湘蜀人家

Open Now

Now Closed

今晚去大有商場買唱片，順便睇吓有咩食，誤打誤撞去左呢間餐館，見佢門口餐牌食物正合胃口，價錢公道，就試吓水準如何.兩個人叫咗酸菜魚片，干鍋田雞，口水雞同窩窩頭，本來仲想叫四川涼粉，店長又話無做，有啲失望，酸菜魚片做得不錯，刀工一流，我只食到一片有骨，分量都幾多下👍🏻干鍋田雞肉嫩香辣推介，口水雞就差啲，肉質比較嚡，個汁唔夠味得個油字，窩窩頭有個醬跟嚟食，幾好味，整體食物風味似去咗深圳食飯，而家無得返大陸食嘢，嚟呢度食也不錯。餐廳環境尚可，有好多卡位，兩個人坐就相當闊落，服務方面，穿制服的服務比無穿制服的好，好奇怪🤔

響灣仔咁耐都未試過，專登約人一齊食！我用咗openrice book枱，我朋友攞位先，如果唔係唔知要唔要等好耐！我朋友食過，所以我朋友介紹咗個雞煨麵俾我，但係我比較鍾意食牛肉多啲，最終都係揀咗食牛麵！正如之前啲評語一樣，職員及唔知係咪老細，個反應同個態度真係唔係幾友善，可能係人小辛苦卦！總括嚟講係比較咸咗啲嘅！不過真係ok好食呀！希望下次再去試下其他菜式啦！

Came here a few weeks back for dinnerI’m a big fan of heavy flavors, so I love food like this. We got some lamb, some cucumbers, so tripe, and some mapo tofu. I think the cucumbers were a big hit, and the tripe was decent. However the lamb, though it tastes good, was cut up into tiny pieces, making it harder to eat. It would have been easier if it was in larger chunks. The mapo tofu was fairly standard. I would come back to try other dishes. So far, my experience here has just been okay.

喺灣仔附近返工 已經食都唔知食乜嘢好 通常諗唔到食咩嘅時候就會約晒成班同事一齊去食湘蜀人家本人建議一班人去食會開心啲 因為呢一間有好多野都會好想叫 如果多啲人去食嘅話就可以叫多啲嘢食share我覺得佢啲嘢食唔算話太辣 曾經介紹過比啲客人 佢哋係四川人 佢哋嚟到一間食都話呢度可以食到加嘅感覺 😍😍😍

午市點的嫩雞煨麵 熱豆漿，剛叫完熱豆漿，服務員就給我落單凍豆漿這種服務還要加收服務費 加埋服務費80左右。我在太子附近吃過一家滬菜，嫩雞煨麵味道更好，還有免費茶水，無服務費，只要40+。我當日忘記帶cash，店家門外貼了可使用VISA MasterCard 微信等。直到買單時才看到收銀處很小的字寫滿200才可使用信用卡。而微信只收人民幣，匯率按105換算，顯然專門坑內地人。（自己店為湘蜀人家，做內地菜色，卻……呵呵）作為一家香港店鋪，冇香港支付寶冇香港WeChat收錢，卻有內地微信收錢。我有VISA MasterCard hk Alipay WeChat，剛巧冇cash微信冇人幣，老闆就不讓我錄卡。我想說去攞錢回來比，老闆沒等我說就走開把我晾在收銀處。我等足五分鐘才回來，擺一副不甘願的姿態比我錄卡。錄完卡仲不忘羞辱我：你這樣會比人笑！比人恥笑！老闆用的就是恥笑二字！做服務行業，加收服務費，服務本身有問題就算了，待客人態度竟如此！

同事話請食團年飯，早早訂左一點鐘🕐，一行三人。好彩有訂位因為食飯時間真係座無虛席。午市精品小菜套餐：70幾至90蚊不等，都係圍繞住川菜湘菜做主體，會配一碗金鳳絲米飯🍚同配是日餐湯/凍熱豆漿一杯，如果想轉擔擔麵🍜可以加45蚊。糖醋魚塊：一點都不馬虎，配上交通椒，加菠蘿🍍粒，魚🐟塊炸至脆身，塊塊都沾上糖醋，香脆可口。老重慶口水雞：比較油膩，食落雞件好鞋口，根本係油浸雞，而且食落吾夠辣又吾夠咸，味道好一般。泡淑爆牛肉🐂：的確有好多泡淑，牛肉份量足，可惜味道上差咁點點，又係吾夠辣，不過好彩吾係鬆肉粉味既牛，已經算係咁。飯真係一大碗，不過有點乾身，要搵汁撈飯先得。總結：環境坐得舒服😌 價錢算合理夠曬飽肚 味道有待改善

今晚心思思想食辣野，經開灣仔大有見到間湘蜀人家就決定入去食，佢入面地方闊落，位位茶芥$15/位。先黎水煮脆鯇，平時冇咩點見過呢個組合，老實講唔算好夾，但算係幾多脆鯇，而下面都仲有大量芽菜同粉絲，一直覺得水煮類內都係d配菜最正，不過個水煮湯就認真一般，唔係好夠辣同唔夠香，所以係有少少失望😥😥相比之下個扣肉就算幾好，量都係偏多，抄得夠乾身，但不足都係唔夠辣唔夠入味整體就一般喇，如果有其他選擇更好，希望只係一時失手喇😥😥

同朋友一齊去食辣野！叫左三樣野 首先有涼粉係愈食愈辣既！ 有少少酸酸地 可能因為個底有好多辣汁 所以個底係好辣！另外必嗌就係水煮魚啦 好大盤超足料！面頭有勁多辣招 入面仲有薯粉 超入味 好好食另外仲叫左個回鍋肉炒韮菜花 回鍋肉好香 值得一試

沒有最辣只有更辣🌶🌶🌶🌶繁忙時間的餐廳人來人來人往大伙兒一口氣叫了九個十個菜最令人期待的就是紅卜卜的水煮魚水煮牛口水雞，入口即麻，麻痹的感覺由舌尖蔓廷至整個嘴巴。不嗜辣的我唯有大灌豆漿，企圖滅火🔥

今日歡迎新同事就訂左係呢到食個Lunch每人叫款小菜share食咁食物一如既往高汁 係忙碌既灣仔仲要係1-2呢d時間有時食lunch都幾頭痕不過抵讚既係呢間上菜都快👍🏻👍🏻👍🏻唯一美中不足既係 麻婆豆腐叫咗要小辣 但最後都好辣 可能真係唔太食得辣😂😂每人$85 收貨啦係咪先😚😚

假後公司聚餐，終於來食呢間筆者期待已久的餐廳。早早訂好台，如期入座。中式古典混現代裝修，叫個性吧可能，BTW都是次要，最重要都是食物。難得公司全部人都可以食到辣，首先就叫左個夫妻肺片唔是講笑，食左幾塊就已經接近我辣的極限，不過就好似得個辣字……嗯，有點期待過左然後是毛血旺好似同螞蟻上樹水煮系列感覺都是唔多抵食，根本就是紅燈區，不過就是找毛肚啊火腿啊，細的來又難穩，不過就有小小薯粉加小小分，不過下次就應該唔會叫水煮系列。重點就是螞蟻上樹，味道最好，香辣麻齊全，雖然用料簡單，不過就整得最好食，撈飯一流。當然還有其他野（蝦仁炒蛋，炒萵筍等），不過掛住食就懶得影咯絕對穩機會再回頭

最近嘅天氣忽冷忽熱，真係令人費解。明明今日仲係和暖嘅秋天，第二日又熱辣辣，夏天也不遠了～趁住今日涼爽天氣，約埋班嗜辣嘅朋友仔去吃香食辣先～呢間餐廳全中式裝修，有埋卡位、圓檯，適合一大班人聚餐，只要你嗜辣，肯定滿意。本人最喜歡嘅係螞蟻上樹同夫妻肺片，螞蟻上樹到我碗裡來了～記得以前有個朋友好高興咁話我知，佢終於都成功整到個螞蟻上樹，那時好奇咩叫做螞蟻上樹？佢解釋話係一道川菜，用肉碎炒粉絲，炒到啲肉碎喺啲粉絲上面黏住咗，啲咩睇落去就好似係一隻隻螞蟻爬上樹，因此得名。後來，我終於試到佢親手整嘅螞蟻上樹，嘆為觀止，原來世間美味皆需功夫。從此愛上螞蟻上樹。再來最喜愛嘅夫妻肺片，豐厚辣椒油配芝麻花生，香口惹味，主要材料有牛雜牛肉，呢道餸最難嘅係處理食材要好細心。可以加多碗白飯，吃足喝飽！如果有朋友仔唔食得辣都唔緊要㗎，佢哋仲有蝦仁炒飯、胡椒豬肚等，都好好味㗎。

有次無意中 去左大友商場 搵地方食午餐 突然心思思想食辣 就入左去 午餐很好多個選擇 價錢七十幾至百幾都有 小菜 加白飯 配豆漿或湯 選擇多 味道方面超正 好好味 基本食左一次後 再光顧了幾次 食過好多款小菜 推介 糖醋魚塊 麻辣牛腩其他都超好味 總之 覺得 午餐套餐 份量足 又好味 食起來好滿足

今日公司聚餐，選左大部分人都中意既川菜食。唔食得辣既伙記都唔洗驚，因為佢仲有好多餸都唔辣，比如:蝦仁炒蛋，樟茶鴨，雲吞雞等等但黎到點會唔食辣啊。大愛水煮類。（大大份）基本上水煮牛肉，水煮魚，水煮毛血旺都試勻晒，最愛都係毛血旺。水煮內配菜仲會有爽口既芽菜同索晒味既薯粉。必定夫妻肺片（不食牛肉者勿點），真係辣到飛起，但又好過癮。 螞蟻上樹🌳。主要材料:粉絲加肉碎加酸菜干。炒到好有鍋氣又好入味。 辣子雞都唔錯，但如果花生可以少d雞粒可以多d就更完美啦。 麻婆豆腐超下飯。間鋪仲有落場時間噶，要食就就反個時間啦。

#湘蜀人家 (灣仔)灣仔莊士敦道181號大有廣場2樓218號舖-----B仔發現好多男仔都唔特別中意食辣 女仔就好中意食辣～所以成日約親姊妹們都係去食辣野～😆先講下間餐廳個名 湘代表湖南 蜀代表四川 兩個地方都係以食辣聞名 呢間餐廳又湘又蜀😆你就知個辣一定唔惹少啦～呢度同出面同類餐廳唔同ge地方係 佢地ge口味係無特意為香港人調製過ge 我地已經全部叫少辣 但都辣到我地噴曬🔥😂呢度ge Bb辣都絕對唔Bb 唔食得辣ge朋友仔黎到應該會齋坐🤣總括黎講 雖然係好鬼辣（我地平時已經算ok食得辣..但係都覺得好辣）不過又真係辣得好爽好惹味 係我係香港食過最正宗ge其中一間湘蜀菜之一！-----B仔整體評價：7.5/10個👍🏻B仔抵食程度：7/10個👍🏻B仔環境評分；7.5/10👍🏻B仔味道評分：7.5/10個👍🏻B仔回頭機會：7.5/10個👍🏻-----