、芹菜同埋芫荽 。食得出依到個湯底唔係係廚房入面一到煮一到keep 住熱，因為啲枝竹食落去鐘係挺身，萵筍冇淋晒、鴨肉件啲肉一啲都唔難咬難嚼咁。伊比利亞黑毛豬豚肉＄208啲豬肉肥瘦比例幾靚，食落去有啲肥肉所以唔會太柴。個擺盤都好靚添！黑松露蟹肉餃＄68依個黑松露蟹肉餃超級推薦比大家食，皮薄、黑松露味好出、蟹肉令到餃子有啲咬口。嘩！我覺得我可以食十隻都得。

胡爐———————————————一品酸菜酸菜鴨鍋芝心墨魚丸 $52/4粒咬開有芝士流心，芝士味濃，做到流心效果值得一讚。黑松露墨魚丸 $52/4粒墨魚丸彈牙，有黑松露味，亦唔會搶哂啲墨魚味👍🏻廣島蠔 $88蠔份量多，鮮甜大隻，性價比高，鍾意蠔嘅朋友可以試吓。黃金炸魚皮 $88魚皮新鮮炸出，鹹蛋黃淋上面好襯，仲係暖暖地，推介。手切安格斯肥牛 $248肥牛脂肪同埋肉嘅比例適中，唔會切得好薄，好重牛味。香菇韮黃帶子餃 $58/4粒入面有帶子，韮黃味好出好香，餃子皮薄料多。XO鮑魚蝦餃王 $58/4粒少少辣辣地，好鮮味，幾鍾意呢一款餃子，食辣嘅朋友可以過吓口癮。

呢間係尖沙咀嘅火鍋店，就係喺厚福街h8嗰到，本來佢係任食火鍋，但係佢而家變返單點，仲高質左🥰湯底揀咗酸菜鴨鍋，個煲入面本身有酸菜，鴨件，萵筍同埋腐竹，鴨件唔係乾柴嗰種，萵筍同埋腐竹吸左湯都好好食～👅黃金炸魚皮 $88呢個真係不得了，魚皮新鮮炸起，上面嘅鹹蛋黃淋左上去仲係暖暖地，超級香脆，呢個真係必點👏🏻👅廣島蠔 $88呢個睇價錢本身以為得幾隻蠔，點知上枱有8大隻，好食，唔腥，又鮮甜🥰👅手切安格斯肥牛 $248一碟大概都有14片，厚薄適中，肉質軟林林，記得唔好淥得太熟🥰👅黑松露墨魚丸 $52/4粒爽口彈牙，有墨魚粒，黑松露唔會遮晒啲味👅芝心墨魚丸 $52/4粒咬開有芝士流出，爭啲辣親，可想而知佢有幾多芝士🥲👅香菇韮黃帶子餃 $58/4粒咬開真係有一大舊帶子，韮黃好香，皮薄好食。👅XO鮑魚蝦餃王 $58/4粒呢個好香口，咬落去辣辣地，幾特別，可以一試。

一入到去真係覺得係我去過最整潔最靚嘅火鍋店，裝修俾人一種高貴典雅嘅感覺。餐廳係單點火鍋，首先揀咗湯底再用qr code揀其他配料。店員亦會比一盤醬料比客人自己調製想要嘅醬。川味酸菜鴨湯鍋 （$288）🦆🥘好有驚喜嘅鍋底！鍋入面非常足料，有芫茜、蒿筍、酸菜、枝竹、鴨肉（應該有大約20舊）、白蘿蔔！鴨肉、枝竹同埋蘿蔔都完全吸收晒湯底嘅精華，非常入味！而且本身驚鴨肉煮得耐咗會韌，但係竟然非常嫩滑！酸菜同鴨肉嘅味道好香，用嚟淥其他配料一流！伊比利亞黑毛豬豚肉（$208）🐷賣相已經好吸引嘅豚肉！脂肪嘅分佈均勻，唔會太肥或太乾，口感亦唔會韌～另外發現肉類點落餐廳提供嘅麻醬非常夾！大家都可以試下呢個食法！手打墨魚丸4粒（$48）🦑大大粒好彈牙嘅墨魚丸，食落唔會覺得成舊粉噉樣，而係食到有墨魚嘅口感～黑松露蟹肉餃4件（$68）🦀黑松露嘅味道非常香！但要小心好容易就淥到散，另外覺得如果蟹肉嘅口感可以更加出就好喇～整體嚟講係好有質素嘅火鍋店，雖然價錢唔算平，但係佢嘅材料絕對對得住佢嘅價錢！另外店員嘅服務亦好貼心，會自動幫手加湯同較火力，亦會提醒某啲食材要點樣淥先好食。所以大家喺特別嘅日子想同朋友屋企人食餐好

又有同事移民啦😭我哋四個成日都食打邊爐臨別秋波梗係要再食餐好嘅今日嚟咗尖沙咀嘅任食打邊爐，$238人頭就可以食到飽。頭盤有花膠炆冬菇，好入味跟住我哋揀咗胡椒卜卜蜆做鍋底，有幾大隻wo同埋無沙食完個鍋底就開始打邊爐啦今次我哋都係揀咗麻辣湯底，小辣個海鮮拼盤敬吸晴🎉有扇貝，鮑魚，花甲，蜆同埋蝦，每人一隻少咗d如果每人有兩隻會開心d😂佢哋仲送咗一盤雪花牛同牛舌，好有牛味跟住可以再encore餐紙上面嘅食物，不過encore嘅牛就唔係太推介啦，冇咁好食🤣

12年了，人生有多少個12年是夜來到胡爐，為我們12年的婚姻添加一點回憶胡爐一直係一間高質的火鍋店，多得這2年的社會環境，令食肆紛紛轉型在厚福街的胡爐分店，推出了$298蚊半放題的套餐，令我可以用優惠的價錢享受到高質的火鍋仲有早鳥時間 $238 火鍋分店以私房菜形式經營，故店鋪內除了大廳外，更劃分了不少房間5人或已上已可以訂房，想擁有私人空間享用晚宴就要記得要早d訂啦~食物方面 套餐己包含了限定的湯底，肉，丸，燉物，海鮮仲有其他的配菜可以無限order ~湯底方面唔係普通的行貨湯底，有好多特別口味的選擇是夜得2個人，驚食雞煲/牛腩/人蔘雞煲太飽，於是揀左最輕手的黑白胡椒卜卜蜆鍋~第一道菜，竟然係每人一盅名貴的山珍海味個底仲有大大舊的花膠，食一盅已回本一半了~ 湯底的黑白胡椒卜卜蜆，很濃香的胡椒味，但唔算好辣。先食完卜卜蜆再加水做湯底呢個湯底同所有食物都好夾，無麻辣咁濃味，唔會遮蓋食物的原味，但又比普通的湯底多了一份胡椒香，增加食物的味道層次時令海鮮盤是根據當日的來貨而定，諗住套餐既海鮮至多咪幾隻蝦同蜆，估唔到個海鮮盤原來咁華麗海鮮全部都俾預期大隻呀，好新鮮，洗得好乾淨，起埋殼方便放落湯