Video
Read full review
2024-09-22
922 views
呢間燒肉店成日聽啲飯腳提起，於是今日就試下佢真章～佢哋晚市放題 有4款，而我就揀咗 C 餐，仲因為我8點半後坐低，所以 全部只!收!小!童!價! 仲話 如果無人等位訂枱，基本上係無限時！任食！ 大癲！！！！！C餐: 大人價$298, 小童價$238, 我今日4個大人，位位只收 $238 仲要真係由於夜咗無人入坐，真係無趕我哋班友走 任我哋食！送嘅燒蠔有調好味嘅蒜蓉配料，夠肥夠甜！我後尾仲encor 咗半打hahaC餐安格斯牛種類都夠選擇，任食仲有牛舌，牛舌同啲牛切得厚薄適中，識食嘅都知，太厚又會食得幾塊就太膩就飽 , 老人家又點會咬到，所以我buy 佢哋個厚薄適中，難聽啲講，任食喎！我食到幾多就當然好depends自己啦，好采嗰日我夠餓哈哈食幾多嗌幾多❤️👍🏻 早幾個月晏晝食過一次，對比返今日，啲牛嘅厚薄度的確改善咗，牛舌仲大塊咗！幾款牛都紅卜卜，個日本雞肉好食有雞味唔蘇！又有啲墨魚仔, 鯖魚, 腩片, 厚豬頸肉,大塊日本雞皮燒等等等⋯⋯細佬難得入嚟元朗陪我食飯，後生仔食得好飽好高興😆佢哋嘅牛無做醃味，要俾讚！食開燒肉都知，咁先係日式燒肉店，咁先食到牛味。牛仔骨嘅口感來源，本身就係由
佢哋晚市放題 有4款，而我就揀咗 C 餐，仲因為我8點半後坐低，所以 全部只!收!小!童!價!
仲話 如果無人等位訂枱，基本上係無限時！任食！ 大癲！！！！！
夜晚燒肉放題
2422 views
51 likes
0 comments
C餐: 大人價$298, 小童價$238,
我今日4個大人，位位只收 $238
仲要真係由於夜咗無人入坐，真係無趕我哋班友走 任我哋食！
送嘅燒蠔有調好味嘅蒜蓉配料，夠肥夠甜！
我後尾仲encor 咗半打haha
放題放蒜蓉燒蠔，燒完夠香好食😋
88 views
0 likes
0 comments
C餐安格斯牛種類都夠選擇，任食仲有牛舌，牛舌同啲牛切得厚薄適中，識食嘅都知，太厚又會食得幾塊就太膩就飽 , 老人家又點會咬到，所以我buy 佢哋個厚薄適中，難聽啲講，任食喎！我食到幾多就當然好depends自己啦，好采嗰日我夠餓哈哈
燒肉放題，任食就梗係，食幾多嗌幾多，慢慢嘆
22 views
0 likes
0 comments
食幾多嗌幾多❤️👍🏻
早幾個月晏晝食過一次，對比返今日，啲牛嘅厚薄度的確改善咗，牛舌仲大塊咗！幾款牛都紅卜卜，個日本雞肉好食有雞味唔蘇！又有啲墨魚仔, 鯖魚, 腩片, 厚豬頸肉,大塊日本雞皮燒等等等⋯⋯細佬難得入嚟元朗陪我食飯，後生仔食得好飽好高興😆
放題燒肉
18 views
0 likes
0 comments
佢哋嘅牛無做醃味，要俾讚！食開燒肉都知，咁先係日式燒肉店，咁先食到牛味。
放題任食牛仔骨
21 views
0 likes
0 comments
我鐘意佢哋啲幾款燒肉醬，夠濃唔會水Nel Nel, 排名=1st柚子醬，2nd鹽醬，3rd燒肉醬，
分享小心得:
柚子醬：好解膩, 又香甜, 最岩配合安格斯牛胸腹 / 雞類/ 魚類，
我8掛問店員可唔可以買支俾我，可惜原來係日本訂嚟無得細細支買，唯有下次再嚟食～咁又唔怪得咁香甜。
鹽醬，最岩配合安格斯牛肩胛，安格斯牛板腱, 厚豬頸肉，豬腩片等等，我覺得濃郁過其他舖，塊肉點少少就夠，所以我都鐘意。
原味燒肉醬，我會叫做百搭而且隻醬夠濃，試過點瓜菜食都惹味～老豆試唔到新野，所以佢成晚只食燒肉醬haha
炸物
12 views
0 likes
0 comments
熟食類都夠選擇，燒肉放題我唔會食得多熟食，不過有 雞皮餃子 揀，炸得香口，本身出面都少有提供，呢度可以任食, 讚～
放題任食芝士玉子燒
8 views
0 likes
0 comments
成個用餐體驗 & 食物質素，我覺得性價比好合格有餘啦。
另外值得紀錄，開頭我喺門口等屋企人龜速落樓時， 門口嗰位(應該話得事嘅哥哥) 好有耐性同我介紹，當時爆場, 個哥可送咗支果茶俾我解暑，傾咗陣計，老實講香港地大家心照，friendly並唔係人都做到，又安排咗張凳我邊坐邊等，成餐飯，我見佢哋都盡力照顧到客人需要，真心feel good。
P.S.:問咗員工，原來7點前入坐都有小童優惠，唔知佢哋個優惠做到幾時，我就點都會把握機會食多轉先, 唔走雞😂 仲玩埋佢哋張印花卡儲印仔～
Post
