囍宴 甜‧艺 (Closed)

My friend 'R' were drawn to its hip decoration and floor-to-ceiling windows, so it beat the burger joint in winning our heart!!We were warmly welcomed by the young and energetic waiters there. We had a pretty hard time deciding upon what food to order as the menu was filled with many choices. They were made more mouth-watering by the great supplementary pictures. We ordered 4 dishes and i just want to focus on the good...1. 香酥九製陳皮骨Although it was a deep-fried dish, its taste was not bland like m

因為要去會展工作，男朋友專誠帶我此處食飯，餐廳環境尚算不錯，適合三五知己。我們一共叫了香酥九製陳皮骨、上湯溫室豆苗冬瓜、桂花酒釀荔枝雪糕、麻醬番茄，整體食物都唔錯，值得一試。

今日係初七人日，成個部門黎呢度食餐開年飯生日飯。之前專登睇過食評，好似麻麻，但係今次親身體驗過之後，覺得都唔係咁差！服務態度OK喎，食物都好味喎，我仲覺得甜品方面好好添！我地所點菜色如下：溫室蕃茄：果然係一道好好既頭盤，味道好清甜，感覺新鮮，但係最最好味係佢既汁，係日本芥末芝麻醬黎架！好香芝麻味，如果用黎撈冷麵既話，一定掂！擔擔撈麵：雖然要左少辣，但係我唔太頂得順辣味架，所以都覺得幾辣下，同事既回應係：「唔係下話？咁都叫辣？」佢地仲邊食邊話非常滋味，咁我覺得，花生味又真係好重既，但係辣味仲強喎。如果食得辣既朋友，應該會覺得好味既，我諗；紅油抄手：味美，但太辣；梅子汁炸魚：雖然係炸，但係一D都唔熱氣，仲唔油添架，真係好難得喎！反而酸酸地既梅子汁好美味，我地問左個侍應用既係咩魚，佢即刻幫我地走入廚房問，原來係比目魚；大肚婆炒飯：份量好少咋，好大欖仁味，算幾特別；魚湯泡飯：竟然有驚喜！面頭有切片油炸鬼，已經夠好味，湯飯中仲混入脆卜卜蝦米，有口感又美味，而且魚湯又新鮮呢，食得過呀！炒什菜：十分十分普通，唔特別，食唔過。至於甜品，就有紅豆豆腐布甸、荔枝雪糕、咖啡凍伴牛奶雪糕、焦糖炸香蕉伴雪糕。我

吃完辣雞, 受不了, 就來這裡吃吃甜品解一解.一直想來這裡試一下, 之前來過沒有位, 是晚比較夜了, 沒有人等位, 直入. 一心想試甜品, 最後係揀了三款.薑茶漏黃湯丸$28: 7分, 吃落口還擔心有野飛出來, 怎知湯丸做不到漏黃的效果. 湯丸不太甜, 入面有芝麻同蛋黃, 幾特別. 薑茶都幾辣口, 不俗. 但係要成$28一碗湯丸, 真係太貴了, 水準也不值這個價錢.焦糖香蕉布丁$32: 7分, 還以為是法式燉蛋, 布丁吃落口才吃得出香蕉的味道幾出, 加上面頭有兩片香蕉, 係不同層次的.軟心朱古力蛋糕伴私房雪糕$68: 6分, 賣相係幾精緻的, 但係打開件軟心朱古力蛋糕, 做不到湧出來的效果, 蛋糕的外層係偏實, 質感一般, 朱古力的味道也不夠濃烈. 伴的私房雪糕係豆腐味, 反而幾好, 清清地. 不過這個甜品一定不算係有水準的個幾間.價錢不便宜, 服務態度係幾差的, 甜品的水準又唔係高得那麼緊要, 行開的話或許會再試試其他甜品的.

我們一行3人, 晚上6:30就到了, 看到入面無客人, 只見有幾個侍應坐在近門口一張枱食緊飯, 他們看到我們入來, 卻竟然沒有意欲serve我地! 我們奇怪地等了一會, 才見一位男侍應死死地氣起身, 仲要俾面色我地睇! 完全係想話"你地阻住我食飯", 我已經覺得佢好差! 但我們本來興致勃勃, 也不跟他計較。但我覺得如果佢地未ready, 可以唔開門住囉.帶位後, 當然他很快便回去吃飯, 我們叫了很多聲想落單, 無人應! 他又死死地氣來落單, 我們講了一道菜, 他無端端走開, 簡直離譜!!! 後來才有位外籍女侍應來落單...我們點了: 1. 前菜: 腐皮豆芽- 好油, 味道ok2. XO醬剪蘿蔔餅- XO醬超辣, 蘿蔔餅剪得好油, 好咸, 不過頗多料3. 擔擔麵- 味道ok, 都係咸左d, 份量很細4. 大肚婆炒飯- 幾好味, 但都係好咸, 頗多油5. 炸九製陳皮骨- 食到成口粉, 個味好怪, 我仲以為係"叔"左!我同剛才那位男侍應講, 個"炸九製陳皮骨"個味好怪, 佢話拎入廚房試下, 出來後面無表情話:個個師傅都試過, 無事喎, 係有d陳皮響入面, 你係咪未食過呀?我話o甘可唔可以換呀

呢間私房菜都算係我畢生食過最難食嘅一間。D員工一D都唔PROFESSIONAL,上次去食,有個中年,類似老闆娘嘅物體SERVE我地,落錯晒d單,叫左個d又冇黎,唔要個d就送晒埋黎,雖然我唔介意你俾多我食,但見到個侍應插左隻手指落碟野到,俾多我都唔想食,睇佢應該唔係做開飲食行,見到佢整到隻腳都返工,攪到食都食得唔安樂,好似好刻薄咁,所以我地都冇再追究lo,唉~至於D食物:1) 隻話梅雞,D肉好"梅",太重話梅味冇雞味2)溫室蕃茄太凍,冇蕃茄味,又酸又林得滯3)振江骨,太重味,太多油(食完攪到我返到屋企肚呵)4)蝦兵蟹將,OK,尚可5)南乳叉燒,又梅又鞋,好似食柴咁6)炒雜菜,普通到唔普通,自己炒仲好食7)D旦旦麵,$40一碗,半個出前一丁嘅SIZE,又冇味,勁唔抵食,d麵一舊舊,叫舊舊麵會適合D8)湯丸,好難食,D皮好厚,仲有D雞油味,D含就咸蛋黃味,好有特色,但個配搭有D怪算了吧,真係食得唔開心,間野我唔會再去,如果係食家開嘅但出D咁嘅水準,確實好失望。D紅色SOFA,爛咗就要REPAIR返啦,ACTUALLY唔係因為多人,我係絕對唔會願意坐張爛SOFA!!呢餐真係好激氣!!!

一行五人叫了幾個小菜: 酥炸陳皮骨, 燜牛腩, 蒸豆腐, 泰式豬頸肉, 和炒飯. 另點了一支白酒, 一杯紅酒. 小菜一如以往"的骰", 味道不錯, 十分精緻, 但size 真的細了一點. 好似蒸豆腐, 成$60 只得一舊. 陳皮骨十分鬆化, 牛腩燜得好"林". 招牌的豬頸肉當然好味, 炒飯好香.今次是第二次到這店. 可惜味道似乎有點退步了, 不知是否因開了分店, 大廚去了其他店呢? 不過裝修和環境都不錯, 未去過的話可以一試.

睇完亞蘇個節目,特登走過試.兩個人點凍豆腐,鵝肝,番茄,炒菜,豬頸肉,燕窩配枝雪糕和心太軟.凍豆腐配肉鬆蝦米.好好味鵝肝加糯米飯的配搭好特別.枝雪糕都唔錯,下次要試石榴味.心太軟干d,如果多d朱古力流出就更好.太細

幾個月前同屋企人黎過, 但好多人等位兼無侍應得閒招呼, 於是過隔離Pizza Express. 之後再無考慮再光臨.點知男友聽同事講話呢到好好味, 聽聞係Jacky開(同周汶一齊做飲食節目果個), 終於前日黎囍宴食飯. 今次男友醒, 訂左位. 叫左三"食送"一湯兩甜品: 話梅醉雞, 招牌豬頸肉, 上湯雙翠, 粉葛xxxx湯, 香蕉布甸, 焦糖蕃薯豆腐雪糕.話梅醉雞($128/本隻) - 食開既醉雞梗有眹苦味, 加上我唔太OK眹酒味. 呢個呢可能係加左話梅, 令D酒味唔苦, 我受到!招牌豬頸肉($68) - 唔係十分特別, 不過甜甜地又有眹燒烤味, 好討好.上湯雙翠($48) - 即係冬瓜加溫室荳苗. 因為要食菜而叫的, 亦因為得呢個同普通炒菜揀, 所以叫個稍為特別D. 中規中舉, 味道OK.粉葛xxxx ($24/盅) - 無味精, 同媽咪煲既一樣好味.香蕉布甸($30) - 即系香蕉cream brulee. 我本身好鐘意食Brulee, 所以呢個甜品同男友鬥搶.焦糖蕃薯豆腐雪糕($30) - 天生對薯類特別喜愛的我, 一定偏幫呢個甜品. 除左舊蕃薯正之外, 豆腐雪糕都好好味, 同豆

數月前到過此餐廳被此餐廳外貌吸引到來.發覺食物一般,服務也如前之食家所說非常一般.今次朋友提出下再光顧.,沒什麼大變,.只發覺我最著重的服務有所轉變,一位大概是比侍應高級的男仕,幫我們落單至上菜都有一種殷勤態度.值得加分

上星期日晚跟朋友室金鐘睇完戲後行經這間餐廳,被紅紅的外表吸引我地進去,但估唔到食到背脊骨落!入到餐廳等了一會有位男部長/經理的人帶位,他想了成30秒之後好似好唔願意甘帶我上去,點知未坐好佢就拉走我一張枱 ,但一張枱 實在太細了,我問他可不可以不拉走,他說有人訂了枱 !(算!我地肚餓加上見你星期日)過了一會我地再叫那位男部長落單,我們叫了話梅酒雞,芝麻+washibi反茄,焗魚,軟殼蟹,波菜同埋一個魚湯飯,當我地有4樣餸 放在枱 後,已經放不下任何野了,有位女侍應行過來想拍返之前張枱 比我,因為她手上拿著我地叫既波菜,但那位男部長竟然當著我地面前話唔好,仲叫我地將餘下既反茄夾去碗度,拿走隻碟再放波菜!什麼服務態度?我叫他俾多隻碗我地,叫左第三次佢先記得!好忙咩佢?我地又唔見得喎!最激氣既事情就係我見到有兩位外籍人士遲過我地黎,本身都係坐緊一張既2人枱 ,但唔知點解當兩位外籍人士跟那位(鬼頭鬼腦同未訓醒)既男部長講左一陣,佢地兩個人竟然可以坐一張4人枱 !香港人好蝦d?定外國人惡d呢?對住我地就無黎表情,對住鬼佬就四萬甘口!當我地食哂所有野,仲有個焗魚未到,我就同一位外籍女侍應講,如果未做

今日有機會出金鐘, 同事建議到星街附近食lunch, 原來此處的餐廳都幾有特色, 有些外國feel, 當然價錢都貴好多啦!最後選了這裡, lunch set平均$70-$80, 我叫了鎮江排骨拉面+熱菊蜜($80), 同事叫了燒雞排拉面+金桔蜜($80), 另每人加$18叫了是日甜品, 分別是豆腐布甸, 杏仁南瓜露.拉面好細碗, 男士應該不夠, 湯底是豬骨湯, 但味道偏淡, 不是日式拉面店那種濃湯底, 排骨算腍, 肥瘦適中, 可惜又係不夠味道, 甜酸度都不夠, 反而同事的雞排比較好, 雞夠滑, 燒醬汁都夠味. 滿意的算是甜品, 兩個都好味道. 真是要叫埋甜品才夠飽呢!另外一提是服務, 真係比較差, 價錢定得咁貴, 如此的服務態度, 點留客呢?

記得囍宴係因為其包裝和地點，跟食物沒關係。位於PP III 對開的斜坡，有外國feel！是晚跟師弟到這兒吃晚餐，跟我這個不稱職的師傅farewell。點了「镇江骨」、「炒蘿蔔糕」、「上湯雙翠」、「芝麻白飯」，埋單$202。經濟的一餐。因為沒任何一款食物係好味或者好impressive。但因為店外環境的晚上街景相當漂亮，所以我仍然會記得！

2007年10月14日，喜宴甜藝。今次是第二次來，上一次食唔到招牌菜秘製鎮江骨，有D遺憾，今天再來都差D食唔到，原因是我們去的早，還沒做好，但最後還是吃了。上次叫過的香酥九製陳皮骨和子薑仁稔皮蛋這次沒叫了，香酥九製陳皮骨：我覺得沒有什麼特別和好吃，九製陳皮絲放在炸小排骨上，一，我不喜歡這個配搭，二小排骨是脆是熱，但沒什麼香味和味道，平凡得很。自家子薑仁稔配極品糖芯皮蛋：仁稔沒特別，還是喜歡媽媽做的蒸的麵豉子薑仁稔。皮蛋也不是什麼極品。今天叫了：蜜汁南乳叉燒豬骨湯拉麵：叉燒充滿南乳味道，浸在湯裏不見得是蜜汁，叉燒不是日式的，切法樣子都港式，勝在肉新鮮，只有一塊梢硬，大致上是好吃的，幾特別，但麵則一般。胡麻日本溫室番茄：與凍豆腐都是番叫的，少了驚喜，但仍然覺得好吃。秘製凍豆腐：很喜歡它的sauce和與肉鬆蝦米的搭配。XO星洲炒蘿蔔糕：唔錯，中上之作。秘製鎮江骨：很好吃呀！！！肉新鮮，又非常鬆化，醋汁調得很好，雖然已經吃了以上所有菜，包了8成，這個菜又啖啖肉，（兩個人吃太多了）叫來一碗白飯，都吃光光了！唯一要彈的是醋面很多油，有點嚇人。兩個甜品上次都食唔到，今次終於有喇桂花酒釀枝雪糕：雪糕是

恕我直言，此店當真奇差無比。不過先得說明，我落得如此的下場或許是因為吃的是lunch set吧，或許或許，你肯投放多一點金錢的話，可以得到較好的食物...不過，其實一個lunch set也要七八十元的... 叫了叉燒拉面及鴨胸飯，叉燒猶如擦膠，堪稱一生中吃過最難食的叉燒；鴨胸尚可，但份量少，汁少，配一碗白飯，吃得不爽。最離奇是加18元吃的「布甸」竟是南瓜糊，向侍應質疑，她硬說這是布甸便走了，嘩！食物差，侍應的服務更幾乎等於零，入店後沒人理會，門口位置該是「侍應盲點」，皆因即使你已站在她前，她也能「看你不到」。坐下來後，亦沒有餐牌，侍應沒有笑容也亳不誠懇，今時今日能在有點規模的餐店遇上如此差劣的服務，也實算奇景了。再一次強調，絕有可能只是lunch set出事，餐店的小菜或許是極品，天上有地下無...然而，一間真正有水準、對自己有要求的店子，即使是贈送的食物，大概也用不著弄得醜醜的吧...畢竟每一件從廚房出來的食物，也是品牌質素的真實反映。因此，即使其小菜是人間極品...也犯不著要去光顧第二次了。